 |
| |||||||
 | |  |
 | |  |
 |  |  |
 |
| | LinkBack | أدوات الموضوع | طريقة عرض الموضوع |
|
#1
05-04-2007
| |||
| |||
 وسيم الدافور اسمه في كتب الزحف صار محفور مــــوضــــوعــــنــــا : في مدرسة ******** الثانويه التابعه لوزارة الزحف والتدشير مخلد : بدت الدراسه والعالم رجعت لنظام اصحى الصبح ونام الظهر !! وراحت ايام الصيفيه والفله وتمر علينا ثلاثه واربعه ايام وما نذوق طعم النوم ( طبيعي بدون حبوب لجه ) كل ايامنا فله وتفحيط وتخييم ومغازل ومطارد في الحواري ورا ذا الطخمان وتسحيب جلنطات اااه ااااه كم مره ذقت من عقال كله بسبب عبووودي ولد جيراننا كل ما جيت اطلعه السطح بنشوف الارانب ( تطورنا صار بدل الحمام ارانب ) يكشفنا ابوي ويضربني بعقاله الي عرضه 4 مل متر وطوله 4 متر تسنه ذنب قطو ويدخل عبووودي الغرفه يخليه يتفرج في قناة سبيستون بس الي تجي على القمر الاوروبي !! تصدق اليوم الصبح بغيت افرك تعرف اول يوم مافيه دوام الا ابوي ماسكني مع رقبتي ومدخلني على المدير وينطلني على الطاوله تقول تسعة لال راميها واحد يلعب بلوت على اكه واللعب صن بدون نفس !! ويقوله قسما بالله لو فرك لا احوسك انت ومدرستك ابو ركبه : هع هع هع هع هع هع اجل كل هذا وزعلان يا التيس !! انا ابوي اليوم وانا طالع للمدرسه عطاني المصروف وقالي اليوم اول يوم رح افطر وبعدين لاحق على المدرسه بس لا تنسى تجيب لي تتن وانت راجع من المدرسه !! تخيييييل كل هذا الطيب عشان تتن ولا بالصيفيه يا روووووحي انا يا الصيفيه الي عرفتني على عزوز كنت ارجع بعد الفجر وانا محشش وداايخ على الاخر وادخل عليه والقاه بالصاله واطالع فيه بنص عين واقوله باقي ما لفيت الصاروخ !! يطالع فيني بكل برود ويقولي رح ارقد مخلد : ( وهو يبحث بالبلوتوث ) يالله يا رجال مصير الصيفيه الجايه تجي لكن الحين الدراسه بدت وودي اشد حيلي وانجح بتقدير طفشت كل سنه وانا داخل على ابوي بالشهاده وقبل ما امدها عليه يطالع فيني وينطل علي خمسين ريال ومفتاح السياره ويقولي مبروك النجاح بتقدير مقبول يا الفاشل خذ الخمسين ورح للملاهي العب تصادم سيارات والصحن الي يدور ونص ساعه ان تأخرت لعنت سابع جدك !! اكككككفش شف اسم البلوتوث الدافور !! ابو ركبه : دقيقه ابحث واكحل عيوني بذا الاسم الزين وعسى راعيه يطلع مثل اسمه ( قلب يقول طربق طربق ) راعي المخده : ( وهو صاحي من النوم ) هااه ..! تقولونه صادقين بوووه اطخم هنا !! ابو ركبه : جعلني اتوطاك يا كيس النوم .. يا البارد .. اجل هذاك اليوم ابووك يصدم في حاتم ولد جاركم تقوم تسحب على ابوك وتتطمن على حاتم وتروح للعسكري وتأشر على ابوك وتقوله هو الغلطان هو الي ماشي طبلونه حطه بالغرفه عشان البلد ينظف من هالاشكال !! ما فيه ولا ورع حلو اسم بلوتوث حلو يا وحيد القرن يدخل الاستاذ وهو فاتح زرار الثوب الي فوق ورامي الشماغ بطريقه تدل على احترافه في تمتير الشوارع استاذ سعيد : سلاااااام عليكم شباب راعي المخده : ( وهو يفرك عيونه ) اااااااااااااه .. هلا والله يا استاذ ,, معك ولاعه استاذ سعيد : اقول جعلني انتفك بالشرقي انا من يوم ما اعرفك وانت راقد !! وبعدين على بالك تمون يعني ..! ولا عشان نطلنا بحارتكم مرتين بالكامري مخلد : عليييييينا يا استاذ نطلتين وبس ..! والاطخم الي خاطفينه ..! ترا التحقيق الى الان ما انتهى يا حلو استاذ سعيد : ( ووجه يقلب اربعمية وخمسين لون ) أ أ أ أأأ أأ أ أ أ ,, هههههههههه تقولي تبغى بس ولاعه سليمان : يحرك كرسي ويدف ماسه << هذا كومبارس لحد يعطيه وجه ابو ركبه : يا لبى قلبه ذا الاطخم الي مسمي نفسه الدافووووور وينه بس وينه ويلتفت على ابو ركبه هذاك الشيفه الي مرزاب شماغه حاذف اربعه متر يسار وسيم : ايوا انا الدافور ايش تبغى ..! ابو ركبه : ( قل اعوذ برب الفلق ) .. تف تف تف قل اعوذ بكلمات الله التامات خير يبو الشباب انت وجهك وجه دافور قولي وجهك وجه سواديني مرتمردغ بالتراب ..! افكر شوي ويمكن اصدقك بعدين وسيم : هيا انقلع بلا في شكلك اهههبل روووح روووح شوف شكله في المرااايه كأنوووه ركبة عبدة وفي هذي الحاله صارت مشاده بسيطه بين وسيم وابو ركبه ومخلد وراعي المخده وانتهت ببعض الجروح البسيطه في وسيم من ضربات ورضوض وشقوق في السروال ومخلد جته نطلة كرسي من خويه راعي المخده لانه كاننعسان وما قدر يسوي شئ الا انه يرمي الكراسي ورمى الكرسي وصك في عين مخلد الي صار بعد هالضربه مخلد ابو مخشه بعد سالفة المضاربه بيومين واول ايام الدراسه وتو المدرسين يبدون يعطون الدروس تعرفون اول ايام الدراسه يتغير الجدول ثلطعشر مره واذا كان فيه تنظيم يتغير تسع مرات وفي الفصل استاذ تركي : السلاااام عليكم ورحمة الله وبركاته الدافور : ( بصوت طفولي ) وعليييييييكم السلااااااام ورحمووووووة اللللللله وبركاتوووووووووه مخلد : هلا والله بهالطله ليتني لاحق عليك يا استاذ وانت توك صغير تعيش سن الطفوله استاذ تركي : يالله شباب طلعوا كتاب الفيزياء اليوم عندنا درس عن ارتفاع برج الفيصليه << طراه انهم طوروا المناهج عندنا بالسعوديه راعي المخده : يا استاذ متى تجي الصيفيه ( اكثر سؤال يردده الطلاب في المملكه ) استاذ تركي : يالله حبيبي طلع دفترك واكتب معايه مخلد : يا استاذ عندي لك مقطع لسلمى حايك وهي تقود رابطة فريق برشلونه في مباراتهم ضد ريال مدريد استاذ تركي : خلاص يا شباب نأجل موضوعنا حتى يتوافق جدولكم مع الفصول الاخرى ,, ايوه تقولي يا مخلد اجل سلمى حايك مهوب عيب عليك هالكلام يا مخلد خلاص اكبر تراي غيرت اسمي وخليته سروال سنه لا ترسل عليه هالمقطع تعرفني ما احب الدوري الاسباني يقولون كله استعراض وانا احب اللعب السريع لكن اذا ما عندك الا الدوري الاسباني عطنا خلنا نتصبر الين يجي اخر الشهر واشتري اوروبي عفوا .. اشترك في الاي ار تي اشوف الدوري العربي في الحاره ومخلد مستلم الطاره وتنطيل وجلنطات ومكتوب على القزاز الخلفي يا وسيم الدافور اسمك بوسط قلبي محفور بس كانوا ودهم يمزحون معه ولا وجهه مهوب وجه سطوح وحمام وسبيستون الي تجي على القمر الاوروبي وسيم طالع من الجزار ومعاه كيس لحم وحاط يده على خشمه ويقول اش هادا اقسم بالله حاجه تييييقرف اشبهم هدولا ريحة غنماتهم مو حلوااااااه مخلد : ( تيت تيت تربت تيييييت ) وسيم يا بعد تسبدي يلي ريحتك جل حتى وانت طالع من الحمام خلنا نوصلك وسيم : لا اشبك انتا ابروح اودي اللحمه عشان يطبخونها وناكلها بعدينه على الغداء ومنها اشوف اش فيه واجبات عندنا ابو ركبه : ( يولع الصاروخ ) يا لبى قلب الدوفره يا وسومي تعال معنا كلها لفتين ونرجعك وترا قسما بالله ما يصير لك شئ اصلا المفروض نحنا الي نخاف منك وسيم : طيب طفي الدخانه هدي ابو ركبه : ( وهو ينطل الصاروخ ) هذا هو رميناه وخربت الكيف عشانك يا الشيفه اركب بس استمر الوضع طول الايام الباقيه وصار وسيم يكملهم رابع في البلوت وصار يكوي الشماغ بدون مرزاب واحيانا يداوم بدون شماغ عشان يقاله اخربها مره وحده ولا طق لاحد خبر ولا لبس شماغ همن مسكه الوكيل ومردغه من جدار في الثاني من جدار في الثاني الين صارت جدران المدرسه متقرشه بويتها نجح وسيم بتقدير مقبول حاله حال اخوياه ودخل البيت وهو خايف لا يتفقع ولا وده يبين لاخوياه عشان ما يطيخ من عيونهم وسيم الي يحب سلطان وسيم ابو سلطان وبكل جدار كاتب الحب سلطان ووسيم تكميله المهم دخل بيتهم وركبه تتصافق ورموشه كنها جوال على الهزاز ابو وسيم : اهللللللللللن وسيم حبيبي تعال هنا قووولي اش جبت لينا هادي السناااااااه تقدير وسيم : أ أ أ أأأ أأ أ أ أ والله يبه ان كان تبغى الصراحه اهم شئ اني نجحت وابشرك نجحت بمقبول جعلك من المقبولين عند الله بالجنه ابو وسيم : اش اللغاااه هادي يا وسيم اشبك كدا صرت تتكلم كلام مهو زي كلامنا وبعدين ناجح بتقدير مقبول وفرحان يا قليل الادب .. يااااااا ام وسيم هاتي لي الشيشيه خليني افرغ الغبار الي فيه على ظهر الواد ام وسيم : ( وهي رافعه ثوبها وباين طرف سروالها الفوشي ) ايوا ايوا هادا هوا اللي اديييلوه قليل الادب وسيم : اقول سقها انت وياها لي الشيشه هاه ..! قسما بالله ليصير علم ما يسرك ابلع العافيه وعلى شحم وبعد ما ضرب وسيم ابوه وحط وجهه بالارض وفرك بوجهه طرف رجوله السوداء من كثر المطارد ورا البساس وهو حافي عفوا عفوا .. اقصد ابو وسيم مسك وسيم وبحطه بالارض وخلى وجهه ملقي على الارض وفرك طرف رجوله السوداء بخد وسيم بسبة الفحم الي يحطه على الشيشه لانه يسوي الشيشه وهو حافي عشان يسترجع ايام ما كان يشتغل في قهوة مركاز ابو حمزه طلع وسيم من البيت ونسي يلبس الثوب وطلع وهو لابس بجامة النوم وكانت شفافه وتلصق بالجسم لانه نسي يحط فضفاض فكان مشهد مغري لمخلد وابو ركبه وراعي المخده لكن يوم شافوا وجهه غيروا الموضوع وقلبوها كيرم ووسيم طول الصيفيه ينام مره تحت كبري مره فوق سطح عزبة هنود والمشكله ينزل من عندهم وهو يصيح ولا سألوه ليش يقولون الفلفل الفلفل وانتهت الصيفيه وفاتت عليه روحته لاقاربه في جده وروحته للبحر والمطارد ورا السرطانات ودرة العروس والاهم من هذا كله سميره بين خالته الي بحبها من راسها الين تحت جبهتها ما يحب جبهتها لانه محروقه بس حبه لسلطان خفف عليه خصوصا ان سلطان طيب بزياده ودلخ وكان بعض الاحيان من زود حبه في وسيم يشتري له دووم طرشي فكانت دائما هالحركه تخفف على وسيم معاناته ونومه بعض الاحيان في ابراج الحمام بدت الدراسه ورجع ابوة وسيم من جده وبعد اعتذار وسيم له ورمى عليه الشماغ وقاله انا داخل على الله ثم عليك ان تسامحني يا ولد الاجواد عاد ابو وسيم تورط وما يدري وش الطبخه قال لولده طيب روح اشتري لاهلك رز بخاري وحبه دجاج امك تعبانه ما تقدر تسوي غداء وفي اول يوم للدراسه يتقابل وسيم مع اخوياه مع انه طول الصيفيه مقابل وجيههم بس انه صار متعلق فيهم مثل تعلق جمهور النصر لا انهزم فريقهم بشماعة التحكيم يدخل استاذ سعيد وهو ملتحي وريحة الورد واصله عند مكتب وزير الداخليه استاذ سعيد : سلام من الله عليكم ورحمة منه وبركه يا احفاد ادم سليمان : يحرك كرسي ويدف ماسه << هذا الكومبارس خوينا الي ببداية السنه الي فاتت وسيم : هلا والله بهالطله ليتني لاحق عليك يا استاذ وانت توك صغير تعيش سن الطفوله استاذ سعيد : بماذا توفهت به يا بني وسيم : اقول معك ولاعه يمسكه استاذ سعيد مع اذنه ويرفعه وينزله وهكذا دواليك دواليك الين صارت اذن وسيم اليسار كنها اذن ارنب بس معجز مافيه قدره على الانجاب والاذن الثانيه اذن انسان وبعد ما خلص منه عطاه شلوت وصل صوته لمكتب وزير الداخليه ووصله للوكيل والكيل عطاه شلوت وهو وملفه ووصله لبيتهم بس ما سمع وزير صوت هالشلوت ما يستفاد من الموضوع : 1 _ سليمان وام وسيم كومبارس ما ودنا نكسر بخاطر سليمان وما ودنا نطلع وسيم امه ميته وتحنون عليه 2 _ راعي المخده يغط الان في سبات شتوي عميق وهناك احتمالات كبيره بعدم افاقته في فصل الصيف 3 _ الصاحب ساحب وساحب يعني انه مهوب يسحب عليك ويتركك ولا كأنه يعرفك لا يعني ساحب يسحبك للأمور الي هو ماشي فيها فهمتوا ولا اعيدالسلام عليكم ورحمة الله وبركاتهالسلام عليكم ورحمة الله وبركاتهالسلام عليكم ورحمة الله وبركاته afg496@hotmail.com |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| (شباب)$$(بنات)........ادخلوا شوفوا اسمائكم | عماد الدين | منتديات الفسحة العامة | 28 | 05-12-2007 08:22 PM |
| وسيم الدافور اسمه في كتب الزحف صار محفور | $مستر حبحر$ | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 4 | 05-05-2007 11:23 PM |
| وسيم الدافور اسمه في كتب الزحف صار محفور | $مستر حبحر$ | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 0 | 05-04-2007 11:37 PM |
| شباب المدرسه تعالوا شنو أسمائكم الحلوة | دمووووع | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 20 | 07-18-2006 08:47 PM |
-الدورات
التدريبية بجامعة نجران-
العرض العادي
