 |
| |||||||
 | |  |
 | |  |
 |
| | LinkBack | أدوات الموضوع | طريقة عرض الموضوع |
|
#11
10-06-2010
| ||||
| ||||
 رد: قصه رومنـــــــــــــســــــــيــــــه جريئه لا تفووتكم
_________________ . . . /، هناك أشياء كثيرة لآتُشبهني لكنها تنتمي إلي ...,    |
|
#12
10-06-2010
| ||||
| ||||
| رد: قصه رومنـــــــــــــســــــــيــــــه جريئه لا تفووتكم .حبيبتي الله لايحرمنا من تواصلك ومرورك الغالي وتشجيعك لي صراحه بالبدايه ماشفت ولارد وقررت ماكمل بس شفت ردك يكفيني عن مليون رد ياراقيه . ... مشكوووورة ياعسل .. لاتحرمينا من طلتك وتواجدك المميز ... وانشاء الله تقرينها وتستمتعين بكل سطر فيها وتدعين لي يسلموووو ياعسل
_________________  |
|
#13
10-06-2010
| ||||
| ||||
| رد: قصه رومنـــــــــــــســــــــيــــــه جريئه لا تفووتكم الفصل السابعندى –بدلع- : تركااااان تركي : اخلصي ايش وراكي ندى : حبيبي تركوش انت اللي تفهمني امممممم ايش رأيك ناخد لنا كم يوم في الكباين ؟ تركي : وشغلي ياخانو ؟ ندى : حبيبي انت دوامك الفجر تروح وترجع تركي : وان شاء الله اسيبكم لحالكم من غير رجال يحميكم ندى : عاد هذه ولا يهمك .. ماما حتكلم خالتي يجوا .-ابتسمت بخبث – حتى سمر جاية تركي ارتبك وبلع ريقه : ايش يـ...ـعني سـ مر جاية ندى : وين الدلاخة حقتك تحين ...يعني سمر حتجي لحالها ...اكيد اخوها المحترم حسام جاي تركي : طيب اذا كدا مافي مانع ... على الاقل في رجال يحميكم قامت ندى وباست تركي على خده : الله يرزقني بواحد متفهم زيك تركي : هههههههههه ماتبطلي حركاتك ... الله يعينه زوجك المستقبلي ندى : غمزت له ^_* الله يعينه من جد تركي رمى عليها علبة المنديل : قومي ياقليلة الادب ندى : والله عرفت اني قليلة الادب .. سبتلك الادب –رفعت حواجبها ورى بعض- ياكثير الادب تركي فهم تلميحها على حركة سمر قعد يدور على حاجة تانية يرميها على راسها وبالاخص على عقلها المنحرف __________________________________________________ _ هديل بصدمة : مرته حامل ام رامي تتنهد بحسرة : هذا المكتوب يابنتي هديل وتشتعل فيها نار الغيرة : جعلها باللي ماتقوم من الـ... قطعت كلمتها لما حست بنظرات ام رامي المتعجبة وقالت بدلع مايليق عليها : خالتوو ليش مايجي رامي يزورنا والا احنا محنا غالين عنده ام رامي : افااااا حبيبتي مين يقول كدا ...ان شاء الله رامي ومرته حيكونوا عندنا اليوم هديل (( طيب ياريما .. انا اللي بعلمك)) __________________________________________________ _ ندى تتصل ببيت خالتها ام حسام ندى : السلام عليكم ......... : وعليكم السلام ندى بعربجية : حسام اعطيني سمر حسام لوى فمه وقال باستهزاء : ماعندنا احد بهذا الاسم ... غلطانة في الرقم ندى : حسااااااااام مني فاضية لدمك الثقيل حسام : خففيه وحطيله موية ندى : ها ها ها هاها سخيييييييف حسام : سخيف ولا متين ندى : حسااااااااااااام حسام بحنان : عيونه ندى ارتبكت من لهجة صوته بس ردت بعربجية عشان تخفي ارتباكها : اعطيلي سمر حسام اتنهد : من عيوني ندى بلعت ريقها وضربات قلبها في زيادة .. (( ليش حسام يكلمني كدا .. ليش يلعب بيا .. اكيد بيتعامل معايا بالاسلوب اللي يتعامل مع البنات اللي متعرف عليهم .. بس مو ندى بنت خالد اللي يتلعب فيها يـا..)) قطع تفكيرها سمر :الووو ندى ... ندى حسام : ههههههههه شكلها ذابت من صوتي الحنون ندى : احلف بس سمر : هههههههه اهي رجعت ... هلا ندووش كيفك حبيبتي ؟ ندى : الحمد لله تمااام انتي كيفك ؟ سمر : تمااام الله يسلمك ندى : سمووورة احنا رايحين كباين الـ........ ليش ماتجوا معانا سمر : والله مدري اشوف حسام لانو بابا مسافر في رحلة عمل ندى : طيب كلميه وشوفي سمر : طيب ثواني سمر : حسام ممكن تودينا كباين الـ...... ؟ حسام حك راسه ببلاهة : في بنات حلوين هناك ؟ ندى حست بنار تحرق صدرها ..شعور غريب اول مرة تحسه سمر : ههههههههههه لا مافي حسام :اذن مافي روحة سمر بدلع : حسااام الله يخليك عشان خاطري حسام بعناد : لا ندى : اووووووف دلوع الماما هذا حيجنني سمر ابتسمت بخبث : طيب عشان خاطر ندى ؟ حسام ابتسم ذيك الابتسامة اللي تجنن : عشان خاطرها من عيوني ندى بلعت ريقها للمرة التانية وحست بحرارة في كل جسمها ردت بعربجيه : سمــــــــــر ليش تدخليني ؟ عسى امه ما سمر قاطعتها : المهم وافق ندى عملت ولا على بالها : اوكي نستناكي يلاا سلميلي على خالتي سمر : الله يسلمك وسلميلي على خـ... قاطعها حسام لما اخد السماعة منها : ماتسلمي عليا ندى بعربجية :لا سمر اخدت السماعة منه : هههههه يلاا مع السلامة ياندوش قبل مايرقمك حسام ندى : مع السلااامة رجعت ندى غرفتها ... تشوف تصرفات حسام ... ليش كدا يسوي معاها ... على الاقل يحترم اني بنت خالته ..ااااااااه والله هذولا الرجال مالهم امااان .-شافت صورة عبير – صحيح ياعبورة ؟ __________________________________________________ __ في احد اسواق جنيف الكبرى عبير وفهد بيتجولوا يشتروا هدايا للاهل وعبير تدخل المحل ورى المحل .. كل حاجة في سويسرا حلووة ...اشترت ساعات واكسسورات وملابس ...حتى فهد كان ذوقه حلووو اشترى لاهله واشترى لعبير فستان من ذوقه كااان مرررة يجنن وعبير اشترلته ساعة سويسرية فخمة اتفقوا بعد مايخلصوا يلتقوا في كوفي شوب خلص فهد ويتمنى من كل قلبه انو هديته تعجبها فهد يناظر في اللي رايح والجاي ويتمنى بس يلمحها بعد دقائق كانها ساعات على قلب فهد جات عبير وفي يدها اكياس واكياس وعلى وجهها احلى ابتسامة عبير ناظرت في فهد .. مسكين لحاله ينتظر ... ابتسمت على شكله .. شفته وقف من محله وجا لعندي .. لكن اللي ماخطر على بالي ابدا انه يحضني ويدور بيا قدام الناس اللي في السوق من الدورة اللي دورني هيا الاكياس طاحت ووجهي كمان طاح من الاحراج ... <<< والله فشيلة والبلى في ناس عرب وخلجين كمان ...ياحبيبي كملت يمكن هذا المشهد يتكرر كذا مرة في سويسرا .. بس امكن عشاننا سعوديين الوضع غير ...عدلت حجابي وهو يناظر في عيوني ببريق اول مرة اشوفه جاني صوته الحنون : اشتقت لك ضحكت بخجل : ههههههههه ماغبت غير نص ساعة مسك ايدي وحطها على قلبه : والله كانه نصف قرن عندي حسيت بدقات قلبه المتسارعة ... وشلت ايدي بسرعة .وقلت بارتباك : النـ..اس فهد بعدم مبالاة : ماعليا فيهم عبير جلست في الكوفي شوب مقابلة لفهد بوجهه الوسيم وضحكته البشوشة ناظرت في ايده لقت كيس مميز عليه قلوب وعبارات حب بالانجليزي كان شكله ملفت للانظار ..احاول اخفي فضولي بس مفضوحة فهد : حبيبتي عبير انا اتذكرتك وجبتلك هدية بس في ناس مااتذكروني عبير ردت بسرعة وبثقة : مين يقول فهد ابتسم ذيك الأبتسامة : طيب حبيبتي ايش جايبتلي ؟ عبير توردت خدودها من الخجل والأرتباك امكن ماتعجبه هديتها ..قدمت الكيس الفخم من احد انواع القماش الغالي وقدمته لفهد وقالت بخجل : يارب تعجبك فهد : انتي كلك على بعضك تعجبيني عبير وجهها ولع فهد فتح الكيس وطلع الساعة ... كانت ساعة راااائعة وفخمة وتدل على ذوق صاحبها ... غير سعرها الحلوووو خخخخ ...وماركتها العالمية ...لونها ذهبي والعقارب ذهب ...مررررة جناااان <<<<اعذروني انا ماعرف اوصف ساعات خخخخ فهد مسك يدين عبير وطبع بوسة عليها : تسلميلي حبيبتي عبير نزلت عيونها للارض وحمرت خدودها : الله يس.. لم ..ك فهد بصوت حنون: عبير عبير بعفوية: عيوني فهد ابتسم : تسلم عيونك – ملامحه جمدت شوية – عبير حست بالخوف شوي واختفت ابتسامتها فهد حك شعره وزاد من وسامته : معليش ياعبير حنقعد في جنيف كم يوم عشان مالقيت حجز عبير اتنفست براحة وابتسمت : ولا يهمك فهد ابتسم لابتسامتها : يلااا كمااان عندنا كم يوم في جنيف نقضيها ...ناظر في ساعته كانه اتذكر حاجة ووقف بسرعة – عبير بسرررعة عبير : ايش ؟ فهد مسك يد عبير ومشي بسرعة عبير : فهد على وين رايحين ؟؟ فهد ابتسم وغمزلها *_^ : مفاجأة عبير ابتسمت وركضت معاه بعد ربع ساعة من الركض المتواصل عبير تلهث : فهد خلينا نرتاح شوي فهد مسح على حجاب عبير : تعبتي ؟ وقبل ماتتكلم كان حاملها على ظهره ويركض : امسكي فيا كويس عبير : لااا لااا فهد نزلني فهد يسوي حركات الاطفال : مااسمع ... مااسمع عبير ؛ ههههههههههههههههههه فهد يسرع اكتر وعبير تتمسك بيه اكتر وهذا اللي يباه فهد ^_* وصلوا للمكان المقصود وكان متحف كبيير في جنيف ومقابل المتحف كانت ساعة كبييييييرة ومشهووورة سويسرا ببلد الساعات <<< محد طلب منك فلسفة زايدة فهد ابتسم بنصر : واخيرا وصلنا عبير تناظر المتحف باعجااااب : وااااااااااااااااااو فهد :الحمد لله لحقناه قبل مايقفل مسك يد عبير ومشيوا واتفرجوا عبير : مررررررة حلوة الرسومات فهد ابتسم: بس مو احلى منك عبير بخجل: تسلم فهد : عبير على فكرة انا اعرف ارسم عبير ناظرت فيه وابتسمت: من جد ؟ فهد ابتسم: جد الجد ... وان شاء الله لو رحنا كرانز مونتانا حارسمك عبير ابتسمت من قلبها فهد مسك خدودها: لك الله يخليلي هالبسمة الحلوة __________________________________________________ _ عند رامي وريما في المطبخ رامي : حبيبتي ريما اتجهزي اليوم معزومين عند بيت اهلي عشان خالاتي وبناتهم جايين ريما ابتسمت : حاضر من عيوووني رامي ابتسم : الله يحضرلك الخير ياعيون قلبي ريما : بنات خالتك كلهم جايين رامي :ايوة شدت على السكين في يدها ورجعت الذكرى لهذاك اليوم (( في يوم ملكة ريما ... ريما كانت خايفة ومتوترة زي أي بنت في يوم ملكتها ... فجأة بدون لا احم ولا دستور ..دخلت هديل ومن عيونها يتطاير الشرر .. ناظرت في ريما نظرات كره .. حقد ... حسد ... واحتقار .. ريما وجهت نظراتها المستغربة لهديل (كانت لابسة فستان اسود كانها رايحة عزا ... ومكياجها الاسود الثقيل .. ورافعة انفها بكل غرور ومافاتتها نظرات الغيظ والقهر في عيونها الحمرا من كتر الغضب....سكرت الباب بقوة وبعصبية واستحقار: انتي خطيبة رامي ؟؟ ريما تعرف تتعامل مع هذولا الناس باسلوب البرود وعدم اللامبالاة جلست على الكرسي ورجعت شعرها لورى بدلع رباني : ايوة انا ريما خطيبة رامي . ماتعرفنا ؟ هديل وتضرب رجلها بالارض من العصبية وبكل استهزاء تأشر باصبعها : انتي ؟؟ انتي ؟؟ خطيبة رامي ريما تثاوبات بملل : حبيبتي انا ماعيد كلمتي مرتين ....-ردت بثقة- كلام الشيوخ ماينعاد هديل : والله مح اخليكي تتهني مع رامي والايام بيننا ياريما ريما تناظر في المرايا ولاعلى بالها : اعلى مابخيلك اركبيه هديل : ياحيوانة ياحقيييييرة يا .. لينا قاطعتها : ريما حبيبتي ...العريس واصل ...-انتبهت بهديل- اووووه هديل هنا يامرحبا والله ريما تمثل : اوووووه حبيبي رامي واصل –قعدت قدام المرايا تعدل نفسها ومكياجها – وهيا كانت اميرة مو محتاجة بس عشان تقهر العدوييين هديل : انا اللي بوريكي ياريما ياخطافة الرجاجيل وخرجت من الغرفة بعصبية ...) قطع حبل افكارها الالم اللي حسته باصبعها ريما : ااااااااااااااااااه رامي بخوف : ريما حبيبتي ... ماتنتبهي ...جرحتي اصباعك بالسكين – حط اصبعها في فمه- عشان يخف نزف الدم ريما دمعت عيونها ورامي يحسبها من الالم تبكي فجأة ارتمت في حضنه وزاد بكيها وشهاقتها : الله لا يحرمني منك يارامي رامي ابتسم ومسح على شعرها : ولا منك ياقلب رامي __________________________________________________ _ عند بيت ندى تركي يحمل الاغراض ويحطها في السيارة عشان يستعدوا يروحوا يصيفوا في الكباين وفي احلى من التصييف في ربوع بلااادي <<<< شوف الوطنية شوف خخخخخخ ندى وهيا تساعد تركي في نقل الاغراض : اوووووف وهذا نحنا تلاتة واغراضنا كدا ... مالوم العائلات ذات الحجم الكبير تركي : ههههههههههههههه ندى ( اضحك اضحك مح تشوف حبيبة القلب وانا مين عندي ياحسرتي ) تركي يقرص خد ندى : ندوووووش حبيبي ايش فيكي ؟ ندى تبتسم بتمثيل متقن : ههههههه ولاشي بس مشتاقة لسمر وغمزت له ^_* تركي : مالت على ابليسك ... تعالي ساعديني بس ندى : من عيوووووني يا.. بييييييييييييييييب بيييييييييييييييييييييب بيييييييييييييب فجأة جا بطلنا حسام وسمر وامه ندى : هذا يدق بوري (مزمار السيارة ) ولاكأنه فرحه وانا مدري تركي : ههههههههههههههه يلاا عقباله ندى –ترفع حواجبها ورى بعض وابتسمت بخبث – وعقبالك تركي ابتسم وحرك راسه يعني مافي فايدة معاها ومع تفكيرها وقف حسام السيارة وجا يسلم على تركي نزل النظارة الشمسية من عينه وزاد من وسامته وناظر في ندى نظرات تحدى وندى ردتله بنظرات اقوى حسام سلم على تركي وسلم على خالته ام تركي وندى سلمت على سمر وام حسام بعد السلام وكيف الحال ..حسام وهوا راجع للسيارة وندى وهيا راجعة للسيارة ..ماكانت في مسافة كبيرة ندى : ابعد حسام : انتي ابعدي تروح يمين هوا يروح يمين تروح يسار هو يروح يسار ندى : اوووووووووف والنهاية يعني حسام : قولي الكلام لنفسك تتحرك في نفس اتجاهي ..ياشين الملاقيف ندى اتسعت عيونها : انا ملقوفة ابعد بس ابعد ولما جات تتحرك اصطدم كتفها في كتفه الاتنين ناظروا بعض نظرات غير مفهومة امكن مع الايام حتعرفوا ايش هذه النظرات ^_* تركي : ندى هذا كله سلاااام ماصار ندى : يلااا جاية ركبوا السيارات .. كانت الكباين بعيييييييدة والطريق ممل وبري موحش الا من صوت الاغاني العالي .. لانو الاخ حسام مايسوق الا على الصجة والرجة فجأة خطرت فكرة جهنمية ببال حسام __________________________________________________ _ بعد زيارة المتحف واللف في الاسواق رجعوا فهد وعبير للفندق وفي عيونهم التعب للارهاق ..من غير أي مقاومة استسلموا لسلطان النوم وناموا *_^ _________________________________________ كناري الحب رامي : حبيبتي يلااا جهزتي ؟ ريما : بس 10 دقايق ريما لبست فستان لعند الركبة عليه ورود بالوان الربيع مبين جمالها وبياض بشرتها ورفعت شعرها بتسريحة حلوة وحطت كحل اسود وبلاشر وردي وشدو بينك والماسكرا مبينة رموشها الحلوة كان شكلها يهبل رامي يصفر باعجاب : واااااااااااااااااو ...لاااا لاااا انا ماقدر على كدا ريما تدور حولين نفسها وتضحك بخجل :ههههههههههه رامي قرب وقرب: شكلنا حنتأخر عليهم وغمزلها *_^ ريما وجهها ولع : لااا لااا الله يخليك ولا حياة لمن تنادي ^_^ __________________________________________________ _ عبير تصرخ : اااااااااااااااااااااااااااااااااااااااااااااااااا اااااااااااااااااااااااااااااااه فهد صحي على الصريخ : عبير .. عبير ايش فيه ؟ كان وجهها كله معرق وصدرها يطلع وينزل من الخوف ودقات قلبها تدق بسرعة جنونية فهد جاب كاسة موية وشربها ومسح وجهها بالمنديل : بسم الله عليكي –مسح على شعرها وقعد يقرأ المعوذات وهيا شبه حاضنته – كان كابوس وبس ارتاحي عبير ماسكة في قميصه بكل قوتها ويدها ترجف كانها خايفة انه يروح ويتركها : لاتت....ــركـ...نــ..ي فهد : انا معاكي حبيبتي محا تخلى عنك ... بسم الله عليكي قعد فهد يهدي في عبير الين لما غفت في حضنه ياترى ايش هذا الكابوس اللي اثر على عبير كدااا ؟؟؟ ______________________________________________ ام تركي نامت على المقعد من الملل حتى ام حسام يعني العجايز في سبات عميق ^^ فجأة تدق نغمة جوال نوكيا العادية تركي استغرب ورد تركي : هلا حسام ندى من غير شعور ركزت بانتباه في المكالمة تركي : ايش ؟....ههههههههههه والله انك مجنون .........قد كلامك ولا لا............. انا صحيح ضابط شرطة بس والله ماتعرفني ...........يلااا قبلت التحدي ...سلااام ندى : ايش بدوو هذا الخبل ؟ تركي : هههههههههه هوا خبل من جد ندى : ايش يبى ؟ تركي غمزلها *_^ : اربطي حزام الامان وتعرفي ربط حزام الامان لامه ووقفوا السيارة وفجأة بيييييييييييييييييييب بييييييييييييييييب تركي وحسام : Go دعسوا بنزين على 180 وابتدى السباق ندى : هههههههههههههههههههههههههههههههههه وربي مجانين تركي : مو اجن منك يوم ذيك الحركة السيارتين سبور وتعرفوا الاصوات فيها كانها قنابل ^^ ندى : هههههههههههههه والله حمااااس ..اسرع يلاااا اسرع تركي : هههههههههههههه لاتوصي حريص ________________________________________ عند حسام حسام : منت سهل ياتركان وانا اقول مين فين جابت اختك الجنان سمر بخوف : هدي السرعة الله يخليك حسام : وتبي تركي يغلبني تحلمي سمر ( يارب يفوز ويغلبك ) <<<< شوف نذالة الاخوات ^^ _______________________________________________ فهد صحي لقى عبير بتصلي وبتدعي فهد اااااااااه ياعبير يش هذا الكابوس اللي مطير نومك .... الله يبعدنا عن الشر يارب .. عبير خايفة مررررررة خايفة احس قلبي مقبوض .اعوذ بالله من الشيطان الرجيم ... اعوذ بالله من الشيطان الرجيم ...نفسي احس بالامان .... اااااااااه ياماما ياريتك معايا ارتمي في حضنك وتمسحي على شعري وتهديني فجأة حست بحضن حنووون يحميها و يحاول يشعرها بالامان . فهد بصوت حنون : عبير حبيبتي لاتشيلي في بالك مسح على شعرها - الله يبعدنا عن الشر عبير كانها لقت طوق النجاة اتمسكت في حضنه اكتر : امييييييين فهد : يلااا تعالي نطلع نشم هوا عبير بتردد : بـ..س فهد : هذا موضوع مافيله نقاش يلااا عبير ابتسمت : يلااا _ ياترى مين فاز في السباق تركي ولا حسام ؟؟؟ وايش ينتظر ريما من العقربة هديل ؟؟ عبير هل حيأثر الكابوس على حياتها ؟؟ وايش حيكون دور فهد معاها عشان تتخطى هذه المحنة ؟؟؟
_________________ |
|
#14
10-08-2010
| ||||
| ||||
| رد: قصه رومنـــــــــــــســــــــيــــــه جريئه لا تفووتكم الفصل الثامن ام رامي بحدة : ايش هذا يارامي كل هذا تأخير رامي حب راس امه : معليش يالغالية امسحيها فيا بس هذه زحمة المواصلات ام رامي (( مواصلااات ولا اكيييييد المغضوب عليها هيا اللي اخرتك وانت وراها مثل النعامة )) ريما : هلا عمتي ام رامي ببرود وغرور: هلا رامي ضرب ايده في راسه : يوووووووووه نسيت الجوال في السيارة ريما ( لا يارامي لا تسيبني لحالي مع العقربة هديل .. اباك جنبي تحميني منها .) حاولت تكلمه بلغة العيون بس رامي مافهم عليها رامي مسك في كتف ريما : الله هالله فيها يمه هذه الغالية وام الغالي ام رامي بغرور : تبى توصيني على حفيدي رامي : العفووو يامي مو كدا القصد ريما ( رامي الله يخليك لا تروح لاتروح ) لكن رامي خرج ... وايش ينتظرك ياريما ؟؟ _________________________________________________ ندى : الفايز هوا حسام : انا تركي : عسى ابليسك بالونا .. انا ندى : احم احم اظن في حكم اسمها ندى موجودة هنا حسام باستهزاء : يعني انسة ندى حتفوز ولد خالتها على حساب اخوها ندى بثقة وتحدي : ندى تقول الحق وغيره ماتقول سمر : خلاااص انا اللي حقول تركي : ............................ ندى ابتسمت بخبث : خلاص انا واياكي تركي و حسام : طيب ندى وسمر : احم احم 7 7 7 7 7 7 7 7 7 7 7 7 تعـــــــــــــــادل حسام رفس التراب اللي في الارض : اووووووووووف تركي تافف وحك راسه بعصبية ندى ابتسمت بخبث : بس في حل يحدد الفايز تركي وحسام : ايش هوا ؟؟ ايش وراكي ياندى من مصايب *_^ ؟؟؟ _________________________________________________ فهد ماسك في يد عبير بقوة وعبير اتمسكت في يده اكتر .. فهد : حبيبتي عبورة عبير : نعم فهد ابتسم : الله ينعم بحالك ...تعالي ندور مرة تانية على حجز لمونتانا –قرص خدها - امكن هذا الوجه الحلو حظه احلى من حظي عبير : ههههههههههه على راحتك فهد اتنهد : والله راحتي من راحتك يابعدي عبير اكتفت بابتسامتها الخجولة ومن الحظ الحلو لقوا حجز لمونتانا والحقيقة انو فهد كان لاقي حجز بس كان بيسويها مفاجاة لعبير يعني عمل مقلب عليها *_^ فهد : شايفة قلت لك الحلو يجي منه الحلو عبير ماكانت معاه كانت مع الكابوس اللي مو قادرة تمسحه من بالها ومطير النوم من عينها فهد : عبير ... عبير ..طيب يابنت العم فجأة حملها بين ذراعه وقعد يركض فيها عبير توها انتبهت <<<< صح النوم -_- عبير : لااااا لاااااااا فهد الله يخليك نزلني فهد باعرض ابتسامة : لا ...عشان مرة تانية تسمعيني وانا بتكلم عبير : والله ماكان قصدي خلاااص نزلني توبة فهد ابتسم بخبث : تبي تنزلي عبير : ايوووة فهد : بشرط عبير باستغراب : ايش هوا فهد اشر على خده : ابى بوووسة كبييييييييرة عبير وجهها ولع ولفت للجهة التانية فهد بوز : مافي بوسة ماانزلك ركض بيها اسرع عبير باستسلام : خلاااص خلاااص نزلني فهد ابتسم بنصر ونزلها اشر على خده : يلااا عبير بخجل : امممممم طيب غمض عيونك فهد ابتسم اكبر ابتسامة وغمض عيونه عبير ابتسمت بخبث وركضت باسرع حاجة عندها وتركت المسكين لحاله ينتظر ههههههههه فهد فتح عيونه ومالقاها : طيب يابنت العم تلعبي فيا ماكون فهد ان ماوريتك ركض وراها بسرعة جنونية عبير : ههههههههههههههههههههه صدق المسكين انتبهت فيه جاي لجهتها ركضت اسرع واسرع بس مايغلب الرجال في الركض الا رجال <<<< مين فين طلعتي هذا المثل خخخخخ ماكانت مسافة بعيدة بينهم فجأة فهد : عبييييييييييييييييييييييييير وقفت ركض واول مانتبهت باص كبير جاي لجهتها حست رجلها مشلولة ماتقدر تتحرك و صوت تفحيط الباص مع صرخة فهد هذا كان اخر صوت سمعته __________________________________________________ _ تركي بعصبية : اكيد لا ندى بدلع : لييييييييييييه تركي : مجنونة انتي شي ندى : طيب ايش الفرق انت علمتني في امريكا تركي : امريكا غير والسعودية غير حسام ساكت وعلى وجهه احلى ابتسامة وهو يناظر في ندى تتدلع على تركي .. ماتدري انها تأثر على شخص وهي ولا دارية .. تركي بعصبية : لا يعني لا ندى تنقل نظرها يمين وشمال : شوووف مافي احد في طريق بري معفن زي كدا واذا طلعلي احد انا حانط على مقعدك باسرع من البرق يلااا ايش قلت قبل مايتكلم تركي حسام قاطعه : موافق يابنت خالتي بس اذا اتغلبتي تحرمي تسوقي سيارة لاهنا ولا في امريكا ولا في المريخ ندى بلعت ريقها ( لاااااااااا ايش هذا الشرط المعفن انا اموت لو ماسقت سيارة بس ان شاء الله اغلبك ياحساموووه واكسر خشمك في الارض ) ردت بثقة : اوكي تركي : لااا خططتوا وفكرتوا ووافقتوا وانا يعني بدون لزمة حسام همس في اذنه : يامجنووون بكدا تضمن اختك ماتسوق سيارة في حياتها .. لسة ماتخلق اللي يغلبني وانا حسام ولد ابوي تركي بقيلة حيلة : امرنا لله يلااا وريني شطارتك (( وهوا متأكد من فوز حسام 100% )) حسام ( هين ياندوووش انا اللي بعلمك مين تتحدي )) ندى (( حساموووه تمسكني من ايدي اللي توجعني بسيطة )) ركبوا السيارات ندى ضبطت اللثمة على وجهها وحسام صرقع اصابعه ببعض كانه حينقض على فريسة تركي وسمر : استعدوا ناظروا بعض ثواني بعدين لفوا وجهيهم للجهة التانية <<< امووووت انا على الخجل خخخخخ ندى وحسام : Go انطلقت السيارتين بسرعة جنووونية ماكان الفرق كبير بس كان حسام معدي ندى رجعت بيهم الذكرى لذاك اليوم يوم التحدي الاول وارتسمت على ملامح التحدي في وجيهم ابتسامة من قلبهم مين تتوقعوا الفايز *_^ ؟؟_____________________________________________ ام احمد ( ام هديل ) : كيفك حبيبتي ؟ ريما بابتسامة بشوشة : الحمد لله بخير ام رامي ببرود : وكيف الحمل معاكي ؟؟ ريما تحسست بطنها والابتسامة مالية وجهها وقبل ماتتكلم قاطعتها هديل هديل بمياعة : ايووة خالتوو وين مسافرين في الاجازة ريما مثلت البرود ولا على بالها واهي متأكدة مليووون في المية انو هديل تحترق من جوا ام احمد : هديل عيب خلي ريما تكمل كلامها ريما ابتسمت بنصر تحس ام احمد هي الوحيدة اللي واقفة في صفها مع انها اخت ام رامي بس سبحانه جمع وفرق هديل (( مو ناقصتك يالعجوز الخرفانة .. وجع خليتي العدووين يتشمتوا فيا )) هديل بمياعة وهي تناظر اظافرها : اوووه سوري مانتبهت ريما ابتسمت بنصر : عااادي فجأة : احم احم ياولللللللللللد <<< حلوة هذه النحنحة خخخخخخ ريما ابتسمت بنصر جا حبيبها وقلبها وروحها هديل تحمست اكتر وغطت وجهها بطرحة خفييييييييفة تكشف اكتر من انها تستر ام احمد : اتفضل ياولدي دخل رامي والابتسامة مالية وجهه واول مالتقت عينه بعينها تتوقعوا مين هيا ^_* ؟؟ __________________________________________________ _ فتحت عيونها ببطئ تحس بحاجة كاتمة صدرها وكلام الناس بلغة غير لغتها ورجع مر شريط ذاكراتها صوت تفحيط الباص وصرخة فهد فهد فهد فهد اول مافتحت عيونها على وسعها لقت نفسها بين ذراعه حاملها لا هيا تحلم اكيييد تحلم تبى تتكلم تصرخ غمضت عيونها بقوة وهمست باسمه : فـ..هـ د ناظر في حركة شفاتها وهيا مغمضة عيونها ماكان الموت بعيد عنها بس قدر الله وماشاء فعل .. يلوم نفسه مليووون مرة يحس حاله هوا المذنب رجعت بيه الذكرى (( فهد : عبيييييييييييييييييييير وقفت حركتها من الصدمة وغمضت عيونها فجأة رمى فهد بجسمه عليها يمنعها من الاصطدام ادحرجوا على الرصيف .. الموقف بكبره خلى عبير يغمى عليها اما فهد صدم الباص رجله بس مو ذيك الصدمة القوية ... الناس اتلمووا والباص وقف .. ماهمه الم رجله .. شاف عبير مغمضة عيونها باستسلام حط ايده على قلبها وجس نبضها .. عرف مع الصدمة اغمى عليها .. حمل عبير بذراعه وسط دهشة السويسرين )) رجعوا الفندق عامل الفندق بخوف: Can I help you? , Sir(( هل استطيع ان اخدمك سيدي )) فهد بتعب: )) تعال معي )) Come with me وصلوا لجناحهم فهد : Open the door quickly (( افتح الباب بسرعة )) عامل الفندق : Yes ,Sir (( حاضر سيدي )) عبير بهمس : فـ..هـ ..د فهد بصوت حنون : خلاااص حبيبتي وصلنا ارتاحي عامل الفندق : Would you call doctor , sir? (( هل اكلم الطبيب سيدي ؟ )) فهد : No Thanks …you can walking away (( لا شكرا .. يمكنك الأنصراف )) خرج عامل الفندق وقعد فهد يتأمل في وجه عبير الملائكي .. لامس بباطن كفه خدها الناعم وقعد يلعب في خصل شعرها الحرير ...يتذكر كيف كان يعتبرها وحدة رامية حالها عليه واهله غصبوه على زواج تقليدي تافه .. اهانها في اول ليلة وضربها وجرحها لكنها تناست كل هذا وقررت تبدأ معاه حياة سعيدة ... في هذه الفترة القصيرة عبير قدرت تلخبط كيانه من رجال مايثني كلمته لرجال يعشق هواها وعبيرها .. اكتشف انه رومنسي بس رومنسي لها هيا وبس ..جرئ معاها هيا وبس .. ماتاكد انه يحبها الا لما كانت على وجه الموت .. كانت ممكن تضيع في غمضة عين لكن قلبه اللي مشاه لجهتها وخلته يلقي بحاله عليها ويفداها بروحه وبكل مايملك ويمنعها من الاصطدام ... نسي معاها الم رجله بس مو قادر ينسى المها يدعي على حاله بالتعب ... بالمرض ... بالموت ... بس هيا ما تتأثر شعرة عرف يوصف حاله في هذه اللحظة بكلمة وحدة وبس 7 7 7 7 7 7 7 7 7 7 (( يحبـــــــــــــها )) __________________________________________________ _ صوت التفحييييييييييييييييييييييط واللفات السريعة من محترفين ولا اروع ندى وحسام مافي فرق بينهم والحركة بينهم مد وجزر كانها حرب سجال بينهم واحد يتقدم مرة بعدها يتقدم التاني مرة ... تركي وسمر يحسوا حالهم دمى المتحكم بمصيرهم طيشانين درجة اولى ندى وحسام وجهان لعملة واحدة (( اللعب .. الاستهتار .. الحياة في نظرهم تجربة وبس .. )) صحيح تركي يسوق بمهارة بس لسة ماغلب ندى وهوا اللي علمها في امريكا .. كانت مراهقة 17 سنة حماسها واصرارها وضحكتها الحلوة خلته يغامر ويعلمها وهذه نتيجة تعليمه ((علمته الرماية فلما اشتد ساعده رماني )) مانكتب هذا المثل الا لندى وبس سمر كل الايات اللي حافظتها قالتها .. من تحين قالت .. دمها في رقبة هذولا المستهترين .. هيا مو بايعة عمرها ...لسة ماعاشت شبابها .. بس عاشت معاهم شيخوختها .. <<<< كبروكي ياسمر وانتي في ريعان شبابك خخخخخخ قربت نهاية السباق حددوا المكان والفايز اللي يوصل اول بخلاف التوقعات وانقلبت الموازين السرعة الجنووووووونية من ندى طلعت<<<<< قوللي اذا في سرعة اكتر من 180 عشان اكتبها لانو بهذه السرعة ندى اجتازت حسام وتحددت الفايزة ندوووووووش __________________________________________________ _ كان رامي جالس على الكنبة اللي جالسة فيها ريما وحاطط ايده على كتفها وابتسامة محليته ومظهرة وسامته وبنفس هذه الوضعية كان معطي ظهره لهديل اللي تبى تولع من الغيظ والقهر وهيا تشوف السعادة في وجيههم .. لو بيدها رشاش كان فرغته على ريما وخلصت ريما مبتسمة اعرض ابتسامة بس تشوفه روحها ترجعلها تحس بالسعادة من كل ماحولها نسيت وجود هديل تماااما .. اول مادخل رامي التقت عينه بعينها حب شوق عشق هيااام هذه النظرات المتبادلة بين كناري الحب .. الله لا يفرق بينهم يارب يتكلموا مع خالة رامي ام احمد بحرية تامة وفرح يشع من وجهيهم حتى ام رامي دخلت الحوار بينهم وريما بروحها الاجتماعية الحلوة قدرت تخلي ام رامي تتكلم معاهم بحرية وبكدا صارت هديل ولا رجل الكرسي في البيت لانو الجميع نسي وجودها <<<< هذا جزاة اللي يفرق بين اتنين ^^ ________________________________________________ عبير فتحت عيني ببطء احس حالي مخدرة فهد اول من خطر في بالي قعدت ادور عليه بنظري لقيته نايم جنبي تحسست وجهه ولقيت بعض الخدوش على خده غصب عني دمعت عيوني .. انا السبب ... انا السبب ... لو ماعملت حركتي الطايشة ..كان ... كان ..... زادت دموعي وحطت ايدي على فمها عشان ماينسمع صوتي ... بعد ماهدأت حطيت راسي على كتفه وحطيت ايده على ظهري .. (( ضمني ولمني وحسسني معاك بالامان )) __________________________________________________ دواك عندي .. والأظلم دايم البادي والله لأوريك شي ٍ مابعد شفته .. ماهو في صالحك .. يوم تجرب عنادي الله من ريق ماينشف ونشفّته ! بعد ماخلص السباق .. ندى خرجت وقعدت ترقص على هذه الاغنية رقص الشباب <<< اتخيلوا شكلها كيف خخخخخخ وتركي منفجر ضحك عليها وبنفس الوقت فرحان لفرحها هذه اخته الوحيدة ودلوعته ولانو ابوهم مات وهي كانت لسة في الابتدائية ولما صار هوا رجال البيت صار يدلعها مثل بنته واذا تبوا تعرفوا سبب رفض تركي للزواج لانو شايف عيلته بس امه وندى هوا رجالهم اللي يحميهم من غدر الزمن وعنده تشاؤم من الكنات <<<<<< الله يخلي مسلسل دمعة عمر خخخخخ اللي يبى يتزوجها مو فاضي يوديها شهر عسل وشهر بصل ومابده يحرمها من حقها كأي زوجة جديدة تبى تفرح اختار اقصر الطرق العزوبية وكل هذا عشان خاطر امه واخته وي وي وي اخدنا الكلام عن تركان ونسينا حسامووووه خخخخخخ حسام وجهه احمر مولع حزروا ليه *_^ ؟؟؟ __________________________________________________ _ هديل ااااااااااااااااااه الله يحرقك ياريما انتي واللي في بطنك في يوم واحد ... وهذا رامي قاعد معاها مبسوط وانا هنا ولا كأني موجودة ... ماسمعت من صوته غير كيفك يابنت خالتي ؟؟ هذا اللي قدره علينا ربنا حتى مانتظر جوابي .. لف على ست الحسن والجمال بس حتشوفي ايامك السودا معايا ياريما والايام بيننا _________________________________________________ فهد صحيت من النوم ... واول مالمحتها ابتسمت ابتسامة من قلبي .. ضميتها اكتر (( انا معاكي ياقلبي وحأحميكي من كل حاجة وروحي وكلي فداكي )) مسح على شعرها الواصل لنهاية ظهرها ... صحيح النوم طار بس ما بدي ابعد عنك .. انا ماصدقت لقيتك فجأة حسيت بيها تتحرك زي الطفلة ...اتسعت ابتسامتي وانا اشوفها تفرك يدها في عينها والله زي البيبي يالبي قلبها اول مافتحت عيونها وشافتني ارتمت على حضني ونطقت باسمي على شفاتها التوت .. اول مرة ادري انو اسمي حلوو من لسانها .. فجأة حسيت بيها تبكي وتشاهق دمعاتها فهد بصوت حنون: حبيبتي.. ليش تبكي –مسح على شعرها- اهوو انا قدامك مافيا شي بعدت عن حضني بهدوء وتحسست بيدها الناعمة خدي محل الخدوش والدموع على عيونها النجلا وقالت ببراءة وصوت طفولي : اتأذيت بسببي ابتسمت اكتر ( طفلة يانااااس والله طفلة ) : لا ماتأذيت ياقلب فهد... بس جيبلي الدوا ناظرت فيا باهتمام وهيا تقوم : فينه ؟ مسكت ايدها ورجعتها واشرت على خدي : الدوا بووووسة كبيرة نزلت عيونها وتوردت خدودها ..فديتها وفديت خجلها .. -ابتسمت اكتر – بس هذه المرة مني مغمض عيوني ولع وجهها وطبعت بوسة سريعة على خدي واول ماجات تركض مسكتها : مافي مهرب 7 7 7 7 7 7 7 7 7 7 *_^ _______________________________________________ سمر منفجرة ضحك : هههههههههههههههههههههههههههههههه وقالت تغيظ حسام راحت لعند ندى وسلمت عليها وبالاحضان سمر : مبروووووووووووك ياقلبووو ندى واكبر ابتسامة على وجهها : الله يبارك فيكي ....ههههههههههه غلبته والله غلبته .. قال شايف حاله قال ويارض اتهدي محدا قدي ... انا ندوووش لسة ماولدته امه اللي يغلبني حسام جا لعند ندى و .........................
_________________ |
|
#15
10-08-2010
| ||||
| ||||
| رد: قصه رومنـــــــــــــســــــــيــــــه جريئه لا تفووتكم الفصل التاسع رامي : يلاا حبيبتي نرجع ريما بابتسامة : يلااا هديل بمياعة: اوووووووه تحين رايحين لسة بدري رامي وريما توهم انتبهوا انو هديل موجودة لا وتتكلم بمياعة رامي : معليش يابنت خالتي بس عشان صحة ريما –اتحسس بطنها- وصحة فهودي هديل ولعت في محلها وريما اتسعت ابتسامتها بنصر وخرجوا بعد السلام وكله ____________________________________________ في السيارة رامي : هااا كيف حبيبتي انبسطتي اليوم ؟ ريما : معاك دايما اكون مبسوطة رامي قرص خدها : ا ن شاء الله دووووم ريما : رامي رامي : عيوني ريما ابتسمت : تسلم عيونك بس انت مانسيت حاجة رامي :يووووووه مرة تانية نسيت الجوال ريما : ههههههههههه انت والجوال في زحمة رامي لف بالسيارة بسرعة ريما : ههههههههههه بطني خلاص الله يرحم ايام التفحيط رامي غمزلها : تعرفي لو انك منتي حامل كان وريتك التفحيط الاصلي ريما ابتسمت بخبث: لسة محد غلب فهد في التفحيط رامي : مين يقول ... انا واياه اشهر من نار على علم في التفحيط ريما : صدقتك رامي : منتي مصدقتني طيب ريما : ههههههههههههههه خلاص وصلنا رامي : خليكي انا اجيب الجوال وجاي ريما حست بنغزة في قلبها وبتردد : طـيـ..ب ________________________________________________ داخل البيت رامي كان يبى يتنحح بس اللي وقفه وحدة لساتها بالعباية والطرحة على كتفها وماسكة جواله في يدها ____________________________________ جا حسام عند ندى ووقف وراها بالضبط وهيا مو دارية عنه ندى : ههههههههههههههههههههههه اتخيل وجهه البندورة ( الطماطم ) سمر نصيحة اخوية مني تعالي معانا لاحسن يوديكي ورى الشمس ههههههههههههههه نسي هوا جاي هنا ليه ضحكتها ...مسحت كل قهره وغيظه ... نسي خسارته .. بس في اذنه يتردد صدى ضحكتها سمر تأشر بعيونها لندى انو حسام وراها ولا حياة لمن تنادي سمر : احم احم ندى : هههههههههههه قلبتي رجال وصرتي تتنححي حسام بدون شعور : تسلميلي هالضحكة ماحلاها ندى ضحكتها راحت وجا الارتباك بس هيا تخفي ارتباكها بعربجية مصطنعة ندى باستهزاء : اووووووه الخسران جاي يامرحبا والله حسام باستهزاء اكبر : لاتحسبي ياحلوة اني خليتك تفوزي كدا بس قلت البنت مسكينة وقلنا نخليها تنبسط شوية اهووو نكسب فيكي ثواب ندى بعصبية : لا ياشيخ احلف بس لمعت عيونه عرف انو نقطة ضعفها الاستهزاء فيها وكمل كلامه حسام باستهزاء : ايوووة قطع الجو المشحون بينهم تركي : يلااا اتاخرنا عاااد ندى : ايووة جبتها ياخوي انا مااحب اقعد مع الخسرانين -وطت صوتها- اقرف منهم حسام قبض على يده بقوة وكلمة ( اقرف منهم ) تردد في اذنه عارف سبب معاملة ندى ليه (( قبل سنة في بيت اهل حسام وفي الحديقة تحديدا ندى : ههههههههههههههههه سمر تعالي نجلس هنا سمر : هههههههه استني بس اجيب موية ندى : طيب يلاا استناكي كانت تتمشى بس وقفها حاجة غريبة حسام كان مديها ظهره وكان لابس توب مفصل عليه ومبين جسمه الرياضي والهوا مطير شعره الطولان لرقبته وفجأة رن جواله حسام شاف الرقم اتلفت يمين وشمال وبصوت يسحر البنات رد حسام : هلا والله بغلاتي بقلبي وروحي ندى الصدمة سكتتها وعيونها اتسعت على اوسع حاجة .. حسام من النوع اللي يكلم بنات مثله مثل أي واحد صايع .. ياخسارة والف خسارة حسام : والله مشتاقلك ياعيوني .... والله ياريت اقدر اجي .... بس معزوم يالغلا ... ولا يهمك مرة تانية .. انتبهي على حالك ياقلبي ... مع الف سلامة اول ماخلص المكالمة بصق على الارض : يقرفك ويقرف شكلك يابعيدة رن الجوال مرة تانية ولما شاف الرقم ابتسم اوسع ابتسامة حسام : هلا والله بابو الشباب ... ياملع## لاتقولها ... كمان في الاستراحة ... يلعن هذا الحظ .. مح اقدر اجي .. كم بنت ... ندى غصب عنها تجمعت الدموع في عيونها .. هذا ماعنده دم ....يرضاها لاخته .. يرضاها لقرايبته ... او حتى يرضاها لبناته ... الحيووان الحقير مسحت دموعها بسرعة هذا الكلب مايستاهل دموعي سمر : ندوووش معليش اتأخرت حسام دار وجهه للصوت لقى سمر مع ندى ناظر في سمر كانت عيونها على ندى ولما ناظر في عيون ندى كره ... حقد .. استحقار... استهزاء... قرف... ندى : امشي امشي بلاا قرف ... اللي سمعته يخلي الواحد يرجع ( يتقيء ) الله يعزكم سمر باستغراب : ايش سمعتي ندى تمسك كتوف سمر : ولاحاجة يلاا امشي )) ماحس الا بايد تركي على كتفه تركي : يلااا يارجال ولا تشيل في بالك خلي روحك رياضية حسام : هااا يلا يلااا ندى صحيت من هذه الذكرى على صوت تركي تركي : هههههههههههه غلبتيه يابنت الايه ندى : ههههههههههههههههه احسن منك مو تعادل تركي : اعطيتك وجه لاتشوفي حالك ندى : هههههههههههههههههههههههههههههههههههههههههههههههه _________________________________________________ رامي شاف هديل وهيا ماسكة جوالها وجواله وكانها بترسل حاجة رامي : احم احم على وين العزم ان شاء الله هديل من الصدمة طيحت الجوال والتفت له وعيونها على اوسع حاجة ...جات عينه في عينها .. كانت عيون هديل مكحلة بكحل اسود فحمي موسعها ومبين جمالها .. غير المكياج الكامل اللي حاطته على وجهها ... رامي غض بصره بسرعة ..وهديل جاتها على طبق من ذهب قالت بدلع مايلق عليها : اووووه اسفة كنت ابى اتصل عليك عشان نسيت جوالك رامي وهوا غاض بصره : مشكوورة ... ممكن الجوال نزلت لمستوى الجوال اللي في الارض وكانت متعمدة تبين شعرها بس رامي مافاته مغمض عيونه بقوة وشادد عليها ... هديل وتبى تطق حتى مايناظر فيها .. اعطته الجوال وقالت بمياعة : اتفضل اعطاها ظهره ومشي هديل : بسيطة يارامي ... مسكت جوالها وابتسامة الخبث علت وجهها في السيارة ريما : حبيبي ااتأخرت رامي : ..................... ريما : رامي رامي : هااا هلا ريما : مين اللي شاغل بالك رامي : هاا ولا حاجة ... __________________________________________ وصلوا الكباين حسام وتركي حملوا الشنط لداخل وندى شافت (golf Car) ولمعت فكرة في راسها سحبت سمر من يدها وسحبت خالتها وامها : تعالوا معايا الكل : على وين ندى : تعالوا وبس ركبتهم السيارة سمر ضربت جبينها بطفش: يووووووووه ماتملي ندى ابتسمت بخبث : لاامل ولا اكل ام تركي : يمه ياندى مايصير ام حسام : حبيبتي تحين حسام يعصب عرفت انو حسام يعصب وهذا المطلوب ولعنتين فيه ندى : مافي بدي اسوق يعني بدي اسوق الكل تأفف عارفينها مجنونة وماتسوي الا براسها وتوكلوا على الله ندى : اربطوا احزمة الامان سمر : ها ها ها ها ها ها مافي ندى : ههههههههه امووووت على العصبية حركت ندى وتركي وحسام ولا دارين قربت ندى من ورى حسام وزمرت بالبوري حسام كانه انضرب كهربا انفجع ورجع لورى الكل : هههههههههههههههههههههههههههههههههههههههه تركي : ندية ماتملي مو كفاية سوقتي سيارة اليوم ام تركي وام حسام بصدمة : ساقت ؟؟ ندى عضت على شفاتها واتوعدته بعينها وتركي يضحك عليها حسام التفت وشاف ندى حسام مجنووونة والله مجنووونة بس جنونها يعجبني .. ضحكتها تذوبني بس هيا شايلة في قلبها عليا كيف لا وهي سمعتني باذنها في ذاك اليوم الأسود ندى : سمر الحقي على اخوكي امكن جاته سكتة قلبية هههههههههههه حسام (( ضحكتك اللي حتجبلي السكتة القلبية ... حسام هذه مو اي بنت هذه بنت خالتك من لحمك ودمك )) حسام : وانتي ليش سايقة ندى : اووووه سوري نسيت اني انا الخسرانة عشان كدا مااسوق حسام قبض على ايده بقوة مابده يعترف بخسارته وهوا يبصم بالعشرة انو هيا غلبته وبكل جدارة فازت عليه تركي : ياسلام احنا شايلين شنطكم وانتوا ولا على بالكم ندى : بس تركااان حبيبي هوا اللي يركب وغيره لااا حسام رفع كتوفة بالامبالاة وتركهم ندى بدلع من غير ماتقصد: اووووه زعل حسام ذاب من دلعها تأثر عليه... كيف لا وهوا من عشاق الجنس الناعم ____________________________________ فهد وعبير خلصوا من تجهيز الشنط وركبوا القطار كان المشوار طوييييييل بس كيف يحسوا بالوقت وهما مارين باحلى طبيعة الشجر والخضرة من كل مكان حولهم .... فهد والهوا يطير شعره لورى والنظارة الشمسية على وجهه كان شكله يهبل عبير كانت بحجابها تراقبه والابتسامة مالية وجهها بس برضه ماتقدر تنكر انو في نغزة في قلبها بس ماتدري ايش سببها والله يستر من الجاي فهد : الحلو سرحان في ايه عبير توها انتبهت : هههههه ولا حاجة فهد : تصدقي لو مافي ناس هنا كان فكيت حجابك وقعدت اتامل في شعرك وهوا يطير في الهوا اااااااه اموت انا على الشعر الطويل عبير خجلت ونزلت عيونها للارض فهد رفع وجهها بيده : برضك تخجلي مني ... عبير انا ابن عمك وزوجك وان شاء الله اكون كل حياتك حاميكي من كل الناس حتى حاميكي من حالي .. حعوضك عن كل اللي شفتيه معايا - طبع بوسة على يدها- اوعدك بكدا لمعت عيون عبير باعجاب بكلامه ناظروا عيون بعض ثواني كانها ساعات قطع جو التأمل بوسة سريعة من فهد لخد عبير تسلملي عيونك ___________________________________________ ام عبير : ياابو عبير انا قلبي ناغزني على بنتي ابو عبير : يامرة خلي البنت في حالها بلاشي احساسيك اللي ماتودي ولا تجيب ام عبير : بس ياحمد انا خايفة انـ... ابو عبير قاطعها : ادعيلهم الله يسعدهم ويهدي سرهم ويحفظهم من كل مكروووه ام عبير : اميييييين يارب ________________________________________ ندى حطت اغراضها ولبست بلوزة طويلة اسود وابيض وعليها نقشات حلوة ومررة نعومي ولبست بنطلون جينز ونظارتها الديور وطرحتها ندى : يووووووه سمر حتنامي سمر : فيا النوم .. مشوار طول في عرض ماتعبتي بل على ابليسك ندى تصد بايدها عين سمر : الله اكبر من عينك سمر : ههههههههه نامي السرير يرحب بيكي ندى : لا مشكووورة ياقلبي احد يقابل البحر ويقول لا سمر : براحتك -تثاوبات- انا بدي اناااااااااام راحت عند امها ندى : يمــه انا بدي اروح البحر طيب ؟ ام تركي : وتركي وينه ؟ ندى : المسكين ماارتاح وصلنا وراح لدوامه ام تركي : الله يكون في عونه ندى : امييييييييييييييييين يلا سلااااام ام تركي : لحالك يابنتي ندى بثقة: يمه انا عن عشرة رجال ام تركي بتردد : بـ.س ندى حبت راس امها : يمه الله يخليكي يلااااا سلااااااااام ام تركي : الله يحفظك يابنتي ___________________________________________ بعد المشوار الطويل في افخم القطارات السويسرية وصلوا والمكان كان بعيد عن محطة القطار اضطروا انهم يمشوا برجولهم وبعد فترة مهي قصيرة وصلوا لبيت ريفي الاشجار محاوطته من كل مكان والجبال الجليدية في الافق وكان معزول عن الناس الهدوء والطبيعة الساحرة و كان تصميم البيت الريفي بسيط من الداخل والخارج عبير : وااااااااااااااو المنظر جنااااااان فهد ابتسم : ايوة احلى حاجة في سويسرا الطبيعة ... يلا نحط اغراضنا .. –تثاوب- فيا النوم عبير بابتسامة :طيب حطوا اغراضهم وناموا ايش ينتظرهم ياترى
_________________ |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| طلبتك لاتحاكيني روايه سعودية رومنسيه جريئه كامله | مدهشة | القصص و الروايات و الحكايات قصص قصيرة و تعلم القصة story novelette | 12 | 05-04-2011 01:55 PM |
-الدورات
التدريبية بجامعة نجران-
العرض العادي
