يالزلامي فوق رآسك شجرةٍ مزروعه=غصنها مايل على رآسك ولاله فيّـه
إرم عن جنبك هذيك الجبّه المرقوعه=ولك عندي جبةٍ تسوى ميـة ربيّـه

لاتقربّها لرآسـي خلّهـا مرفوعـه=نيّتك ماهي سليمـه ياخبيـث النيّـه
حسنةٍ من عندكم ياأهل التهم ممنوعه=والزلامي تعرفـه مايلبـس العاريّـه

دخنوا فالجحر لين إنّه نقز جربوعه=الرجال اللي تعرف الحسنه من السيّه
مانبا نعطيه شي لين يلحس كوعـه=واحدٍ يزحف ونابه مثل ناب الحيّـه

انت مثل بعير ....ماتزين طبوعـه=لونزيّن رآس ابوعـرّام بالطاقيّـه
السلوك اللي تجي من يمّكم مقطوعه=من زمان العام ماهوب السنّه هاذيّه

الزلامي لوبكالي مامسحت إدموعه=لوفرشلي يوم أجي عنده ميّّه زوليّه
إن نـصــحــتــه عـــــــن سـوالــيــفــه يـــصّــــك إســمـــوعـــه=مـاأنــتــبــه لـــــــي لــــيــــن ذاق الــــرمــــح والـجـنــبــيّــه

لاتحاول في صناعه قبلكم مصنوعـه=وأنت ماتضمن نجاحك ميـةٍ بالميّـه
وآحسوفي ياليتيم اللي هشمت ضلوعه=كل ماصيّحت فإذنه طـاح فالصينيّـه

لاترجّى خير مـن سيّـارةٍ قربوعـه=وإن مشت في دربها شاصينها ملويّه
لوعطاك الشيخ درع من خيار دروعه=قلت ياعاقل مع العقّـال منـت بعيّـه

أنت مثل الذيب ماأعرف شبعته من جوعه=والعرب تقنع بشـرب الطبخـه البريّـه
لوقبلك البنـك ماسكّـر جميـع فروعـه=فتحت الابـواب فالوسطـى وفالشرقيّـه

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي