فضيحة مرجوجه بس عاقله يوم انه صغيره << صدقيه مب تشليخ

السلام عليك وش الاخبار وش العلو ابقولكم سالفه خطططططططططططيييييييييييره بس صدزيه المهم انه مره من المراريت يوم كنا صغار انا ومرجوجه كنا قاعدين بالصاله المهم انه مرجوجه كانت دربيه
يالله يالله نحرجه تدحرج عشان تتحرك صانتي <<خخخخخخخ المهم اننا بالصاله طفشانين بالحيل طاقتن اتسبدنا وبما اني انا الورع الكبير وراعي الافكار الخطيره فكرت فكيره اننا نسوي مغامره زي اللي
بالتلفزيون طلعنا انا واختي المصونه تسلق الجدار عشان نهج من البيت << للعلم كان الباب مفتوح بس حنا من زود السنع والتاثر بالافلام قررنا نقمز ... انا رقيت الجدار وبكل مهاره <<من مدح روحه كذاب
بس جاء وقت مرجوجه تقمز وبما انها فيل ماقدرت جيت انا نزلت تحت عشان اساعدها واقمزه وبعدين انا اقمز واره واحاول ارفعه واحاول ماش عجزت مافيه فايده طلعت مصاريني وهي توه ماتزحزحت من
مكانه وعقب ما طلعت روحي ومن زود دباشتنا نسينا انه فيه اختراع اسمه كرسي <<<لا حد يضحك كلهم منه هي نستني حتى اسمي ...
واجيب الكرسي وترقى مرجوجه فوقه بس للاسف طلع الكرسي قصير عاد انا حلال المشاكل فكرت
وقلت: وراه مانطلع من الباب بس ونفك اروحنا بلا هم وتعب بلا خرابيط
قالت مرجوجه : والله فكره والله انك خطير وشلون مافكرنابه من قبل <<دباشه عظيمه
..ونجي نطلع من الباب يوم جينا بنهج ويمسكنا ابوي
وقالنا : على وين راحين اشوف.؟؟؟
عاد مرجوجه الدبشه ماقصرت خرت كل الطبلون وقالت له كل السالفه
مير يجي ابوي ويهزئنا ذاك التهزيئه المحترمه وبما اني الكبير جاني نصيب من الهواش اكثر من الدربيه <<باين اني حاقد..ويجي ابوي ويحجرنا فوق بالغرفه حقت االلاعاب يوم صك الباب واجي اكفخ مرجوجه لما قالت العيد باسر وتجي وتعيط
وانا اقوله : قلعس يا لحماره كله منس لو ماقلتي لبوي يادبشه ماصار اللي صار
وتجي وتصارخ زياده واتورط انا عاد واهزئه واجي واكفخه لما سكتت <<مستقوي العم
وبعد فتره قصيره طلعت لي فكيره <<الله يعين من هالافكار ... اننا نلعب الكابتن ماجد <<ابد ماتاثرنا بالتلفزيون .. انا الدفاع ومرجوجه الهجوم من كثرنا عاد قولو ماشالله <<بسب الوزن صارت هجوم خخخ
وحنا نلعب من زود تحمسي كسرت اللمبه <<لا تخافون ماصار لي شي <<عاد تقل سالتوا ههههههههههه..
وتسمع امي الصوت وترقى لمنا فوق وحنا سمعنا صوت التصبيخ وهي ترقى مي نجي نتغبا وتلقانا وتهزئنا وتنزلنا تحت <<واالله ظلم ماسوينا شي
.ونحن لم نيأيس بعد نبي نوسع صدورنا نبي نهج يعني نبي نهج بس وشلون وامي تقل رادار واقفه علينا الا شوي ويرن الجرس اثره السروه ام عبدالله الاخبار المتنقله
مير الله يجزاه خير اخذت حش وسب بالناس من اول ماجت هي وامي بالفصفص والشاهي مير تجي مرجوجه
قالت :يالله هذي فرصتنا نهج دام امي منشغله.
قلت: انا لا اصبري شوي ابشوف هي نوال تطلقت والا لا <<مب المغنيه نوال الكويتيه لا تخافون .. <عاد انا العم مندمج مع السالفه
الا ويجين ذيك الرطقه اللي فقعت دميجتي من مرجوجه قالت اقول قم لا افقع وجهك الحين <<نعومه زياده عن حده.
قلت: طيب اووووووووف ... الواحد مايتهنى بقعدته ..
المهم حنا ماراح نهج من الباب لان امي راح تمسكنا راح نهج من ورى ولازم ندخل عامودين محطوطات زينه ولازم نعبر من الوسط ونطلع ونهج يعني شغله..
المهم المكان بالنسبه لي زين وانا دخلت وطلت سليم معافى بس بالنسبه لمرجوجه هه دخلت ونشبت بين العامودين وقعدت تصيح وافطس انا من الضحك حتى ولا ساعدته << للمعلوميه هي للحين حاقده علي عشان كذا
وتجي امي مشوته بالشوز تبي تكفخن تحسبن انا اللي مصيح مرجوجه كالعاده بس هالمره انا مظلوم ..جت امي المهم وام الجيران وقعدوا ساعه يحاولن يطلعون مرجوجه وانا ميت من الضحك وامي معصبه
والتفتت علي بتعطين طرااااااق مالقت الاغباري واروح انادي ابوي اللي هو بالمجلس مع الرجاجيل وحاولت اقوله بس مع الضحك عجزت وابوي عصب
ويقول: وشبك وجع قل وشبك
وانا ميت من الضحك وجا ابوي مسكن من طرف فنيلتي ويهددني ان ما قلتله راح يذبحني <<ابد مب عصبي ابوي..
وتجي تطلع كلمات متقاطعه مني: مرجوجه هههههههههههههههه
ابوي : وشبه ..
انا : نا هههههههههههه
ابوي : وبعدين معك بتقول والا شلون ..
انا: ناشبه بين العمودين اللي بالصاله
وابوي فقع عليها من الضحك وانا منسدح بالارض مع الضحك حتى اذكر اني سمعت ضحكات الرجال اللي عند ابوي
المهم ابوي يقول لي: فيه احد بالصاله ابدخل
جيت قلت انا: ايه به السروه ام عبدالله
ابوي :عيب عليك ..
المهم اني رحت وقلت لامي تقول لهسروه تروح عشان ابوي راح يدخل والعمه ذي ما نست توصي امي وش يصير على مرجوجه عشان تنشره بالحاره كله ..ويدخل ابوي ويقعد ساعه يحاول يطلع مرجوجه وانا قاعد متفرج وبعد ساعتين زاد صياح مرجوجه وجا ابوي يهديها
ويقوله: معليش شوي ونطلعس انا داري انه يوجعس بس ميخالف تحملي شوي
وهي تقول: لا مب عشان كذا اصيح
ابوي: اجل وراه؟؟؟
مرجوجه : جوعاااااااااااااااااااااااااااااااانه ونفقع عليها من الضحك .
وبعد عده رطقات مني وترفيسات عديده خرجت مرجوجه بكمدات << لا تخافون عليه اخذت حقه مني وزياده .. المهم هي سيدا على المطبخ وخلصت كل الاكل ..وما نسته الا الحين وتهددنا اذا احد ذكر السالفه عشان ما نفشله ويدرون انه كانت قديما سمينه اصلا ماحد نساه والا الحين وان اعيره بالسالفه واهدده اذا سوتلي شي ما سكها مع الايد اللي توجعه وهي للحين حاقده علي لاني ما ساعدته واني قاعد اضحك عليه بس وش اسوي غصب
وتمت وبحمد الله

اسمعوني زين ترا مرجوجه ماتدري اني قلتلكم هذي السالفه تراها محرجتني بس لانه النذله حطت موضوع من وراي وزوجتني انتصار بدون مادري ولا بعد وتقيوا علي تحسبني ما قدر اسويلها شي ... قلعتها تراي هاك عليه وقايلها مسامحس واني ماراح
اسويلس شي وتراي اعلنت الحرب بيني وبينها واللي يبي يكون معي وبصفي يقولي من الحين عشان اسجله بالقائمه ويارب كل التماسيح معي نخوتكم يالله تكفون لا تفشلوني الدعوه عامه للتماسيح والسحالي
مع اني داري انه ولا سحليه راح تكون معي الشكوى لله بس ساعدوني وكونوا معي في هذه الحرب تراي انا المظلوم .........