زرعتي حبي بقلبك سقيتيه دفا واحساس=رسمتي البسمه بصدرك ونزعتي الهم من صدري
ملكتي قلبي بطيبك واخاف يملك قلوب الناس=واعيش بحيرتي هايم وقلبي بالوله يجري
كثر ما عشت بالدنيا وشفت ناس اجناس=ابد ما شفت احد مثلك وعالبال ما يطري
اهوجس في بحر حبك ويحلى فيه الهوجاس=اعيش بمد لوعاته واشواقه هي جزري
واغرق في متاهاته وتتبعثر به الانفاس=واحيا ببتساماته واهيم بوصله العطري
لا تساليني عن حبك ترى حبك ماله ساس= ولا يذكر ولا يوصف وقدرك يساوي بالغلا قدري
ملكتي كل مافيني مشاعر مالها مقياس= اخذتي القلب من عندي وسيطرتي على فكري
دثرتي كل جروح الوقت وصارتي تاج فوق الراس= وصرتي للغلا عنوان صاربداخلي يسري
لانك مو بس انسانه لانك جوهره والماس=لانك مو بس محبوبه لانك مملكه عمري
زرعت حبك بقلبي عطيتك اصدق الاحساس= نزعت الهم من صدرك ورسمت البسمه بصدري