السلام عليكم ورحمة الله وبركاته

حبيت اقول لكم هالمواقف اللي مو راضيه تتركني
في حالي لانها ملزمه دوووم تحرجني مع الناس ومب أي ناااس !!
المهم انا بقول بس عفيه بدون تعليقات ..

مره جالي اخوي وقال : عمي موجود ويسأل عنك >> الاخت لانها
حااااذفه ما قدرت تنتظر ,, أونه عمو كسر خاطرها لانه انتظر بالصاله
وما جت تسلم عليه .. سألت عنه وقالوا : في المجلس عااااد ما عطيتهم
فرصه يخبروني انه مب لحاله وركضه للمجلس << الاخت ما عندها وقت

اشوف عمو عيونه شوي وتطلع من مكانها طبعاً الثقه دامره حالي ضنيت
انه شوقه اللي مو مخليه ينام لا ليل ولا نهار سبب نظراته وادرعم واسلم
عليه وهو يطالعني ويطالع وراي >> لاني ماخذه راحتي بالسوالف
لاحظت متأخر ان نظراته مو طبيعيه اكيد فيه شي والتفت وراي !!
ابي اعرف سبب نظراته الغريبه

ولما التفت الله لا يوريكم المجلس كله رجال أولاد خوالي وعمي
اللي يطالعني منصدم واللي منحرج ومنزل راسه الاخت تمت متسمره
مكانها حوالي خمس دقايق من الخرعه لاني لما اتخرع ما اتحرك من
مكاني ليما استوعب اللي قاعد يحصل

لحظتها تمنيت الارض تنشق وتبلعني احرااااج حسيت انه بيغمى علي
من الاحراج ,, طلعت ابكي لان عمري ما جلست معهم اصلا ما يشوفوني
إلا نادر وانا طالعه بعبايتي ومتغطيه هالمره يشوفوني وبملابس .......... ماني
بقايله وربي حبست نفسي في الغرفه يوم كامل ما ابي اهلي يشوفوني
ويتذكرون ويعلقون علي

كثير تحصل معاي مواقف مثل هاذي مع ازواج خواتي وغيرهم
بس كله اهون عن مره قال لي الوالد الله يرحمه روحي بخري
المجلس لان عنده عزومه الاخت تأخرت ما نفذت الامر وكان ابوي
بغرفته يستعد لان الضيوف على وصول ,, رحت كلفت على عمري
وولعت الفحم وأخذت حبيب قلبي العود ورحت المجلس

ما كنت عارفه ان في واحد ما صدق على الله يعزمه الوالد >> من غيضها عليه
مرتز ويمكن صار له ساعه محد درى عنه يستاهل في اختراع اسمه تليفون
المهم دخلت الاخت اللي مسويه فيها سنعه وتسمع الكلام وقعدت احوس
بالمجلس ابخره واشيك على نظافته وكنت طفشانه من الحر قابلت المكيف
واتبرد كل هذا والفاااهيه ما انتبهت لوجود الكارثه >> تقصد المسكين

واخيراً تكرمت وقررت احط المبخره ع الطاوله واطلع وإلا عيوني بعيون
رجال اول مره اشوفه بحياتي عاااااد اتخيلوا شعوري لحظتها
بعد فتره اكتشفت اني للحين اطالع الرجل وكأني اقوله ليش
جيت تذكرت الحياء وطلعت اركض خبرت الوالد يافضيحتي
احرجت ابوي معاه

اتمنى ما تتكرر هالمواقف المحرجه ولا تصير لاحد
لانها جد مواقف لا احسد عليها .. السموحه ع الاطاله
منقوول

ههههههههههه


صحيح قمة الاحراج للبنات . .

مشكور على الموضوع

_________________

يسلمووو على المرووور

ههههههههههههههههههههههههههههههههههههههه


ياااقلبي حزنتني البنت


ههههههههههههههههههههههههههههههههه

وربي لا يكتبها لنا



ويسلمو

_________________

هههههههههههه قممممممة الاحراااااااااااااااج
يسلموووووووو ابو فيصل