يعني بتاقف عندك انتي لا نويتي تجرحين=اجرحي ما همني والله ما عاد يهمني
ابعدي ببقا انا داخل اعماقي سجين=بلملم جروح الزمن ودموع عيني تلمني
واسمعيني قبل لا تنوين الفراق وترحلين=ودي انك تعرفين اللي كسرني وهدني
لي صاحب مبطي اعرفه يعني كذا عشر السنين=ذكرى الطفوله بيننا مجبوره انها تنحني
اغليه لا يفوق كل ما تتصورين =اخوي اللي بالنسب ما ظمني
لا ضاقت الدنيا علي وعشت في جوي حزين=رحت اشكي له همومي وبالفرح يعمني
ولأبطيت عليه صار يسال وين انت ياخوي وين=ود عيني بشوفتك ما طرا لك تشوفني
ودي اسمع اخر الاخبار عنك يا عسى ربي يعين=يا عساك بخير دايم دم هذا يسرني
وانا ياني اغليته يزين وقتي به يزين =كنت لام جروح قلبي وهو اللي فلني
والله اني اذكره كل لحظه وكل حين= وكل ما مر طار للغلا بالوداد يهزني
واقول انا ذا صاحبي عزوتي وكفي اليمين=يكفيني انه من الاخوه عدني
ويكفيه انه لا صار وقته به يشين =لقاني درع مسند كل ما جا يحتاجني
لين ما تغير علي وصار طبعه لي مشين=وقتها حان التغير يعني انه عافني
غير النظره بعيني صرت اشوفه مستهين=وصار يتجمل معي ما درى انه هدني
صار يتجاهل معي ما كن بيننا عهد متين=كني واحد من عرض هالناس عرفني ثم ملني
باعني وباع الليالي والولا وهد كل شي ثمين=ما بقى شي بيذكر لليالي باعني
وبعد كل اللي حصل لي صرت افكر بالسنين= من هو اللي بالوفا يكتسيني ما يغرني
مالقيت الا القبر لا صرت بحظانه دفين= لنثرو رمله علي ثم قام وظمني
شفتي انه ما همني لو نويتي تجرحين= ماتت احاسيس قبلي ومافيه شي يهمني