|
| |||||||
 |  | |
 |  |  |
 |
| | أدوات الموضوع | طريقة عرض الموضوع |
10-26-2002, 03:58 PM
| |||
| |||
| بنات وشباب المستقبل عام 2054م ملاحظة : ممنوع لطش القصة الا بموافقة فتى العشة سخصيا حقوق النشر محفوظة ملاحظة ثانية بعد : الموضوع طويل وعشان لا احد يتهمني اني عميل لشركة الاتصالات اقطع اتصالك الزمان : 21 / 8 / 2054 م المكان : قهوة الإقلاع - السعودية - الرياض ابطال القصة : مهوي - قرطاس - فاقد - منسم - قوطي في احد ايام الصيف الباردة جلس مجموعتن من الاصدقاء يسولفون وبدا النقاش بالسياسة .............. فاقد : شباب من تابع امس قناة الجزيرة ؟ يقولون بنجلادش احتلت المانيا منسم : كنت متوقع كذا ( على باله محلل سياسي ) عشان بنجلادش ودها تقهر موريتانيا قرطاس : ياه يسولف لي جدي يقول على ايامنا كانت امريكا الكل بالكل ....... (وينسدحون الشباب من الضحك ) مهوي : امريكا وش ذا الخرابيط قرطاس : والله مدري جدي اللي يقول قوطي : شباب خلونا من السياسة انا عندي مشكلة وابي لها حل الشباب بصوت واحد ماعدا قرطاس ومنسم ومهوي وفاقد : سلامات قوطي : الله يسلمكم بس انا بعت اللي وراي واللي قدامي وشريت فيزة عمل للهند ونصب علي المكتب يقولون لازم كفيلك الهندي يرسل الفيزة شكل فلوسي ضاعت قرطاس : لا ماعليك رح لسفارة الهند بطويق وقلهم السالفة قوطي : والله شكلها كذا مهوي : طيب ليه ما تدور شغل هنا ؟ قوطي : بالله هذا حل لعن ابو بليسك لغة بنجلاديشية ماعندي ولا عندي دورات تش تش اح ( زي الكمبيوتر بس مطور ) منسم : ياخي رح معهد ( اسفيه صديق ) وخذ دوره لغة بنجلاديشية وعندهم معهد تعليم تش تش اح قوطي : انا لاقي اكل عشان ادخل معهد قرطاس : على طاري الشغل برا امس جتني رسالة من ولد خالي اللي يشتغل سواق بالفلبين يقول انواع الفلوس قوطي : يلعن ام الحظ قرطاس : ياشباب والله جدي يقول ان الفلبينيين كانوا يجون يشتغلون عندنا ( انواع الضحك من الشباب ) مهوي : شباب ما طلبنا شي وش تبون ؟ قرطاس : اطلب اي شي مهوي : ( بصوت عالي ) هييييه ماي فرند ( يكلم الجرسون الامريكي ) جب لنا شاي تلقيمه وخل الحلا برا الجرسون الامريكي يهز راسه ويقول : اوكيه ماي فرند فاقد : شباب خلونا نشرب الشاي ونطلع نتمشى طفشنا الشباب شربوا الشاي وطلعوا يتمشون راكبين طيارة موديل 2040 منسم : شباب اللي ماسكر بابه يسكره ما تسمعون التنسيم قوطي : التنسيم براسك والله يا منسم مهوي : اقول قرطاس ماكنه جدك هذا اللي يأشر للطيارة اللموزين ؟ قرطاس : اي والله انه هو وقفوا شباب خلونا نوصله طيارتهم : اووووووووووووووووووووء ( فرامل ) قرطاس اركب ياجد نوصلك جد قرطاس : الله يسلمك يوليدي منسم : وين اوصلك يا عم ؟ جد قرطاس : كنت طفشان اباخذ لفه على التخصصي الشباب بصوت واحد : خخخخخخخخخخخخخخخخخخخ منسم : طيب يا عم تراك مسكر الباب على طرف الجينز جد قرطاس : شباب لا اكون مضايقكم ؟ الشباب بصوت واحد : لا عادي فاقد : بالله شغل ام بي سي اف ام ام بي سي اف ام : موجز الانباء استقبل صاحب الفخامة إيميل يحتوي على ملف فلاش مسكت من اخيه صاحب الفخامة رئيس جمهورية زنبلاط .............. وفي خبر عاجل بنجلادش تستخدم الفيتو ضد قرار الامم المتحدة القاضي بانسحابها من المانيا >> وعند سؤالنا لوزير الدفاع البنجلاديشي عن الاسباب اجاب بالتالي : اسفيه صديق هادا نفر الماني مافيه كويس هوا قول انا فيه يعطي انتا كلوه كرتهيل ( زي البترول بس اغلى ) بعدين هوا فيه بيع موريتانيا ليه كدا انا لازم سوي جنجال سوا سوا هوا ...... المذيع : وزير الدفاع البنجلاديشي شكرا لك ..... وفي اتصال لاذاعتنا مع وزير الخارجية السوداني لاستطلاع رأي بلاده حيال الوضع العالمي المتأزم صرح لاذاعتنا قائلا : احنا دايرين نهتل روسيا وامريكا ازا بنجلادييييييش ما انسحبت من المانيا واحنا نغيييف وغفة الاخ مع اشغائنا الموريتانيين في مطالبهم حول وغف الهمجية البنجلاديشية وسندعم موغفهم مهوي : بالله شغل شريط ملينا من هالاخبار منسم : من حظكم توني شاري شريط سحل بخل مهوي : هلا والله شغله بالله المسجل : طربق طربق طربق سحل بخل هيلا مما ..... الخ الخ الخ فاقد : ورا ورا سحل بخل ( منسجم ) جد قرطاس : واعيباه وش ذا الاغاني وين اغاني زمان بس الله يذكر زمان بالخير وين بابا اوبح وين اغاني العملاق عمرو دياب والفنان عبدالله بلخير اقول هيضتوا الحنين بالله شغل هالشريط لحضه اطلعه من جيب الجنز اللي ورا منسم : مين المطرب جد قرطاس : اقول شغل بس المسجل : آآآلو آآآآلو بابا فين ؟ بابا هنا هنا هوه أوله مين ؟ أوله عمو عمو مين ؟ أأوله مين بيكلمه ؟ مهوي : بالله طفه ماني بواطن الاغاني الطويله ذي جد قرطاس : اقول نزلوني لا بارك الله فيكم يا شباب اليوم الطياره : أوووووووووووووووء ( مو فرامل >>> جلنط ) وينزل الجد وهو يسب ويلعن ويواصل الشباب الدوران بشوارع الرياض قرطاس : اقول ماودكم نتعشى ؟ منسم : بنروح ماكدونالدز بعد برهه من المشي في شوارع الرياض ياصلون ماكدونالدز منسم : بنطلب سفري هاه بطلب لكم زي العادة منسم : صديق هيه انا يبغى اسا ( مسوي لغة قدام الشباب ) هات هيه اربعه شباتي وكثر الفلفل ( سيطرت الاكلات البنجلاديشية على البلد ) مهوي : شباب لا احد يناظر داخل المطعم ترى فيه بنات يأشرون لنا قرطاس : اوووف ما خلونا هالبنات ناخذ راحتنا بالتمشي قوطي : اقول لا تروح وش علينا منهم خلهم يأشرون منسم : اهم شي لا احد يلتفت لهم بعدين يحسبوننا فكينا معهم في هذه الاثناء شلة بنات خلصوا عشاهم وطلعوا من المطعم ومروا من عند الطيارة واذا بوحدة منهم تأشر لخوياتها وتقول بنات بنات شوفوا هالطيارة مليانه شباب تعالوا نحتك فيهم طبعا الشباب انتبهوا للبنات بس مسوين نفسهم ماشافوهم تقترب بنت من طيارتهم ومعاها سي دي مكتوب عليه الرقم وتقول افتحوا القزاز ترى ما بناكلكم تبون الرقم والا لا ؟ منسم يفتح قزازته ويقول اذا انتي ما تخافين الله خافي على اخوانك الشباب من تحرشات هالبنات البنت ترد : انا قصدي شريف ومعجبه قوطي : واتوا البيوت من ابوابها مو من الشباك البنت فهمت غلط تحسبه يقول اركبي ومير تفتح الباب وتركب ويتناقزون الشباب من الطيارة وينزلون للشارع وهاتك يا ترقيم من البنات وحركات ............ ( مشفرة ) ولا انفكوا الشباب الا يوم جا جمس الهيئة وراكبه اربع حريم ( مطاوعة ) ومعهم عسكريه ( حلوه عسكريه ) جندي اول ومير البنات يهجون من كل حدب وصوب والشباب هاتك يا بكى بالشارع المهم هدوهم الهيئة وقالت لهم كبيرة القوم يا شباب وش مطلعكم الساعه 3 بالليل تستاهلون يالله لاعاد اشوفكم طالعين بالليل والا بتصل باهلكم في هذه الاثناء جت اخت قوطي تركض وتستفسر عن الموضوع ويوم عرفت صفقت اخوها كف وقالت له ياويلك لو اشوفك تطلع مع هالشباب مره ثانية تمشي اخر الليل وجع ومير تلتفت للهيئة وتقول لهم وين البنات اللي متحرشين باخوي ؟ وحدة من الهيئة : حصل خير مافيهم الا العافيه خوذيه للبيت ولا عاد يتعودها وربوا عيالكم قبل لا تلومون البنات ومير تروح قوطية مع اخوها قوطي وهي توبخه توبيخا شديدا ياخذ منسم وربعه عشاهم اللي برد ويروحون وهم حالفين انهم ينتقمون من البنات اشد انتقام الانتقام في الحلقة القادمة مع تحيات فتى العشة
_________________ ___________________ إن قلت احبك قالها قبلي الناس ........ ودي بكلمـة عـجـزت النـاس عـنها tsz88@hotmail.com  |
|
10-26-2002, 04:54 PM
| ||||
| ||||
| هههههههههههههااااااااهااااااااي لااااا تخااااااااف ماااارح أحد يلطشهااااااا منك بس إنتبه من المفقووووش وسفيييير الشوووق يسلموووووو على القصة الله لااااايحرمنااا من مشاااااراااكتك الحلووووووة كييييييييييني ون :D
_________________ للاهمية لكل القراء الاعزاء جميع المواضيع تحت هذا الاسم (( ارشيـف )) هي مواضيع تخص الاخ جاك والاخت sweet heart ( كيتي ون سابقا ) |
|
10-27-2002, 02:24 AM
| ||||
| ||||
| ههههههههههههههههههاي حلوووووووووووة خل عنك بعدي يومين تلقاها جايتك رسالة على الجوال من زود النقل:D
_________________ [CENTER][hide]Safeer_alshog_sa@hotmail.com[/hide] |
|
11-01-2002, 03:29 AM
| |||
| |||
| كيتي ون سعدت بردك الجميل لك كل الشكر سفير الشوق الدعوه مزوووح واشكر لك تعقيبك والى الحين ماجتني رسالة الجوال مدري ليه يمكن لان ماعندي جوال ؟ مدري انا توقعت كذا
_________________ ___________________ إن قلت احبك قالها قبلي الناس ........ ودي بكلمـة عـجـزت النـاس عـنها tsz88@hotmail.com |
|
11-05-2002, 04:01 AM
| ||||
| ||||
| ماشاء الله تبارك الله بسم الله الرحمن الرحيم السلام عليكم ورحمة الله وبركاته أخي في الله فتى العشة أبارك لك تقدمك وأفكارك النيره وأتمنى لك التوفيق والسداد في كل خطوة تخطوها والى الأما دائماً بصراحة أجمل قصة مرت على حتى الأن في المدرسة ننتظرك بفارغ الصبر في الحلقة الثانية من هذا المسلسل الرائع أخوك في الله أبو حسان وكل عام وأنتم بخيير
_________________ |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| قصيدة عن بنات المملكة العربية السعودية | MLK3 | الشعر و الشعراء منتدى للقصيد و القصائد النبطي و الفصيح البوح بالخافي | 18 | 01-04-2010 08:22 PM |
| ممكن من كل الاعضاء بالمنتدى بنات وشباب المشاركة بهذا الموضوع | فراولة جدة | الرياضي رياضه عربيه كرة قدم العاب قوى ومنوعات رياضيه sports | 21 | 12-01-2009 09:28 PM |
| اهديلكم بعض من اغاني الفنانه الراحلة ذكرى لجميع الي بالبمنتدى من بنات وشباب | فراولة جدة | ممنوع مخالف مكرر | 10 | 08-01-2009 09:37 AM |
| قصيدة هزت بنات وشباب السعودية....قووووووية لا تفوتكم | رنانة الحب.. | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 8 | 06-24-2008 05:07 PM |
| Modal auxiliaries | conf!dent**g!rl | تعليم اللغة الانجليزية English ترجمة تعليم اللغات | 18 | 01-24-2008 11:54 AM |
-
-
العرض العادي
