 |
| |||||||
 | |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
07-13-2010
| ||||
| ||||
 حكايتي مع الحب اول تجربة لي في الحب الله كنت وانا صغير لما كنت في صف سادس ابتدائي تقريبا كان عمري وقتها 12 سنة بس قصة والله ماتنسي ابدا ابدا الله يعيد ذيك الاياام على خير كنا دايم نطلع لخوالي كانو مش في نفس ديرتنا المهم ماعرف كيف من هنا ومن هنا شفت وحده عندهم بس كانت اكبر مني بحاجة بسيطة تقريبا حبيتها وحبتني بس كانت بدايات الحب رهيبة جدا ماعرف الي اتذكره اني حبيتها وحبتني فكونها اول تجربة لي واول احساس في الحب ماكنت اعرف الحب فكان احساس لايوصف وكان حب صادق بكل معنى الكلمة فكنا نطلع مع بعض جميع العائلة طبعا لما نروح لاماكن التنزه كانت نظراتنا لبعض وتاحت لنا الفرصة ان خلونا مع بعض لكن والله ماسوينا شي يغضب الله حب حب اصلا كنا ناوين على زواج وحنا صغار شوفو كيف التفكير الطفولي وصل الى الزواج المهم دارت الايام الحلوه وكنت انبسط لمانكون في زياره لهم ومن المواقف الي اذكرها بعد كنا بنهاية الاجازه يعني خلاص بنمشي لديرتنا بكره نبي نمشي قلت مانبي نفترق وش نسوي قعدنا نفكر ونفكر جات على بالي فكره انتحاريه والمشكلة مافكرت بالعواقب كان اهم شي اني اجلس عندهم بنفس الديره قلت لها شوفي بروح للشارع واخلي سياره تصدمني واترقد عندكم بالمستشفى واضل عندكم يالله مافكرت اني راح اموت طبعا هي رفضت حيييييل وقالت لي شوف اسرق مفتاح سيارة ابوك وقطه على شان ماتقدرون تسافرون اتفقنا ورحت وسرقت المفتاح ورحنا انا وياها للسطح وحطينا المفتاح بالفتحه حقة الطابوق ونزل طبعا مع الطابوق يعني املك انهم يلقونه وقام ابوي ويدور ويدور ومن سؤ حظنا كان في سبير مع ابوي بدرج السياره وبعد مافقد الامل ابوي راح وكسر قزاز السياره وكسر الدرج بعد وطلع المفتاح وفشلت خطتنا و بعد فتره تقريبا سنتين او ثلاث سنين طلعت لنا سالفة ماعرف من وين طلعت كانت محيره لولد عمها وفي احد الزيارات جتني تشكي لي تقولي الي صاير عندها وقعدنا نتحسر والله اذكر اول مره احس بمسؤلية وانا صغير كيف ياربي ماقدر على الشي هذا وضلينا كلنا في شبح الهم ودارت الايام وانا اتذكر ساعات ذاك الهم صراحة ماتنسي الى هذه اللحظة بعدها بفتره نفس الي كانت محيره له طلع مع شباب للدمام وسبح بالبحر وتوفى الله يرحمه ان شالله مااخفيكم والله من كثر ماكان مكدر خاطري احس اني فرحة لموته الله يرحمه بس كنت صغير مادري وتقابلنا عاد ويكون بعلمكم كنا انا بديرة وهي بديرة مانشوف بعض الا بالاجازات ولما تقابلنا في احد الاجازات عاد جانا خبر وفاته الله يرحمه فتقابلنا والله العظيم انها تبكي وتضحك تبكي على موته وتضحك على انه هم وانزاح صراحة موقف مانساه وبعدها عشنا ايام صدق قلبي يتقطع على ذكراها من حلاها وبعد فتره شائت الاقدار للمحبين ان تضحك لهم الدنيا الحب ضل مستمر انا كنت في صف ثاني ثانوي وهي كانت مخلصة الثانوية من حسن حظنا جت وسجلت في الكلية الي بنفس ديرتنا فقعدت عند قرايبهم الي بنفس الديرة وكانو بنفس الوقت يقربون لنا بعد فكانت الزيارات واللقائات اكثر من اول فصرنا في ديرة وحده ماذكر كان احد اسعد مني في ذيك الايام احلى ايام عمري الي عشتها وحتى وقتها ماكان في جوالات كنا نتراسل عن طريق الورق وللمعلوميه اهلي واهلها يدرون اننا نحب بعض واننا نبي بعض وكانو دايم يمنوني ومايقولون االا زوجتك وزوجتك وانا كنت اطيييييييييييير من الفرحه وبعد سنتين تقريبا من دخولها الكلية جات عاد الفاجعة بعد كل هالحب الي دار المهم الله يسامح ابوها بس استغل هالوضع البنت اخوها مش ذاك الزود راعي بلاوي شراب ومخدرات وزي كذا ابوها جا يبي يستغل انو حنا راح نخطبها منهم واني ابيها موووووووت وجا قبلها وخطب مننا اختي لولده ذا حنا طبعا ماوافقنا لانه مره ماينزوج ابد ابد ابد هم جاو كانهم يبونها وحده بوحده وبعد مارفضنا جو بيحقروني ويفشون غلهم فيني الا والله ذبحوني مو بس فشو غلهم فيني العنو ابو جدف قلبي الله يسامحهم قالو خلاص دام حنا ماعطيناهم ماراح يعطونا البنت واول واحد جا خطب منهم على طووول وافقوا وتزوجت البنت وانا اللي اكلت من ضيم الليالي بعدها والله اني ماكنت مصدق ومادري احس اني عايش من دون روح بكيت ياما قلت بس مت من حرقت قلبي وجوفي احيانا احس صدري مولع كان فيه طابوق ابي يروح الهم ابي ارتاح شوي ماقدرت مافي يدي شي ومرت علي ست شهور ماني حاس بنفسي فيها المهم تزوجت البنت وبعد سنة من الزواج جاني اتصال وانا جالس بكل امانه عذاب الفرقا خف علي اول ست شهور كان نار بس الايام كفيلة انها ومهما كان العذاب والحب كفيلة انها تخفف مصابك المهم جاني اتصال وانا على غلفة الو السلام عليكم قلت عليكم السلام من ؟؟؟ اسمي طبعا مابي اذكره قلت ايه نعم فكان صوتها مره مبحوح ماعرفتها لما قالت لي الله يذكر ذيك الساعه على خير بكيت وانا اكلمها وبكينا مع بعض على الي جرى ودارت بينا احاديث ماتنسى وش صار علينا بعد ماتفارقنا المهم الي دار كلام كثير ماقدر اسرده لكن كان المطلوب من المكالمة اخبرتني انه جاها ولد وطبعا انا عرفت من اهلي قبل ماتخبرني فقالت لي انا ناذره انه مايسميه الا انت وسميته خالد وقلت لها المناسبة لان حبها خالد في قلبي كبر خالد والحين دخل المدرسة على ماظن المهم بس لو تدرون وش الي صار مع خالد على كلام اهلي طبعا والحريم الي كانو يزورونها كانت تدلل خالد دلال مو طبيعي كانت تعاامله معاملة ماقد عاملت ام ولدها مثل المعالمة هذه وراحت الايام والسنين بكل صراحه خلاص انا نسيت على كل الحب الي كان بينا طبعا هم حبها والله اني نسيته وهم يقولون ان الحب ماعرف وش فيه نسيت انا بس بعد سنين وتصدف قبل ست شهور تقريبا كنا طالعين انا واخوها مسافرين وجاه اتصال ان هي وزوجها جايين بنفس الخط الي حنا مسافرين معاه طبعا هم كانو راجعين وحنا رايحين المهم تواعدنا بمكان نتلاقا فيه على الخط وبعد اكثر من سبع سنوات انقطاع شائت الاقدار ان تجي عيني في عينها يالله ياللحظه هذي صاعقة علي وشعورها والله ماكنت اعرفه ولا ااقوله ومشالله انا سمعت الحين عندها ولدين وبنت واتمنى لها السعادة من كل قلبي ان شالله التعديل الأخير تم بواسطة يكفيني غـلاك ; 07-13-2010 الساعة 10:00 PM |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| الى الفتيات المراهقات فقط التى تبحث عن الحب الحقيقى | جوهر القلوب | حواء النسائي الربايع و الستات للبنات نسائي حريمي بنوتات امومه طفوله فقط | 96 | 04-19-2012 03:31 AM |
| احلي كلام في الحب | tradee2002 | خواطر شعرية الخاطرة الادبية ابداعات بالخواطر idea | 2 | 02-22-2011 12:29 AM |
| ~ قامـوس ♥ العشـــق ♥ .•:•.] !! | ماعرفت اختار | منتديات الفسحة العامة | 1 | 06-06-2010 02:23 AM |
| قاموس الحب | мαѕнαєя | ممنوع مخالف مكرر | 1 | 05-21-2010 03:18 PM |
| قاموس الحب | جوهر القلوب | معجم لهجات الفاظ مصطلحات عبارات حكم امثال | 18 | 03-31-2010 03:19 PM |
-الدورات
التدريبية بجامعة نجران-
العرض العادي
