وعدت مرام بعد المغرب عند البراده

خذوو السالفة وبدون القصة
كنت جاي من المسجد مصلي العصر وقعدت في السيب الخارجي في ربعة ((أي زاوية)) دايم نتقهوا الشاهي فيهاا وكنت مبكر ذاك اليوم شوي واشوف نملة مبوبزة وحاطة يدهااا على عيونهاا تصيح ((مثل البزر اذا طقيتة وقعد يصيح)) واقرب منهااا وادقق وقلت سلااامات وشفيك؟؟ ماردت علي وعطتني ظهرهاا ((وابتلشت وشلون ابنغزهااا با اصبعي؟ واصبعي كبير عليهاا)) وانبطح على بطني وتمددت في السيب وانغز كتفهاا بعود اسنان ((عود مبري يستخدم لتنقيب الضروس بعد الاكل)) وقااالت نعم؟؟؟ والدموع تمشي لين التنورة حقتهاا ((شدني منظر وجههااا ودموعة الصادقة والصافية..قلت وشفيك من انتي ؟؟قالت اناا ((مرام)) وابنتحر مااتخبر شفاط نمل قريب؟؟ قلت لية هدي الوضع وقولي لي السالفة يمكن اقدر اساعدك؟؟ قالت اناا حبيت واحد اسمة شافي ((شافي من النمل الاسود ومرام من النمل الاحمر ومشهور انة اطخم ((أي حلو)) ويقدر يشيل حبة رز لحالة يعني بطل حديد)) وتقدم لا اهلي ورفضوة اهلي.. يقولون الاصول والعوايد هذاا مهوب منااا وفيناا بكرة يقلب عليك..قلت معليش انااا عوزاة يابابا ((صفقهااا كف ابوهاا انفكت جدايلهاا)) وشافي راح لهلة وقال ((ابي اعرس )) قاال ابوة اخس واقطع مااانبيهم الله لايبيهم هذولي خمااام ((أي النمل الاحمر)) وراح شافي لمة وقال بتزوجوني والا وش لون ؟ قالت اعقل يا الشين ومن يومهاا سحب نفسة شافي من الموضوع ((يعني جحد الملعون)) وطبعآ مراام ماتدري عن انسحاب شافي ..وشرحت السالفة كلهااا لي وانا منبطح طبعاا ومركز معهااا ودموعي تنزل ((مادريت ان اهلي قاعدين كلهم يناظرون فيني ومتغيرة لون وجيهم)) ويوم حسيت بأهلي قمت اصرفهاا واغني ! .. ومشت عليهم
المهم واواعد مرام بعد المغرب عند برادتناا عشان مايشوفوني اهلي واقعد من صلااة المغرب الين الساعة 10 ووصلت ((جاية رجلية والمسافة كلهاا 5 امتاار)) واقعد كل الليل اهدي فيهااا واقنعهاا انهاا تهدي بالهااا وماتشيل هم وان الزواج قسمة ونصيب ((وانام واناا جالس معهاا وهي تروح للبيت قبل لايقومون اهلهاا)) واذا جاء الصبح لقوني اهلي منسدح عند البرادة وقالو خير؟؟؟ اقول جيت اشرب موية ونمت...يوم يومين بدو اهلي يشكوون ويطلوون علي ويشوفوني اسولف ومتحمس ! ((تخيلو راقد وتعابير وجهي واناا اقول طيب قولي لبوك اناا راضية ...طيب خليني اناا افهمة)) طلعت امي وقالت من انت تكلم يا الخبل وقامت تقراء علي ((وكل يوم بعد العصر عند شيخ وخذ انواع الدهونات والعزايم ((أي الموية المقري فيهاا)! ) وانا انتظر بس متى ارجع عشان اشوف الحبيبة مراام )) وادلي اسهر مع مرام ونتصل على جوال شافي ومطفية وتقعد تصيح واخمهااا ونصيح سوى قالت معد يبيني معد يبيني ((حسيت وقتهااا ان فية شي غريب يشدني لعفاااف)) وصرت اشتااق لهاا كثير وا! فرح با المواعيد ((ناقص حناان طبعا)) وانقلبت البرادة غدير في عيوني اشوف الحبيبة مرام عندهاا والله واصارحهااا با الموضوع ((طبعاا بعد مرور شهر على اختفاء شافي وفقدان الامل في رجوعة)) وحتى هي قالت اناا مرتاحة بعد لك ياا ترم ترم ! زاد الحب بينااا ودليناا نسرق انفساناا ونروح عند البرادة ((واذا هي بتروح لجخر احد اقاربهااحطت لي رسالة تحت البرادة واخذهااا واقعد ادور على اطراف اصابع رجليني واخم الرسالة ((كني ارقص بالية)) وللأسف كل المدة هذي امي تشوفني وتراقب ((طبعاا الرسالة ماتنشاف با العين المجردة اقراهاا في الكلية تحت الميكروسكوب ((يعني اصغر من حجم النملة كبر يدهاا)) ودائماا اذا جيت اقابلهاا اخذ دربيل معي عشاان اشوفهااا ((طبعاا وش بيصير شكلي وانا منبطح على بطني وادربل الارض)) توقعت امي اني اكلم الجن واني مجنون وكلمت امي ابوي وحجزو لي في مستشفى شهاار با الطائف وخلصت اوراقي واناا مادريت طبعاا ((كنت في احلى مراحل حيااتي غرقاان في الحب واحلااام مع الحبيبة مرام )) لدرجة اننااا سميناا اولادناا اذا جو بعدين ((يعني نسيتهااا شافي وام شاافي)) ويجي ابوي وقاال يا ترم ترم تكفى اناا تعبان وابيك توديني للطايف ابجيب تمر ((المشكلة في الشتاء مدري وش ها التمر)) قلت سم واجي ذيك الليلة واسهر معهاااا وانا ابودي ابوي بكرة ((كااانت اخر ليلة)) واسهر اناا واياهاا لين الصبح دمووع وصياااح وقصايد...شوي واسمع البيبااان تتفتح حقت الفلة مع بزوغ الفجر واخمهااااا ((طبعاا با الدربيل كني اشوفهاا في شاشة لاتحسبون فيهاا خرابيط علااقة شريفة)) واوعدهااا اني اذا رجعت ابفاتح اهلي با الموضوع ((مادريت انهم ودوني لشهار قبل لايعرفون اجل وشلون اذا درو؟؟)) وبا الفعل طلع ابوي وكنت في الايام الاخيرة اطنش الحب اعماااني واتكلم مع النملة قدام اهلي طبعاا مايشوفنهاا يشوفوني اكلم الارض وماسك الدربيل ((اسمعهم يسموون ويصيحون)) بس الحب كاان معميني واقوى من كل شي ومطنش الكل لاني مابي اضيع دقيقة من عمري بدووون مرام ((خاصة ان اهلهاا يطلعون يجمعون اكل وهي فااضية كل اليوم)) يعني ضروفهاا صح...((وبيني وبينكم اناا اكب لهلهاا رز في اخر الفلة عشان يطولون مايجون..وبا الفعل قال ابوي يالله ياترم ترم مشينااا ويمسك يدي وهي متعلقة في طرف ظفري وتصيح ((ترووومتي )) واناا اقول ((مرام )) وابوي مايدري وش السالفة وابوي يسحبني ويسمي واوصل الباااب وانا ادربلهااا ((رافعة يدينهاا وشفايفهاا تنتفض! شرة كيف ابروح واخليهاا)) وطلعناا ..وتم تسليمي للمستشفى يوم الاحد الموافق4/8/1422هـ ومن يومهااا معد ادري وش صاار واناا اكتب لكم الحين من المستشفى..
السؤال :-
1-راحت سنه هل مرام نستني زي مانست شااافي ولا لا؟؟؟؟؟
2- طيب ضنكم القاهااا ولا تزوجت؟؟ واذا تزوجت كيف راااح اعيش؟؟؟