قصــه حدثت بالامارات

وهاذي القصه
السلام عليكم ورحمة الله وبركاته

جماعة الخير ادري في ناس ما بتصدق السالفة لاكن والله العظيم والله شاهد ان كل للي بقوله اصدق من الواقع وبعيني انا وربعي شفنا هل الحادث وما صدقنا وحتى ما نمنا لمدة طويلة من 4 سنين الحادثة وفي منطقة حمرية الشارجة يسمونها الزورا وكنا نخيم مرات هناك مكان بعيد وما فيه حد ابد وكله اشجار الغاف وسدر بطريقة فظيعه في كل مكان ومبينهن عراقيب .


الللي صار يا جمااااااعة الخير بالظبط في اجازة الربيع كنا ناوين نخيم في منطقة يسمونها الزورا وهي قريبة من حمرية الشارجة وحمرية الشارجة على حدود الشارجة بينها وبين عيمان وام قيوين ومنطقة شوي نائية المهم في منطقة هناك اسمها الزورا داخل البر تقريبا مثل العديد وفيها عراقيب وشجر السدر والغاف بكثرة هناك واغترينا بالمكان شفنا الظل في النهار متوافر بكثرة
المهم يا جماعة الخير جلسنا من يوم السبت ليوم الاربعا مخيمين وكنا تقريبا 13 شخص ولما وصل يوم الاربعا الساعة 12 او 1 الظهر الكل كان ناوي على الرجوع لدبي واللي بيرجع بوظبي خلاص بنشطب الرحلة المهم الكل تعايز عن شيل اغراضه وقام يتشرد وكلنا شردنا ورجعنا بيوتنا وخلينا اغراضنا على اساس بنرجع اخر الليل نشل الاغراض و3 اتفقو انهم يتمون وينتظرونا في المخيم المرحوم حميد وخليفة وذيبان المهم نبدى بالسالفة اللي حصلت على الساعة تقريبا 1 الليل الجماعة الباقين ال3 شطبو الاغراض خلاص وجهزوها عشان بس نحن نجي نحمل ونروح وجلسو مورين النار ويشربون شاي كرك وسوالف يخبرني ذيبان ان حميد المرحوم سمع تلفونه يرن فراح يشوف السيارة وجلس يسولف ربع ساعة ويتمشى عدال السيارة وكانت سيارته بمسافة 40 متر منهم المهم في غفلة سمعو صرخة عالية من حميد نشو خايفين ومنصدمين شو السالفة والا يشوفون حميد يركض وهو يصارخ بصوت عالي ووراه شي يركض على 4 رجول لا حيوان ولا انسان يعني تقدرون تقولون انسان بس ركضة حيوان ب4 ارجل وسريع حيل الجماعة من الخوف شلو بعمارهم وشردو ركبو سيايرهم ودقولنا تلفونات كلنا وانا من ضمنهم والاتصال كان
ذيبان :الو العصيمي :بكل برود هلا ها شو خلصتو ذيبان: الحقنا بسرعه وهو يصيح وتم يصارخ بلغ الشرطة بلغ وتعالو حميد بيموت وقفل الخط.

انا هنيه على بالي يتمصخر الريال ويسولف المهم رحت ببرود اعصاب وانا مساير ولما وصلت المخيم شفت الربع كلهم هناك وامة لا الاه الا الله موجودة وشرطة الشارجة فوق 10 دوريات وتحريات وشباب اول مرة اشوفهم وربعنا موجودين شو السالفة قالو حميد مختفي وفي شي كان يلحقه على كلام الشهود رحنا ندور وندور وندور ما لقينا شي وصلنا منطقة كان في بدوي من هل المنطقة يقول لا تدخلون هل المنطقة مثل غابة صغيرة وكلها شجر غاف على سدر متشربكات على بعض وقال هل المكان يسمونه وكر الشيطان انا لبسته وقلت الشيبة شكله يشوف سبيس تون وايد وصلنا هناك على الساعة 4 الفجر وكل واحد يدور وضارب ليته فجاة واحد صارخ واغمى عليه ركضنا وشفنا الموقف والله العظيم الموقف حصل قدامي حميد طايح على ظهره وثيابه مقطعة ومصرانه برع وكبدته ماكولة انا هنيه ما رمت ايود عمري وبكيت والكل تم منصدم لفترة يمكن 10 دقايق اللي اغمى عليهم واللي زاع ورجع واللي مب مصدق عينه والشيبة قالي شفت حذرتكم الشرطة شلو الجثة والله يرحمه حميد ويصبر هله عليه كان عمره 23 سنة وتوه خاطب وخلال نهاية السنة كان ناوي يعرس بس نصيب وقدر وطبعا الشرطة حاولنا نعرف شو الموضوع واهل المرحوم حاولو بواسطة وحشرة وضرابة غلقو الملف وقالو قتل بواسطة حيوان مفترس على اساس انه ذيب يا جماعة الخير وين عايشين نحن في الاسكا ذيابة الخليج مثل القطاو ازعج عليهم يشردون ونادر وجودهم واماكنهم بعيدة جدا في الربع الخالي ونص الصحرا مب بقرب المدن وهل المناطق وليش الكبد مااكولة بالذات الله اعلم . ولحد الان نسمع وايد سوالف في ناس من نفس المنطقة يقولون هل الوحش يشبه الانسان ويسمونه بتسمية نسيتها والله ويطلع على ضو القمر واخر الليل ينهش كبود الناس بس الغريبة في يوم وفاة المرحوم ماكان الجو قماري؟؟ وهلي حص والله العظيم ادري بتقولون فلم هندي وقصة خيالية لاكن بعيني والله شفتها ونص هل الامارات سمعو بالموضوع وحضرو العزا والسموحة على الاطالة بس قصة تستاهل القراية__________________