بسم الله الرحمن الرحيم

قال الشاعر علي بن محمد القحطاني
انا الجاني على نفسي وإلا اش جابني الدمام@نضرت اللي إلا منه شبح بالعين صوبني


ولي ياعجوز ما تفارق بابها###متولمه لهل الهوى بمشعابها

عجوز شمطى لا رحم من جابها### لو تنزل السكراب ما جابت ريال (((السكراب)))(((الحراج)))

تلبس ثيابن شرتهم عهد نوح ###وتقول جثه هامده من غير روح

راحو رفايقها وهي عيت تروح### انا اشهد ان الموت معطيها مجال

لاجت تسولف كشرت بنيابها ###واللي يقرب يمها يبلابها

ياما رفايق فرقو بسبابها###ماشغلها إلا قالت افلانه وقال

قلت السلام وقالت ابعد وش تبي###قلت اذكري ربك وصلي ع النبي

عابر سبيل وعهدتي في مذهبي###مانيب طالب يا عجوز ابليس مال

سألتها عن جد جدي وين كان ###قالت عرفته والوكاد اسمه فلان

كنا ترى وياك في ذاك المكان###لازلت فاكره قصته والوقت طال

عطيتها دينار وقلت اتفضلي###واللي تبينه آمري وتدللي

هاذي طريق يا عجوز اتجملي###قالت تفضل وسترح يبن الحلال

عطيتها اسرار قلبي ومطلبي###اثر عجوز ابليس تبغي مقلبي

شفت المكيده وقلت يا رجل اهربي###ياما عجايز ورطو قبلي رجال