The Kingdom فلم امريكي جديد قادم بقوه يحكي عن تفجيرات بالسعوديه لازم الكل يشوفه + عرض

:







يؤ يؤ يؤ ... من وين طلع لنا ذا الفلم ..... الله يستر بس

هذا فلم من الشركة المعروفه يونيفيرسال .. وراح ينزل قريب على السينما
وبتاريخ 20 ابريل 2007
( بعد اربع شهور من تاريخ كتابة الموضوع )


الفلم يحكي ماصار في السعوديه من تفجيرات بالسنوات الاخيره
ومن العرض الدعائي للفلم شفت تفجير الخبر وجابوا طاري الارهابي (ابو حمزه)
والسالفه اللي صارت بالسفاره الامريكيه بالرياض


والفلم زي ماتشوفون بالصور من بطولة :

الممثل والمطرب :
جايمي فوكس JAMIE FOXXوالممثله اللي اشتهرت بمسلسلها المعروفه (ELLIS) :
جينفر جارنر JENNIFER GARNER


ويلعبون ادوار عملاء FBI مرسلين من امريكا مع فريق بحث وتحري للبحث عن الارهابيين
ومعرفة سبب الهجمات بالسعوديه


اغلب احداث الفلم بمدينة الرياض .. لكن التصوير مدري وين بالضبط وماظنيت سووها بالسعوديه اصلا
ولا كان عندنا خبر من زمان ... لكن الفلم زي ماقلت لكم طلع فجأه وبدون محد يدري عن تصويره





حاجات لاحظتها بالعرض الدعائي للفلم :

1- استخدام ممثلين من كوبا وبورتاريكو والمكسيك .. ليلعبوا دور المواطنين والعساكر السعوديين
2- لقطه جت للمثل جايمي فوكس قال فيها : هذا ليس ارهاب .. هاذي جريمه
3- بعض الممثلين تحسهم فعلا سعوديين بطريقة لبسهم الشماغ وحتى باشكالهم !!؟
4- شفت لقطه وجايبين فيها جايمي يتناقش مع امير سعودي
5- لقطه وهم راكبين الطياره وجايين للسعوديه واحد امريكي يسأل الثاني ويقول : كيف الدنيا هناك ؟
رد عليه الامريكي الثاني وقال : نوعا ما اشبه بالمريخ !!!!!؟؟؟؟ .... خييييييييييير ان شاء الله
6- مابين شي يمس بالاسلام ... لكن مايندرى .. العرض الدعائي مايكفي !
7- الفلم مليان لقطات تفجير .. ومطاردة سيارات وحوادث




لازم كلكم تشوفون العرض الدعائي ومدته 2:30 ... وعندكم هنا رابطين

------------------------------------------------------------------

الاول : للموقع الرسمي للفلم وصفاوته عاليه جدا .. فقط اضغط على الرابط وبعدها اختار TRAILER
http://www.thekingdommovie.com/

الثاني : من موقع يوتوب YOU TUBE نفس العرض لكن اقل صفاوه
http://www.youtube.com/watch?v=XMei5nctinc

------------------------------------------------------------------


.. بس حبيت الفت انتباهكم للفلم .. الله يستر .. نشوف بالمستقبل وش بيصير
ومافيه اي معلومات عن عرضه بالدول العربيه سواءا على السينما او DVD وماضنيت ينزل
لا هنا ولا هناك لانه ماله سنع وسياسي .. وقد تؤثر بأفكار الجهله اللي يصدقون اي شي يشوفونه
(هذا لو فيه اتهامات باطله بقصة الفلم )

اغلب احداث الفلم بمدينة الرياض .. لكن التصوير مدري وين بالضبط وماظنيت سووها بالسعوديه اصلا ولا كان عندنا خبر من زمان ... لكن الفلم زي ماقلت لكم طلع فجأه وبدون محد يدري عن تصويره