حسبـــــــــــــــ صغيرة على الحب ــــــــــتك

حسبتك صغيرة لا تفهمي في الحب لا في الغية
اثاريك موش شوية
عقرب سبط طلعتي وفي المخابي حية
وأنا اللي مسكين امشي الحياة بالنية
وبنحكي على حالك ونشعر عليه شوية
ومنك سماح ... لو في الغلاء إنا زدت وإلا فوصف ألغيا
... ليش بدلتي بدل الحجاب بلوزة
يا للي جمالك دايب مثيل وسط الموزة
وزادك جمال النص محدد الله رموزه
وعن رقبتك بيضاء ويا محلاها
كيف المطر اللي نازله من سماها
واللي وين ما تشربي تبان آلميه فيها
إما الشعر ما عندي عليه ما أنقول
كيف الحرير مسبول .. أشقر تقول سيول.. وسمح فيه الطول.
وإما خدودك زايدات سماحة
كيف من زرع خوخة وفى ثمرها تفاحة
إما العيون لون عسلي كي سماحة لونك
وبدأت وين تغمزي وتقفلي فى جفونك
وإما القفاء من تالي ... خطر عليا زمان خطر عليا حالي
على شان غنيته من قبل أنا موالي
كيف القمر أيناجي النجوم ايسالي
واما وين تتعبي .. وظهرك على الحيط تسندي
وتجي عينك في عيني .. وايجي وجهك شوري
أنقول في نفسي وفي مضموري
الله يبليني بكثر مرض ..... بلاش سبب
ولا ليه ادوايه ولا طب
باش الشعر أنبطل نكتب
ونلقى نفسي بدون إحساس
قلمي في يدي..... وفاتح قدامي الكراس