رحلــــــــــــة الى الــــــــرياض

رحلة اطؤطـــــــــه و خفيفــــــــه

رحت للمطار جده الساعه الرابعه عصرا ، يوم الأثنين الموافق 30 ابريل 2007 .....رقم الرحله 1060
و الأقلاع الساعه الخامسة و النصف...........

المهم رحت للمطار انا و الماما و خلصنا كل الأمور (شحن الشنطه ) و بعدين رحنا جلسنا في كافتريت المطار
قلت ماما راحت تجيب 2 كابتشينو و حبتين قروسون ...وانا كنت جالسه على الطاوله انتظرها
الى و اشوفك في الطاوله اللي جنبنا واحد حيموت بس عشان اشغل البلوتوث تبعي..خصرته و اعطيتوه بومبا

شويه كدا قلت خليني اجيب من الكافتريا عصير فريش فواكه.....
ورحت اشتري العصير الفريش الطازج من الكافتريا الى و اسئله هدا العصير بكم
يرد يقول هدا ما يجي لحدوه لازم مع وجبه (اطريت اجيب الوجبه بالكامل )
و هي عصير برتقال فريش و عصير فواكه فريش و كروسون بالجبنه و بطاطس مقليه
و كريسبي مقلي .......> وطلع الحساب 52 ريال.

المهم جيت جلست على الطاوله مع الماما و صرنا ناكل....وانا موت من الضحك
على الشخص اللي حيموت و اشغل البلوتوث تبعي....طنشته ولا كأنه موجود

و اقول لماما الوجبه دي كبيره عليا لازم نتقاسمها (جبتها عشان عصير الفواكه بس)
المهم اتقاسمنا الوجبه نص نص و جلسنا ناكل منها....رحنا المطار على لحم بطننا
ما اكلنا شي من الصبح......يعني تقولو اتغدينا و فطرنا مع وحده

وجالسين نتكلم و شويه اقول لماما احلى شي حا يكون في الطياره اني حا شوف
الغروب وانا طايره فوق السحاب منظر رومنسي مره وشاعري بعد......

اجى و قت ركوب الطائره الساعه الرابعه و نصف ....
اخذنا الهدايا و كل شي و وصلنا عند بوابة الدخول للمسافرين
للرحله المحليه لرياض رقم 1020 .....ودعت ماما و سلمت عليها
وهي تسلم عليا شويه و تبغى تبكي ....تقولو راحيه المريخ ((هي الرياض))ساعتين
و انتي في العاصمه .....

رحت مكان التفتيش و جالسه افتح فس شنطة ايدي و اوريها الأغراض اللي فيها
وافتح في الهدايا و هي ما تبغى مني شي بس تبغى تشوف الهويه

و توقولي روحي عند اللي بعدي ...المهم مررت عليا عصايا التفتيش
و خرجت من هذه المرحله ...و رحت انتظر وقت ركوب الطياره

ما كان موجود في التذكره رقم البوابه تبع ركوب الطائره
المهم شفت الناس بتروح على رحلة الرياض رحت معاهم
و بعدين مظيف المطار قال اللي لمن اجى دوري في الصف
ايش دا هذه مش الرحله تبعتك ....انتظري شوي و رحلتك
حا تقلع .....

المهم سمت نداء على الرحله و بوابه رقم 7 يلا و رحت قمت
و مسكت الهدايا بالأدي الأثنين

و ركبت الطائره ...وكان رقم المقعد 54 قمت جلست في المقعد جنب الشباك
المهم شويه و يجي يجلس في المقعد اللي جنبي واحد شخص ...طبعا انا اتضايقت
بس ساكته بس الموظيفه شافتني ولاحظت اني متضايقه من الوضع ....

شويه ربك يحلها و اللي قدامي كمان بنت جالسه لوحدها و يجي جنبها واحد شخص
بعدين تيجي الموظيفه تقول تحبه تبديله الأماكن ...قلت ايوه بدون اي تفكير

وكانت اللي جنبي جايبه الكمبوتر معها وكتاب لغه انجليزي في الطياره
عشان تراجع عندها امتحان ......

المهم جلست جنبها و قلت السلام عليكم ,,,,فردت وقالت و عليكم السلام
وهي هاديه جدا و انا زيها خيبه هاديه يعني اجد صعوبه في تكوين الصداقات
بس حبيت اتعرف عليها ....فدأت ألاقي موضوع او مدخل اتكلم فيه عشان
اتكلم معها....لمن اجيت الوجبه طلت ساندويتش جبنه و مويه ...هي ما طلبت شي
شويه تقول للموظيفه ابغى كوفي ....الموظيفه قالت طيب و راحت
جات الموظيفه و معاها شاي ،فطلبت شاي و اعطتتني الشاي ....اما الكوفي تبعها
ما جابته....وضلت تنتظر و تنتظر كتير ....وقلت للموظيفه لمن عدت من عندنا
اللي جنبي بدها كوفي طبعا بالأنجليزي قلتها ....المهم قالت طيب
وبرضوه ما جابت الكوفي ...ولمن عدت مره تانيه عشان تاخد كاسة الشاي
قلتلها اللي جنبي تبغى كوفي ...بعدين ضحكت معي وقالت هذه من اول وانتي تقوليلها
اللي جنبي تبغى كوفي وما جابت شي قلتلها شايفه الطناش كيف......

المهم من هنا مديت يدي و سلمت عليها و قلتلها اسمي كذا و راحت قالت اسمها ليا
و اتعرفت عليها ....وهي طلعت ورقه و قلم و جلست تكتب عن الرحله و درجت الحراره في الطياره
و درجة الحراره في الخارج....طبعا درجات تحت الصفر بالناقض كانت الدرجات
وذكرتني بالكلام ماما قالت لي اكتبي عن الرحله و سجليها في دفتر مذكراتك
فقلت انزلها في دفتر مذكراتي في مدرسة المشاغبين....وشكرا

المهم وصلنا مطار الرياض و كان اخويه منتظرني في المطار
و قابلت اخويه وسلمت عليه و قالي حمدالله على السلامه و قلت كيف الحال
و ايش اخبارك .........رحله تستغرق 5 ايام فقط في الرياض

وانا جالسه اكتب عن الرحله من مكتب اخويه بالرياض
في الكومباون .....والسلام عليكم و رحمته الله و بركاته

منتديات مدرسة المشاغبين - منتديات الفسحة العامة

همّي أنا أنّي أبى أصير همك,, وأنه يصيبك بعض رامي سهامي,,وحلمي من أيام الصبا أن أضمك,,لكن حظّي قاصرٍ عن مرامي

همّي أنا أنّي أبى أصير همك,, وأنه يصيبك بعض رامي سهامي,,وحلمي من أيام الصبا أن أضمك,,لكن حظّي قاصرٍ عن مرامي

همّي أنا أنّي أبى أصير همك,, وأنه يصيبك بعض رامي سهامي,,وحلمي من أيام الصبا أن أضمك,,لكن حظّي قاصرٍ عن مرامي

همّي أنا أنّي أبى أصير همك,, وأنه يصيبك بعض رامي سهامي,,وحلمي من أيام الصبا أن أضمك,,لكن حظّي قاصرٍ عن مرامي