ماشاء الله تبارك الله ماشاء الله لاقوة الا بالله اللهم انا نسالك الهدى والتقى والعفاف والغنى

روابط مهمة و مفيدة : لاستعادة الباسورد الرقم السري || كيف يتم تفعيل الاشتراك || أفضل طريقة لطلب كود تفعيل على البريد

المفقوش · #1 10-15-2002

®»°·.¸.•°°™ الجزء الثاني.. ياهووووه من جنان مدرسة المشاغبين من ا ل م ف ق و ش ™°·.¸.•°

طبعا قبل كل شي اللي اشتراكه بطاقه يروح لقائمة ملف ثم يسوي حفظ بأسم ويخليه الين يمصع خط التلفون ويقطع خط الانترنت ويقرب له مكرونة اندومي ويدق فيها وهو يناظر الموضوع هذا لانه طويل حبتين (( طبعا بعد مقص الرقابه )) واللي اشتراكه مجاني ولاعنده مشكله يضبط وضعه وينزل الشاشه تحت من فوق الجهاز على الارض وينبطح ويتفرج مع تمنياتي الرسميه لكم بمتابعه طيبه وانه يقدر ترسملكم لو ابتسامه واحده ويكون لكم ردة فعل وردود دسمه على قدنا (( كني طولتها صح )) يالله هذا موضوعكم..

طلعنا للفسحه وانا دايخ وحالتي حاله كل مااناظر في الطلبه الا وهو.. ياإما فنان ولا فنانه وش السالفه ياربي انا وش ربي قطني بينهم مع اني احب فنانيين كثير بس يوم قابلتهم اللي لقيته خفيف مره يروح يشتري من المقصف لعيون فنانه ((( والله مهوب انا اللي طنشت الشباب السنه كلها ))) واللي يطيح فيها الحياء وتقوم ترقص حبه ونص على الطاولات علشان تعطيها خويتها سيجاره ((( والله مهوب حن اللي كان قال لك رح تسدح وتبطح على البلاط ))) واللي طلعت منهم دافوره (( دافور صيغه تدل على درجه اعلى من الاجتهاد يعني مصري شاطره مره ودايم في الصف اللي قدام ماهي أطلق دافوره خويتنا..:D:D )) واذونه اختفت من كثر مانحذف الطباشير عليهم .
جيت للمقصف ابي اشتري الا وين الزحمه واصله ولا تقول جمهور خالد عبدالرحمن جايين يحضرون له حفله (( الا على طاري خالد من يوم دخلت المدرسه ادور له ولا لقيته قلت يمكن تخرج )) واطالع في الطابور الطويل من اول المقصف الين غرفة المدير المدير طبعا مهوب فنان بس انه ولد خالد الملا بس مره شديد وجسم الله لايوريكم والوكيل لطفي بوشناق لقيته مره مقفل الغرفه عليه وجالس يدندن (( يلعن ابوك يالطرب ))
المهم رحت اتسحب الين وصلت اول الصف اللي صافين سرى على المقصف قلت لعل وعسى القى واحد من عيال الحاره يمكن يجي بالغلط اخبر عبدالعزيز ميت بالعود ويعزف لنا قلت يمكن ضموه للمدرسه هاوي مع الفنانين (( وش عنده المحترف وشارين عقده )) يوم جيت اول الصف اللي اول واحد بالصف كان خالد عبدالرحمن داق بنت البكار (( بنت البكار هي تنسيفه بالشماغ بدون عقال للبنات التوضيح وللمتطورين اللي يطلعون لابسين كاب على الثوب )) واصيح له ابو نايف يابو نايف فديت خشمك الا ويناظر فيني ويقول سم يامفقوووش (( ايه يعرفني لاتستغربون انا وياه عيال حاره بس يوم اشتهر غاب عني )) قلت سم الله عدوك قل امين بغيت واحد فلافل وواحد بيبسي (( ابوك يالميانه )) قال ابشر دقايز بس (( طبعا هو قال دقايق بس انا ادلعها دقايز )) .
وشوي الا هذا ابو نايف طالع من السرى ومعه الفطور واسلم عليه وشوي الا اشوف مايا نصري (أبوك على مايا )وانغام واصاله يناظرون بخالد زي اللي يقولون له طنش الدلخ وتعال افطر معنا (( الدلخ واحد الله يستر عليه ماتعرفونه اللي همو أنا)) ابو نايف ناظر فيهم قال يالله كل وحده تفطر وعلى فصلها ولايكثررر هرجكم . ياقلبى قليبك يابو نايف انواع الثقل وانا قلت له ليه مانروح نفطر معهم (( رازن خشت للفطور معهم )) قال اقلعهم تعال خلني اخذ علومك ونروح بزاوية المدرسه وخذ لك سوالف ومايطلبه المتفسحون برنامج سويته انا بس بدون ضيوف ولا جمهور يسأل انا وهو (( ترى ماغثيته ابد )) ويدق جرس الفسحه يعني يالله كل واحد يخلص وينقلع للصف حقه استأذن مني ابو نايف يقول عن اذنك وراي حصة قلت الله يحفظك وترى الفطور علي بكره لاتجيب معك فسحه (( الصداقه صعبه وانا اخوكم ))..
وانا راجع للفصل واطالع بزاوية الساحه الا وهناك حوالي اربعه شباب مجلسين وسوالف وتتن (( تتن = دخان ))
يدخنون ومروقين ويوم اطالع زين الا هذا خالد الملا العربجي حق المدرسه جالس يدخن ومطنش الحصه . طبعا هو مفروض يدرس ليلي لانه ساقط في الادب (( قليل حياء)) اربع سنين بس ولده المدير يعني يداوم ولادوام الراجحي متى مابغى يجي ومتى مابغى يطلع (( ابوك يالواسطه وش تسوين )).

ويوم ادخل الا وهذا اللي واقف عند باب الاداره واطالع فيه مشبهن عليه فيسه مر علي قبل كذا (( فيسه = وجهه = خشته هذي اللهجات المتعارف عليها )) ويغني سو ياسو حبيبي حبسو .. وسو ياسو حبيبي حبسو واجيه خير وشفيك تصايح قال ماسكين هشام عباس في غرفة المرشد الطلابي وحابسينه ويحققون معه قلت ليه ؟؟ قال : لقوه مبرشم اختبار حصة التاريخ في جبهته (( انا اشهد انها بتتسع للكتاب كله مهيب للبراشيم بس )) قلت طيب كان برشمها في خشمك الشين هذا وحطها في جيبه اصرف له (( مسوي اذب الحين )) واروح من عنده منيب ناقص مصاريه بعد الفطور اخاف اطلع اللي افطرته (( مع اعتذاري الشديد للصعايده فقط ))..

دخلت الفصل الا وهذا راشد الفارس يوم شافني دخلت وهو يجر الصوت اسفرت بك وانورت بك واسفهلت تو مانورتنا يانور عيني (( عينه قويه يتحرش قدام الطلاب والطالبات )) وتطالع فيني امل عرفه وتتبسم يوم شافتني امتعضت من راشد الفارس (( ابوك ياللغه العربيه )) طبعا ترى امل عرفه ماضموها للمدرسه الا يوم صارت تغني وهي ماغنت الا علشان تجي للمدرسه اللي انا فيها ولا لو بقت ممثله كان بدري على فيسها تدخل (( ابوك يالحب )) واشوفها تتبسم واصد عنها واروح للكرسي حقي اللي بالزاويه (( ابوك يالثقل )) خلصت الحصص الاخيره وانا كني على جمر ابي متى يخلص الدوام واهج للبيت جاني الصمرقع من هذي المدرسه اللي كل شوي فنان ولا فنانه .
وانا مسرح ولاانتبهت الا وهذي هويدا جالسه على طاولتي وتغني دلل دلل دللني بحب كتير تغازلني بعز الظهر بنص الليل بفرح لما تئابلني (( من ناحية خربتها خربتها ايه )) وارد عليها بسرعه قلت لها :
ممكن توخرين عن الطاوله ترى الحبر باقي مانشف ولاابيك تخربين الذكريات اللي راسمها على الطاوله (( شديد والهوى ضدك والشوط الثاني قرب ينتهي )) قالت لي ليش كذا انت قلبك حجر قلت يالله بس بلا دلع بنات انزلعي وروحي لكرسيك وينقز عبدالمجيد عبدالله مناك ويقول :
اتدلع ياكايدهم اتدلع ياكايدهم خليهم يشوفونك .
بس يابو عبدالله لاتحرجني الله يرحم لي شيبانك والله انك فاهمني ويجي ويكلم كاظم الساهر قال بالله ابي اجلس جنب المصرقع شوي مابقى الا حصه خلني اسولف معه كاظم على طول وافق طبعا مهوب كرهن فيني (( عندكم شك )) لأن مكان عبدالمجيد اللي بيبادله فيه كان جالس جنبه اليسا طبعا اكبر من كذا عذر مافيه انه يوافق يتخلى عن صحبتي وانه يكون قطيري بالكراسي .
وخذت السوالف الوقت الين دق جرس الحصه الاخيره ونطلع على الهده ويوم جيت برى خلاااااص ابي اتسحب للبيت وارتاح اذا وصلت ويوم طلعت برى الا المصيبه قدامي .؟؟؟
كاريس بشار والين خلف و اريام وبرتني سبيرز (( طبعا برتني من المدرسه اللي جنبنا بس جايه تبيني ))
واطالع فيهم واشوف كلهم يناظرون فيني قلت يمكن يحترون احد انا وش دخلني واجي ابي انحش الا وهم حاديني ورى السيارات قالوا اسمع انت وش اخرتها معك ..؟؟
قلت لهم : خير ياحلوات ؟
قالوا : في الفسحه متثيقل ومطنشنا يوم صبحنا عليك بالخير .
قلت المعذره انا اذا شفت الاكل تضيع علومي (( همه بكرشه مايقدر يسوي بلاستيك قصدي اتيكيت قدام بنت ))

قالوا الزبده اسمع انت الحين لازم تختار وحده مننا تصير خويتك يالله اختر .؟؟
ياربي الحين وش اسوي توهقت ابي الفكه منهم وعجزت القى طريقه (( منت بعاقل والله )) اخر شي قلت اسمعوا عندي لكم حل صاحوا بصوت واحد كلهم يالله تفضل .
قلت بكره الصباح تمروني في البيت قبل الدوام واذا لقيتكم اقول لكم من اللي بخاويها ونداوم سوى قالوا كلهم بصوت وااحد خلاااااص تم (( الا برتني طبعا قالت فنتاستيك == وش عندهم اللي قالوا تم اجل )) المهم رحت للبيت وانا حالتي النفسيه صعبه واول مادخلت البيت والقى ابوي في غرفة التلفزيون وادخل دوغري ( رهيبه دوغري= يعني أجلس على طووول) واجلس لاسلام ولا كلام (( تعرفون خربانه معي من كثر تحرش البنات )) واقول للوالد يبه اسمع المدرسه هذي حرااام مااداوم فيها غير اليوم هذا اللي داومته يكفي.. قلي...

سططططططططططططططططرااااااععععععععععععععععععععععع 8
8
8
8
8
8
8
8
8
7
7
7
7
7
7
7
صوت الريموت كنترول بجبهتي كان يمشي بسرعه مليووووووووووووووووووووون.
قال تداوم غصبن عليك ورجلك فوق رقبتك يالشين (( بلاك ماشفت البنات اللي طاحوا يبه )) قلت ابشر ولايهمك (( قلتها وانا القط حجار البطاريه حق الريموت )) ورحت انام بدون غدى من زود القهر .

يالله روحوا ناموا ترى تعبت اقول لكم ذكرياتي انتهى الجزء الثاني ويليه جزء ثالث .

مع تحيات االمفقوووش عريف فصل ثاني جـ .

منتديات مدرسة المشاغبين - ممنوع مخالف مكرر

عذاب العاشقين · #2 10-15-2002

هههههههههههههه
بس اليموت احلى شي
تسلم اخوي ضحكتنا والله

اخوك عذاب

المفقوش · #3 10-16-2002

تسلملي حبيبي عذاب على مرورك والله يعطيك العافيه.. وإنشاء الله إني قدمت ماهو يرضي رغباتكم واستمتاعكم.. يعطيك ألف عافيه وتقبل فائق تحياتي..

أخوك
ا ل م ف ق و ش

ثموره الثنفوره · #4 10-17-2002

اهلين مفقوش والله انك سريع ماشاءالله تبارك الرحمن يعني مااااا أخرة الجزء الثاني,,,,,,,,,

طيب في جزء ثالث ولالالالالا؟؟

بس حلوووووووه ايام الدراسة:D

وليش برضوووو تغيررر الاوان في الكتااابة .......

انته شقي مررررررررررررره ومشاااغب.....!!!!!!

يلا بااااااااااااااي بااااايووووووووووووو

@@4

سفير ^ الشوق · #5 10-17-2002

هههههههههههههههههههاي

والله انك منسم

قم بس قم

عطنا من ذا الفقشات

هههههههههههههههههههه

يسلمو

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طريقة عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر رد
إلـــــــــــــــــــــــى متى يـــــــــا أعضاء منتدى مدرسة المشاغبين ؟؟؟ .....	أتعبني غـــروري	المسابقات سباق وتحدي والغاز بين الشباب و البنات	60	02-09-2010 04:32 AM
{ حصريا على منتديات مدرسة المشاغبين} أكبر تقرير عن الاندكروزر 2008 تفاصيل كاملة + صور جديدة.	™prince	السيارات و الدراجات الناريه الشارع الاصفر تقحيص تفحيط تطعيس ترهيم	30	08-06-2008 11:12 PM
يا معشر المشاغبين اللي عنده سجل اجرامي ايام طفولته يدحدر في ذا ( الجزء الثاني )	@ هلالية شقردية @	ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه	29	03-21-2008 11:26 PM
حصريا لعيون منتديات مدرسة المشاغبين اسطوانة شاملة لجميع برامج 2007 باحدث اصداراتها بروابط مباشرة	حمزة فارس حدوشي	الكمبيوتر و الانترنت الحاسب و الاجهزة computer hardware	4	12-10-2007 09:22 PM
فيلم الشياطين تصوير سنيما جيد جدا بحجم 228 ميجا تحميل مباشر علي اكثر من سيرفر	الروند الروند	الافلام المنوعه افلام مسلسات اجنبية عربية كلاسيكية مسرحيات دراما زمان	0	12-01-2007 08:27 AM