 |
| |||||||
 | |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
03-09-2007
| ||||
| ||||
 قصيميات في لبنان لايفوتكم؟؟؟؟؟ هلا والله حبايب قلبي .. هذي قصة لطشتها من احد المنتديات عجبن حيييل .. تسدحت من الضحك عليها هع هع وحبيت اشارككم فيها وأنتظــر ردودكم عشان أكمل الاجزاء اوووكي .. يلا اخليكم مع القصة..... قصيميات في لبنان الجزء الاول حصه وهيله ومنيره ثلاثي بنوووتي في بيت واحد ... هذولي خوات ساكنين ببيت ابوهم بعد ماتوفى ومالهم في الدنيا غير هل بيت وراتب ابوهم التقاعدي ... ومقطوعين من شجره!! حصه: الاخت الكبيره يلقبونها وزارة الداخلية .. وموظفة في احد البنووك.. راتبه على قد وظيفته ..عمرها في حدود الاربعين .. تعتبر اعقلهم ..سنعه ..شخصيه قويه .. هيله: الاخت الوسطى (الوسطى ولا الشرقيه؟!) <<بدا التميلح خخخخخخ>> اكملكم متخرجه من معهد كمبيوتر وجالسه في البيت .. تلقب بأم لسانين ..عربجيه بقوووووه.. تكره التنانير وتموووت على سراويل السنه وفنايل العلاقي .. عادي تستهبل مع جيرانهم وتنسم كفرات سياراتهم .. كانت تلبس مريوله وتلبس تحته ترنق( بجامه)ابو خطين على الجنب تمووت على شي اسمه مقالب .. ماتصدق تلقى خنفسانه او صوارير تاخذها وتحطهم بدرج اخته ... بإختصار كانت ولد إلا حبتين!! منيره :الاخت الصغرى ( اجل وين العظمى صاروا درجات حرااره !!!) << داريه ودكم تقولون خلصينا هاتي السالفه !! تدرس في الثانويه ,,شايفه عمره على خواته لانه الصغيره ..تلقب نفسه بــ: ميمي <<يااااي !! منيره وحصه وهيله .... جالسين بالصاله عند التلفزيوون .. يشربوون شاهي مع كراث وفصفص والجلسه عسسسسسل ... وسوالييف على كيف كيفكم **** حصه : منااير ,, وش بتس ياقلبي...؟! ضايق صدرتس اليوم؟؟! منيره: الحين ورانا حنا كذا ..؟! كل زميلاتي يسافرون بالصيف برا وينبسطون وانا ماعمري تعديت حدود بيتنا.. ودي اسافر مثلهم ..لاتحسسونن بالنقص!!<<تستعطف خواته حصه: وين تبينا نروح طيب؟ومع مين؟ ومن بيسنعنا ..ومن وين لنا مصروف يكفي!! انتي تحسبين المسأله سهله!! هيله : هع هع جيبي مدرس رياضيات يحل لك المسأله !! منيره: بدل ماتستخفين دمتس دوري لنا حل !!الله يخليكم ودي اسافر !! حصه.. هيله ..متى تتطورون ؟! الناس وصلوا المريخ وحنا سوريا ما وصلناه!! حصه :حنا ماعلينا من غيرنا .. السفر ماهووب سهل !! هيله : اذا على الفلوس راتب ابوي مع راتبتس يكفون .. واذا على المحرم ماعليتس ارقدي وامني انا عن الف محرم !! صدزز ( هذي لغير الناطقين بالقصيمي ومعناها صدق ) ليش حارمين انفسنا مادام اننا نقدر؟! منيره: ايه خلاص ياحبيلتس خلينا نرووح !! حصه : طيب وين ؟!؟ هيله : قوه لألمانيا تكفوووون .. عشان اتابع كاس العالم !! منيره : اقووول اووص انتي ..انا اقوول قوه للبنان .. عشان مانتعب انفسنا انجليزي ولا شي .. اخواننا عرب .. ومنه نروح نلعب بأشكالنا شووي انا اصير زي إليسا وحصه زي باسكال وانتي مثل نانسي !! هيله :ووووووع مالقيتي إلا ذولي من زينهن .. انا ازين منهن ! حصه : اقوول اهجدي انتي وياه .. فرضنا بنروح للبنان ..من بيحجز لنا ومن بيستقبلنا ووش عرفنا بالاماكن والسكن ووو.... منيره : خلوا كل شي علي .. انا ابسأل زميلاتي ..بس انتم قرروا!! حصه : والله اني خايفه ...خلون افكر!! منيره:ياحبيلتس ودي لو مره بحياتي استانس (وكان لهذه الكلمه وقع شديد في نفس الحصي الي هو دلع حصه )...! بعد اسبووع .. نزلت الحصي على البنات بالصاله ..... حصه ومعها ورقه تقرا منها : بسم الله الرحمن الرحيم ..اما بعد .. بعد مناوشات ونقاشات وتكتيكات وتفكيرات متلازمه.. قررنا نحن (حصه ال.... )... السفر خارج المملكه ولكن بشرووط سندرسها كتالي : 1/الميزانيه تكون بيدي وسوق لاتفكروون تروحون .. 2/ مسألة الكشف شيلوها من راسكم ..لو تعضين الارض ماخليتس تطلعين خشتس لأحد .. 3/ السفر لمدة اسبوع فقط .. 4/الاقتصاد بالاكل والشرب .. 5/ ان هيله تترك عنه اللقافه وطولة اللسان ... 6/ ان كلمتي هي اللي تمشي .. واي قرار اتخذه هناك ينفذ بلا نقاش هذا ولو تم تجديد في الشروط السابقه فيلزم الاطراف التقيد بها .. وإلا :.... اقعدوا هنا وانثبروا .... هيله ومنيره بصووت واحد : لا لا لا خلاص اللي تبينه بيصير !! وبدأت هيله ومنيره والحصي بتجهيز أغراض السفر.. هيله : اقول مناير .. وش رايتس اخذ لبس كشخه .. ولا كله ترنقات وقمصان ؟! منيره ( بغت تجيها سكته قلبيه): وش قمصان انتي ووش ترنقات .. تبينهم ينزلوننا من الطياره!!! الله يفشل العدووو خوذي احسن لبس نبي نروح نكشخ هناك حنا موووب اقل من غيرنا ...!! هيله : اندري .. انا اقول محد يعرفنا .. يعني احس اني باخذ راحتي هناك.. حصه : وش دعوه عاد انتي مقصره هنا .. اقووول ترى شارطه عليكم ولا ترى بهون !! هيله : لا لا خلااااص "وه بس" وانتي حبحر ( فلفل ) محد يقولتس شي .. كنت امزح معتس يااخيتي ** حصه : خلي مزحتس ذا بوقت ثاني .. وخلصي ترى بكره الساعه 8 لازم نصير بالمطار .. منيره : اقول هلووو .. تكفين عطين الكاميرا حقتس ودي اخذه معي ...!! هيله : اقول طسي بذااك مابقى الاهي .. ماعندي غيره من ريحة المرحووم .. منيره : من زينه الحين .. ابيض واسود .. ولا وبعد متكسره مابقى به سنتيمتر الا ملصق بشطرطون .. هيله: ماعليتس .. يكفي انه من ابوي .. حصه : وبعدين انتي وياه .. يالله خلصوا واخمدوا بفراشكم بروح اكمل المطبخ .. الساعه..2.. بالليل .. هيله .. يمااااه .. منيره : بسم الله الرحمن الرحيم ... وش بتس وجع هبلتين !! هيله : ماادري يماااه حلمت حلم يخوووف !! منيره : خير اللهم اجعله خير .. وشو؟! هيله : حلمت ان معانا بالطياره انتر تيكر .. واني تهاوشت معه وجدعن من الطيااره ؟؟ حصه : يوووووووووووه وانتم ماتخلون احد ينام براحه !! منيره : هيله .. اغديتس نايمه بس . وه ياشين الشهابه من كثر ماتهوجسين بالطياره تحلمين به خخخخ وهذا اللي يشوف مصارعه قبل ينام !! هيله : ووه بس توووبه ** ( ورجع الهدوووء يعم ارجااء المكان ) الساعة 8 a.m حصه جايه من المطبخ تنااافخ وبيده مغرفه : قسم بالله ان ماقمتوا اني لا اهون عن السفر .. انتم كيفكم تروحون لخرخير وترجعون بنفس اليوم بعد .. قووووومي انتي وياه يالله !!!! تقووم هلووو وميمي بشين نفس يتسحبوون للحمام ( وانتم بكرامه ),, بعد اقل من نص ساعه الكل كان واقف عند باب البيت .. منيره : الحييييين بنروح للبناااان وتبيني اروح للمطار بليموزين ؟.!!!انا مناير اخر عمري اركب ليموزين ؟! هيله : أي والله صادقه مناير المفروض استاجرنا دينا 2005عشان تودينا .. منيره : تطنزين انتي ووجهتس .. اصلا هذا مستواكم .. حدكم بيجو 82 حصه : اقول رجعوا الشناط خلاص .. سفر ومانين مسافره ..!! هيله ومنيره : خلاااص خلااص أي والله نسكت .. ركبوا الليموزين وراحوا للمطار ... عند البوابه الهندي : هدا كمسين ريال عطي .. حصه : وشو خمسين .. لايكثر .. نزل شويه الله يعافيك !! هيله : لا احسن حبي راسه .. وخري وخري افتح بوجه خط سريع واحط به نخل بعد !! حصه : اقوول طسي ادخلي وخلين اتفاهم معه .. هيله ومنيره في صالة الانتظار .. منيره : يااااي شوفي الاشكال الصح .. واااااو وااااو شوفي شنطة هذي اللي قدامنا هذا افندي .. هيله : منهو الافندي ؟! منيره : وش افنديه .. اقوول اسكتي تكفين لا تحومين تسبدي !! وهيله ومنيره استلموا الناس ضحك .. وتطنزز........................ ... حصه خلصت التذاكر وحملت الشناط وضبطت كل شي حصه : يالله خلونا نركب خلاص نااادى علينا ... منيره : شلون نادى ؟ ماسمعت اسمي !! هيله : ههههههههههههههههههاااي ياررررربي يالمتطوره تبينه يقول يالله يامنيره تعالي اركبي .. حصه ميته من الضحك ومناير تمشي قدامهم من الفشيله ,,, وعند البوابه وقبل مايركبون .. نادى المنادي : الرجاء من الاخت حصه ال.... التوجه الى ادارة المطار للضروره وشكرا .. هذا الجزء الاول وخلص...... تووحفة ماهيكـ هع هع هع لا تنسووووووووون ردودكم ولا مافي قصــــــة |
|
#2
03-09-2007
| ||||
| ||||
 هههههههههههههههههههههههههههههههه الله يرجك فقعت قلب من الضحك بس ياليت كانت القصه عن غير بنات ديرتنا كان افضل مهما كان هم بناتنا لاتزعل بس تقبل تحياتي |
|
#3
03-09-2007
| ||||
| ||||
| خخخخخخخخخخخخخخخخخخخخخخخخخخخ عاتي عاتي يارزال نبي الامم المتحده تتعرف علينا هههههههههههههههه اسدح الجزء الثاني ولا ماهنا احد اشيل عفشي |
|
#4
03-10-2007
| |||
| |||
| هههههههههههههههههههههههه الله يرررجكــ وقصه مشووقه نتظررر الجزا الثاني على كلم خوويي جنبي يقوووول ستعجل في القصه ههههههههههههههههههههه |
|
#5
03-11-2007
| |||
| |||
| معاك على الخط واااااااصل |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| (قصه قصيميات في لبنان)....لاتفوتكم...رووووووووعة!! | Hmbt | منتديات الفسحة العامة | 14 | 09-17-2008 08:30 AM |
| الموضوع يتكلم عن الفرق بين البنت الخليجيه والبنت الاروبيه......(*_*) | يزن555 | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 24 | 08-17-2008 02:42 AM |
| رواد الفضاء تمكنوا من مشاهدة الحرب على لبنان بالعين المجردة | mr2000jp | منتديات عالم الجريمة حوادث كوارث جرائم | 1 | 10-20-2006 09:53 PM |
| حررب لبنــان جريمه افتعلت من حزب الشيطان = موضووع متجدد عن مايحدث في لبنـان = | جنـــي مصـــور | منتديات عالم الجريمة حوادث كوارث جرائم | 100 | 08-19-2006 07:38 PM |
| (سوريا والمصيرُ المجهول.. في عالم المعقول واللامعقول) | مجنون السعودية | منتديات الفسحة العامة | 31 | 05-07-2006 09:44 PM |
-الدورات
التدريبية بجامعة نجران-
العرض العادي
