 |
| |||||||
 | |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
08-08-2010
| |||
| |||
 تسذب ام حقيقة ام خيال...مجرد فضفضة فاضي مدخل / هذا الموضوع إهداء لكل من ضاقت به الدنيا و تردت به الحال .. لكل من تخلى عنه المجتمع فتبنته القذارة والطماله .. لكل مضطهد اعتاد على ان يناديه الأخرين "يا الحمار" .. واخيراً إهداء لجميع الأخوه الزملاء القائمين على مستشفى الأمراض العقلية =========================== تداعت صرخاتي وصيحات حنجرتي المتهردله اللي من سمع صوتها قعد يتعوذ من ابليس .. فرحت بكل فرح وبشارة ادووج بشوارع بيتنا واسياب احوشتنا واتشقلب امام اهلي نعم .. تلك السعادة التي كنت عليها و أنا أتصفح المنتدى .. تحديداً في صندوق رسائلي الخاص .. فأنا العضو الملقب بمربط الجن .. أقر و أعترف بكامل قواي العقلية بأنه قد وصلتني رساله من جهة إعلامية تطلب عقد لقاء تلفزيوني معي على أحد القنوات .. ما أصدددددق .. بالله واحد يلفعني بأسطوانة غاز أو يمحطني بسلك مسجل عشان أقتنع .. أخييييراً أنعطيت وجه يا ناااس .. يا سلااااااام .. ما أجمل أن توثق مصالتك بعيداً عن عالم الزرف و إغتصاب الحقوق الفكريه ( الله من زين الفكر عشان توثق حقوقك له ) .. هذا العالم الوهمي القذر الواطي المخيس السافل الحقير المسمى بعالم النت <<< قام يرفس المودم من الغبنه احتشدت العائلة الكريمة حول الكمبيوتر و لزقوا وجيههم عالشاشه و السعابيل تقوطر حتى غرق الكيبورد .. عندها أخذت أختي الصغيرة تطامر و هي تقول بأسارير مبتهجة: هيييييييييييه هييييه .. اخوي تركي بيطلع في برنامج ( الجانب المخفي ) .. من قدنااا.. لم تكد تكمل طمرتها الثانية حتى صفقت براسها الجدار قائلاً: يا السبهه بيستضيفوني انا .. مهوب سعد خضر.. رجعت إلى الكمبيوتر و إذا بأخي الصغير فاقن فمه على صور الفيس بوك .. فتداركت براءته و أطفأت الجهاز درءاً لوقوع أخي في الإنحراف المبكر خصوصاً انه ينام معي في نفس الغرفه .. إلا أنه ما زال فاقن فمه على الشاشه حتى والكمبيوتر طافي .. فحملت الكمبيوتر و خبأته في درج الكمدينة تاركاً المركه التي كنت أضع عليها الكمبيوتر أمامه . و في الأثناء .. صدر صوت غرغره عنيفه من الدور الأول .. فأنطلقوا أخوتي إلى الدرج قائلين بسعادة عامرة: أبوي جاااا .. أبوي جااا !! <<< انا خبري الأباء إذا دخلوا بيوتهم ينعرفون بأصوات أكياس أو مفاتيح أو حتى الأبو يصرخ بصوت عالي يقول ( أي أم هوووم ) .. الا الوالد ما نعرف انه وصل للبيت الا بصوت غرغرته .. عائله يرثى لها قسم بالله هههههههه و بعد أن تأكد كل فرد من عائلتي بحقيقة المقابلة .. أرتسمت إبتسامة الحنان الصافي على شفاة أمي الحنون وهي تقول: و أنا أمك إذا سألوك وش سر نجاحك .. قل لهم من مطازيز أمي  .. ولا تنسى بعد تقول لهم عن الدعاوي اللي أدعيها لك إذا كبيت الزباله .. فأستطردت مسلكاً: ايه إن شاء الله .. ابشري يا أم الكاتب الكبير الدكتور مربط ( الظاهر اني تأثرت بهياط ليلى الهلالي) .. عندها وضعت أختي الصغيره يديها على خصرها و أخذت تهزه بلعانه قائله: لااااااااااء .. نسيت من يولع لك الخزان وانت تصارخ في الحمام ما فيه مويه .. نسيت جملة ( أخوي يقول انه مهوب فيه ) اللي دايم أقولها لأصدقائك .. ولا ما تدري أن وراء كل هذا وشسمه .. أخت مدري وش !! .. فرديت عليها غاضباً: اقول ورا ما تاكلين تبن .. ولتس عين تتكلمين انتي و قش المكيف الصحراوي اللي على راسك .. لا و حاطه ثلاث شباصات يعني اني شعري الطويل يطيح على عيني و يضايقني .. اصلا من دخلتي المدرسة و حنا نرتز من مراقدنا الفجر من صجة صوت المشط وهو يمشي على شعرك الخشن.. و فجأه أقترب صوت الغرغره فأيقنت بأن أبي قريب من غرفتي .. حتى دخل و أحتضن أختي الصغيرة ( مع مراعاة أخذ المسافة بين شعرها وثوبه عشان ما يتشقق ) ثم قال: كلششش ولا بنتي عاااد .. الا وش هالحركات يا ولد .. قالوا لي أخوانك انك بتطلع في التلفزيون .. بس الله يرضى لي عليك .. لا تنسى تقول للمخرج يحط مسافة بين الشريط اللي بيحطه على عيونك و بين حواجبك عشان ما نلخبط خخخخخخ .. نظرت إليه شزرا ثم تغصبت مصالته قائلاً بإستهزاء: والله جينات الحواجب ما جبتها من برا .. بعدين قالوا لك بطلع في برنامج ( دمعة تائب ) أو ( العائدون إلى الحق ) عشان يحطون شريط على عيني ؟؟ .. فأستطرد أبي بمصالته للمره الثانيه متسائلاً: عاد انت عائد له هالحين خخخخخخ .. المهم بس إذا سألوك عن الأسباب اللي وصلتك للنجومية .. قل لهم من توجيهات أبوي الرشيدة .. و انت عاد شف كم محطة بالعقال وجهتك بها.. لم يكد ينهي حديثه حتى رجف أختي عالجدار قائلاً: يالله .. انا داخل انوم لا تصجوني !! أنطلقت لخزانة ملابسي لألبس ما يليق لهذه المناسبة النادرة .. ولكن ما إن فتحت الخزانة حتى وقعت في حيرة من أمري .. ياربي البس ثوب الدفه ذو الياقه المتهردلة ولا بدلة المعهد المهني حقت ولد خالتي .. فقررت أن البس ثوب الدفة .. تخبرون مناسبة رسمية .. صعبه أجي ببدلة<< ولا بعد ناوي ؟ و بعد أن لبست الثوب و صفطت كمومه عشان أخفي وصاخة خشمي .. نزلت للمطبخ أبحث عن شماغي اللي أخذته الوالده قبل شهر عشان تمسح به تطريش أختي .. فوجدته و نقعته بكلوروكس و تنر ثم لبسته .. و هكذا أصبحت في أبهى حلتي و على إستعداد تام لإجراء أي مقابلة حتى وإن كان برنامج العبده أوبرا !! ودعت أهلي مؤكداً عليهم أن يبقوا قريبين من التلفاز ليشهدوا هذا الحدث التاريخي .. و خرجت متوجهاً إلى إستديو التصوير  !!7 7 7 * مقدمة *  |
|
#2
08-08-2010
| |||
| |||
| رد: تسذب ام حقيقة ام خيال...مجرد فضفضة فاضي * الموضوع * السلام عليكم و رحمة الله و بركاته .. أعزائي المشاهدين و المشاهدات .. مرحباً بكم في برنامج ( 95 ) مع محدثكم طبشورة .. حلقتنا لهذا اليوم مع كاتب إجتاحت شهرته الأفق في عالم الشبكة العنكبوتية حتى أصبح حديث المجتمع و رمز المصالة و إلهام التقيؤ و طموح كل عانس .. ضيفنا لهذا اليوم هو الكاتب الساخر الماصل الكبير ( مربط الجن ) << انواع التناقض المذيع:مرحباً بك أخوي مربط في برنامجك ( 95 ) مربط وهو يسكر الياقة ثم يدير وجهه بحذر كي لا تخرب الكوبرا قائلاً:الله يحييك أخوي طبشورة .. الا ما قلت لي .. هالحين 95 قبل إختبار قياس ولا بعد خخخخخخخخخ !! .. طيب أدبي ولا علمي خخخخخخخخخخخ !! قطع المذيع قهقهتي قائلاً: أعزائي المشاهدين سنعود إليكم بعد الفاصل .. كونوا بالجوار .. فأدار بوجهه العابس نحوي قائلاً: عسى ما شر يابو ؟ .. وش هالمصالة ؟ .. لي ساعه أمدح فيك و أريش بك .. اخرتها تتميصل بهالكلام … اقول اترك عنك المصالة لا أطردك برا الإستديو المذيع بعد أن عدل شخصيتة و أدار بخشته نحو الكاميرا: عودة من بعد الفاصل و ننتقل لضيفنا العزيز مربط .. أخ مربط .. ما تعليقك على تدافع المعجبين و المعجبات نحوك بشكل مستفز و مزعج ؟ مربط الجن وهو يطلق تنهيدة عميقة: اييييييييييه يا سيد طبشورة .. بصراحه حطيت وجهك المربع على الجرح بهالسؤال .. فعلاً أنا أعاني معاناة شديدة من المعجبين و خصوصاً المعجبات .. ياخي حتى المنتدى إذا دخلته يعلق معي ولا أقدر أسوي تحديث من كثر النوافذ اللي تقول " لديك رسالة خاصة " .. و أنا واثق بعد هاللقاء ما راح أرتاح حتى في الشارع و الأماكن العامة .. لذلك ذكرني و حنا طالعين أكلم وزارة الداخلية يصرفون لي أربع فرق من مكافحة الشغب لأني راح أكون مصدر تجمعات متنقل !! أخذ المذيع يقلب في الأوراق ثم أردف قائلاً: وصلنا فاكس من المدعو ( ز. ر. ع. ) يقـ .. وهنا قاطعت المذيع بمصالتي المعهودة قائلاً: هههههههههههه زرع أجل .. الظاهر شاق ورقة هالفاكس من كتاب قراءة إبتدائي.. الله يستر لا يجينا بعد شوي فاكس من ( ح. ص. د. ) خخخخخخخخ .. أدري انك كاتم الضحكه و ما تقدر تقاوم ذباتي عشان سير المقابلة يمشي .. لذلك بسكت و بخليك تكمل بكل أريحية .. ايوة أسلم المذيع وهو يتنفس الصعداء من مصالة الضيف: الفاكس يقول انه شخص يعرفك زين و معجب بنزاهتك و كرمك و قوة إيمانك حتى أنه أستشهد بموقفك اللي في جامع الراجحي .. لما تبرعت بجوائز مسابقة تحفيظ القرأن الكريم و شاركت بالأنشطة الدينية بما فيها خطبة الجمعة .. صحيح هالكلام ؟؟ مربط: هاه .. ايه صح بصراحه كانت أيام فله ( امحق رد ) .. الواحد وش يبي من هالدنيا غير الأجر و طبعاً الدنيا فانية و الإنسان معها بعد .. يعني بيخليها تنفني لحالها بدون محرم .. اكيد بيخاويها ولا مهوب رجال المذيع وهو يطرق برأسه موضحاً:أهاا .. بس انا لاحظت في أخر الفاكس مكتوب جملة صغيرة تقول ( تراني نصاب و اللي قلته كله من تأليفي بس عشان أحرج ضيفكم الماااااصل ) .. ما تعليقك ؟؟ مربط والعرق يتصبصب من خشمه:ومن قال جامع الراجحي اصلن .. أنا اقصد جامع الشميسي يعني من جدك بتبرع للراجحي و انا لو أبيع نفسي ما جبت قيمة صرّاف من صرّافاته خخخخخخخخخ .. يا سيد طبشورة تكفى أمسك نفسك .. لا تضحك .. ورانا مقابله نبي نخلصها على خير المذيع وهو يصرّ على أسنانه و يعفط ورقة الفاكس مفروساً من مصالة الضيف:طيب من بعد أذن ضيفنا .. راح نستقبل المكالمات الهاتفية على الرقم الموضح أسفل الشاشه و معانا إتصال .. الو .. من معي ؟ وفي هذه اللحظه .. سمعت صوت تمخيش و إحتكاك شعر بسماعة الهاتف .. عندها أدركت هوية المتصل قائلاً: يا هلا وغلا بأختي الصغيرة .. يا هلا بالحلوه الأموره .. شربتي كاس الحليب اللي حطيته لك عالأبجورة يا قلبي .. ترى لو ما شربتيه أزعل منك ولا أشتري لك عروسة زي كل يوم أختي وهي تربط شعرها بجنزير سيكل: تكلمني ؟ مربط: ايه انتي يا شطورة يا دلبووووش  .. ولا نسيتي أخوكي اللي كل يوم يوديكي للملاهي و يشتري لك إإإيسكريم أختي: اقول اسكت تكفى لا أطرش على أذنك .. بعدين غرييييييييييبة .. ما قد وديتني معك الا لمشاوير تعبية الغاز .. لا و تسوي سحب و قرعه بيني وبين أخواني عشان هالمشوار اللي طول الطريق و أسطوانات الغاز تتدربى علينا و تكسر عظامنا في صندوق ددسنك .. حتى البقاله إذا وقفنا عندها بالغلط تقول لي أجلسي في السيارة انا بشتري لتس .. أخرتها ترجع لي بمعمول أبو نص و تجحدني و تاكله لحالك المذيع: شكراً لكي على هذه المداخلة والظاهر ان ضيفنا سوى نفسه نايم بعد تعليقك .. لذلك نستقبل إتصال أخر من أحد المعجبات .. الو .. هلا أختي !! <<< أنقذني جزاه الله خير !! حينها تغلغل صوت أنثوي لاذع داخل طبلة أذني حتى أشذف مسامعنا بعذوبة صوته و رقة حنجرته هامساً: وااااااااي صدددددددمه  .. وش ذا المقشع اللي جالس !! .. فقاطعتها بصوت عالي وأنا أنغز رجل المذيع: الظاهر ان الإتصال يقطع .. الصوت مهوب واضح ولا أخوي طبشورة ؟؟ .. فرد المذيع بنذالة: بالعكس واضح جداً.. حتى كانت تقول عنك "وش ذا المقشع اللي جالس" .. تفضلي اختي كملي !! .. فأردفت الفتاة اللعينه قائله: أسمح لي يا مربط بس يرحم والديك لا تتعدا الكيبورد تكفى .. يا ناس قبييييييييييح  .. خشم و حواجب وععععععععععع .. بصراحه أول ما شفت وجهك اللي كله شعر قلت هذا المفروض يلبسونه عمامة و يستضيفونه في قناة المنار الشيعيه .. ياربيه شين قسم بالله  .. صدق ان النت عالم حقير .. وانا اللي كنت أرسم عليك و أقول هذا فتى أحلامي .. بس بعد اللي شفته بشخمممممط عليك و بكتب على خشتك ( تااااااااالف ) يا كلــ .. طووووط طووووط !!المذيع:شكراً أختي و أنا بصراحه ما ألومك بس يا ليت لو ترتقين بأسلوبك شوي ( بدري !! ) .. ناخذ إتصال أخير .. الو .. تفضل أخوي ؟ عبااادي:صححح يا أبو خشم .. من بعد الجلسة على عتبة باب بيتكم صرت تطلع في التلفزيون !! مربط:هلااااااا والله بصديقي الحبيب و فتى حارتي البار … وينك يا غالي .. حي المحمديه ما عاد يسوى من دونك !!عبادي:وش حي المحمديه يابو .. نسيت اننا ساكنين في الربوة .. حي وايتات الشفط والبيوت الملزقه ههههههههه مربط وهو يغمز لعبادي من زود الثوارة:يا حبك للمزح يا عبادي .. من عقب كشتتنا في جزر المالديف وانت صاير تنسى كثير ها ها ها << ضحكة خرشه عبادي:وراك تكلمني بفوقية كذا ( أموت و أعرف من وين جاب هالكلمه ؟ ) .. بعدين وش مالديفه اللي كاشتين فيها .. نسيت طلعاتنا لمخطط الغروب لا و نجلس على وطايات موتري بعد ههههههه .. عموماً أنا سعيد جداً اني شفتك في التلفزيون يابو خشم .. الله يالدنيااا .. اللي يشوفك الأن ما يقول هذا البزر اللي كان ينتهز فرصة أن أمه تغير له حفاظته همن يركض مفصخ للشارع و أمه تصارخ تناديه عند الباب .. المصيبه اني ذاك اليوم اسألك عن السبب تقول لي: ياخي إحساس رائع ان الهواء يصفق مقفاك بعد إختناق يوم كامل بالحفاظه هههههههههه .. وش تحس به تكفى على هالمصالة هههههههه .. انا مدري ليه معطينك وجه في هالمقابله مع أني أنا و العيال في الحارة ما نقدر نتحمل مصالتك دقيقه على بعضها !!المذيع مقاطعاً وهو يناظر الساعة: شكراً لك أخ عبادي على إتصالك … بصراحه وقت البرنامج شارف على الإنتهاء و كان ودنا الفرصة تسمح لنا و نتقرب أكثر من ضيفنا الماصل .. لذا أعزائي المشاهدين .. نختم و إياكم حلقتنا لهذا اليوم مع كلمه أخيرة لضيفنا العزيز .. تفضل أخوي ( مربط ) !! مربط حاط يده على راسه في لحظة إنهيار مدوية:وش نستمع يا رجال .. قفل الشـّاره بس .. انا تمرمطت في هالمقابلة من الكل حتى منك .. الا ورا ما تمنعون البث المباشر و تخلون اللقاء تسجيل عشان يمدينا نحذف .. وش زود القنوات السعودية عنكم !! بينما و أنا أناشق و أجتر الكلمات اجترارا .. إذ بالمذيع يربت على كتفي بيده و يمسح دمعي بيده الأخرى مواسياً: إرضاء الناس غاية لا تدرك و أنا أخوك .. و صدقني إذا الناس كلها أجتمعت على مدحك فأعرف انك فاشل !! أومأت برأسي إيجاباً ثم نهضت في خطى متثاقلة و قوى متخاذلة أجر أذيال الخيبة والتحطيم .. عندها أستوقفني صوت غرغرة خالطتها ضحكات تردد صداها أرجاء الأستديو .. فألتفت بذهول وإذا بأبي فاقن كشرته مع الطاقم يضحكون على دلاختي !! .. عندها نطق أبي مستطرداً: حسبي الله عليه من مقلب .. كاتم غرغرتي من أول البرنامج ولا طاع يخلص .. وجهي صار أزرق خخخخخخخخخ .. حينها قطع غرغرت أبي قدوم شخص يرتدي بالطو أبيض و نظارة طبية قائلاً لي وهو يثبت نظارته: معك الدكتور محمد .. دكتور أمراض نفسية و عصبية .. ادري انك حاس بالقهر .. و أتمنى أنك تعذرنا لكن هالمقلب كان عبارة عن علاج نفسي لمرضك بعد متابعة ست شهور لحالتك النفسية أكتشفنا من خلالها انك ترسل لنفسك رسايل إعجاب بيوزرات وهمية في المنتدى .. حتى رسالة المقابلة .. عقلك الباطن هو اللي خلاك ترسلها لنفسك بدون ما تستشعر هوية المرسل .. و طبعاً احنا بدورنا أستغلينا هالرساله و نفذناها عشان نحقق لك التصادم بين أوهامك اللي تمجد نفسك فيها و بين واقعك الماصل .. لذلك أشكرك على تجاوبك للعلاج و أحب أطمنك ان محد يدري عن سالفة مرضك الا أنا و أبوك بس .. حتى أهلك كل اللي يعرفونه انه مقلب عادي مدبر من أبوك !! .. عندها تدخل أبي قائلاً: و أنا أبوك انا بس حبيت أعلمك حقيقة هالإنترنت اللي مشغلك عن أهلك و أخوانك بالساعات .. حتى الغداء نحطه و ينشال وانت جالس عالكمبيوتر و كل ما ناديناك تقول ( يالله جاي جاي ) و تسحب علينا .. يلعنبو بليسك صرنا نكتب لك معروض عشان تروح تشتري خبز .. اقول بس قوه معي للبيت خن نكمل ضحك عليك مع أهلك يا الماصل المريض خخخخخخخ<<< أمحق أبو و بعد أن وصلنا إلى البيت و تمزعت بطون أهلي من الضحك علي بإستثناء أخي الذي لم أره .. فبحثت عنه و إذا به لا يزال فاقن فمه أمام المركة إلا اني لاحظت وجود مراكي صغار جنبه <<< الظاهر ان مفعول الفيس بوك أشتغل  !!و عندما جن الليل و أرخى سدوله .. أخذت أتقلب على فراشي محاولاً نسيان ما حدث ولكن لم تطفىء نار حقدي على أبي بعد .. لذا توجهت إلى الوالدة و مسكتها على جنب قائلاً بكل مكيدة: ما شاء الله على أبوي يمه .. تصدقين طلع فاهم في الكمبيوتر يوم انه يرسل لي رسالة المقلب عالمنتدى .. لا و يقول لي انه عضو فعال و له معجبات يسولف معهم بمكرفون و كاميرا الكمبيوتر  .. أجل ما قال لتس هالكلام  .. أوه معليش أحسبه معلمتس .. يالله اجل انا طالع أنام .. فمان الله  !!أخذ الشك يساور الوالدة و الأفكار تاخذها و تجيبها حتى لحظة وصول أبي للبيت .. و بعد برهه .. خرجت من غرفتي لأتحقق ما جرى من مستجدات .. و إذا بأبي نايم في الصالة ببطانيته و مخدته و يتمتم بتذمر .. عندها لم أستطع الإمتناع من إيقاظ أهلي للضحك عليه حد الثمالة .. فالسن بالسن والعين بالعين و الشايب هو الأظلم !! تنويه هام: أنا ضد الظهور الإعلامي .. يعني لا تتعبون أنفسكم في طلبات المقابلة معي <<< لا تكفى وافق مخرج / معي مغص ياعااااااااالم الموضوع منقوووول.. من موقعي  |
|
#3
08-08-2010
| ||||
| ||||
| رد: تسذب ام حقيقة ام خيال...مجرد فضفضة فاضي هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههه هههههههههه والله موتني ضحك اضحك الله سنك وقسسسسم اني ضحكت مقليبي تسسسسسسسسسسسسسسسلم دوووم الفضفضه خخخخخخخخخ مشكوووووور والله يعطيك الف عافيه دمت بحفظ الرحمن تقبل طمرتيْ~ |
|
#4
08-08-2010
| ||||
| ||||
| رد: تسذب ام حقيقة ام خيال...مجرد فضفضة فاضي هيه صح نسيت اقولك الا لوان جووووووووونااااااااااان فيهم تنااااااااااسق تسسسسسسسسلم |
|
#5
08-08-2010
| ||||
| ||||
| رد: تسذب ام حقيقة ام خيال...مجرد فضفضة فاضي ههههههههههههههههههه يسلموووووووو والله على الموضووووع روووووووعة بس المقدمة مرررررررررة حسبتها موضوووووووع هههههههه صدق الالوان حلووووووووووة عرفت تنسق بس ما سمعت عن برنامج 95 انا سمعت عن 99 >>>>>فديت هذا البرنامج بس تسلم والله على الفضفضة
_________________  |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| مجرد فضفضة مشرفكم الله لايبلااااكم | !مربط الجـن! | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 50 | 06-30-2010 08:30 PM |
| اسطورة اطلانتس حقيقة و ليست خيال | أعـقــل واحد | غرائب وعجائب اسرار غريبة عجيبة مخيفة و حقائق علمية | 18 | 06-05-2010 01:44 AM |
| 5000دولار في فترة وجيزة مع هدا الموقع حقيقة وليس خيال | lebssisse | ممنوع مخالف مكرر | 4 | 03-08-2010 11:18 PM |
| :: وأخيرا ، ربح المال حقيقة مش خيال مع شركة Bux.to + اثبات الدفع | sari2200 | ممنوع مخالف مكرر | 4 | 02-16-2010 12:45 AM |
| اربح من الانترنت حقيقة مش خيال | a.b.e.d | ممنوع مخالف مكرر | 2 | 11-09-2009 05:41 PM |
-الدورات
التدريبية بجامعة نجران-
"
العرض العادي
