قالت لي انت سعود؟قلت:ايـه بالعون..لعيونكـ اسمي سعود لو كــان ضيـــدان!!

ღ سُمُـوّ الأَمِـيِرَة ღ · #1 (**permalink**) 03-13-2007, 08:49 PM

[align=center]البشر في الاتصالات يخطون
يخطون واخطي.. عذرنا هاتف فلان؟؟
ومن عادتـي ماهتـمّ باللـي يقولـون
من غلط في رقمي .لقى الردّ غلطـان
الين جااء فـي يـوم ..دق ّ التلفـون
شفت الرقم.. لقيتـه اشكـال والـوان
فتحت جوّالـي ابعـرف مـن يكـون
سمعـت صـوتٍ فيـه بحّـه وفتّـان

قالت لي: انت سعود؟ قلت: ايه بالعون.
لعيونك.. اسمي سعود لو كان ضيـدان!!
قالت :اتظنّي مخطئه. قلت :وشلـون؟؟
قلبي توقّـف مانبـض فيـه شريـان
بالهـون يابنـت الاجاويـد بالهـون
من عادة الانسـان يرتـاح لانسـان
تسمّعـي يابنـت وابليـس ملـعـون
اخذي كلام ٍ مصدره صـدق وجـدان

ماني بقايل لك: انـا انسـان مزيـون
اطرق ولاله شبه في الانـس والجـان
انا سليمان.. وافـي الهـرج مـوزون
اوزن كلامي.. قبـل اقولـه بميـزان
وانا الّذي لاحـبّ ..لايمكـن يخـون
مخلص مدامه حيّ .ويمـوت ماخـان
وانـا اذا حبّيـت.. حبّيـت بجنـون
حبّـي يفجـر داخلـي الـف بركـان
وانا الّذي ماطـرد ورى مـن يقفّـون
من صدّ عنّي عمد.. بجزيـه حقـران
هذي وصوفي .واكثرالنّـاس يشـرون
وانتي عليـك اليـوم تقديـر الاثمـان

قالت :اشوفك قمت ياسليمـان تمـون
تضحـك وضحكتهـا تقاسيـم فنّـان
قلت :الميانه.. ماهي بضحكة سنـون
احيـان ماتلقينهـاا بيـن الاخــوان
ترى الميانه شيّ واضـح ومضمـون
اذا اجتمع شخصين.. في قلب ولسـان

قالت :كلامك وافـي ٍ يابـن خلـدون
احيان احسّ ان جلستك بيـن شيبـان
ياسليمان .اسمع كلمة البنـت ميسـون
اسلوبك ووقتك.. مضت دونها ازمـان
هـذا زمـن قدواتـه افـلام كرتـون
وهذا زمان ارجالـه اجسـاد وابـدان
قالت.. وغنّت لي على وقتـي لحـون
قلت: اسكتي من بعد ماخاطري شـان
انا ادري ان الوقت.. من دون في دون
لكن فمـان الله وانـس ِ اللـذي كـان

قلته وانا صامل.. وهي عندهـا آذون
لكنّهـا ماصـدّقـت سـمـع الاذاان
ضاقت ...وخلق الله دايـم يضيقـون
وانا قفلـت الخطّ..ضايـق وزعـلان
ونسيت.. والاجواد في الوقت ينسـون
ماسـمّـي الانـسـان الاّ بنسـيـان

المشكله..بنـات حــوّا مايسـلـون
دقّت علـي وانـا لهـا شبـه شفقـان
قبل آآتكلّم.. قالت: اسمـع ولاتهـون
اسمي مهو ميسون.. حان الصدق حان
الاسم عمشاء وآخـر الجـدّ مصيـون
مهـره ولا طوّعـت بلجـام وعنـان
قلت: ارحبي مليون تضـرب بمليـون
اقولهـا مليـون مـن قلـب ولسـان
قلت: ارحبي في العين ..ولحافك جفون
وظلالك من الشمس باهداب الاعيـان
ياعيـن حـر ٍ بالمطاليـع مفـتـون
حر ٍ شـراه مولّـع الصيـد طربـان

**

واتمنـــى انهـا اعجبتكـــم

*·~-.¸¸,.-~*أميــــــــرة..*·~-.¸¸,.-~*[/align]

دنيا غريبه للأسف · #2 (**permalink**) 03-13-2007, 08:57 PM

أميـرهـ ،،

تسلمي على النقل الرائع

حقيقه قصيده جميله

تقبلي مروري

كلمـ ولو جبر خاطر ـه · #3 (**permalink**) 03-13-2007, 11:07 PM

صح لسانج عن جد القصيده حلوه وربي اندمجت معاها وعساج عالقوه

ღ سُمُـوّ الأَمِـيِرَة ღ · #4 (**permalink**) 03-25-2007, 09:05 PM

الــــــــــــــــف شكر على مروركــــــم ..اسعدنــــــــي والله’’

أميـــــــــــــرة,

S w w a 7 · #5 (**permalink**) 04-10-2007, 01:19 AM

اي والله عمشاء خخخخخخخخخخخخخخخخخخخخ

<<<< تهيض الولد

مشكوره اميره على القصيده

الشعر روح الأدب والصدق بالشاعر دليله ........ والمعاني مفرداتً لو عصينااهن عصنا

مشكوره مره ثانيه

سلام

برب..

$منتديات جسد اللقافة ينتهي في 15\2\1429 هـ$	$'منتدى لحظات لكل جديد ومفيد حيث المتعه والفائده ينتهي في 13\12\1429 هـ$	$موقع احطك بعيوني ينتهي في 19\12\1429 هـ$
$عقارية المدينة ينتهي في 12\12\1429 هـ$	$حراج سيارات شراء استبدال بيع جديدة و مستعملة جميع أنواع السيارات ينتهي في 12\5\1430 هـ$
$مركز تحميل فلفة ينتهي في 16\12\1429 هـ$	$'للاعلان بالموقع 0\0\1429 هـ$	$شبكة ورود الروح ينتهي في 16\12\1429 هـ$

الاستضافة الاقتصادية	directory	رسائل	دردشة شات	هاكات
مكتبة الفلاش الإسلامي	الثقافة الجنسية	صور	حدد مكان الاي بي	الأسره المسلمه
ابتسامات	العاب	دليل مواقع	احداثيات المناطق	القرآن
بطاقات	جوال	جافا java	قصص روايات	افلام
كتب	ماسنجر	خطوط	دليل مواد	دردشة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري