 |
| |||||||
 | |  |
 | |  |
 |  |  |
 |
| | LinkBack | أدوات الموضوع | طريقة عرض الموضوع |
|
#1
07-23-2010
| |||
| |||
 تشرب تتن..؟اذا انت داشر..انت داشر..اذا انت تعرف عبادي سلاااااام تداعت صرخاتي المفزعة أرجاء المنزل حتى أرتفعت غطيان البيارة عن بلاط الحوش.. و أنحلـّت صواميل مراوح الشفط عن جدران الحمامات.. و تساقطت كيسان الجبن و بيالات العسل من دروج المطبخ .. فأخذتني هزة و أنتشرت في جوانحي مسرّة و شق الضحك شدقي و أمال الطرب عنقي حتى كدت أهيم فرحاً و أطير بجناح السرور مرحاً .. فتلاحقت أنفاسي و أنا أجري في البيت مسروراً حتى أرتميت في حضن أمي قائلاً بسعادة هستيرية: البشاااااااارة يمممه .. البشاااااااااارة ابي اساااافر باتسر الصبح !! .. فرفعت أمي الحنون يديها كأي أم تهم بالدعاء لإبنها .. إلا أني أخطأت التقدير بعد أن لمحت ملاساً في يدها المرفوعه و كان هذا أخر ما رأيته قبل أن أفقد الوعي بصفقة ملاسها / ياعالم .. ياناس .. ياهووووووووه << واحد انغث دقيقه بس عيشوا معي لحظاتي: تخيل وأنت في عز نومك وسعابيلك تسورب على المخدة وتشوف الورود المنقوشه همن تحاول تبعد عن سعابيلك وهي متقرفه الين تتراص في زاوية المخدة .. وأنت معطيها احلام بدون ما تحس بمعاناة المخدة اللي قلبت لون أصفر من شعرك .. تحلم على حسب رغبتك وحاجتك في الحياة أما فلوس وإلا منصب تعيشه للحظات بدال ما تصحى وترجع للمطبخ وتنظف البيالات والمدير يدق الجرس يقول جب شاهي وقهوة .. فجأة تصحا على صوت خالي من الإتكيت صرخة أبوك يفززك من عز نومك عشان الدوام والا المدرسة .. صرخة تغرف عقلك وتخلي سعابيلك ترفع ثيابها وتنحاش لأقرب تصريف للغرفة .. ( متى نتعلم فن التعامل مع النايم ) .. سيبووكم من اللي فووق ولاحظوا معي : يوم تحط خطه أنك تجلس في البيت عشان تسوي صلح بينك وبين برادي الشاهي وتروق وأنت توك مجمع شفايفك هالمتشققه كنها مواطي شبشب تقربها تبي تاخذ رشفه من البيالة تخش عليك أمك وهي لابسه بشتها اللي كله مليان تراب ووطيات من كثر المشاوير وتقولك قم ودنا السوق وبنمر اختك على دربنا رجلها طالع مدري سهران مع أخوياه بنجيبها معنا تقولها يمه أنا كومار والا ولدكم وش هالأخوات اللي مشغلينا لموزين تحت الطلب وين رجالهم .. همن تقوم عشان اختك وأنت مالك خلق لان الخطه خربت وضلت العلاقة متوتره بينك وبين البرادي لانك ما جلست معها .. نكد من جد طيب اتركوا الي فوق الحين وتعالوا يالبنات ان كنتوا ماتحسون فينا :تتزينين وتتمكيجين وتستعدين للطلعه ومتحمسه وفجأة تلقين أمك وأبوك تهاوشوا واختلفوا وأمك حلفت أنها ما تطلع وقفلت على نفسها الغرفه ولقيتي اخوانك كل وجيهم تحت الباب يصيحيون يمه أفتحي خلينا نروح وواحد من أخوانك منسدح على ظهره يضرب برجوله الباب ويصيح قسم بالله لو راح أبوي وخلانا أني لاوريك ( ولد عاق ) يطلع جو البيت قمة الكآبه والنكد .. طيب لما تشترين بلوزه وتخططين عليها بتلبسينها في هالمناسبه وأنت طالعه متروشه من دورة المياه وتغنين وتكتشفين أن أختك لابستها وتتمخطر عند المرايه .. وتتهاوشين معها هذي حقتي وهي تقولك انت عندك تنانير كثيره وأنا ما عندي الا تنوره وحده وهالبلوزه اللي تناسبها .. همن تجي أمك تفك بينكم وتحلف لو ما هديتوا أن تكنسل الرحلة توافقين وأنت متنكده وعارفه أن اختك عومه .. طيب خلونا نرجع للشباب .. تخيل ان اليوم تقص شريط افتتاح الملحق بأثاثه وروعته وتمدد رجليك بشطوبها كنها رجلين فلاح .. والناس داخله طالعه عندك وجوالك ما يسكت من هالعالم اللي بتجي عندك وبتطيح عندك وتزيد نسبة الزيارات مع تكثيف دوري كرة القدم .. وأنت تبي تطلع وتروح وتجي بس ما تقدر من هالعالم لدرجة أنك تطلب واحد من أخوياك يعطيك صور للشارع وللمناظر وآخر التطورات العمرانية بسبة أنك ما تقدر تطلع .. ويزيد عدد النشبات وودك ترسل رساله لكل أخوياك أنك تطوعت بس تخاف يمرون ويشوفون سلك الدش ويقولون نصاب .. هنا قمة القهر / طيب يا بنت انتي وياها .. تخيلي بس تجي الاجازة وأنتم موعودين بسفره ومعلمين الناس كلهم ومبسوطين وفي آخر لحظه تتكنسل السفره وتخشين المسن وخوياتك يقولون لك وين السفره تقولين الوالد جاه شغل وأنت ما ودك تقولين عشان اخوي عزوز سقط .. هنا يطلع عزوز مفرق الجماعات وقاتل الاحلام .. ( والله من الحقد اللي بيجيك يا عزوز ) .. والبيت يطلع مناحة وصياح وأنت معد لك خلق شي وتنشبون في أبوكم يوديكم للشرقيه أقل شي عند البحر ويرفض وتكتشفون أن البحر حزين ويصبخ براسه في الشاطئ من الحزن هنا قمة النكد .. اخواني الحلوين اخواتي الشيوون مهما طوقتنا لحظات النكد لابد يوجد بصيص نور منبثق يبعث الأمل في الحياة ويجلي الحزن بعيدا عن الصدور رغم هاللحظات .. الا اني مسافر الصبح واقووولكم طسسسسسسسسسسسسسسو وادعولي بالخير سلملم / همسة ( وش رايكم بالالوان ) |
|
#2
07-24-2010
| ||||
| ||||
| رد: تشرب تتن..؟اذا انت داشر..انت داشر..اذا انت تعرف عبادي مــع السلآمه أخ مربط .. والله يوفقك في هالسفرّه]~..
_________________  |
|
#3
07-24-2010
| ||||
| ||||
| رد: تشرب تتن..؟اذا انت داشر..انت داشر..اذا انت تعرف عبادي هههههههههههههههههههههههههههههههههههه انت الصراحه يا محشش يا محشش بس يسلمواا يرفس يسلموا ههههههههههههههههههههههه واتمنى ترجع باسلامه
_________________ [على ذاك الطريق اللي يسمونه غرام احباب] [وطت رجلي على دربه ولا ادري وش نوى فيني] (تبعته لاخر ادروبه الين ان القمر قد غاب ) (تعب قلبي ولا تعبت الماسافات توديني ) [لقيت الليله الجردا، هدب وظل وسما واعشاب] [بعد ذاك الظلام اللي يتوهني عناويني] (عطيتك عشق من قلبي وسلمت لغلاك رقاب) (وغيرك يحترق قلبه ولايقدر يحاكيني ) [انا قبلك صدفت عيون لكن وش جاب لجاب ?] [ترى كل العيون اللي لقتني ما تكفيني]  |
|
#4
07-24-2010
| ||||
| ||||
| رد: تشرب تتن..؟اذا انت داشر..انت داشر..اذا انت تعرف عبادي بالسلااااااااااااامة يا مربطون وربي هتوحشنا كتير
_________________ ( لا إله إلا أنت سبحانك إني كنت من الظالمين ). |
|
#5
07-24-2010
| ||||
| ||||
| رد: تشرب تتن..؟اذا انت داشر..انت داشر..اذا انت تعرف عبادي مع الف سلامه يامربط الجن
_________________ |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| (( نهاية جنون )) روايه حجازيه >>> الكاتبه قطعة شوكلاته | كاكاكولا | القصص و الروايات و الحكايات قصص قصيرة و تعلم القصة story novelette | 99 | 03-10-2011 12:48 PM |
| أستاذ هذا أبوي أبكت عيزن الكثيرين | بنوتة قمورة | ممنوع مخالف مكرر | 1 | 04-04-2010 07:11 PM |
| ..][~..ياسر الان..وياسر زمان..~][بقلم][الفتى المشاغب.][ | الفتى المشاغب. | نادي الهلال السعودي - الزعيم | 4 | 03-28-2010 11:41 PM |
| ياسر !! تبي ترجع لمستواك ؟! قسما بالله ما في الا هذا الحل + ولد لندن يقول : كأن ياسر مـ......!! | Mr. Abdullah | نادي الهلال السعودي - الزعيم | 8 | 03-04-2010 06:07 PM |
| الشي اللي ما تعرفونه عن حقيقة ياسر القحطاني^_^ | زوووووووزي | ممنوع مخالف مكرر | 8 | 01-13-2010 09:24 AM |
-الدورات
التدريبية بجامعة نجران-
العرض العادي
