 |
|
|
||||||
 |
 |
 |
 |
 |
 |
 |
 |
 |
البعض يتسائل كيف يمكنني التسجيل و ماهي طريقة الحصول على عضوية بدون مشاكل الحل سهل جدا شرح كامل بالصور ( من هنا )
شباب سعودي مع بنات المغرب
 |
|
|
أدوات الموضوع | انواع عرض الموضوع |
10-21-2002, 11:26 AM
|
||||
|
||||
|
شباب سعودي مع بنات المغرب
مقدمـــــة :- هذي سالفتي هاك السنة قبل لايموت عبيدالاطرم وكوبيزالاصقة الي بالسالفة واسبااب الموت ان الاطرم يوجعة قلبة من صغرة بس ماعرف يوصل المعلومة لهلة وقام يلتوي عندهم يحسبونة حصران ونتقت روحة وهم يناظرونة ولحفتة امة تحسبة نايم لين خاس.. ام الاصقة مودي اميمتة للسوق ونتق وسط الخط بيقطع شارع عمومي وتصايح لة امة تقول انتبة للموتر وبسبب الصقة لبة ((اي خمة))جمس عبارتين معة جح ومابعد لقو جثتة لليوم وانا وابو سارة عايشين الى يومكم وابي ياليت تقفل النت الموضوع يبي لة قعدة ومانبي نخسرك وشغل البوبزة ماينفع.. ----------------------------------------------------- رؤس الاقلااام:- 1-المغرب...(( حلم كل داشر)) 2-المّر..((شي يحر الكبد ولازم تدف شراب حموضة)) 3-صالحة..((اسطورة منفوحة)) 4-جعاب..((اي نمل كبير يعني كنك تناظر نملة بدربيل)) 5-كنود...((جهاز زي حق الشرطة)) القصــة:- سنتن من السنين ايام الطفرة والفقر كنت انا ومعي ثلاثة من سرابيت الحارة الله يذكرهم بالخير ويتغمد من مات منهم ويسكنة الجنة كنت انا وابو سارة ((النذل)) وعبيد الاطرم ((لانة مايحكي اطرم صدق)) وكوبيز الاصقة ((وكوبيز عيارة مايسمع الضعيف ويحب البيتزا ويبي يقول كوة لبتزا ومانطقة زين ولزقت فية العيارة)) طبعآ منحب نروح ناكل في بيتزا بس نروح نتسدح على عتبتها نشمشم الريحة المهم الجحلط الاصقة والاطرم ماتو الله يرحمهم.. كنا شلة سمرمد ((اي صايعين)) ومؤذين ونطلطل من تحت بيبان الناس في الحارة الي جنبنا ونقزقز الشغالات وهن يسلتن((اي يشطفون بالسالاتة)) الاسياب ((عز المراهقة)) ويجي ذاك اليوم طفش والنفسية لك عليهاا ومبوبزين كالعادة على عتبة دكان ابو صالح مامعنا القرش نحتري بزر نقدر علية ونعرف ان مالة اخوان ندبجة وناخذ دراهمة والله واناظر اقصى الشارع واشوف ابو سبعان (( عيارتةالسعلو)) جاي من اول الشارع ذاب ابتسامتة كنة ملكة جمال موزنبيق توهم معلنين فوزها ((كان الملعون ولد نعمة ومخباتة الي فوق دايم فيها عشرت اريل)) ودخل البقالة ونسرد ((اي ندخل)) وراة كلنا جميع ونقعد نتطلبة يباشر علينا ويشري لنا ببسي ابو نصف وياخذ خميرة لمة بتصلح لة كيك ((من زودالفسق)) ويوم ظهرنا ((اي طلعنا)) عند العتبةويصمخناا السعلو بذااك الخبر!! قال شبااب توصوني بشي تراني طالعن للمغرب الساعة 7 ؟؟؟ وبصوت واحد قلنا وشوووو؟؟؟؟((طبعآ انا وابو سارة بس الي قلنا اما الدبش الي معنا الاصقة ولاطرم في قمة البرائة قاعدين يراكضون حافين ويطيشون في الببسي على بعض وشعورهم تقول مدهونة بورنيش)) قال زي ماسمعتو.. قلنا يالخبل وشولة الخساير؟؟((انواع الحقد)) قال بكل وقاحة وانا قاعد اشحذ منكم فلوس سفرتي؟؟ ولا قايل باشرو علي؟؟((يذب علينا)) سكتنا فاتحين اثامينا وقاال ها بس من فاضي منكم اعطية مفتاح البيت يسقي النخل تكفون؟؟((الملعون يحرناا)) والله ويعطينا ظهرة وهو يردد اغنية انا الغلطان ماش انتي ((ياخذ كورس الملعون)) والله ونبوبز انا وابو سارة والقوارير بيدينا ماشربنا منها ولا جغمة ((اي لقمة بس من الببسي )) وجلسنا نصف ساعة من هول الخبر ويطقني ((مّر)) وابو سارة يفرك في يدينة ويلعن في ابوة ويقول اها !!وش نفعتك دشارتك يومك صغير يا ابوي ضيعت نفسك وضيعتنا معك ((تكف يالخريج)) والله وينغزني مع ركبتي وانا مثل المبنج معد اوحي شي ((كني غايص في مسبح واسمع الاصوات مهيب واضحة)) ويلمخني بالقارورة واقوم وقال يا دعلووج بالله مهوب قهر ها القرد سبعان يروح للمغرب وانا واياك فتوات الحارة نصالي ((اي ننتبة)) لها الدبش الاصقة والاطرم؟؟ والله يوم التفت واشوف جراذي بشرية يراكضون حافين وصخين ويطيشون في الببسي وتحوم كبدي زيادة ويزود علي المّر.. قلت يابن الحلال تكف عاد من زين ها المغرب تراها شينة وتحوم التسبد ومافيهم فاتح العين والله ويتلفت ابو سارة يمين ويسار ويرفع ثوبة واصمخة بكف وقلت وش عندك لاتقعد تسوي علي هالحركات قال يبن الحلال عين خير ويطلع ذيك الصوورة من فوق الحيزة وقال خذ هذي عينة للي بيروح لهم القرد ابو سبعاان والله واشوف الهوايل وتلف بي الدنياا وتشطح بي ويختلف وجهي ويقشعر جلدي واحس جسمي شمر ((اي صغر)) على مقاسي يعني كوشت وغديت احدب الجلد معد يغطي ودقات قلبي قامت ترنع تقول داخل صالة عرس.. قلت عمن يعميك وشذي يالسرسري؟؟ قال جايبها ولد خالي من هناك قلت حرام عليك ومخليني اسهر الليل على صورة صالحة؟؟((صالحة بنت في الحارة لون وجهها مثل لون جزمتها وملامحها انمسحت مع كثر الموية ووجهها كنك فاتح قدر مرقوق وطال فية)) قال ابو سارة انا موزيها للحاجة وهذا وقتها هاا وشرايك؟؟؟ قلت شف والله ياذا القرد مايسهر الليلة لحالة والله وينبسط ابو سارة ويقعد يشيش فيني ((اي يحمسني)) واخر شي سمعتة يقولة ((دعلوج تدري تقدر تمسك يدها وترقص معها)) هو قالها ولا لا قمزت تقول مقروص وقلت شف عندك تكميلة؟؟ قال افاا انا قاعد اشكي لك وانت فاضي للكورة قلت مهيب للكورة يالثور بنسافر الليلة قال والله؟؟؟ قلت جهز نفسك وبع دجاج امك والديك كان في راسك سربتة انا اعرفك راعي خساسة وانا ابروح ادبر عمري ابشري لي تحف ((داري كلكم تقولون كثر منها)) قال طيب وفلووس التذاكر؟؟؟ قلت مايحتاج تذاكر بنسافر بدوون تذاكر قال اخس يا القووة يا صديقي قلت انهج ترانا العصر والاقلااع ((مهوب المنتدى اقصد اقلااعنا بالطيارة)) بيكون الساعة2 في الليل وقال طيب والله ويبيع ابو سارة دجاج امة وانا دورت شي في البيت ولا لقيت شي فكيت الدينمو وبعتة والله ونتجمع بعد العشاء على عتبت الدكان والاطرم والاصقة لازالو يطيشون بالببسي على بعض من العصر والببسي غادي لونة اخضر من كثر الرج طلع فية طحالب قال ابو سارة دعلووج بناخذهم معنا؟؟ قلت هم الاولين ونركب ذاك التكسي وكل واحد معة ملابسة في باغات خبز ((ماهنا دراهم نشري بها شناط مخلين الدراهم للتحف)) والله ونطمر شبك المطار من ورى وهم مقفلين خلاص انتهاء دوامهم ومطفين الانور وندور على الطيارات واهن ملبقات ونلقاء وحدة ناسين المفتاح عليها واقول انزل انت واياهم دفوها بنوديها اخر المدرج وننتشها ((اي نشغلها)) هناك عشان مايظهر صوت وننكشف قال ابو ساارة افاا وش بتسوي يا الخبل؟؟؟ قلت ما الخبل الا انت والي معك ها الدبش شف يابو سارة هذا الشبك قدامك انا خربانة خربانة وراقص الليلة راقص لو الرقبة تنقص..قال طيب وش انت ناوي فهمني ؟؟ قلت شف متى اخر شي لازم نرجع طيارتهم؟؟ ((يلعن ام الثقة))؟؟يعني متى يداومون المطار؟؟ قال اكيد مثل العالم سبع ونصف!! قلت خلااص مالك الا الي يرجعك قبل.. راس مالها ساعة خط روحة وساعة رجعة وخمس ساعات رقص يالثور ونقهر السعلو القرد سبعان.. قال ابو سارة تدري وشلوون ابو الدعالج المغرب ولا عتبتة ابو صالح مشيناا .. والله ونقعد ندف في الطيارة ((اشكالنا تقول نمل يسحبون دجاجة ميتة)) وماش ماتحركت واطمر جوا الطيارة والقاء الجلنط مسحوب والله وندفها لاخر المدرج وننتشها ونقلع ويوم ارتفعنا فووق ولعنا انوارها واثبت الدعاسة ببلكة ونقد ناكل من مطبخهاا ونقحن ببسي وطلعنا كل النقص الي فيناا والله ونوصل لحدود المغرب واطفي الانورا ويوم جيت فوقها واطفي المحرك عشان مايسمعون صوت الطيارة وانزلبها في خط قديم عندهم ماتجي معة سيارات وادخل بها في الحواري والبقها تحت شجرة ونغطيها بطربال ((الي انتم خابرينة)) وندخل ذاك الدسكو بتكاميل مخفسة مع الركب وعلينا زبيريات والاصقة والاطرم الببسي في يدينهم وعليهم ثيابهم وندخل ونشووف الهول والهوايل بس ما اقدر افصل لكم اخاف انطرد انا والموضوع واطيح الي في راسي انا وابو سارة ونلقاء السعلو ونرقص قدامة انا وابو سارة ونوطي في رجلينة ((عارفين مايقدر يسوي شي هناك)) ونصرف فلوس الدجاج والدينمو كلة وشوي وانا اهز ((اي ارقص)) على اغنية واتلمس ((اي ادور في)) مخباتي ومالقيت مفتاح الطيارة واناظر الساعة ولاها 6 يعني قدامنا ساعة ونصف ونحوق الدسكو ومالقينا شي وضاع مفتاح الطيارة ونرجع ركض للطيارة ونقعد ننقز الباب حقها ربع ساعة وافتح كبوتها وبمفك مربع لمست السلف واشتغلت ونركب ونجيك مكيمين وقلت وشولة نرتفع فوق ونغلوي؟؟ خلونا نقلع على مستوى نازل اسرع ((سارقها من كتاب الهجاء الطريق الى المدرسة الي يذكرها)) والله وادوس على البنزين والدبش نايمين في الغمارة وقوارير الببسي معهم ونخطم فوق مصر والله ونجي فوق السودان ويقول ابو سارة دعلووج شف بيت جعاب يا كبرة ((قصدة الخرطوم والزولة طالع شكلهم جعاب)) ويقوم ابو سارة ولقاء جهاز الارسال حق المطار ويرفع المكرفون ويقول عربجي الصمان حول حول اطلع قناة 100 ((الثور يحسبة كنود)) اثر المطار سمعوة وعرفو ان الطيارة في الطريق ويطلبون كل عساكر الرياض ويطلبون المطافي والعالم كلها مخترشة واجيك فوق المطار واشوف الدنيا مجتمعين والعالم في كل جهه وقلت ابو سارة وشذاا؟؟ قال يمكن جاين يقدمون على وظايف والله والبقها في طرف المدرج حول الشبك وننزل اربعة حافين نطامر فوق الشبك نبي الهجة ولا الدوريات والهلكوبترات والعالم مداهمتنا والله واناظر ابو سارة وقلت هي خاربة خاربة خليناااا نعميهـــــــااا والله ونمسك الثياب ونعض عليهن ونشق الشعيب ومسكونا عند مخرج 10 كان فية زحمة واحد صادم ((طبعآ كنا نركض على رجلينا)) وتم سجننا بس عادي لان كل الوقت نهوجس بالي شفناة وكل واحد يقول للثاني ضنك ذيك حبتني ولا لا؟؟ .. 1-تم الافراج عن الاطرم والاصقة بعد ثبوت التنسيم في روسهم من قبل بنشري في الحارة ملطوووووووووووووووووووووووووووشششششششششششششش من منتدي اغاني اسلامية اغاني جديدة اشرطة اناشيد جديدة احدث الاغاني افضل الاناشيد اخر و احلى الالبومات كتب اكترونية 
|
|
10-21-2002, 07:50 PM
|
|||
|
|||
|
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههه أماااااااااااا اسطوووووووووره منفووووووحه هذي..يابوعااااادل كلااااام ثاااني..:D:D والله تطورت منفوحه يااااولد..:D أشووووه إني ماني فيهااا والا كاااان تطورت أكثر وأكثرررر..:D يعطيك ألف عافيه حبيبي على اللطش..:D الله ماكثرررره إنشاء الله إذا كنت بتختار لنا مثل هذي.. يعطيك ألف عافيه والله.. وتقبل تحياتي..
أخوك ا ل م ف ق و ش اغاني اسلامية اغاني جديدة اشرطة اناشيد جديدة احدث الاغاني افضل الاناشيد اخر و احلى الالبومات كتب اكترونية
|
|
10-21-2002, 08:34 PM
|
||||
|
||||
|
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هه
تحياتي($ابوفلب$) اغاني اسلامية اغاني جديدة اشرطة اناشيد جديدة احدث الاغاني افضل الاناشيد اخر و احلى الالبومات كتب اكترونية
|
|
10-22-2002, 01:16 AM
|
||||
|
||||
 هههههههههههههههههههههههههههههههههههههههههههههههههه ملطوووووووووووووش بس رهيبببببببببببببببه اهم شي افرجو عنه اجل الواحد يشوف راسه فيه تنسيم ولا لا اشكررررررررررررررررررررررررررررررررك ابو عادل يعطيك العافيه تقبل تحيااتي عززززه اغاني اسلامية اغاني جديدة اشرطة اناشيد جديدة احدث الاغاني افضل الاناشيد اخر و احلى الالبومات كتب اكترونية
|
|
10-22-2002, 02:07 AM
|
||||
|
||||
|
ههههههههههههههههههههاي
والله انهم محششين وسلموليعلىالربع اغاني اسلامية اغاني جديدة اشرطة اناشيد جديدة احدث الاغاني افضل الاناشيد اخر و احلى الالبومات كتب اكترونية
|
العرض العادي
