السلام عليكم ورحمة الله وبركاته وانا اتصفح المنتدى مريت على موضوع (هــــــــــــــــــل نــــحـــن الســـعوديـــون كـــــذلــــــــــــــك)
وحبيت نتشارك في هالموضوع ســـــــــوا عشان نطلع بشي يستفيد منه الجميع ان شاء الله
في بدايت الكلام اتمنى ان كل واحد يروح يقراا موضوع (هل نحن السعوديون كذلك )ويجي يشاركنا لانا نبي نتكلم بواقعيه وبكل صراحه اكثر . اولا يا شباب ما ادري من وين ابدى لان كل واحد ممكن راح يعترض على كلامي الي بقوله ولكن تأكدوا اني اغار على مملكتنا (الله يخليها لنا ان شاء الله ويخلي حكامنا ويطول عمرهم ) مثلكم بالضبط وخصوصا اني اعيش تساؤلات واحراجات اكثر من مره فياليت نتساعد. في بدايت الموضوع ابقول ليش احنا يالسعوديين كذاا مو بس السعوديين الا كل دول الخليج بصفة عامه
احنا شايفين نفسنا ياشباب زياده عن اللزوم والله . يعني اقرب مثال اسلوبنا مع الناس الي برى (العماله الوافده ) شفتوا كيف نتعامل معاهم وكأنا مانشوفهم شي ,كيف ننفخ على الهندي والباكستاني او اي جنسيه ثانيه ( راح اقول القليل منا ولكن مو كلنا ان شاء الله ) انتوا شايفين مطارتنا كيف يتعاملون معاهم الموظفين مو بس يتعاملون مع الاجانب الا بعد مع السعوديين , شفتوا كيف معاملة الموظفين في البنوك مع الزباين , شفتوا كيف معاملتهم في مراكز الشرطه او في التفتيش المروري مع كل الطرفين .وبرضه ارد واقول (القليل منا مو كلنا ان شاء الله) يعني ابي اعرف لو تعاملنا بطيبة نفس ونيه صافيه بنخسر شي , الحين يوم تنافخ على ذاا ولا على غيره هوو ليكون مسوي لك شي ذابح احد من قرايبك او متبليك في حياتك قبل هذا وذاك اصلا دينا وصانا على المعامله الحسنه وصانا على مقابلة الناس بالابتسامه وصانا دينا بمساعدة اخوانا الي يحتاجون مساعده ووشهي اصلا واحد مضيع الطريق او واحد يبغاك تعلمه شي مو فاهمه .
[color=#AC5668]( لـــــــــــــيش الاوربيين معاملتهم للناس الي يجونهم معامله حسنه يعاملونهم على انهم من اهل البلد صدق الي قال مسلمين بلى اسلام والله انهم مسلمين بدون اسلام انتوا ما تتخيلون قد ايش يا شباب هم يساعدون وما تتخيلون قد ايش هم يعرضون عليك مساعدتهم )
نتكلم بصراحه اكثر ( بريطــان وكلاب وخنازير ويهود ونصارى ومحاربينا في كل مكان ) لكن شوف لاوين احترامهم يعني حتى الابتسامه الي هي اقل شي ممكن تسويه والي المفروض انا نبتسمها مع بعضنا
هم يبادرونك بها هي اكيد ابتسامه صفراء ولكن انت ما تدري وش الي تبثه هالابتسامه من الشخص الي يشوفهم .[/color]طيب لــــــــيش العرب في لندن شغالين نصب والله العظيم يا شباب انهم معروفين بالنصب والاحتيال الا القليل منهم والحمد لله ممن يغار على دينه وسمعة الاسلام انتوا ما شفتوا كيف ينصبون على الاجانب والخليجيين الي يجون زوار يعني شي ماراح تصدقونه والله .( ليش من كون امينين زي هالبريطان مثلا او اي بلد من هالدول طبعا عشان اعطيكم سالفه حصلت مع صاحبي وهو رايح يصلح كمبوتره في محل عربي ويبغى يسوي فرمته لجهازه ويركب ويندوز جديد طبعا قال له صاحبنا العربي بقيمة كذا كذا صاحبنا صلحه واعطاه مبلغ والله ما يستاهل انه يعطيه ولو اقل من الربع المهم عداله اسبوعين ودخل عليه فايروسات راح لمحل ثاني والي شغال فيه بريطاني وقال له ابي ويندوز جديد وتنظيف من الفايروسات سواه له واخذ قيمة ربع الي اخذها العربي لا وبعد مربي دقنه على انه مطوع وسأل البريطاني ذاا قال وين سويت كمبوترك قال المحل الفلاني قال انت كم دفعتله قال كذا كذا قال هو مسلم قال ايه قال انا الي اعرف ان دينكم مافيه نصب ولا احتيال ليه هذا نصب عليك قال ليش قال الويندوز مو اصليه وثاني شي اخذ قيمة عليك ممكن تساوي قيمة الجهاز .يعني شوفوا يا شباب لو ين سرنا نفضل انا نصلح او نشتري من محل بريطاني ولا نروح لمحل عربي .طيب مشكلة ثانيه هل احناااا كلنا اغنياء فعلا وهل كل واحد عنده خزان من البيترول في بيته ( على قولة واحد احنا هنا نشرب وسكي وواين وانتوا يالسعوديين تشربون بيترول ) ماخذين عنا فكره ان اغنى اغنياء العالم وفيه ناس عندنا والله والله حالتهم يرثى لها اقربهم الناس الي كانوا في الرياض (العاصمه ) وساكنين في بيوت طين . ولا الناس الي على طريق جده الي كانوا ساكنين في صناديق خشب وحديد الين قبل شهرين او اكثر طيب غيرهم وغيرهم الي مات من الجوع والي معاه اسره حالتهم تكسر الخاطر طيب فين هالبيترول الي عندنا وش هالاعلانات الي مكسره الدنيا عنا يالسعوديين وكله هذا بسبب اغنياءنا فقط الي يروحون للخارج ويسرف ويبذر ويشتري اشياء ويرميها من وقته بس عشان يشبع رغبته ويعلم الناس الي من حوليه انه غني ( ليه ما اسرف الفلوس ذي على ناس بحاجتها في السعوديه على ناس يدعون له في الدنيا والاخره ليه ما سوووا شي يقعدله تذكار الا يوم الدين وهم يذكرونه بالخير اما في بناية مدرسه او تحفيظ للنساء او مشروع زواج للشباب الي ما لقيوا ريال واحد كل واحد يروح البنك يتسلف عشان يكمل نصف دينه وهو يجيب ويدور الريال من هنا رفعوا عليه المهر من هنا كل الطرفين محتاجين الفلوس او الماده بالاحرى عشان عيالهم الي ما لقيوا حتى الفسحه . طيب اشفيها معاملاتنا تاخذ بالسنه والسنتين على بال ما يشوفون ملفك وقال ايش ارجع بعد سته شهور او اكثر طيب وش بيخسر اذا خلصها في وقتها اصلا لو خلص معاملات الناس اول باول ما قعد شي عنده
اقربها معاملات البنك والاتصالات كم تاخذ بالله عشان تقدم لخط اتصال انا بنفسي والله راجعت لاخوي اكثر من اربعه شهور عشان اخذ بس رقم جديد وش فرق بينا وبين البريطان ليه يجيبونها لك في اقرب وقت ما تاخذ اسبوع وجت .وعلى كل حال احنا والحمد لله محسودين من كل الناس اخرها الاسبوع الماضي وانا في مطعم قابلت واحد صومالي سولف معاي بضحك واحترام فقلت له وانا امزح باين عليك بتغديني على حسابك قال ليه شايفني سعودي تجيني الفلوس وانا نايم ومع ذلك والله العظيم انه ما يدري اني سعودي فهذا دليل على ايش على انا محسودين . لكن لو ان هالنعمه تروح في محلها وبدل هالبذر الي من اغنياءنا يعطوه فقراءنا كانت الدنيا بخير ولا خلاص لازم اخلي الناس الي برى يعرفون انا اثرياء لدرجة ان الواحد يشتري علكة بخمسة الاف جنيه هذا اذا ماكنت نقصت القيمه . انا ابغى اعرف شي واحد ليش البريطانيين ما قالوا احنا بريطان واحنا دولتنا الي ماتغرب عليها الشمس ليه ما قالوا احنا اعظم دولة في العالم وهم كذلك يشهدلهم الزمان مع انا كنا اعظم منهم واقوى لكن حكمة الله في ارضه قلبت كل شي ممكن تقولون احنا سعوديين ما نتشبه بكفار هم بيقلون نفس الشي انهم كفار وما يتشبهون بمسلمين لا سعوديين ولا غيرهم هذا الكلام كله منسي عندهم مع انهم ناس فيهم عصبيه شوي ويا زين عصبيتهم والله وتعاملهم في الاخير ما اقول الا ان كل واحد منا يصحح الي يشوفه غلط في معاملته او في الاشياء الي تعكس حياته وبلدة ودينه واسف على الاطاله لكن من قهري وحرة ما فيني واعذروني على بعض الكلام الي المفروض اني ما اقوله
04-30-2007, 11:38 PM
احــــــــــــنــا نـــــــــشــــرب وســــــــــكـــي والســـــــعوديــــيــن يــشربون بيــــترول 
-
-
العرض العادي
