اقرب من الخوف تامن

سلالالالام وشلونكم وشلون صبوحكم

كنت والعياذ بالله من كلمت كنت ومارليبورو – اسبح فى الحمام الله يكرمكم وجتنى فكره ممتازه عشان ابعد الخوف اللى يجينى اذا قابلت مسؤؤل كبير!!

مثلا جندى اول او عريف فى دوريه اذا قابلتهم ارتبك مررررره وشوى واصدم لانهم يناظرونى بنظرات قويه يعنى يخزون بعيونهم خز

او مثلا مطوع فى جمس هيئه وانا امشى وقت الصلاة فى الشارع ارتبك اذا شفتهم او اذا شافونى ادور فى الاسواق تنخبص امورى وتجينى ام الركب – اما بالنسبه لام الركب فهى نفافيض تجى للواحد وتجلس ترقله من شعر راسه الى طرف اخمص قدمه - ويرتكز الرعاش فى منطقه حساسه بالنسبه للذكور اما الاناث فلم تتم تجربة ام الركب عليهم الى الان وحتى تاريخه لم استطع ان اسأل انثى عن مكان ارتكاز رعشة ام الركب!!!

ويحدث مع ام الركب بعض المرات سيلان بين القدمين ويكون السيلان دافئ نوعا ما وهو احد نواقض الوضوء

نرجع لموضوعنا ..
ومن المسؤلين الكبار اللى اخاف منهم بعد وهو شديد صراحه .. مدير المدرسه اللى ادرس فيها ايام المتوسط وصار بينى وبينه مره قصه وفصلونى من المدرسه بسبب هالقصه>>>> وابختصر القصه لكم علشان الملاقيف اللى يبونها !!

كان فى المدرسه فتحه حقت مكيف وكانو فى المدرسه بانين نصها ببلك والنص الاخر العلوى من الفتحه مفتوح عشان يهوى للغرفه وهالغرفه تطل على الشارع .. فانا وزميلى طبينا من الفتحه عشان نفرك من المدرسه وطب هو وخشمه قبلى وانا طلعت مع الفتحه برجلينى الثنتين وكان وجهى داخل الغرفه ورجلينى فى الشارع

وزميلى مسك فى رجلينى الثنتين ويسحب فينى من برا يبينى اطب وانا خفت مره وقلت لزميلى فك رجلينى جعلك للموت فكنى يا محمد قبل يجينا ولد الكلب ابو سعبوله ( ابو سعبوله عيارة المدير ) وهو يسحب باقوى ما عنده ويوم طبيت من الفتحه ولا اللى يسحب رجلينى هو المدير بحد ذاتو على ما قالو السودانيين ..

قال المدير ( لا وفقه الله ) انا ولد الكلب وانا ابو سعبوله يالله قدامى يا ......... مشفر ........ انتم ما ينفع معكم الا ......... مشفر ............ والله العضيم ما اكون رجال اذا ما ................مشفر ............

الزبده انفصلنا من المدرسه بسبب ابو سعبوله

نرجع لموضوعنا ..

وفيه بعد من المسؤلين الكبار فراش المدرسه كان حمش الله يهاديه وكانت الابتسامه اذا شافت وجه فراش المدرسه تنحاش تخاف من وجهه لانه حمقى مره من المرات كان الفراش جالس على كرسى عند باب المدرسه

وكانت ذبابه تطير على خشمه!! بشوف عيونى ما اقول فلان قال لان فيه مثل يقول ان كذبتا فسند وانا اسند على نفسى – عصب الفراش من الذباب اللى يطير حول خشمه وطرقه بالزبيريه ولا الذباب لاصق فى خده الايسر وقال بصوت عالى عشان تصير عبره لغيرك يابن الكلب طبعا يكلم الذباب !!بس عقبها ولمدة سنه معد شفت ولا ذباب يدور حوله. .

على فكره هالفراش يدوخ ان شافنى يحب المزايين ويخلينى اطلع مع الباب بدون ما يهاوشنى ويطبطب على ظهرى ويقول سلملى على ابوك-- بس عقب شهر حسيت ان ظهرى انتفخ من كثر ما يلمسه الفراش

نرجع لموضوعنا

ومن المسؤلين الكبار بعد مدرس الرياضيات كان كاتب على العصا ( العصا لمن عصى وخاصة الصف الثالث ) لا بارك الله فيه نجس طق يدينى الين صرت احل الواجب برجلى!!

وكان مدرس الرياضيات رايح للرياض وانقلب فى الطريق وكنت انا واخوى رايحين بجمس صالون للرياض وكان اخوى يسوق وانا راكب جمبه يسمونى مسولفجى اسولف عليه واسبحن عشان نقطع الطريق لان المسجل خربان !!
الزبده فى الطريق لقينا الاستاذ موسى منقلب وقلت لاخوى خله يموت ابن الكلب دايم يجلد فينا !!!!

قال اخوى لا حرام علينا هذا ادمى لازم نوديه لمستشفى وبسرعه

المهم ركبناه معنا ورى وركبت معه وهو يزبد وده يموت ولا مات وانا قاعد اعد فى اصابع رجليه واعد فى الرجل اليمنى لقيت اصابع رجله اليمنى سته !! واعرك فى عيونى وقلت اعتقد انه ما درسنا زين لانى صقطت فى العدد وشلون رجله غير رجولنا ست اصابع المهم واعدها مره ثانيه باللمس ولا العدد سته!!

تعوذت من الشيطان وقلت الزود ولا النقص يامعود ...والله لو نقص اصبع ان نقعد نحوس فى هالزفلت ندور الناقص عشان يسوون عمليه ويركبونه ..

وابشركم ابو سبع ارواح حيا ولا مات وعقبها رجع للمدرسه حبيب ومعد يطق عرف ان الله حق ..

نرجع لموضوعنا

اقــــــرب مـــــــــن الخــــــــو ف تـــــأ مــــــن

.................................................. ...............................

فكرت انى اقرب من الخوف رحت للشرطه وبلغتهم انى متعاون وودى ابلغ عن الحوادث واللى يفحطون بس بشرط : انكم تعطونى بطاقه مكتوب عليها متعاون مع الشرطه (طرار ويتشرط )

طبعا عيو وقالو ما عندنا شى اسمه بطاقه ودك تعاون معنا فك تضليلة السياره الاماميه وخلك رجال واربط حزام الامان واعقلها وتوكل !!!

.................................................. ..................................

رحت للهيئه هيئة الامر بالمعروف والنهى عن المنكر وقلت لهم ودى اتعاون معكم وابلغكم عن الدشير اللى يغازلون البنات والدشير اللى ما يصلون والمحلات اللى ما تسكر وقت الصلاة بس بشرط :

انكم تخلونى ادور فى الفيصليه والمملكه عزابى واتمشى على كيف كيوفى ( طرار ويتشرط )

وعيو قالو ودك تصير متعاون قص قذيلك .. والبس شماغ وخلك رجال وصل مع الجماعه واترك عنك التسكع فى الشوارع والاسواق وانتبه لكمبيوترك ولا توذى مدينة الملك عبدالعزيز لانهم حاطين لك موظف لحالك بس يراقبك ليل ونهار .. وغير نغمة الجوال هاللى ترنع فى المساجد والناس يصلون موسيقى اغانى تعور القلب وتخلى المصلين يدعون عليك ليه تحطها وهم يصلون !!!! وبهالطريقه تصير متعاون

.................................................. .................................


رحت لمدير المدرسه عقب ما رجعونى بواسطه وقلت له ودى اصير متعاون معك واصير دبوس للمدير واعلمك بالداخل والظاهر من المدرسه !!!!

قال معصى ودك تصير متعاون اترك عنك هالشلل اللى تماشيهم فى المدرسه وانتبه لدروسك وخل عنك التتن انتسانك اتتن وانتبه للمدرسين اذا شرحو على السبوره وخل عنك التطنز والاستهتار بهم وبمدير المدرسه وخلك رجااااال بار بوالديه مهوب كل يومين مستدعين ابوك وكتابة تعهد واقرار بعدم العوده

وكل ما رحت لاحد ابقرب من الخوف عشان امن لى وللوالده الله يحفظها عشان ما اسحبها وراى ما عطونى وجه وطردونى

لذا قررت الاتى :

نعم انا البس الداعس اقر واعترف وانا بكامل قواى العقليه اننى لن اكون مشاغبا ولن اكون عاصيا ولن اكون متسكعا فى الشوارع واخاف على وطنى واحميه من ظلم المعتدين وان احافظ على الحدائق والممتلكات ولا اقطع الاشجار .. بس بشرط ...

ابى وظيفه حتى لو فراش مايهم المهم اصرف على نفسى وادبر امورى والعمل مهوب عيب العيب الجلسه مع الوالده فى البيت وامد يدى لها واقول هاتى ميتين ابعبى بنزين وابشرب ببسى مع مارس

انتهى وبالله التوفيق

منتديات مدرسة المشاغبين - ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه