لعبة الشامات صارت ممتعة = مع حسين الدل ممشوق القوام
الغزال اللي لك الله ما اروعه = روعته في طلته با حلى كلام
الحلا والزين دايم منبعه = في شفايف صاحبي حدر اللثام
والدلع والغنج تلقاه اجمعه = يوم يمشي مشيته مثل الحمام
وان نظرك بنظرتن مستطلعه = راحت اعلومك وضيعت الكلام
وان غمزك بعين وارخى مسمعه = تلعب بعقلك هواجيس الهيام
وان تبين صدره الغض ومعه = بانت انهودن مثل تفاح شام
دق قلبك مثل دق المطبعه = وانتشيت وقلت تكفى يا سلام
وان تبسم ثمن اشر باصبعه = لو يروح العقل منك ما تلام
صدق لا قالوا عن الزين اتبعه = عامله في لطف يعطيك احترام