وعادت الحرب ((ام المعارك)) وقوع اربع ضحايا والتفاصيل بالداخل

السلااااام عليكم


اسعد الله اوقاتكم بكل خير

ايمانا منا بان عملية السلام فشلة رغم تغاظينا عن بعض التجاوزات السحلية

لاكن طفح الكيل وبلغ السيل الزبا فقررنا شن غارة خاطفة

وكانت عملية ناجحة ونتج عنها الاتي


بسم الله نبدا

ــــــــــــــــــ


فارسة بني عبس

مميزاتها :
دايم تمدح نفسها وتقول انا حلوة انا ملكة جمال واللي يقول لها (اي جمال يلعن ام الغش بس ..)تقرط بكراعينه وما يفكونها الا بزرادية .تجيد نطق الحروف ماعدا حرف السين والصاد ( ثين / ثاد).. اذا تكلمت لازم ساتر بينك وبينها حتى ما تطشر عليك بسعابيلها. تميل الي الرومنسية وتموت بشي اسمه جبن ابو كاسات وتقرض الشعر الرومنسي بقراطيسة والاخشاب..



صورة مقربة لخشة فارسة بني عبس وتلاحظ عزيزي القارئ بقايا تقاسيم الأنوثة بخشتها ونابها الذي اضفى طابع كلاسيكي مفعم بالرومنسية <<( امحق رومنسية والله..الا خشة بس مغلوث قاعدن يحذفونه بالقواطي حدر سيارة...<<(بس مغلوث = قطو بايعن عمره)

( طريقة صيدها )

المقادير : (صحن مندي فاضي + غراء بوتكس + قطعة جبن ويفضل جبن ابو كاسات + حبل غسيل + عامود كهرب + كوفي شوب)

الطريقة: غسلنا الصحن جيدا ثمن وضعنا قليلون من الغراء بالصحن والصقنا كاسة الجبن بالصحن لصقا يعجبك .. بعد ذلك خرقنا الصحن مع الطرف وجبنا الحبل ودخلناه في ثقب الصحن همن ربطانة جيدا . وبعد ذلك ربطنا الطرف الاخر من الحبل بعامود كهرب وذهبنا للمقهي (كوفى شوب) نحتسي قدحا من الكابتشينو ونتبادل اطراف الحديث...وماهي الا برهة من الوقت وسمعنا قرقعه الصحن فذهبنا لنعرف ما حل بكاسة الجبن فوجدنا فروسة ناشبن نابها بالصحن وتحاول الفكة من المصيدة
وترفس وترفس كا السمكة.وبكل اريحيه ذهبنا الي الموتر واخرجنا المشعاب من تحت مرتبة السواق فدبجناها على علباها حتى سمعنا رنين الصحن اللي ناشبن بنابها همن سحبناها بكراعينها هي وصحن المندي .وعلقناها بنابها حتى اشعار اخر
ــــــــــــــــــــــــــــــ
بنت ابها

مميزاتها:

تجي على الريحة وخصوصا ريحة الكشنة . عندها حساسية مفرطة من ريحة الفكس. عندها القدرة على اكتشاف التماسيح من مسافات بعيدة بواسطة خشمها .وانا اناشد التماسيح والنمل انهم يتدهنون بفكس قبل الخروج من البيت . اذا شغلت حاست الشم تغمض عيونها وتدعس اللي قدامه سوا كان (تمساح ..جدار مزرعه ..باب مستشفى ). مرهفة الاحساس تتابع اخبار الموضة والبخور وتسمع بالصابون المعطر...



صورة التقطت لبنت ابها وهي في انغمااس تام في عملية تمرين صباحي للشم .وتلاحظ عزيزي القارئ تجاوب عظلات خشتها وباقي الحواس مع خشمها ..
(توضيح: ترا اللي بين عيونها وفمها ذا خشمها مو حبة خال )

( طريقة صيدها )

المقادير : ( شخط <<(كبريت) + جالون قاز + كفر حراثة مكتوب علية بالبخاخ (عود كمبودي) + غسالة ملابس + سطح + جريدة )

الطريقة: صبينا جالون القاز على الكفر همن شخطنابالكبريت و ولعنا بالكفر حتى تصاعد الدخان الاسود الي طبقات الجو بكثافة و اصبح كالسحابة السوداء بالسماء الصافية .همن تكينا فوق السطح نقراء الجريدة نحتري قدوم بنت ابها مدرعمه على ريحة دخان الكفر وما امداني اقلب صفحة الجريدة الا ذي قمروووووة مقبلة ماغطتن طبلونها وعجتها واصلتن السما( عجتها = نوع من الاعصار يحتوي على غبار + قراطيس جرايد + قواطي ) وكعت فرامل. وبدت تحوم حول الكفر وتشم وتقترب بحذر رويدا رويدا حتى تتأكد من ان ها الرائحة ريحه عود كمبودي. ويومن قربت رويدا رويدا. دفينا الغسالة من فوق السطح رويدا رويدا..
القذيفة : غسالة ملابس ام عصارات
السرعه: 2/ ماخ ( يعني اسرع من البازوكة )
الهدف:بنت ابها
النتيجة:
انمسحت ملامحها عن بكرة ابيها واصبحت جــ 14 ــنط .. تعطلت وسائل الحواس الخمس ماعدا حاسة الشم تعمل ( جاها اغماء بسيط)..فقدان الذاكرة وصارت تهذري وتقول اوووووووووو مقيرينا . همن تقلب انت فين والحب فين.. وبكل رفق تم سحبها بونش وعلقنها بخشمها لين تصحى همن ننظر في امرها..
ــــــــــــــــــــــــــــــ

قاهرة التماسيح

مميزاتها:
كراعينها مثل كراعين النعامه وسبوقة ما تنطرح... (الوقت كا السيف ..ان لم تقطعه قطعك..)<< على بالها ان ذا اجمل بيت قيل في الغزل . تتبع ارشادات الدفاع المدني. حذرة ..يقظة بس من تناظر بعيونها اغسل يدك انها يقظة. تتمتع بالرزانه والثقل بس من تشوف بزر معة عسكريم تقاطر سعابيلها وتلعب جمباز حتى تخطف العسكريم.اذبحها عند حاجتين لا ثالث لهما قصائد نزار قباني ومعصوب بالسمن. تأكل الموز بقشرة << لاعبين عليها محلات العطارة وقايلن لها الموز بالقشر يزيد البشرة رونق ونظارة.

صورة قاهرة التماسيح ونظرات اليقظة ...اي نظرات يقظة الا نظرة واحدن بالع نص ريال على الريق وغص ..
(عزيزي القارئ تمقل بعيونها زين همن غمض وعد لين ثلاثة وفتح وناظر بعيونها وغمض مرتن ثانية وفتح ...ستصاب بدوار البحر)


( طريقة صيدها )

المقادير : ( عامل افغاني + قشر موز نص استوى + سعف نخل + رادو + شجرة كبيرة ذات اغصان )

الطريقة:نأتي بالعامل الافغاني ونعطية خمسين ريال لحفر حفرة مستطيلة الشكل ( نظرا لفطانه السحالي لا بد ان تكون الحفرة مستطيلة .لو الحفرة مدورة عرفوا انة فخ ) همن بعد ذلك نودع العامل الافغاني ( عزيزي التمساح في حالة انك مطفر.عادي قول للافغاني اعرف واسطة بالجوازات وربي ليحفر لك بير مو حفرة وببلاااش بعد) نجيب بعد ذلك سعف النخل ونغطي الحفرة جيدا همن ننثر قشر الموز فوق سعف النخل ونرش قليلا منه حول اطراف الحفرة لجذب الانتباه. بعد ما نتأكد من ان الفخ جاهز نذهب ونستريح تحت ظل الشجر ونستمع للرادو لحين مرور قهووورة وتطيح في الفخ والتسذب مو زين عزيزي القارئ ..حقيقه قهوووورة طاحت بالحفرة وابطت تحتريني وما جيتها وطلعت وانحااشت..
الأسباب لهروب قهووورة:
( ذا انا يا محدثكم حينما داعبة موزيكا الرادو طبلة اذني وتلاعب النسيم العليل بخصلات الحواجب .خشيت بنوووووووم عميق واحلااااااااااااااااااااااام وردية تحت ظلال الشجرة )
ــــــــــــــــــــــــــــــ

الدكتورة مصرقعة

مميزاتها:
طيبة حيل .احلامها اكبر من خشتها يعني حلمها تغني انشودة طائر النورس حلق حلق بالجنادرية . كثيرة التأمل والحيرة ودايم تتأمل بالحلاووو وما تسمع باشمام و الحمص. بس عيبها شي واحد اذا شافت معك شي او تسولف بشي تقول لها البارحه شايفن قرندايزر بالسوق يتقضى ملابس العيد..هي تقول حتى حنا شفناها يدف عربية المقاضي ..
تقول نادي برشلونة شراء له مدرب جديد ..هي تقول حتى حنا شرينا مدرب مافكينا قراطيسة << (تحسبة ثلاجة)


صورة للدكتورة مصرقعة وملامح البرائة والطيبة تنضخ من وجهها وابتسامتها كأبتسامة طفلة مضيعتن درب بيتهم بالعيد وتقول عطوني عديتي عادت عليكم..

( طريقة صيدها )

المقادير: لا يوجد

الطريقه:واللة يا عزيزي القارئ ما به طريقة .
بس يوم اني راجع ومحتضن الرادو سارح الفكر مبعثر الخطوات. افكر كيف ذي السحلية قاهرة التماسيح انحاشت .وكيف راحت على نومة وما فطنت لها .وانا بالطريق افكر وافكر واراجع مقادير صيد قهوووورة ومنحاس. طلعت ذي احب اهلى بوجهي وانهالت على بسيل من الاسئلة انت وين رايح .. عندكم عرس .. شريتوا مواعين .. تتحدان بلي استيشن . وانا اتصدصد عنها واقول لها يا بنت الحلال مانيب رايق لتس. وهي مستمرة ترطن وتسأل ..انت وش فيك . ذا الرادوا حقكم..عندنا واحد مثلة .. وتفتح يدها وتقول شف شف معي هلل عندك مثلي هلل؟؟ وهي ترطن وانا قاعدن افكر واقول وش اسوي فيها ذي ها لحين... واستقر الراي على ها النتيجه:
( قاهرة وانحاشت + الافغاني وطلع غشاش + وذي يا دكتورة اسئلتها واجد = سطرها بالرادو حتى تناثر الحلاو والحمص من مخابيها .ومن ثم وضع لاصق على فمها حتى ما ترطن بالهرج وسحبها.(لاصق= شطرطون فلوس)

انتهى