فطائر التفاح

السلام عليكم حبايبي

بصراحه بقول لكم سالفة فطاير التفاح معاي

في يوم من الأيام إتفقنا ( كويحه وصديقاتها بالدوام ) علي

إن كل وحدة فينا تسوي لها صحن حلو وتجيبه معاها

المهم كل الحلا اللي جابوه روعه بسسس هذا غير جنن البنات

وسألنا البنت اللي جابتة عن الطريقة والمقادير وكانت تتهرب

مرة تقول خدامة إختي مسويته ومرة جارتنا المهم ماعلمتنا

والبنات ماتو علي الطريقة ‘ لكن كويحة قامت تحوس وتدور لما لقت الطريقة

طعبا رحت بيت إختها وأخذت الخدامه معاي علشان تاخذ الطريقه من خدامتهم

وهاذي :** المقـــــــــاديــر **


كأس وربع دقيق
1 اصبع زبـده
6 حبـات جـبن كيـري
2 تفـــــاح
نصف كأس سـكر
م ص قـرفه مطحونه

** الطـريـــــــقـة **


طريقة عمل الحشوه..

تقشر التفاحتين وتبشر ثم توضع على النار ويتم وضع نصف كأس سكر عليها وملعة صغيره قرفه ..
تقلب على الناار فتره حتى تتجانس .. بمعنى ثاني يذوب التفاح المبشوور

طريقة عمل العجين..

يعجن الدقيق بالزبده وجبن الكيري (( مع ملاحظة أن الزبده لا تذوب بل تكون طريه بدرجة حرارة المطبخ ))
وبعد ذلك تفرد .. ثم نحضر فنجان القهوه ونقوم بقص العجين المفرود بالفنجان بحيث يتكون
لدينا دوائر صغيره بحجم الفنجان


بعد ذلك نضع مقدار من حشوة التفاح فوق العجين ونغلق الأطراف فقط أي نلصق الجزء
الشمالي من الدائره بالجزء الجنوبي بحيث يتكون عندنا شكل فيونكه يعني ورده
مزركشه ويكون جزء من الحشوه ظاهر من جهة الشرق ومن جهة الغرب
وبعد ذلك تدخل بالفرن حتى تنضج

للتزييـــــــــن..

نقوم برش الفطائر ببودرة السكر 0


وعليكم بألف عافية