تركز غيم شعـري فـي مقـره
ورحـت أنقـاه درة بعـد درة

وأسوي لي قلايد مـن قصايـد
تزيـن صـدر نجمـات المجـرة

أنا فالـي السمينـات الجزايـل
يبوت ٍ مثل طيـر الجـو حـرة

ترقينـي علـى روس النوايـف
وتبرد شي وسط القلـب حـره

تعبت أرقبك يا سهيـل اليمانـي
تجي والسيل في طلعـك تجـره

ثلاث سنيـن يتجـدد صوابـي
عنا يشتد بي فـي كـل كـرة

ولا لي من جميع الخلـق فـازع
وصاب الصبر من صبري مضرة

الأ يـا تـل قلبـي وا عذابـه
الأ يا تـل قلبـي ألـف مـرة

شربت الدرب من كاس العناوي
ولا أسقاني سوى ملحه ومـره

وكن السبع فوق السبع تطبـق
ولا ألقى للنَفَـس معشـار ذرة

سمعت ان الشعر للبـال سلـوة
كتبته قلت أبـي منـه المسـرة

خذيت الشعر ثالـث والدينـي
وصرت أغليه وأطيعـه وابـره

تفجر في خفوقي بحـر شعـري
غرقت بموج قلب ٍ بـاح سـره

كتبت الشعر لاجل ادرى همومي
وألاقيهـا علـيّـه مستـمـرة

لقيت البعض يكذب لاجل يكتب
عليـه الشعـر ينقـد ويتشـره

وأنا لا من طرى لي زول خلـي
ألبي له وأصيـح الجيـب طـره

بنيت بوسط صدري له مدايـن
وصدره لـي مبانـي مستقـرة

أحب الحب مـن حبـه وقربـه
وأحب جنونه وخيـره وشـره

ترا عذري معي لو طال مدحـي
في من له بحـر خفاقـي وبـره

تصبر يافـوادي فـي همومـك
ولو ما جا الفـرج ارج وتحـره

لو ان الوقت حدك عن خليلـك
بيبقى قلـب قلبـك مستقـره

وألا يالخاطر اللي ضـاق بالـك
تشوّف طاري الفرحـة وطـره

وهاك الشعر وارقع به جروحك
و درة دمـك امسحهـا بـدرة




وسلامتكـــــــــــــــــم