 |
| |||||||
 | |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
07-14-2010
| |||
| |||
 قصة (( الحب المستحيل )) قصة خياليه كويتيه السلام عليكم ورحمة الله وبركاته اخواني الاعزاء انا هذي اول مشارك لي في منتداكم الشهير واتمنى ان القصة تنال على رضاكم واعجابكم وللعلم ان القصة هذي هي من كتابتي انا (( هيبة كويتي )) ولم اخذ ولم انسخ وم اسرق اي فكرة من اي قصة اخرى انا راح امشي معاكم بالاجزاء جزء جزء وراح اكمل الجزء القادم بعد ما اشوف ردودكم الطيبه مع القصه بسم الله الرحمن الرحيم قصة الحب المستحيل مع شخصيات القصة بيت ابو عبدالله : ابو عبدالله : رجل اعمال ناجح وثري وعنده شركي من اكبر شركات البلد ام عبدالله : ربة منزل تقوم بواجبتاها وتدعم عيالها بكل شيء وتقوم بواجباتها كأم باكمل وجه عبدالله : عمره 20 سنة وهو يدرس في كلية الطيران وقريب ويتخرج ويصير طيار مشاعل : عمرها 18 سنة توها مخلصه ثانويه عامه وتدرس بالجامعه بيت ابو علي اخو ابو عبدالله : ابو علي : يشتغل في البترول وهو كبير المهندين ومو مقصر مع عياله بشيء ام علي : ام مثاليه ربت عياله خير تربية وهي تدعم زوجها وعيالها وتحفزهم علي : عمره 20 سنة وهو هاوي سباقات سيارات بدرجة جنونية يحب السرعة حيييييييل وهو يدرس تخصص ميكانيكه وسرعة وهذا التخصص يامن له هوايته لميا : عمرها 19 سنة وهي خلصت ثانويه عامه وتدرس بالجامعه بيت ابو جاسم : ابو جاسم : رب اسرة ورجل اعمال دائم السفر وسياسي درجة اولى ام جاسم : ام سياسيه تحب تتابع السياسة وتدعم زوجها وعيالها وتخليهم يتخطون كل الصعاب والمستحيلات جاسم : عمره 20 سنة يدرس طب ويعني يبيله كم سنة عشان يتخرج ريما : عمرها 21 سنة وهي قربت تتخرج وتصير مدرسة لغة انجليزيه وهي كانت ماهرة بالغة الانجليزية وهي بالمدرسة الجزء الاول الفصل الاول في بيت ابو علي : ام علي جاعده بروحها بالبيت كل عيالها وزوجها راحوا لشغلهم وراحت عند التلفون ودقت على ام عبدالله ام علي : السلام عليكم شلونج يا ام عبدالله ؟ ام عبدالله : وعليكم السلام بخير الله يسلمج انتي شلونج ام علي : الحمدالله بخير والله اني زهقة بروحي قاعده والعيال كل واحد بشغله ام عبدالله : والله الي عندج عندي العيال كلهم طلعوا وانا قاعده بروحي ام علي : يالله ما علينا شرايج تجين عندي الحين نونس نفسنا مع بعض شوي ام عبدالله : والله ما عندي مانع بس ما راح اطول عشان العيال بيرجعون البيت مبجر اليوم ام علي : خلاص عادي ما في مشاكل حياج الله ام عبدالله : الله يحيج الحين اجي ام علي : يالله اجل باي ام عبدالله : باي وطلعت ام علي تجهز الشاي والقهوة والحلو حق ام عبدالله بعد نص ساعة في بيت ام علي وصلت ام عبدالله ام علي : حيا الله من جانا توا ما نور البيت ام عبدالله : منور بهلا الله يحيج ام علي : حياج تفضلي بالصالة وقعدوا يسولفون مع بعض وبعدين رجعت البيت عشان تجهز الغدا حق عيالها في بيت ابو جاسم : ام جاسم جهزت الغدا وتنتظر عيالها بالسفرة وصل جاسم وجاب اخته ريما معاه جاسم + ريما : السلام عليكم ام جاسم : وعليكم السلام , حياكم على الغدا يالله جاسم : ايه والله يمه جوعان حيييل ريما : جا بوقته اليوم تعبت حييييل طفشت من الدكتورة تعيد وتزيد على فكرة وحده . جاسم : يمه وين ابوي ؟؟ ام جاسم : يعني ما تعرفه يتاخر وما له وقت محدد يجي فيه وفي بيت ابو عبدالله : العايله كلها مجتمعه على الغدى ابو عبدالله : انا بقول لكم شيء عبدالله : شنو هو يبه ابو عبدالله : انا بسافر يومين وبرجع لاني بوقع على عقد مهم في الشركه . مشاعل : ووين تبي تسافر يبه ؟؟ ابو عبدالله : بروح دبي يومين وبرجع ام عبدالله : ومتى راح تروح ؟؟ ابو عبدالله : ان شاء الله بكره الساعة 7 الصبح طيارتي الجميع : تروح وترجع بالسلامه الجزء الاول الفصل الثاني عبدالله ودع ابوه بالمطار ودق على ولد عمه علي عبدالله : السلام عليكم علي : وعليكم السلام عبدالله : شلونك علي علي : بخير وانت شلونك عبدالله : الحمدالله بخير يالله تجهز انا جايك الحين علي : ليه ون نبي نروووح ؟ عبدالله : لا بس نتمشى شوي وبسولف معاك علي : زين خلاص انتظرك عبدالله : اوكي باي في بيت ابو جاسم كانت ام جاسم تطالع التلفزيون وابو جاسم يقره جريده دخلت عليهم ريما ريما : السسلام عليكم الجميع : وعليكم السلام ريما : يمه يبه عندي بشارة حلوه لكم ام جاسم : شنو هي يا بنيتي ريما : تخرجت وصرت مدرسة لغة انجليزية رسمي ام جاسم : بالمبارك يا بنيتي بالمبارك ريما : الله يبارك فيج ان شاء الله ابو جاسم : مبرووك الف مبرووك ريما : الله يبارك فيك يبه ام جاسم : ها ومتى تداومين ان شاء الله ريما : بعد سبوع او اثنين ابو جاسم : ما شاء الله بديت بسرعة ريما : ايه انا ما صدقت اخلص وابدأ دوام ابو جاسم : اجل بالمناسبة الحلوة بكره انا بسوي غداء واعزموا الي تعزمونه ريما حبت راس ابوها وامها : تسلم لي يا احلى ابو بالدنيا وراحت تركض غرفتها تبلغ البنات في سيارة عبدالله عبدالله : شرايك نروح كافيه انا عازمك علي : عادي اذا من حسابك ما عندي مانع عبدالله : والله انك جعص تخاف على الفلوس خوف علي : والله انا مو ابوي مدر شركه مثلك عبدالله : قول ما شاء الله لا تعطينا عين بعد علي : ماني قايل عبدالله : اجل ما في روحه لكافيه علي : لالا خلاص ما شاء الله تبارك الله اللهم زين وبارك ها نرجع الحين عبدالله : ايه جذيه زين وراحوا ستار بوكس وجعدوا يسولفون وبعدين رجعووا بيتهم وهم بالسيارة اتصل جاسم على عبدالله جاسم : شلونك عبدالله عبدالله : الحمدالله بخير انت شلونك وينك يالقاطع جاسم : الحمدالله بخير والله موجود بس مشغول بدراسة الطب شوي زين انت وينك الحين عبدالله : الله يعينك ان شاء الله انا توني طالع مع علي والحين رادين البيت جاسم : زين انا ابشركم اختي ريما تخرجت وصارت مدرسة لغة انجليزية عبدالله : مبرووووك مبرووووك امش بعد اخته مدرسة الحين منو قده جاسم : الله يبارك فيك ولا تنسى ترا عازمكم بكرة على غدانا مسوين غداء على هالمناسبة عبدالله : ان شاء الله جايين جاسم : ولا تنسى تقول حق علي وتقول حق عمي واهلك كلهم عبدالله : ابشر زين تامر على شيء جاسم : سلامتك يالله باي عبدالله : باي علي : ها شفيه جاسم ؟ عبدالله : لا اخته تخرجت وصارت مدرسة وعمي عازمنا بكره على الغداء في بيته ويقول قول حق ابوك واهلك علي : اها زين اجل ان شاء الله راح اكلمهم في غرفة ريما ريما تتصل على البنات عشان تقول لهم الخبر ريما : اهلين شلونج مشاعل مشاعل : اهلا اهلا من طول الغيبات جاب الغنايم ريما : أي غنايم انا عندي خبر مو غنايم مشاعل : وشنو هو ان شاء الله لا يكون تزوجتي ريما : شنو زواج لا يا معوده توني على الزواج مشاعل : اجل شنو ريما : بار كيلي تخرجت وصرت مدرسة مشاعل : مبرووووك مبرووووك الف الف مبرووووك ريما : الله يبارك فيج وبكره ترا ابوي عازمكم كلكم على هالمناسبة . مشاعل : ان شاء الله بس ابوي ما راح يقدر يجي معانا بكره ريما : ليش شنو صاير ؟ مشاعل : لا مو صاير شيء بس هو مسافر شغل ويرجع بعد يومين ريما : اها خلاص ما في مشاكل بس لا تنسون بكره زين مشاعل : اوكي حضرة المدرسة ريما : اوكي باي وريما بلغت لميا بعد في بيت ابو عبدالله : ام عبدالله في غرفتها دخلت عليها مشاعل مشاعل : ممكن ادخل ام عبدالله : حياج ادخلي مشاعل : يمه بقول لج سالفه ام عبدالله : شنو هي عسا ما شر مشاعل : لا ما في شيء بس ريما تخرجت وصارت مدرسة وهم عازمينا بكره على الغدا ام عبدالله : اها الله يبارك لها ان شاء الله بس مين بودينا بكره ؟ مشاعل : اكييد عبدالله ام عبدالله : يصير خير ان شاء الله الجزء الاول الفصل الثالث في يوم الغداء الكل كان متلخبط وبتجهز في بيت ابو جاسم وريما جابت الصالونه في غرفتها تعدل لها شعرها وام جاسم تنظف البيت وتبخره وابو جاسم رايح يشتري اغراض للغداء من الجمعية الساعة 11 ونص جأ عبدالله ومشاعل وام عبدالله دخلوا كل واحد دخل قسمه وبعدين جأ عايلة ابو علي كلهم عند الرجال : ابو جاسم : حيا الله من جانا الجميع : الله يحيك ابو جاسم : تفضلوا تفضلوا اجلسوا ابو علي : دام فضلك ابو جاسم : وشلونك وشلون الاهل ابو علي : والله بخير والحمدالله انت شلونك ابو جاسم : والله الحمددالله بخير ونعمه ابو علي : مبرووك تخرج بنتك ومنها للاعلى ان شاء الله والله يوفقه والله انها تستاهل ابو جاسم : الله يبارك فيك والله عبدالله يسولف مع جاسم وعلي علي : بقول لكم شيء عبدالله + جاسم : شنو ؟ علي : في مسسابقة اسمها : مسابقة الخليج لسباق السيارات , وانا سجلت فيها وراح اشارك معاهم عبدالله : مبروك والله وتبي تحقق حلمك وتصير مسابق سيارات جاسم : عاد مو اذا فزت تروح وتخلينا وتتكبر بعد علي : افا بس افا انا ما اقدر على فراقكم اصلا عند الحريم الحريم الكبار قاعدين بالصالة وسوالف والبنات راحوا عند غرفة ريما فوق ريما : شلونكم بنات شخباركم وينكم عني من زمان وهذا واحنا بنات عم وتقطعون عني مشاعل : والله انا معذورة ما في احد يجيبني عندكم لميا : ها وين عبدالله ليش ما يوديج مشاعل : عبدالله وين القاه موجوداصلا بالبيت من الكلية الى البيت ومن البيت يطلع وما يرجع الى بليل او الفجر يعني وين يوديني , زين وانتي بعد ليش ماجيتي لميا : والله انا بعد نفس حالتج محد يجيبني والجامعه ماخذه وقتي ريما : الى قولي لي متى تتخرجون انتوا مشاعل : عن نفسي انا توني باقي لي وايد ( واجد) لميا : انا عاد باقي لي فترة او اثنين واخلص ريما : اجل يا حظي انا تخرجت والحين بالوظيفة مشاعل : ما في استقرار فيه الحين معاريس ينطرونج طوابير وانتي اختاري ريما : والي يسلم عمرج وينهم هذولا بس ما فيه بس كلام لميا : خلاص الحين راح تشوفين انواع و اشكال من الرجال وانتي اختاري بس ههههه ريما تبي تغير الموضوع مستحيه : زين ما سالتوني متى راح اداوم مشاعل : ايه صج متى ؟ ريما : بعد اسبوع ان شاء الله لميا : بالتوفيق ان شاء الله مشاعل : ولا اقول نسينا نعطيج هدايا التخرج ريما : ياالله بالدور وحده وحده لميا جابت لها ساعة جلد بناتية حلو حيل على يد ريما مشاعل عطت ريما صندوق مغلف باحمر وطالع منه كراكيش وفي باقة متوب عليها : الف مبروك التخرج ريما : شنو هذي مشاعل مشاعل : افتحيها وشوفيها لميا : يالله شوقتينا افتحيها اول ما فتحت ريما الصندوق وشافت والا مساحة واربع اقلام صبورة مشاعل + لميا : هههههههههههههههههههههههههاي ريما : لا والله الحين جايبه لي اغراض مدرسة لميا : ههههههههههههههههاي مشاعل : بدال لا تعبين نفسج وتشترين جبت لج هههههههههههههاي ريما : تشوفين يا شعوله مردوده لج وبعدين طق باب الغرفة وطلعت الخدامه تقول انزلوا الحريم يبونكم والبنات نزلوا ام جاسم : تعالي يمه ريما ريما : ان شاء الله يمه اام عبدالله عطت ريما صندوق حجمه وسط واول ما فتحته لقت مجسم طفل صغير بالروضه ورافع ايدينا الثنتين الاولى فيها رسالة مكتوب فيها congratolashn واليد الثانية فيها سلسلة ذهب شكله جنان ريما اول ما شافته انجنت شكله حلو حيل ريما : مشكوووووره عمتي ام عبدالله والله ما تقصرين ام عبدالله : هذا واجبنا والله وام علي جابت لها دبدوب كبير ماسك طوق ورد جوري احمر كبير ومكتوب على الدبدوب : مس ريما ريما عجبتها الفكرة بعد حيييل ريما : والله مشكوورة عمتي ام علي ما تقصرين ام علي : العفو هذا واجبنا والله ما سوينا شيء وراحت عند الرجال وسلمت على عمها ابو علي وعطاها هدية كانت غالية وهي تلفون جديد توه نازل مديل جديد ومعبيه مقاطع مضحكه وافلام ومسلسلات وكل شيء وجايب له كَفر وكانت من اغلى الهدايا الى جتها وتشكرته وردت عشان العيال يبون يدخلون داخل الديوانية لان الجو حار جدا الظهر ومعروف درجة الحراره قوية بالكويت وتغدوا ومشوالكل لبيته  |
|
#2
07-14-2010
| |||
| |||
 رد: قصة (( الحب المستحيل )) قصة خياليه كويتيه الجزء الثاني الفصل الاول علي مع ابوه قاعدين بالدوانية علي : يالله يبه انا الساعة 4 ونص لازم اروح ابو علي : وين راح تروح ؟ علي : راح اروح اتدرب في الحلبة مالت السباق ابو علي : ايه ما قلت لي متى تبدأ اول سباق لك ووين ؟ علي : راح تبدأ يوم الخميس الجاي وراح يكون في البحرين ابو علي : وانت راح تقعد بالبحرين كم يوم ؟ علي : لا بس انا راح اروح البحرين يوم الاربعاء واقعد ليوم السبت وبعدين ارجع الكويت ابو علي : زين ومتى تخلص المسابقة ووين علي : راح تكون بعد اسبوعين وفي الرياض ابو علي : الله يوفقك ان شاء الله طبعا الحين رجعت ابو عبدالله من السفر وعبدالله كان باستقباله ورجعه البيت وام عبدالله مسوي لهم عشاء خاص وبعدين الكل راح نام الا عبدالله ومشاعل سهروا ولما طلع الصبح ناموا طبعا اليوم يوم الاربعاء وعلي يبي يسافر البحرين عشان السباق كلم عبدالله انه يجي معاه وافق بس عبدالله راح يجي يوم الخميس وكلم جاسم ووافق وراح معاه من يوم الاربعاء يوم السباق الحين هو لازم يجيب واحد من 60 الاوائل عشان يتأهل الى السباق الثاني المدرجات بدت تمتلي وعبدالله وجاسم عند علي يشجعونه علي كان خايف ومرتبك عبدالله : الله الله يا علي الحين انت راح تتنافس وتصير مشهور جاسم : ايه شكله يبي ينشهر ويتكبر ويتركنا وينسانا شنو يبي فينا اصلا علي : اقول انت وياه بلا كلام فاضي الحين راح تبدأ المبارات وانا خايف ومرتبك راح انسحب عبدالله : انت مجنون تبي تنسحب جاسم : عقب ما سافرت وشاركت وتدربت تنسحب لا ما تنسحب وبعدين عبدالله وجاسم راحوا عند المدرجات يشجعون علي وعلي ركب سيارته السباق والحين الناس مستعدين للتسابق الجزء الثاني الفصل الثاني المعلق : " الان كل المتسابقين يتنافسون وسباق سريع الكل يحاول يعدي الثاني والحين لازم اذا واحد يبي يتاهل للسباق القادم يصير واحد من اول خمسين متسابق فائز عندنا الحين 100 متسابق من كافة دول الخليج ولازم اول 60 يتاهلون والباقي يخرجون الحين نشوف بالمقدمه المتسابق الاماراتي علي جمعه والمتسابق الثاني وهو من قطر سعود خميس والمتسابق الثالث من دولة الكويت علي خالد سباق قوي, الحين المتسابق الكويتي ينزل مرتبة ويصير المتسابق السعودي فهد سعيد المرتبة الثالثه تنافس شديد بين علي وفهد , المتسابق القطري يتعدى الاماراتي والخوف هو المسيطر الحالي والقوي شنو راح يصير باقي الحين 15 دورة الان الاعبين يبدلون تواير سياراتهم وبسرعة ينطلقوون الجمهور اليوم كبير جدا وعددهم قوي ومشاركة جميلة من جميع دول الخليج العربي والان باقي لهم 9 دورات اووووووووووووه المتسابق السعودي يصدم الكويتي علي خالد وتفتر به السيارة ويحاول يعدلها بس لحد الحين تفتر يـــــــــــا الله متسابق من دولة عمان يصدم المتساابق علي ويزيد دوران السيارة المتنافس االكويتي يحاول يثبت السيارة بس ماقدر الحين باقي 5 دورات , وها هو المتسابق الكويتي يستعيد التوازن ويتحرك بسرعة كبيرة الى الامام ليعوض مرتبته الى خسرها سيارته متضرره ولكن هل سوف يستمر ؟؟ , الحين باقي 3 دورات ماذا سوف يحدث ؟؟؟ , الان التنافس الاول بين الاماراتي والقطري والسعودي الكويتي الان بالمرتبة ال29 ويتقدم بسرعة ولكن حالة سيارته خطره جدا وما اتوقع راح يوصل بالوقت المناسب باقي دورتين , التنافس القطري والاماراتي من الاول من باقي دورة واحده .............................. والان الاول هو المتسابق القطري سعود خميس والمتسابق الثاني هو الاماراتي علي جمعه والمتسابق الثالث هو ..... اوووووه شلون حصل هذا ؟؟ , المتسااابق الثالث هو ..........الكويتي علي خالد ما كان احد يتوقع انه يقدر يجيب هذي المرتبة بس كان قوي وشجاع وجابها والمتسابق الرابع هو السعودي فهد سعيد والان ينتهي السباق اليوم ومبرووك فوز اول 60 متسابق وان شاء الله نشوفكم في يوم السبت في سباق ال50 فائز في مملكة البحرين والسلام عليكم ورحمة الله وبركاته " الجمهور الكويتي فرحان لان كويتي اخذ المركز الثالث وحصل المتسابق الكويتي علي خال على جائزة افضل آداء بالسباق عبدالله : مبرووووك علي الف مبروووك والله خوفتنا عليك حييييييييل جاسم : الف الف الف الف مبرووووووك علي والله مبدع انت علي : مشكوووورين ما تقصرون والله انا بغيت روح فيها عبدالله : قول لنا شنو صار معاك داخل السيارة ؟ علي : والله انا كنت مسرع حيل واتنافس مع السعودي هو يسبقني وانا اسبقه وبعدين هو حقد علي ودعمني وما قدرت اثبت السيارة لفت فيني حيييل وانا احاول اعدلها واثبتها بس ما قدرت وفجأ ويجيني واحد ويدعمني وتلف اكثر وقلت اغير اتجاهي ولفيت وتثبت شوي وقدرت اثبتها كلها بس كانت السيارة شوي وتتحطم وانا حاولت اسرع بس احافظ عليها وقاعد اوازن فيها وعلى اخر شيء خليت السيارة تسرع فوق من طاقتها وسبقت لسعودي بثاوني جاسم : يالله انت الحين اكيييد تعبان خنرووح الفندق نرتاح وهم بالسيارة وطريقهم للفندق عبدالله : ها ان شاء الله متى المباراة الجاية ؟ علي : بعد بكره يوم السبت ان شاء الله جاسم : وبكره ما راح تسوي شيء ؟ علي : لا بكره كله تدريب عبدالله : يالله ان شاء الله تفوز بس بعده وين نروح علي : نرجع الكويت اتدرب وبعده بيومين اروح قطر وهناك في سباقين جاسم : الله يعينك ويوفقك ردوا الفندق وعلي يكلم امه بالتلفون امه وبصوت وحدة تبكي : شلونك يا ولدي ها صار فيك شيء علي : شفيج يمه انتي تبجين وبدت امه تبجي وتقول : والله خفت عليك لما شفتك تدور في سيارتك طاح قلبي علي : يمه لا تحااتين انا بخير وما صار فيني شيء ام علي : طمنا عنك يا ولدي واتصل علينا نتطمن عليك وانتبه وارفع راس بلدك عالي علي : ان شاء الله يمه تامرين امر انتي ام علي : يالله انا بسكر بخليك تنام ادري تعبان من السباق يالله مع السلامة علي : مع السلامه يوم الجمعه علي راح يتدرب وعبدالله وجاسم راحوا يتمشون في البحرين في الكويت ريما تكلم لميا ومشاعل مكالمة جماعية بالمسن ريما : شلونكم بنات مشاعل : الحمدالله بخير لميا : شفتوا اخوي امس بالسباق ريما : وايه وفي احد بالكويت ما شاف مشاعل : والله كان يبي يروح فيها بس الله ستر ريما : ايه والله الله ستر لميا : بنات انا عازمتكم بكره نبي نشووف سباق اخوي بكره مشاعل : والله انا موافق بس بشوف امي اول ريما : وانا بعد لازم اكلم امي واشوفها توافق او لا لميا : خلاص كل وحده تكلم امها وترد لي خبر اوكي مشاعل : اوكي ريما : اوكي طبعا مشاعل وريما كلموا امهاتهم ووافقوا الجزء الثاني الفصل الثالث البنات كلهم في غرفة لميا ومجهز البوب كورن والكولا والجيز كيك والحلويات والعصاير ومجهز الجو المناسب بدت االمباراة والبنات يصيحون ويصفقون ويغنون ويشجعون علي عبدالله وجاسم يشجعون علي بالمدرجات واغاني وفي جمهور كويتي جايين يشجعون علي المذيع " السلام عليكم اعزائي المستمعين والمشاهددين اليوم سباق ال50 لاعب عندنا الحين 60 لاعب واخر 10 راح يطلعون المبارة السابقة اخذ المتسابق الكويتي علي خالد افضل آداء في المسابقة وهو استحقها لانه تعب وقام بعمل الكل اعجب فيه بس السؤال الحين يقدرالمتسابق علي انه يحافظ على مركزه هذا ؟ , والحين الاماراتي ينافس السعودي والقطري بالمركز الثالث الكويتي لحد الحين يواجه صعوبة بانه يعدي الدورات تمر والكويتي فاقد الامل مجموعة من المتسابقين الان الدورة ال5 والتنافس بين الاماراتي والسعودي والقطري فقط والكويتي في غياب اخر دورة الكويتي يتقدم الان بعد انه تخلص من منافسينه وبسرعة كبيره ايضا قادم الى الامام يا الهي يعدي وبسرع كبيرة يبي يوصل يحاول اخر دورة الان الجمهور الكويتي يشجع وعلى اعصابه يريدون المركز الاول للكويتي اخر دورة والكويتي الان بالمركز الرابع يحاول يعدي عدا من المركز الرابع واصبح الثالث وانتهى السباق الحين المركز الاول هو المتسابق الاماراتي علي جمعه والمتسابق الثاني هو القطري علي خميس والمتسابق الثالث هو الكويتي علي خالد والي لحد الان ما خسر مرتبته والرابع هو السعودي فهد سعيد اعزائي المستمعين والمشاهدين انتهت المبارتين في مملكه البحرين ومبروك لل 50 متسابق الفائزين والان يوم الثلاثاء سوف تكون اول سباق هناك في دولة قطر الشقيقه وبعده يوم الخميس ايضا في قطر نتمنى التوفيق في السباق وان شاء الله نتمتع بمشاهدة كل السباقات والسلام عليكم ورحمة الله وبركاته " في الكويت البنات يصارخون ومستانسين حدهم لان علي فاز بالسباق ولميا جابت لهم جنطتي وحذفتهم على مشاعل وريما : شنو هذي لميا : هذي جنطه فيها ملابسكم السباحة وبجامه للنوم مشاعل : شنو نتسبح وننام انا ما اقدر ما كلمنا امهاتنا ريما : ايه والله لالا ما نقدر لميا : شفيكم اتوا هذي المفاجئة انا كلمة امهاتكم ووافقوا امس والحين الكل يلبس ملابس السباحه ماله وخنروح بالمسبح بالسرداب البنات انجنوا ومستانسين راحوا تسبحوا وبعدين قعدوا بغرفة لميا لين الفجر وبعدين الكل نام |
|
#3
07-15-2010
| |||
| |||
| رد: قصة (( الحب المستحيل )) قصة خياليه كويتيه الجزء الثالث الفصل الاول في بيت ابو علي دخل علي على امه وابوه علي : السلام عليكم الجميع : وعليكم السلام وراح علي وضم امه حييييل وامه تبجي وتقول خوفتنا عليك حييييل علي : لا تخافين علي يمه انا بخير وبعدين لازم تفرحين لاني فزت بالسباقين ام علي : مبرووك يا ولدي ابو علي : يعني ما اقدر اسلم على ولدي بعد علي راح وضم ولده علي : اشتقت لكم حيييل ابو علي : واحنا بعد ومبرووك الفوز بسباقك وان شاء الله ترفع راسناا عالي يا ولدي علي : ان شاء الله ام علي : يالله يا علي روح ارتاح فوق شوي ادري انك تعبت اليوم حييل علي : يالله يمه تبون شيء انا بنام الجميع : سلامتك في غرفة البنات مشاعل قامت واخذت شور وتبي تنزل تقعد تسولف مع عمتها ام علي اول ما نزلت وتشوف علي بالصدفه بس هو ما شافها وهو مزيون وشعره ناعم أي هفة هوا يطير شعره وهو مشهور طبعا , هي راحت تركض غرفة لميا وطرفة الباب وقعدت تشوفه لحد ما دخل غرفته وسكر الباب وبعدين راحت وانسدحت بالفراش وهي بعالم ثاني منصدمه هل يعقل ان يكون هناك ولد عم مزيون و وسيم مثله اعجبت فيه بدرجه جنونية ونست طبعا انها تقعد مع عمتها ام علي طبعا البنات نايمين كلهم الا مشاعل تفكر فيه طووول الوقت العصر في بيت ابو علي علي قام من النوم وراح يتدررب لان ما عنده وقت كلش بس يومين ويسافر البنات راحوا كل وحده لبيتهم في بيت ابو عبدالله دخل عبدالله البيت وهو يصارخ عبدالله بصراخ : يمه يبه الكل راح يركض له ومستغربين وخايفين ام عبدالله : شفيك شنو صاير ابو عبدالله : عسا ما شر شنو فيك مشاعل : شنو صاير خوفتنا عبدالله : خلاص الحين لحد يناديني عبدالله ام عبدالله : ليش شنو صار ؟؟ عبدالله : مادوني الحين الطيار عبدالله انا تخرجت وصرت طيار مشاعل : هيااااااااااااااااااا اخوي طيار ام عبدالله تبجي وتحضنه وتقول له : مبرووك يا ولدي مبروووك ابو عبدالله : مبروووك مبروووك الف الف الف مبروووووووووووك يا ولدي الله يوفقك ان شاء الله مشاعل : يا حظي والله اخوي صار طيار ابو عبدالله : انتي متى تتخرجين مشاعل : والله ما ادري بس ان شاء الله عما قريب ابو عبدالله : خلاص احنا ما راح نسوي عشاء لك الحين ام عبدالله : ليش ما يحق له يفرح ويستانس ؟ ام عبدالله : له الحق بس احنا نبي نسوي له مفاجئة وراحوا بشروا الكل بس الكل استغرب ليش ما سوو له غداء او عشاء الجزء الثالث الفصل الثاني اليوم يوم الاثنين علي سافر قطر بروحه لان عبدالله عنده مقابل يوم الثلاثاء عشان الوظيفة وجاسم عنده امتحان مهم للطب في قطر علي تسابق على سباق ال45 فائز واخذ المركز الاول وكل الصحفيين والبنات كلهم عنده علي كان مزيون فكل البنات راحوا عنده , علي تعرف على 5 بنات وراح مع بنت اسمها أسيل كويتية لفندق علي والصبح راحت هي لان طيراتها الصبح طبعا من هذي الفترة بدأ علي يعرف بنات واجد , وصار صاحب بنات من شهرته البنات يلحقونه , وبعدين راح سباق ال 40 فائز واخذ المركز الثاني وبعدين رجع الفندق ومعاه بنتين وبعدين الصبح رجع الكويت اليوم الخميس طلعت اسماء الخريجين مشاعل تخرجت بس للاسف لميا ما تخرجت طبعا لميا باركت لمشاعل التخرج ومشاعل يعني تهدي فيها وتقويها لانها متضايقه شوي ابو عبدالله قال الحين اقدر اعلن عن المفاجئة وهي انا حاجز في فندق برج العرب في دبي الصالة الذهبيه في برج العرب ومسوي فيه حفل عشاء بمناسبة تخرج عياله وحاجز لهم بفندق برج العرب 3 ايام اقامة فيها اليوم الخميس والحفل يوم الاحد راح نروح احنا من يوم السبت الى الاثنين الكل يجهز حق الحفله في دبي , مشاعل امها راحوا السوق , والعيال جاسم وعلي وعبدالله راحوا مع بعض السوق بعد , وهم بالسوق عبدالله : علي ما قلت لي انت متى سباقك الجاي ؟ علي : يوم الخميس عبدالله : وين ؟ علي : في دبي جاسم : وشلون الحفلة اكيد ما راح تجي ؟ علي : لا السباق العصر والحفلة بالليل والكل اكيد راح يجون السباق عبدالله : اها يعني راح تروح معانا ها ؟ علي : ايه معاكم عادي جاسم : سباق ال35 فائز ؟ علي : ايه سباق ال 35 فائز الحين الكل ركب سيارته عشان يروحون المطار في سيارة ابو عبدالله : ابو عبدالله و ام عبدالله ومشاعل في سيارة ابو علي : ابو علي و ام علي و لميا في سيارة ابو جاسم : ابو جاسم وام جاسم وريما في سيارة عبدالله : عبدالله وعلي وجاسم راحوا كلهم المطار وحطوا جناطهم واغراضهم وينتظرون موعد طيارتهم , وبعد نص ساعة ركبوا كلهم الطيارة , وبعد ربع ساعة طارت الطيارة وبعد ساعتين إلا ربع وصلوا دبي وراحوا فندق برج العرب والحين الكل يتناقشون كم غرفة راح ياخذون ابو عبدالله : الحين كم تبون غرفة ؟ ابو علي : انا اقول انا وزوجتي بغرفة وابو جاسم وزوجته بغرفة والبنات بغرفه والشباب بغرفة ابو عبدالله : ها شرايكم بكلام ابو علي ؟ ابو جاسم : والله انا ما عندي مشاكل موافق ابو عبدالله : خلاص اجل بروح احجز الحين طبعا ابو عبدالله راح يحجز وفي واحد مو راضي بهذي التقسيمة منو هو يا ترى ؟؟ ..................... اكيد هو علي لانه يبي يجيب البنات معاه بالفندق عشان يعرفونه انه ثري يعني وهو يبي غرفه بروحه, راح عند ابو عبدالله وتكلم معاه علي : عمي عمي بقول لك شيء ابو عبدالله : شنو هو ؟؟ علي : عمي انا ابي غرفة بروحي ابو عبدالله : ليش شنو صاير ؟ علي مرتبك : لا عمي بس ان ربعي راح يجون عندي فانا ما ابي عبدالله وجاسم يتضايقون ابو عبدالله : خلاص ما فيه مشاكل احجز لك غرفة علي : وعمي يعني بدون كلافة ابي الغرفة تكون مو نفس الطابق الي انتوا فيه لان انت عارف اهلي موجودين وما يصير يشوف ربعي وانت عارف ابو عبدالله : خلاص ما في مشاكل علي : مشكور عمي ما تقصر , وراح عند العيال عند العيال عبدالله : وين رحت من اليوم ؟ جاسم : وليش تكلم عمي ابو عبدالله ؟ علي : لا بس انا ما ابي اقعد معاكم بنفس الغرفة عبدالله : وليش حضرة المدير احنا مو من مقامك ولا شنو علي : لا بس تعرفون يعني انا ما ارتاح الى وانا بغرفة بروحي جاسم : لا والله ومنو انت عشان ترتاح ولا ما ترتاح علي بغرور : يالله مع السلامة انا بروح ارتاااح في غرفتي يا حلو الحرية والكل بعدين راحوا لغرفتهم يرتاحون عدا علي نام شوي وقام يتدرب لانه عنده سباق بكره يوم الاحد ( يوم الحفلة والسباق ) الحين الساعة 4 ونص والسباق يبي يبدأ طبعا الرجال كلهم راحوا السباق الا الحريم والبنات لانهم عند الصالون يسوون شعرهم ومكياج وسوالف الحريم طبعا معروفه علي دخل سباق ال 35 فائز في دبي بدأ السباق والكل يشجع علي والبنات يشجعون علي بالصالون وطبعا مشاعل كانت منسجمه مع السباق وتشجع علي بقوة ومحد يدري بعشق مشاعل لعلي انتهت المباراة وعلي جاب المركز الثاني بالسباق الكل شجع علي وحبوه والحين علي صار مشهور بالخليج كلها وصعب احد يتغلب عليه الحين الجزء الثالث الفصل الثالث جأ وقت الحفلة علي كان بغرفته مع بنت وبعدين هي راحت وهو تسبح بسرعة ولبس ملابسة عشان الحفلة وراح عند الصاله , الكل الحين يحتفل بالصاله الرجال بصالة الرجال والحريم في صاله الحريم عند الرجال كان الجو حلو حييييل والكل مع ربعه واهله وجماعته وكان الحضور كبير جدا وكلهم يحتفلون بتخرج عبدالله ومشاعل , عبدالله مع الشباب قاعدين يسولفون جاسم : قام حضه قام حضه اليوم الحفلة عشانه علي : ايه وبعد وين مسوين له بدبي وببرج العرب عبدالله : عاد بس خلاص بلا استهبال كليتوني علي : ايه بعد ابوه مدلله حيييل عبدالله : ايه يا بابا انا واحد فيرست كلاس مو مثلكم جاسم : لا والله امش علي خله يتكبر لين يشبع علي : ايه والله يالله امش بس خله يتبكر بروحه عبدالله : انتوا هي وين رايحين تعالوا بس اتغشمر معاكم جاسم : ايه حسبالي بعد وبعدين جأ رفيج عبدالله اسمه محمد عندهم محمد : السلام عليكم الجميع : وعليكم السلام محمد : ها شلونك عبدالله شلونكم شباب عبدالله : الحمدالله بخير انت شلونك محمد : الحمدالله بخير عبدالله : اعرفك على الشباب محمد هذولا علي وجاسم عيال عمي محمد يسلم عليهم : تشرفة بمعرفتكم علي : الشرف لنا محمد : انت علي لمتسابق الكويتي ؟ علي : ايه هذا انا محمد : تشرفت بمعرفتك والله جاسم يهمس لعبدالله : هذا عطانا ابو لباس علي : الشرف لي والله محمد : والله انك رافع راسنا فوق انت علي : واجبنا والله ولازم ننفذه محمد : يالله تبون شيء الجميع : سلامتك علي اتصلت عليه اسيل الي يعرفا وبعد عن الشباب ويكلمها اسيل : شلونك حبيبي علي علي : هاي شلونج انتي اسيل : الحمدالله بخير حبيبي انت وينك علي : انا مسافر اسيل : وين يا حبيبي حتى انا مسافرة دبي علي : ها يا ما احلى الصدف انا مسافر دبي والحين انا معزوم وانتي أسيل : انا معزومة بعد بس وين بفندق برج العرب علي مصدوم حيييل يقول هذي شنو جابها هني علي : اها ومنو عازمج ؟ أسيل : والله رفيجتي عازمتني علي : ايه انا الحين لازم اسكر لاني طولت وانا اتكلم أسيل : خلاص اجل ما اطول عليك حبيبي مع السلامة علي : مع السلامة علي انصدم منو من البنات ترافج هذي , ولا يكون تقول لهم الي صار بينا , علي رجع للشباب بس جسديا بس روحه وتفكيره مشغولين ومو موجودين مع الشباب عند الحريم صوت الدي جي عالي جدا والحريم والمعازيم كلهم رقص وضحك ووناسة والبنات مع رفيجاتها رقص البنات قاعدين مع رفيجاتهم ويسولفون مشاعل : ها بنات شرايكم بالحفلة فهده ( رفيجة مشاعل ) : والله الجو هني عجييييب ريما : ايه رقصص واغاني والمكان روعة نوف ( رفيجة ريما ) : ما شاء الله المكان عجيب والي فيه احلى لميا : والله عمي عرف شلون يختار اسيل ( رفيجه مشاعل ) : والله المكان حلو وعجيب سارة ( رفيجه لميا ) : ما شاء الله انتوا كلكم محلينها مشاعل : يالله بنات انا الحين مسويه لكم مفاجئة اسيل : شنو هي ؟ مشاعل : راح تشوفون وراحت مشاعل شوية ورجعت وقالت : يالله بنات في اغنية جديده انا حطيتها لكم ونبي كلنا نرقص لميا : وناسة يالله خنرقص وراحوا رقصوا البنات كلهم وكانت مشاعل هي احلى رقص فيهم بعد الرقص راح عبدالله لصاله الحريم عشان ام عبدالله طلبته لان ام علي تبي تعطيه هدية اول ما دخل يبي يطق الباب ولا يشوف بنت لابسه احمر بابيض انجن لما شافها منصدم ومنبهر من جمالها عبدالله خلاص انجن ووده يعرف من هي ويشوف ام جاسم تناديها تقول لها : ريما تعالي بسرعة اهني عرف عبدالله انها ريما بنت ابو جاسم , وهو قال سبحان الله فيه وحده نفس جمال هذي انا مو مصدق ان في عندي بنت عم نفس جمالها وبعدين جت ام علي عند عبدالله ام علي : مبروك التخرج يا ولدي يا عبدالله عبدالله : مشكورة عمه ما تقصرين وان شاء الله نشوف عيالج يتخرجون ام علي : امين يا رب العالمين ام علي عطت عبدالله هدية وهي علبة صغيرة ومغلفه بتغليف حلو حيييل واول ما فتحه وشاف في كرت فيه مبلغ وقدره 1.500 دينار كويتي وفي علبة اصغر وشافها لقى فيه خاتم رجالي عجييييب شاف الخاتم ومنبهر من بريقه ومبين انه غالي حييييل شكر عمته ام علي وراح عند الرجال نهاية الحفلة الكل راح الفندق وناموا وبعدين الصبح رجعوا للكويت وعلي سوا اخر سباق بالامارات واخذ المركز الاول ورجع الكويت |
|
#4
07-15-2010
| |||
| |||
| رد: قصة (( الحب المستحيل )) قصة خياليه كويتيه يا شباب وين ردودكم ما تبون اكمل القصة ؟ |
|
#5
07-15-2010
| |||
| |||
| رد: قصة (( الحب المستحيل )) قصة خياليه كويتيه ما راح اكمل القصة الا بعد ردودكم وشكرا |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| همسات القلوب | saad_saad_1962 | خواطر شعرية الخاطرة الادبية ابداعات بالخواطر idea | 1538 | 03-20-2011 09:04 PM |
| الى من علمنى معنى الحب الحقيقى | saad_saad_1962 | خواطر شعرية الخاطرة الادبية ابداعات بالخواطر idea | 85 | 08-29-2010 06:59 AM |
| الحب وانواعه | طالبه كول هاجه من السكول | معجم لهجات الفاظ مصطلحات عبارات حكم امثال | 6 | 05-23-2010 07:50 PM |
| مـــــــــــا هـــــــو الحـــــب | جوهر القلوب | منتديات الفسحة العامة | 28 | 04-07-2010 10:20 PM |
| قاموس الحب | جوهر القلوب | معجم لهجات الفاظ مصطلحات عبارات حكم امثال | 18 | 03-31-2010 03:19 PM |
-الدورات
التدريبية بجامعة نجران-
العرض العادي
