 |
| |||||||
 | |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
07-23-2010
| ||||
| ||||
 تعلّم وإعرف إن الدرب قدامك سهـل وجبـال معوّض خير ياحيٍ تهقوى في الزمـان ومـال سنينك لو رقيـت بعدلهـا يطرحـك مايلهـا تعلّم وإعرف إن الدرب قدامك سهـل وجبـال جبـال تطولهـا وجبـال بعيونـك تخايلـهـا ومعوّض خير ياحيٍ وردت الماء بدون حبـال يطول بك الوقوف وشربة المـاء ماتحصّلهـا وقوفك عند راس البير مايسقيك لـو فنجـال ولاينفعك شوف الجمـه اللـي منـت طايلهـا ومعوّض خير ياحيٍ خدعك من الرجال أشكـال تشوف أشكالها وتحطها أرفـع مـن منازلهـا تعلّم من زمانك لاتصير مـن أجهـل الجهـال ترى في كل يـوم تجيـك عبـره لاتجاهلهـا إذا ربي وهب لك عقل تلقى في الرجال رجـال تعرف اللـي يطلّـع قيمتـك واللـي ينزلهـا ترى من بعض مايندي الجبين ويحرج الرجال لياسـاق الميانـه فـي نفـوسٍ ماتقبّلـهـا ومهما شفت في صاحبك من نخوه وطيبة فال ترى بعض السجايـا كثـرة الإلحـاح يقتلهـا معاريف الرجال ديون وديون الرجـال ثقـال لياصرت متعافي ليش تغـرق فـي جمايلهـا رصيدك في حياتك سمعتك مع طيبيـن الفـال رجال الطيب والمعروف بالمعـروف عاملهـا ولاتبدي بجاهـك فـي مقـامٍ مايسـر الحـال ولاتشفـع لنـاسٍ ماتنومـسـك بفعايلـهـا لياجاتك تعذّرهـا مـدام العـذر لـه مدخـال ووقت الجد قول لهـا الصحيـح ولاتجاملهـا وخذ منـي نصيحـه لاتصـدق كـل ماينقـال يجـرك للنميمـه ليـن يطرحـك بحبايلـهـا يجيلك ناقـل النمّـات بهـروجٍ تغـث البـال سوالف في قفاك وحظك أطيب يـوم تجهلهـا يبـرر بالحميـه والصداقـه شينـة الأفعـال يجمّـل صورتـه بعلومـه اللـي ماتجمّلـهـا ولو كانت حميه فيك رد المخطيه فـي الحـال ولاكان إستمعها فـي قفـاك وجـاك شايلهـا ترى من جاب لك ودّى وهذي عـادة النقـال يحاول يقتنص من فمك كلمـه لأجـل ينقلهـا ومثل ماقال عندك راح عنك وعند غيرك قـال وزوّد عشر فوق الكلمه اللـي كنـت قايلهـا تجنّب مجلسه لاتجلس إلا مع كريـم خصـال تحمّـل ميلتـه وإن ملـت ميلتـك يتحمّلهـا ولاتصبر على الجار الردي لوهي ثلاث ليـال تضـرك جيرتـه لوكـان بيبانـك تقفلـهـا وبيع الدار بأول سومةٍ تعرض علـى الـدلال ورزقـك عنـد ربٍ كاتـب اللقمـه وكافلهـا وبنتك لاتزوجها الردي لوهـو كثيـر المـال تربيهـا علـى الطـالات وتشـوّه سلايلهـا وكم من لاش يرمي خيبة إبنه فوق راس الخال لوإن الخال من روس الرجال ومـن دلايلهـا ليامنك عرفـت تميّـز الطيّـب مـن البطـال وفادتك التجارب في الحيـاة وفـي مسايلهـا وكشفت الفرق مابين الصحيح وحيلة المحتـال وتعلمت الفراسه في الوجيـه اللـي تقابلهـا بعد هذي ترى مالك غنى عن صحبة العقّـال يدلونـك بـرايٍ ينقـض الدعـوه ويفتلهـا يقولون الرجال اللي سوالفهـم حِكـم وأمثـال ليامن ضاعت الحيلـه يـدل القـوم عاقلهـا نصيحة واحدٍ جرّب وشاف من الزمان اهـوال يقدّم لـك خلاصـة هجـرةٍ جـرّب هوايلهـا</b>
_________________ ابتَسموُا جمعياً مِن أعماقكُم الذكَريات تلَتقط لكُم صوُره يا أصَدقِاء ♥ ,‘ كُل شَئ قَد قُدَر عندَ المَوُلى جل وعَلا فَ لمىْ الشَلل ؟! عَبوُسكَم يعَني وقَوُعَكم فَريسة لُ الوُهم والتخَبطْ عسَى أنْ تكَوُن بدايَات الأمَوُر فشَل ونهايَاتُهَا نجَاحات تُكَتب فِ التَاريخ . .  |
|
#2
07-24-2010
| ||||
| ||||
 رد: تعلّم وإعرف إن الدرب قدامك سهـل وجبـال اقتباس:
هلا وغلا بالعنود قصيده جميله وتحمل من الحكمه الكثير وكل بيت اجمل من الثاني للمبدع الشاعر عبدالله الهذلي تسلم يمينك على نقلها واعذب تحيه لك 
_________________ |
|
#3
07-24-2010
| ||||
| ||||
| رد: تعلّم وإعرف إن الدرب قدامك سهـل وجبـال هلابــــــــــك زود يالغلا يسلمك ربي يالغلا اشكرك على مرورك
_________________ ابتَسموُا جمعياً مِن أعماقكُم الذكَريات تلَتقط لكُم صوُره يا أصَدقِاء ♥ ,‘ كُل شَئ قَد قُدَر عندَ المَوُلى جل وعَلا فَ لمىْ الشَلل ؟! عَبوُسكَم يعَني وقَوُعَكم فَريسة لُ الوُهم والتخَبطْ عسَى أنْ تكَوُن بدايَات الأمَوُر فشَل ونهايَاتُهَا نجَاحات تُكَتب فِ التَاريخ . . |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| أحد مطوري مايكروسوفت يؤلف كتابا عن لينكس والبرمجيات الحرة | القاتل الصامد2 | الكمبيوتر و الانترنت الحاسب و الاجهزة computer hardware | 0 | 04-13-2010 02:10 PM |
| حصــــريا الاسطــ MaxCo ـــورة من جديد بمميزات جديدة! | ibrahimmax | العاب بي سي Pc Gam جديدة كاملة | 0 | 04-09-2010 06:38 AM |
| ينشر كتاب للباحث الفلسطيني سامح خليل الوادية حول جرائم الحرب الإسرائيلية | غالب الغزاوي | منتديات الفسحة العامة | 0 | 12-02-2009 06:58 AM |
-الدورات
التدريبية بجامعة نجران-
العرض العادي
