ماشاء الله تبارك الله ماشاء الله لاقوة الا بالله اللهم انا نسالك الهدى والتقى والعفاف والغنى

روابط مهمة و مفيدة : لاستعادة الباسورد الرقم السري || كيف يتم تفعيل الاشتراك || أفضل طريقة لطلب كود تفعيل على البريد

نوريه القمر · #11 11-21-2010

يعطيتج الف عافيه ننطر تكمله

الجوهرة الفلزية · #12 11-23-2010

نوريه القمر
يعطيك ألف عافيه حبي
وراح أحط التكمله لعيونك قلبوة
أختك اللي مستانسه بتواجدك معنا أمووة
جوجو

الجوهرة الفلزية · #13 11-25-2010

هذا حطييت بااارتين اهااا اقريي الامن تشبعين خخخخخخخخ

الفصل الرابع
في بيت العم سعود
حور : حوريه فتحي الباب.. حوريه
قمر :انتي فاهمه الموضوع غلط
حوريه في نفسها ( تقول اني فاهمه غلط.. صاحيه ذي أنا سامعته باذني )
وصال : إفتحي الباب حوريه مو زين تحبسين روحك ..
حور :الله يخليك لا ترديني خليني افهمك !!!
حوريه بصراخ باكي : انقلعو عن وجهي .. ما ابي اشوف حد..ما ابي .. ماتفهموووون؟؟
حور تصيح و تقعد على الارض :ماابي..ماراح اتحرك.. إلى لما اشوفك ما اقدر اشوفك تصيحين واجلس اتفرج.. تفهمييييييييين ؟؟ (تصارخ) حوريه افتحي..
طلعت لهم مريم (ام خالد) بخوف : وش فيكم وش صاير؟؟؟؟؟
قمر تحاول تبعد امها عن المكان: ولا شي تعالي معي ..
(ام خالد) مريم : خليني اشوف بنتي وش فيها ..
قمر : ما فيها شي بس تدلع على حور ..
وصال :متهاوشين بس ..
مريم بصدمه : أول مره يسوونها ..
وصال اندمت على تسرعها :عادي هواش عادي ..تصير في احسن العوائل..
مريم: اهواش عادي وكل هالصراخ ما يصير .. أكيد فيهم شي ..
قمر: يا أمي ما عليك منهم هم يحبون يحلون مشاكلهم لحالهم ..وش دخلنا فيهم صح كلامي ولا انا غلطانا؟؟؟
مريم:لا يا حبيبتي صح..حنا عودناهم إنهم يحلون مشاكلهم لحالهم .. بس ..
قاطعتها قمر : لا بس ولا شي خلينا نتركهم
وصال تمسك يد مرت عمها : يلا خلينا نروح ..
مريم : أنا بروح بس أبيكم تنفذون لي شرط !!!
وصال : وش هو ؟؟؟
مريم : تقولون لي إذا تصالحو عشان اتطمن عليهم .. احسهم هالمره غير ..
قمر ووصال بنفس الوقت : وش قلنا ؟؟..؟؟..
مريم تبتسم : طيب فهمت يلا خلونا نروح تحت ما اتحمل اشوهم كذا ..
-----&&&&-----
حور : الله يخليك فتحي البااب .. حوريه تسمعين ؟؟؟..؟؟؟؟
حوريه ما قدرت تسمع صراخ حور مهما سوى أخوها مهند..هي مالها ذنب
راحت حوريه تفتح الباب بشويش
فزت (يعني قامت بسرعه)حور ودخلت الغرفه وتسكر الباب بعدها
حور:الله يخليك سمعيني!!!..!!!
حوريه بنظرات جافه :: شكرا ما ابي أسمع شي ..
حور: حرام عليك لازم تسمعين .. والله أخوي يحبك ..
حوريه : عن الكذب .. بس خلاص تعبت منه ..
حور: والله انه يمزح
حوريه بستخفاف : لا والله تصدقين توني ادري ؟؟ (هنا تصيح حوريه ) بعد ما مصخرني قدامهم ؟ وخلاني ما اسوى شي ؟؟؟؟؟ وربي انحرق وجهي قدام وصال وقمر .. وش بيقولون عني وانا اللي تخليت عن الكل .. وعن حب الكل .. عشانه هو .. قلت مهند حياتي هو ماليها .. وحبي له ماراح يضيع والله اني غلطانه واللحين وش استفدت .. ( تحط عينها بعين حور ) ولاشي ولا شي .. ( وطاحت تصيح منهاره )
جت حور وضمتها : حوريه والله انك فاهمه غلط هو ما كان قصده..
حوريه ترفع راسها ودموعها تزيد:أخته أكيد بتوقفين معه .. بس أنا ما الومك يا حور لأني أنا جبت هذا الشي لنفسي وخلاص أبيك تقفلين الموضوع ما ابي احد يعرف الموضوع وأتفشل اكثر من ما انا مفتشله ..
قامت حور تناظر بحوريه : أنتي أختي بعد .. ولا نسيتي؟؟ تراني مقدر اعيش من دونك .. بس كيفك أنا ماراح أضغط عليك الحين بالكلام معاك
حوريه بنبره عصبيه : ما تفهمين ؟ ما ابي كلام في هالموضوع .. خلاااص ما ابي اتذكره .. وسمحي لي ابي اقعد بروحي ..
طلعت حور تصيح .. وش بيدها تسوي؟؟
راحت حوريه سريرها تبي تنام وتنسى الي صار طرى على بالها وسام ( مدري احسك انت الوحيد الي ماراح تخوني ) وحست بعدها بتعب وغطت في نوم..
-----&&&&&-----
أصايل تكلم وصال تبغى تشوف أخبار قمر
أصايل: هلا وغلا كيفك وصال أن شاء الله تمام
وصال: أن تمام وبخير أنتي وش أخبارك وعلومك أن شلء الله بخير
أصايل بحزن :أخباري زفت وعلومي مثل ما تعرفبن نوعاً ما زينه
وصال : عشان قمر والله يا قمور لك تأثير قوي على أصول
أصايل بفرح : جنبك قمر عطيني أيها
وصال تضحك: ههههههههههههههههههههههه لا
أصايل بعصبيه: صحيح أنك نفسيه مالت على لي يتصل عليك
وصال : يمكن أفيدك ترى قمور مروقه توني جايه من بيتهم
أصايل يفرح : لبى قلبك مع سلامة
وتقفل الخط من وصال وسريع تتصل على قمر
أصايل تتصل على قمر وقمر موت مشتاق لها ومن شافت أغلى الحبايب يتصل بك على طول ردت وماتكلمت تحس أن لسانه من ربط
أصايل بهدوء متبوع بشوق : سلام عليكم
قمربشوق: وعليكم سلام ورحمه وش أخبارك وش أعلومك
أصايل بفرح : تمام أنا يوم سمعت صوتك أخبارك؟
فمر:تمام مشتاقه لك موت يأصايل
أصايل بهدوء:قمر أنتي زعلنا مني
قمربصوت يذوب: كنت بس الحين خلاص ماقدر يمر أسبوع ومأكلمك يالغلا
أصايل بفرح محسوس: بصراحة كنت موت خايفة أنك مراح تسمحيني
قمربضحكة: هههههههههههههههههههههههههاي يابعد قلبي أن مسامحتك

طيب أنا أخليك بروح أكمل روايه ألى أقراها
أصايل : أى رواية تقرين؟؟؟؟؟
قمر : أبوي أبوي لوصد عني ماترجيته
أصايل : واو قديمه مره في جدد كثير
قمر: بس أنا أحبها
أصايل: كيفك
قمر : مع السلامة
أصايل: في حفظ الرحمن
أصايل جلست تتذكر الموقف الى زعل قمر
في يوم كانو البنات فلينها على الأخر قمر بطبيعتها شوي ثقيله وماحبت الحركات الي جالسين يسونه أستهبال ورقص وأغاني وضحك ونكت زاحفة قمر عرضت على أصايل أنها تتمشي معها أصايل كانت جالسه مع البنات
أصايل قالت :تبين تمشين أمشي لحالك أنا بجلس
قمر : قد كلمتك
أصايل : أي وش بتسوين يله روحي أمشي
قمر: أصايل ماتوقعتها منك روحي وياهم وأنا بروح أكتب الوجبات أحسن لي الله يوفقك
راحت قمر وأصايل توها تتذكر الكلام الى قالته بس جطلت وجلست معهم وعلى البيت
أصايل :زعلتي قمر
قمر : لاتكلميني طيب
ومن هذاك اليوم أصايل ماكلمت قمر وقمر ماكلمتها

.....................&&&&......................... ........
اليوم الثاني في الشركه
العم أحمد داخل لمكتب العم سعود
احمد:السلام عليكم ..
سعود:وعليكم السلام .. تفضل يا احمد
احمد : زاد فضلك ( اتسعت ابتسامته ) عندي لك مفاجأه ....
سعود رد الابتسامه : سمعني
أحمد : الصراحه انا شفت منتجع .. بس شنو على اصول .. فشريته من صاحبه .. وحبيت انغير عن جو الشعل .. ونروح نقضي فيه ثلاث ايام ..
سعود : والله فكره من زمان ما طلعنا كذا كلنا جمعه ..
أحمد : أي وش رايك تقول لعبدالمحسن وعلي ونايف ؟؟
سعود : خلاص خلني اخبرهم وأنت قول لشباب عشان يجهزون عدتهم .. بس أنقل لهم الخبر بشويش ..
أحمد بستغراب :ليــش ؟؟
سعود يضحك :تبي تجيهم السكته من ذا الخبر ..خاصة هالأيام الشغل ظغط عليهم
أحمد يضحك : أي والله من زمان عن هالفله .. يلا سلام ....
-----&&&&&-----
راح العم احمد وجمع الشباب في مكتب وسام ..
أحمد : تعرفون ليه جمعتكم هنا ؟؟؟؟
خالد بملل : عشان تعطينا شغل إضافي .. هذا انت ابو الاخبار الشينه ..
وسام : لا اتوقع بتعطينا ايجازه... والحين بروح نوسع صدورنا ...
مهند بأمل:ياليت يا وساام اللي تقوله صدق .. عسى توقعاتنا صحيحه ياعم ؟؟
أحمد يناظر خالد بنظرة شر : أقول مالت عليك والله انت الشين هذا رايك فيني ؟؟
خالد بمرح : لا والله بس أمزح معك ..هههه..
ألتفت العم احمد على باقي الشباب : فديتكم والله هذا رايكم فيني
مهند : اي نعم .. ولن نغيره ابداا ..
وسام يضحك : ياعيني على الفصحى مقدر انا ...
مهند : خلصنى وش فيك عمي ؟؟
أحمد : عندي لكم مفاجأه .. وابي اقولها بس اخاف تنصرعون من الفرح ..
وسام : حمستنا قول يا زوج خالتي ..
مهند : مو قادر اتحمل ترى اذا بنطلع من الدوام اليوم بيوقف قلبي ..
خالد: صدقوني شغل إضافي ..
أحمد : انت اسكت ولا تتكلم ..
وسام : يلا عمي قول سمعنا قاعدين في مكتبي الحلو المرتب ادري انك تبيهم يعفسونه ..
خالد يلوح اقلام على الارض: من زينه هالمكتب ..
وسام يصارخ : هيييييييه لا تقعد تسوي هالحركات ..
احمد : خلاااص اهدء بتكلم ..
مهند : أخيرا ما بغينا ..
أحمد يبتسم : وش رايكم نطلع من جو العمل إلى جو ترفيه عائلي ؟؟؟
الشباب وعيونهم طالعه لمترين قدام : من جدك تتكلم ؟؟؟؟؟؟؟؟؟؟
أحمد : هي اتكلم من جد وعم وخال بعد <<<<ها ها ها.. ينكت الحبيب ..
مهند:والله وناسه فديتك..
خالد:أي هذا عمي فديته..
وسام:ايه هذا الرجال ونعم فديتك
أحمد يضحك :هذا وانا توني ما بعد اكمل صرت ونعم وصرتوا تتفدوني..
لو عرفتوا المكان وش بتسوون؟؟؟
وسام : ما يحتاج واثقين ..
مهند : وااثقين طال عمرك ..
خالد : لا مو واثقين ..
أحمد متفاجئ : وش تقول ؟؟؟؟؟
خالد : ايه يمكن يكون شغل إضافي!؟!.. بعد انت لك حركات
أحمد مسوي نفسه معصب : طيب يا خويلد .. وهذا وانا جاي خصوصي عشان اقولكم اني شريت منتجع وش زينه .. ونبي نقضي فيه ثلاث ايام ..
مهند ووسام : والله جد (بصراخ) هييه ونااااسه ..
وسام: هات كفك
مهند :خذها ... ههههههههههه
اما خالد فكان مبصوط ومو عارف يعبر عن فرحته
أحمد:وش فيك يا اخ خالد مبلم ؟؟؟..؟؟؟
خالد:بنروح ... منتجع ..ثلاث ايام ... إجازه ..
مهند : وش فيك ؟؟ تكلم عدل .. اقول وسام رتبهم له ..
وسام : عندنا اجازه وبنروح احلى منتجععع ونقضي فيه ثلاث ايام .. هههههاي فهمت ؟؟ (ويدز راسه ) قوم يلا لا تعفس مكتبي ..
خالد فجاه صرخ : ياا سلاااااااام (وقعد يرقص ويغني) وبنروح المنتجع ايوه ايوه المنتجع ...
أحمد : وابيكم تجهزون العده وتسبقونا .....
مهند : بس حنا ما نعرف الطريق .... ....
أحمد : عمكم علي بيروح معكم ... وأصلا هو الي مقترح علي أسوي هالحركه فرحت معه وشرينا المنتجع بس ما قلت لاحد ان علي يدري ...
خالد بغباء : هذا انت قلت لنا
أحمد بعصبيه : اقول خالك برقصك احسن لك .. انا اقصد عمامكم ..
وسام ومهند : هههههههههههههههههههاي
خالد يناظر وسام بشر : طيب اضحك.. ان ما وريتك ..
ويشيل مجموعت اوراق ويطيرهم بالهوى ...
وسام معصب : هي ..تعبت وانا ارتبهم .. والله لوريك ..
ويركض يلحق خالد وخالد يركض وهو يضحك ...
مهند : الحمد الله والشكر على نعمت العقل ..
أحمد : تراك زيهم .. بس مدري كيف العقل دل طريقه وجاك ..
انحرج مهند : وش فيك عمي ؟؟ خلالاااص أنا كبرت ..
أحمد يغمز له : عشانك بتخطب .. بس يلا قوم عشان عمكم علي بيمر علينا الشركه الساعه عشر عشان تروحون معاه ..
مهند مازال منحرج : طيب
----&&&&-----
في الجامعه
في محاظرت الطحالب :..
علي منهمك في الشرح : وطحالب عديدة الخلايا وتوجد في المستنقعات و البحيرات والانهار والبحار والمحيطات كما انها توجد على بقايا الاشجار و الصخور التي توجد في التربه الرطبه ..
قاطعته شوق : لحظه يا دكتور قلنا مكانها بالضبط ..
العم علي بستهزاء : ليه ناويه تزورينها ؟؟
وتعالت اصوات البنات من الضحك ..
تفشلت شوق بس ما حبت تخليه يمصخرها كل مره : لا وانت الصادق عشان تجي معي ونسليهم ..
علي استغرب من جرائتهاا:أنتي بنت قليلت ادب .. يا مشرفه اطرديها برى ما ابيها تحظر هالمحاظره .. ما اتشرف ادرس وحده زيها ..
شوق : انا ما اتشرف احضر هذي الحصه ..
علي عصب : طلعي برى بسرعه ..
المشرفه اسماء : ان شالله دكتور .. (وتناظر شوق بنظرات .. معناتها اقعدي ما عليك منها)..
راحت شوق لها وبصوت واطي : أطلع ولا اقعد ؟؟
أسماء: لا قعدي .. أنتي بنت خالتي .. أطاوعه وأطلعك ..
شوق ببتسامه :شكرا ..ولا يهمك بذكر هذا الموقف النبيل لوليد ..
اضحكت اسماء بحراج : يلا روحي قعدي جنب حور .. إلا وينها حوريه ؟؟
شوق :غايبه .. يلا عن اذنك ..
أسما : يا دكتور خلاص طلعت ..
كمل الدكتور علي الشرح ..
حور بصوت خافت :ليه ما طلعتي ؟؟..؟؟
شوق: حبيبتي بنت خالتي ماراح تطلعني ..
حور :درينا انها بنت خالتك .. بس انتبهي لا تطلعين صوت تراه حافظ صوتك ..
شوق : فديته على كثر ما يهزئني بس أحبه ..
تضحك شذا: ههه .. هذا من غبائك ..
شوق : شب ..شب .. خلينا نسمع الشرح ..
بعدها كمل الاستاذ علي شرحه ومرت ساعه والقاعه هاديه ..
علي ( الله .. وش ذا الهدوء ياليت كل مره أطردها حتى الواحد يعرف يشرح ):والحين بعد ما خلصنا .. الي عندها سؤال تسأل ..
وقفت شذا : يا دكتور عندي سؤال قسم الطحالب البنيه تتركب من عدة أنسجه مثل نسيج التمثيلي والنخاع ..طيب ليه يا دكتور ..؟؟؟..
علي : سؤال مميز يدل على أنك منتبهه للشرح .. لان هذي الطحالب تعيش في المياه المالحه ونادرا في المياه العذبه ..
شذا : شكرا دكتور .. وتجلس ..
شوق بصوت واطي : تسوين روحك شاطره وتسألين هالسؤال .. مالت عليك مستانسه عشانه امدحك .. والله لساله سؤال أحلى من سؤالك ..
شذا وحور : هههههههههههههه
حور : هبله انتي بعدين يعرف ..
شوق ما انتبهت للي قالته حور ووقفت وقالت : دكتور عندي سؤال..
علي ما انتبه للصوت : أسألي ..
شوق : ما هي النباتات ؟؟؟؟
كل الطالبات استغربوا من سؤالها !!!!!
علي: أظن كاتبه على الصبوره .. (فجأه عرف صاحبة الصوت ).. لحـــــظــــــه..
شوق ليه ما طلعتي برى .. ناويه أنقصك انتِ ؟؟؟..؟؟
شوق : يااسلاااام تبي تحرمني من الشرح يعني ما تبيني انجح
علي : المشرفه اسماء وينك ليه ما طلعتيها ..؟؟..
أسماء أنحرجة من تصرف شوق وش يقول عنها الدكتور علي ؟؟
شوق : المشرفه مالها خص .. أنا ما رضيت أطلع .. ماابي يخترب مستواي .. عشانك طردتني .. ومدري وش سويت ..
علي بنبرة تهديد : طيب .. أصلا أنتي حطي في بالك أنك ما راح تاخذين الدرجه الكامله .. فهمتي .. على حركات الاطفال الي تسوينها ..
وبعدها طفي الكاميره ..
حور تضحك : والله وصرت احب محاظرته عشان أهاوشكم ..
شذا : عبيطه .. شوفي فشلك يم البنات .. يعني لازم تسوين روحك ممتازه زيي ... ههههههههههههههههههههاي
شوق : شب ثنتينكم ..(تلتفت على حور) ..وش فيها حوريه غايبه .. مره أنتي ومره هي ..؟؟ حتى في الغياب قي تقليد ..
ابتسمت حور بحزن : لا والله هي تعبانه ..وبعدين أنا متى غبت ؟؟
شوق: أي صح ولا مرة
شذا : وش فيها ..؟؟
حور : تعب بسيط ..
شوق : الله اول مره تمرض .. احيدها ما يجيها شي ..
شذا: ليه موب انسانه .. يالله خلونا نروح الكفتيريا .. ومره وحده نكلمها ..
في الكفتيريا
شذا راحت تكلم حوريه ..
شذا : عسا ماشر حبيبتي وش فيك ..
حوريه بتعب : تعب بسيط ..
شذا : ترى كتبتلك المحاظره عشان ما يفوتك شي ..
حوريه تبتسم : والله ما قصرتي يا حياتي ..
شذا : وش فيك حوريه صوتك مو عاجبني ..
حوريه : والله وش اقولك يا شذا .. تعبت أنا من التفكير ...
شذا بخوف : قولي وش صار ....
حوريه بحزن : مهند طلع ما يحبني .. ما يبيني ..
شذا : وش دراك أنتِ ؟؟؟؟
حوريه : سمعته باذني وهو يقولها ..( وتصيح )
شذا بخوف : حبيبتي لا تصيحين فهميني السالفه ..
( قالت حوريه السالفه لشذا )
شذا بخبث :أكيد حور متفقه معه يقولون كذا ..
حوريه : لا ما اتوقع حور عمرها ما خانتني ..
شذا : هااا مو اول مره تسويها ..
حوريه : إدا انتي لا زلتي تذكرين وش صارلك معها وحنا بثنوي .. فانتي غلطانه .. عمرها حور ما تخون حد ..
شذا : إلا متعمده تخبر علي ولا كني صديقتها ..
حوريه : ما توقعتك للحين شايله عليها بقلبك .. لهدرجه قلبك اسود ..
شذ : مو سالفت ليش قلبي اسود .. أنا ما انسى وش سوتلي ..
حوريه : مشكلتكم .. وانا وش دخلني فيكم .. على ما اظن تصالحتوا ..
شذا : اي تصالحنا .. بس ما راح انسى ..
-----&&&&&-----
في مكتب علي .... كان متضايق من الخبله شوق ... مسك الجوال وشاف عنده مكالمه لم يرد عليها ..وشاف المتصل سعود اخوه .. أتصل عليه
سعود بصوت فرحان :هلا والله هلا بالغالي ..
علي يبتسم : هلا بك .. وش فيك متصل ؟؟
سعود : حاب اقولك خبر يفرح ..
علي : ما يحتاج تكمل .. أصلا انا صاحب الفكره
سعود بستغراب :أحمد يقول هو المقترح .. وان ما احد يدري ..
علي يضحك : ما عليك منه زين .. ترى بجيكم الساعه عشر .. خل الشباب يجهزون ..
سعود يشوف الساعه : ما بقى الى نص ساعه تعال الحين ..
علي : لا يا خوي انا واحد منضبط بوقتي قلت عشر يعني عشر ..
سعود يضحك : طيب يا دكتور تعال عشر .. يلا فمان الله ..
علي : فمان الكريم ..
بمجرد ما يسمع صوت اخوه ينسى الهم .. هذا اخوه الي رباه بعد موت ابوه وامه في حادث يوم كان عمره ما يتعدى 12 سنه .. كل اخوانه اهتمو فيه بس سعود اكثرهم .. بس بعد سنتين تزوج سعود وقرر يخلي علي عنده بالبيت فبناله ملحق متكامل ...
يقطع علييه افكاره صوت عاش معه ايام المراهقه لايام الرشد .. ولبعد الممات انشاء الله ..
وليد : كيف الحال والاحوال ؟؟
علي : كلنا بخير يا رجال ..
وليد : والفنيله والسروال ؟؟
علي : ها .. هااا عن الغلط .. بدينا نغلط ..
وليد يضحك : وش فيك معصب ؟؟ .. ياخي من صرت تدرس اختي .. وانت كلى معصب ..
علي : أختك تنرفز الي ما يتنرفز ..
وليد :هاااااااا .. واخيرا أعترفت .. أجل أختي في السالفه
علي : تبي الصراحه ؟؟ اي ...
وليد : عادي فتره وتعدي .. عيش حياتك .. لا تخلي هالبزره تلعب بعصابك..
علي بستغراب : ليه كذا تقول عن اختك ..
وليد : اولا.. انا اتكلم مع صديق عمري ..ثانيا ..ماقلت شي غلط .. ثالثا ..قلت الصدق .. رابعا .. ابي افهمك انك تاخذ الامور ببساطه .. خامسا .. انت تحسب اني ما اعرف وش بيصير معك في المحاظره .. اعرف ترى اختي ما تخبي علي .. سادسا واخيرا . انا وياها على كثر هواشاتنا الى انها ثاني اغلى شخص بحياتي .. وهي تغليني كذالك .. فهمت يا رفيق الروح ؟؟
علي ابتسم : فهمت يا رفيقي .. وش رايك نطلع نتمشى بعدها تروح معي لشركه أخواني ونجتمع بالشباب
وليد : الله من زمان عنهم .. اخر مره شفتهم قبل اربع شهور فتره طويله ..
علي : يعني والله من زمان عن الهبال ..
وليد يقوم : وش تنتظر خلنا نقوم نروح لهم ..
علي : يلا مشينا ..
---&&&---
في الشركه .. يدخل علي ووليد وكل عملاء الشركه تسلم عليهم لين وصلو مكتب سعود ..
علي ووليد : السلام عليكم ورحمه الله وبركاته ..
العم سعود: وعليكم السلام ورحمة الله وبركاته ؟؟ يا هلا والله حيا الله الشيخ وليد ..
وليد ببتسامه : حياك ربي وبياك ..
سعود : تفضلو .. شاي وقهوه وش تشربون ...
وليد : شكرا ما ابغى شي ...
علي : فديتك اخوي .. جاي اسلم عليك واطلع بس ..
سعود : خلاص علي اتفقنا تروح انت والشباب..و أول المغرب انشالله .. احنا جايينكم ..
علي : خلاص اتفقنا ..
سعود يلتفت لوليد : تصدق عاد يا وليد ..
وليد : سم عمي ..
سعود:توه ابوك من خمس دقايق طالع من عندي ..؟؟..
وليد : اي قالي عن العقد الي بتسوونه شراكه من بينكم ..
سعود : أي الحمد الله من هالصداقه تطلع شراكه .. وانت يا وليد تعال معنى انت واهلك .. ما يحتاج نتكلم ..
وليد : مشكور عمي ..
علي : يلا قوم تاخرنا ..
-------------&&&&&&&&&&&&&--------------
في مكتب وسام كان جالس يرتب الاوراق الي عفسهم خالد
وسام : ها الزفت خويلد يصبر والله لعفس مكتبه ..
مهند يضحك : اعقلو وشفيكم ؟؟
وسام يناظره بنظرات شزر : مسوي فيها العاقل الكبير ما اقول الا ماااالت..
دخل العم علي ووليد : السلام عليكم ..
مهند ووسام : وعليكم السلام ..
وسام : والله ولكم وحشه من زمان عنكم ..
مهند : وش ذا الغياب يا وليد ؟؟
ويقومون يسلمون عليه ..
وليد : والله حتى انا اشتقت لكم ..
علي : وانا ما تسلمون علي وش دعوه ؟؟
وسام : شبه يومي نشوفك ..
مهند : عادي ما يحتاج رسميات ..
علي مسوي نفسه زعلان : الله ما توقعتكم تجدعون فيني ..
خالد دخل على اخر جمله : ما عاش الي يجدع فيك وانا موجود ..
وقرب وباس راسه ..
علي يضحك : فديتك ولد الغالي ما يحتاج ..
خالد : هلا وليد شخبارك ..
وليد : تمااااام ولله الحمد,., انت وش احوالك ؟؟
خالد : اخباري ليست بالاقوال بل بالأفعال ..
وليد : والفانيلا والسروال ؟؟
علي : وليد وش قصتك معا الفنيلا والسروال ؟؟ .. ليكون مشتاق ..
وليد : عن الغلط اخ علي ...
علي : والله اليوم من بدايته وانت على هالكلمتين ..
وتعالت اصوات الشباب بالضحك ..
علي ببتسامه : يالله قومو نروح المنتجع ..
الشباب : يلاااا ..
---&&&---
في بيت العم سعود ..
كانت حور تتتمشى بالزراعه وتفكر( اروح لها ولا لا ؟؟..؟؟
يلا خليني اروح تظل هذي حوريه .. بعدين حنا راح نطلع ولازم تنسى الي صار ..يلا خلني اروح )..
ومشت لين وصلت غرفة حوريه .. وتدق الباب اللي على اليسار وتدخل .. حوريه .. كانت تمشط شعرها بالستشوار .. رفعت راسها تطالع حور.....
حوريه : ..اهلين حور ..تفضلي ..
حور : يعني انتي مو زعلانه علي ؟؟
حويه تقوم تضم حور : مستحيل ازعل منك انتي بالذات من بد ك كل الخلق
بدت عيون حور تدمع : والله اليوم الجامعه ما تسوى من دونك .. الكل سأل عنك ..
حوريه : والله وطلعت محبوبه .. المهم وش إنطباعك عن الطلعه ؟؟.
حور : اكيد بتصير حلوه مدامي معك ..
حوريه : ههههههههههههاي والله فديتك يلا تاخرنا عليهم ...
---&&&---
الكل ركب السياره متوجهين للمنتجع .. وصلو العائله ودخلو الحريم والبنات الي مجلس النساء بتوصيف من علي ...
مريم "ام خالد ": ماشالله وش ذا الزين ..
أم وسام : من مختار هالمنتجع ؟؟
أم مهند : علي مقترح هالفكره عشان الكل يغير جو ...
أم سيف : ماشالله خوش مكان .. وهذا ما بعد ندوره كله ..
أصايل تدور على نفسها : يااااي وناااااااسه خلونا نطلع برى بنات نستكشف المكان ..
أم وسام : لا تطلعون هناك الاولاد ..
اصايل بفشيله : اوه ما ني عارفه .. بس حنا ما راح نروح صوبهم ..
البنات ضحكو عليها ...: ههههههههههههههههههههههههه
قمر : طيب خلينا نستكشف الي داخل..قومو يلا بنات ..
حور وحوريه بنفس الوقت : بنجي معكم ..
وصال : بتصير احلى إذا جيتو ..
حوريه مستغربه من ردة فعلهم اتجاهها .. بس هي حابه تتغير معهم ..
ليان : ويه مانبي بنات الجامعه ..
حنين : يلا استحي على وجهك وش سولك هم؟؟
ليان : ماتبيني البس بلوزتها " وتاشر على حوريه "
حوريه : يااااسلام تبيني اخليك تخربينهم..والله تحلمين اعطيك اياه...
حور : خلاص حنا جينا نستانس يلا بلا هواش ..
حوريه تكز راس ليان : فهمتي ؟؟.
ليان تضحك : اي فهمت ..
المزرعه عباره عن حديقه يتوسطها فله ضغيره .. تتكون من طابقين .. الدور الاول عباره عن .. مجلسين للرجال .. ومجلسين للحريم ..كل واحد فيهم مفتوح على الثاني ..ويفصل بين المجلسين مطبخ يتوسطهم ..مفتوح على الجهتين .. يعني باب جهة الرجال وباب جهة الحريم ..
اما الدور الثاني ..فهو 6 غرف منتشره 3 للرجال و3 للحريم .. ودرجين يوصلون للدور الثاني واحد للرجال وواحد للحريم .. ويفصل بينهم مطبخ صغير نفس الشي فيه بابين ..
حور: روعه وفخامه .. صراحه ابداع ..
حوريه بصدق : ودي بهالمكان اغير نفسيتي ..محتاجه استانس ...
حور تحط يدها على كتف حوريه : إن شالله بتستانسين وتغيرين جو
حوريه : اتمنى انسا يا حور الي صار ..
حور بالم على حال حويه : إن شالله .. خلينى نروح للحريم.. اول انصلي العشى .. لأنه أذن وبعدها نجهز العشاء مع أمهاتنا ..
حوريه : يلا ..
حور تحس انها السبب بالي صار لحوريه .. ودها تعلم مهند .. بس إذا درى والله بيذبحها .. لان هو ما كان قصده .. تحس انها فرقت بين قلبين .."بس هي وشدخلها "..
قطع سرحانها صوت ليان وهي تقولها بصوت واطي: حور قومي ..

...........................................يتبع... .................................................. .
تتوقعون وش بيصير على أبطالنل
حوريه ومهند
وعلي وشوق
حسام ووصال
وسام ووليد وحور وقمر وأصايل
نتمنى نشوف تعليقكم وردودكم

الجوهرة الفلزية · #14 11-25-2010

الفصل الخامس...
........................
حور تناظرها بستغراب : وش فيك ؟؟
ليان تضحك : في اسكريم هناك فضيع ..تعالي ناكله أنا معك
حور فهمت قصدها: تبين البنات يذبحونا
ليان: يلا قومي ..عشان أكون أنا وأنتي أول من سوى مغامرة في هالمكان
حور : طيب وريني اياه
ليان : ترى هو حق قمر ووصال وأصايل مو حقنا
حور ترقص حجاتها بااستغراب : يعني وش قصدك
وليييييييش تبينا ناكله
ليان تضحك : قلعتهم احسن يستاهلون اقولهم انا وحنين
ليش ماجبتو لنا يقولون لنا ولازم أي شي نجيبه لنا نحسبكم فيه
عاد انا خطرت على بالي الفكرة وشفتك سرحانة
وقاعدة لحالك وقلت افرفشك يلا خلينا ناكله نياهاهاهااا
حور : والله فكرة يلا بساعدك كسرتي خاطري
ليان : موباين شكلك اصلا مشتهيته صح هههههه
وقعدوا ياكلوووونه
**** ^^^^^^ ــــــــــــــ ^^^^^^^********
فـ جهة الشباب
وسام قاعد يعدل كامرته
مهند كالعادة يصور بكامرته الفيديو للرجال وهم يتكلمون
وخالد قاعد ع اللاب ....,,
وليد : وانتوا دايم كذا اذا اجتمعتو ا
وسام : لا اذا ماصار عندنا شي ... ,, كل واحد يمارس هوايته
وليد : واذا عدلت كاميرتك وش راح اتسوي فيها
وسام بفرح : وش هالسؤال ؟؟ ههه ابصورك فيها ^^
بعد وش بشوي بطلع اصور المنتجع
في اماكن خبااال بصراحة
علي يأشر على مهند : يامهند بسك تصوير ماخذ راحتي بالكلام ,,,
يلتفت عليه مهند بالكاميرا : خلك عـ طبيعتك احسن *ـــ^
لأني انا مسحيل نجتمع وما اصوركم
وليد : طيب -ــ- وبعدين هالافلام وش بتسوي فيها
مهند يتمسخر : بعرضها ع mbc1 وبسميها يوميات
مهند وعائلته هنيهنيهني <<<ركزوا ع الضحكة هههه
خالد : باااااااااااااايختة لاتعديها
وسام : اعترف ,, -ـــ* ليش مخبي هالحقيقة@ـــ@
مهند انحرج : أي حقيقة
وليد وعلي : وش السالفة ؟؟؟
خالد : عشان يوريها زوجته وعياله
علي : خطيير يابو الشباااب خطيييير طول هالسنتين تصور عشان هالغرض
وليد بتسأؤل : بس بيملون عيالك وهم مايشوفون غيرنا
مهند يرفع حجاته : تتمسخر حضرتك مالكم خص
بقعد اصور لين امل وا زهق من الشغلة
وسام : عاد فيــ ذي كذبت ماراح تمل
مهند : مانت شايف نفسك انت وكاميرتك الديجتال حقتك اللي بكل مكان جايبها معك ...,, >ـــ<
يقوم وسام : ع الاقل اسوي شي مفيد اصور الطبيعة
يلا انا طالع عن اذنكم
وليد يقوم : وأنا بجي معك استاذن مع السلامة
الكل : مع السلامة
طلع وسام الى مكان حلو عشان يصوره
شاف مكان خيال...نافورة على شكل سفينة وحوالينها ورودوبعدها شجر... المكان روعة ..قرر أنه يصوره قال في نفسه(ماشاء الله حيل حلو هالمكان..بعد لو كان الصبح صار أحلى..يلا بكره أقعد بدري وأصوره بس خلني أصور له كم صوره الحين)
في جهة البنات
قمر:يلابنات قوموا ناكل الآيس كريم
حنين: وأنا آجي معكم
أصايل :ماراح نعطيك حره
حوريه:وينهم حور وليان
وصال تهز أكتافها:مدري كأني شفتهم يروحون المطبخ

قمر:تعالي معنا حوريه عشان تاكلي آيسكريم
حوريه تبتسم:يلا خلينا نروح
قاموا البنات وقالت أصايل:حنين لا تلحقينا
حنين بوزت: وش معنى حوريه
أصايل ترقص حجاتها:هذي خطيبت أخوي لازم تذوقه
حوريه تضحك :يلا أمشوا عن السخافه
وصلوا المطبخ وشافوا حور و ليان ياكلون الآيسكريم
أصايل بصراخ: يااااسلام ..ليش
تاكلونه
حور و ليان:هههه تعالوا أكلوا معنا
قمر: حنا جايبينه لنا مو لكم
حور تقوم: باقي واحد في الثلاجة روحوا شوفوا
تفتحها وصال: مافيه حور تركض وتأشر بيدها: شوفوا بيدي هههههههاي
أصايل بصراخ: تعااااااااااااااالي
تهرب حور لبرى ويلحقونها البنات وحوريه تمشي وراهم وهي ميته ضحك عليهم
الحريم شافوهم وقعدوا يضحكون على أشكالهم
أم وسام: حوريه وش فيهم
أم خالد: حور وش فيها تاركتك ورايحة مع هالبزران
حوريه تبتسم وتهز أكتافها :والله مدري كنه على سالفة أسكريم ومدري وشو
أم مهند تناظرها بعجاب : فديت خطيبت ولدي شوفوها ياعايشة وضحى
تغيرت ملامح حوريه وقالت :عن أذنكم
وطلعت...
أم وسام : ياحليلها أستحت ياحظك فيها
أم خالد:من يوم كانوا صغار وهم لبعض
أم وسام: تعلميني بقصتهم
أم سيف(أم وصال): ماتلاحظون أنا كلنا ناخذ من بعض
فاتن ومريم وأنا ماخذين عيال عمنا وأنتي ياعائشة ماخذة ولد خالتنا والعيله كلها من العيلة وأختنا هدى ماخذة ولد خالة أمي وبنتها ماخذة
تقاطعها فاتن: الله يخليك أسكتي كأنها شبكة عنكبوتية
الكل :ههههههه
مريم تناظرفاتن: وأن شاء الله عيالنا
فاتن:إن شاءالله
أم وسام بنبرة غريبة: وإن شاء الله نكون أقرب بعد
فاتن:أنتوا ماتنعافون
وضحى:تاخذون من بعض ترى فهمنا
اللي خالفنا فيصل لا يكون ولده يكون زيه
مريم: لا إن شاء الله ماياخذ من برى حتى لو أزوجة وحدة من بناتي
فاتن:زاد شخبار أم حسام من فترة ماسمعت أخبارها وإذا سئلت عبد المحسن مايجاوب ويضيع السالفة
وضحى :حتى أنا
مريم وعايشة: وحنا نسئلهم ومايجابون
كل الحريم مستغربين من تصرفات رجالهم
....^^^....^^^^......^^^^^.....^^^
وصلت حور لمكان مظلم مافية إلا إنارة خفيفة
راحت ركض لذا المكان عشان البنات مايمسكونها
كانت تركض وهي منزله راسها ...ماحست إلا وهي صادمة بشي كانت بتطيح ..بس هو تلاحق ومسكها من يدها
رفعت راسها وطاحت عينها بعيونه ..تموا فترة يناظرون بعض ..مانبه إلا شي بارد طاح على كتفة نقز من البرودة ورجع على ورى ناظر كتفة وقال: شسويتي
ردت بصوت واطي يرتجف:أنا ..أنا..آسفة
واختفت من قدامه ....
.
.
جلس على النافورة يفكر(والله أنها روعتني ..على بالي أختي أصايل بس ياترى من ذي ..عيونها ..عيونها ماشاء الله روعة نظراتها ذكرتني بأحد مين ..هي نفس نظرات
قال بصوت عالي:مهند
جاا صوت يقوله: وش بغيت بمهند
نقز وسام مرتاع: بسم الله جني من وين طلعت
مهند يضحك:من مصباح علاء الدين وش مقعدك هنا..تعال الشباب ينتظرونك
وسام أرتبك :لا..بس ..كنت .أبغى أصور
مهند:طيب ندري أنك تبي تصور ..شفيك مرتبك
لاحظ مهند شي على كتف وسام:وشذا اللي بكتفك
وسام يذكر الموقف ويضحك:آيس كريم
مهند بستغراب :من وين جاك!!!
وسام بنبرة غريبة مافاتت مهند:هذي أختي أصايل ..الله يهديها ماتترك حركاتها
مهند : وأنتوا ماتتركون بعض ..يعني لازم تتقابلون في كل مكان
وسام : فديت نفسي ..هي بعد أختي الوحيد و..و هي متعلقة فيني حيل وأنا أكثر ..فطبيعي تكون علاقتي بها كذا
مهند: أهاا ...حتى أنا عندي أخت وحدة ..بس عاد ماتمليني آيسكريم ..ههه والله لأكبة في شعرها
وسام يضحك وهو يتخيل الموقف: مســـكــيــنــه
يلا خلنا نمشي .
وهم يمشون شافوا سيف ويوسف يلعبون كورة
وسام:رح يامهند بكلم سيف عن أختي
مهند وعلامة إستفهام كبيرة ترقص فوق راسه: طيب لا تتأخر .
ناداه وسام: سيف تعال
ناظر وراه وشاف مهند دخل المجلس التفت يكلم سيف:
حاب أسئلك سؤال
سيف :وش هو؟؟
وسام ينزل لمستواة: من ذي البنت الحلوة اللي مشت مساعة
سيف: ماتعرفها
وسام يطنز: ماحصلي الشرف
سيف يبتسم : هذي حور أخت مهند
وسام زي ماتوقعت نفس العيون : مشكور حبيبي ماتقصر
راح سيف وهو مستغرب من سؤال وسام
قعد على النافورة يفكر:ماشاء الله عليها عيون مو طبيعية
والله وطلعتي أخت مهند ..مدري كيف أوصف شعوري يوم طاحت عيني بعيونها حسيت إني مو قادر أبعد عنها
(ناظر كتفة وأبتسم) ماراح أغسلة هالثوب بخلية ذكرى .
...^^^^&&&&&^^^^.....&&&&^^^^^^^
عند البنات ..
جات حور ووجها أحمر ...
حوريه:شوفوها بنات يلا أمسكوها
حور ماكان لها نفس تلعب بعد الموقف اللي صار :خذووه خلاص ماأبية
أصايل: يع بعد ماماااع ماأبية
وصال: أكليه مانبغاه
حور: مالت عليكم وهذا أنا جاية أعطيكم إياة بعد ما صدم(سكتت)
قمر :إن شاء الله طاح عليك وجبتيه عشان ناكلة
ليان وحنين:هههههههههههههههه تستاهلون ياليتكم ماكلينه عشان تتسممون
حور تجاريهم في الضحك: أي طاح علي وجبته
حوريه حست أن حور مو على بعضها خذتها على جنب:
وش فيك حور ؟؟؟
حور بمجاملة :هاا لا ولا شي بس تعبت من الركض ..كم الساعة
حوريت تناظر ساعتها

00
حور: أووه تاأخرنا خلينا ننام
حوريه: جايين نسهر وأنتي تبين تنامين بدري مايصير
حور: إيه ليه مايصير والله تعبت يلا خلينا ننام
حوريه بستغراب:طيب يلا
^^^^^^^&&&&&&^^^^^^^^^^
اليوم الثاني...
صحت حور بدري على الساعة 10 الصبح..
حاسة بنشاط غريب ..كل البنات مازالوا نايمين ..ماناموا إلا الفجر..
وهي نايمة بدري ..قررت تطلع تستكشف المكان ..
كانت لابسة بجامه لونها فوشي غامق مطلعها حيل بيضة
..قعدت تتمشى برى في المزرعة ..الهواء يهب ويحرك شعرها ..شافت النافورة وتذكرت الموقف..وأبتسمت على اللي صار..راحت وجلست على النافورة وغطت رجولها في الماي.. جااااااا على بالها تنشد بهاالجو الحلو..
حور: تعبت اضحى انا بحياتي +++ واشوف جراح تزيد واحاتي

مارتحت بيوم من صفاتي +++صفاتي الطيبه اغيرها

تعبت من الطيبه الي في قلبي +++مجروح وساكت واخبي

ودي اقسى ماهو بيدي +++بس هاذي العيشه اغيرها

اشوف مجروح يحن قلبي +++يملاني جروح يزيد همي

ولما اكون انا المجروح +++مالاقي ايد تحضني

اصحابي بدمي انا سقيتهم +++احبابي عيوني انا عطيتهم

كلمة شكر مالقيت +++لمست حنانا ماخذيت
الغدر بحياتي صار عادي +++وحيد وتعودت بحياتي

كلمة شكر مالقيت +++لمست حنان ماخذيت

اشوف مجروح يحن قلبي +++يملاني جروح يزيد همي

ولما اكون انا المجروح +++مالاقي ايد تحضني
......جهة ثانية......
في هالأثناء كان وسام يتمشى ..وأثار النوم لازالت مرتسمه على وحهه (الله يغربل هالشباب ..اللي ماخلوني أنام وأنا صدق وش مقومني ذا الحزة ...لالالا ..
لازم أصور المكان بعدها راح أنااااااااااااااااااااااام..)
أنتبة على صوت جاي من الطريق اللي رايح له ...وفـ نفسة( من ذي اللي مصدقة روحها ..وقاعدة تنشد في هالصبح ..بس..والحق يقال.. صوتها حلو ) قرب من المكان وتفاجاء من اللي شاف(هي ..هي نفسها اللي أمس صدمت فيني وش مقومها من الصبح )تم فترة يسمع <(ياااااااااخي ذي متى بتسكت ..أخاف أحد يسمع صوتها
لحظة اخاف ..وليش أخاف عليها ..قلعتها ماحد قلها تقعد تصدح بصوتها ..لالا تظل أخت أخوي مهند خلني أسوي لها حركه عشان تحس على روحها )..قام وسام يتحنحن بصراخ بصوته:أأأحححححمممممممم
قفزت حور من مكانها ..خافت حيل وسيدة للداخل ..
قعد وسام يضحك(هههههههههاي روعتها مسكينة والله ماكان قصدي ..ههه بس صدق مصدقة روحها حبتين والله شكلها غرقانة بالنشيد...خلني أصور المكان قبل لا يجي أحد..)
..............^^^^^^^^^^^^^&&&&&^^^^^^^^^^^^^
وصلت حور للفِلّة وسيدة ع غرفة البنا ت
طاحت حور ع حورية ... وتنقز حورية من الروعة
حورية تحط ايدها على قلبها : بسم الله وشفيك
حور كانت تشاهق من الخوف خافت حورية عليها : وشفيك
حور وش صايرر ليه كذا وجهك احمر
حور : كنت كنـ ... كــ كنت تــ تحـ تحت و ....
حورية بنفاذ صبر : وشفيك تكلمي عدل ... تعالي نتكلم برى
حور بسرعة : لالالا قعدي انا خايفة
جلست حورية مقابلتها : من ايش خايفة ؟؟
حور تاخذ نفس وتتكلم : كنت تحت ..... عند النافورة
أنشد .. بعدين سمعت اصوات فيــ حد يقولي كذا _ وتقلد حور الصوت ـــ احم احم .. ايه كذا
حورية تناظر حور باستغراب وبعدها تنفجر من الضحك
هههههههههههههههههههههه
حورية : والله انك نكته هذا اللي مخوفك هههه
حور : ايه اضحكي ماصار لك الموقف عشان تخافين
حورية تبتسم بخبث : ماتدرين يمكن يكون خالد غار عليك
يشوووف خطيبته تنشد فــ هالصباح الحلو ولا بعد صوتها يخقق
قال خلني أأ دبها وأروعها ههههه
حور : شب زين
حورية : حبيبتي هذا الواقع .. لازم تتقبلينه انتي لخالد
حور تكمل : وانتي لمهند
تغيرت ملامح حورية : يصير خير يلا قومي نتعدل ماباقي الاساعة
والكل يقعد
....@..................@......@.............. @......@....
دخل وسام غرفة الاولاد وشاف خالد قاعد ع الابتوب
وسام باابتسامة : صباح الخيييييييير
خالد يناظر وسام ببرود : صباح النور
وسام : له له له ووشذا المزاج اللي عليك متى قاعد
خالد يخز وسام بنظرات غريبة : من زمان الاّ انت وين كنت ؟
وسام : كنت قاعد اصور المكان ..(تذكر الموقف وقام يضحك)
خالد :وش اللي يضحكك الحين
وسام وهو لازال يضحك : هههه نظراتك ذي تضحكني .. وشفيك
خالد : ولاشي ...
وسام : وين مهند ماشفته ووعلي وينه
خالد ببرود قاااتل : مهند يسبح وعمي تحت في المجلس يقرا
وسام يلكز راس خالد: لا لالالا ماتعودت اشوفك بذا البرود
خالد باستهزاء : وشفيك انت برور برود اقط روحي بالفرن يعني
وسام يضحك : والله انك نكته هههه الا وش تسوي بالابتووب
خالد بجمود : مالك خص لا تتدخل
وسام يمزح : هاا لايكون تغازل
خالد يلتفت لوسام بسرعة : كلن يرى الناس بعين طبعه
استغرب وسام من خالد وقال : طيب ليه تكلمني كذا
وهنا يطلع مهند من الحمام : ياحلااات ذا الماي
السلااام عليكم شباب
خالد ووسام : وعليكم السلام
قام وسام : يلا شباب خلونا ننزل حق علي والجماعة كلهم اكيد قعدوا من وقت
مهند : زين ابلبس وبلحقكم ... ويطالع خالد : وشفيك خالد قوم
خالد : زين دقايق
وسام :أجل بسبقكم
طلع مهند بدلتة وراح يلبسها...ودقايق وهو طالع من الغرفة
شاف وحدة في المطبخ ..عرف أنها حور..
دخل المطبخ وسكر الباب...
مهند: حور وش تسوين ..
نقزت حوريه من الخوف: بسم الله ..
طاحت عينها بعيونه.....
أشوف عيونك الحلوة ..ولا أقدر أخبي إحساس
حلاها من حلا روحك..ورمشاتك تقول ألماس
إذا شفتك وأنا مدري..بدون إحساس أنا أحتاس
أرتبك مهند:أسف على بالي حور (أبتسم وهو يناظرها)
شخبارك حوريه..
كرهت حوريه إبتسامة حست أنه منافق ..كشرت بوجه وطلعت من المطبخ ...
مهند مستغرب من تصرف حوريه معه(وش فيها حوريه ..ليه ناظرتني كذا.. يمكن لأني روعتها ..بس ذي مو اول مرة تشوفني
متعود أشوفها ..شكلها متضايقة خلني أدق على حور)
......^^^^^.......^^^^^.........^^^^^........^^^^^ ^^.......
جات حورية للبنات ........
حور: أأوووه ه حوريه وين القهوة
حوريه: غيرت رايي ماني مسويه قهوة أخدم نفسك بنفسك أحسن لك وأنفعلك هه هه
حنين:أوأو ه أرجعت حوريه لعادتها القديمة
ليان: يالنحيسة وش اللي غير رايك
حوريه: تذكرت إني ماأحبكم عشان كذا غيرت رايي
قمر ووصال :هههههههه ماتحبكم (ويأشرون على ليان وحنين)
ليان وحنين:هه ههه ههه حتى أنتوا
قمر ووصال: حنا ماطلبنا قهوة
أصايل: أأففااااااا خطيبت أخوي.. وأنا ماتحبني
حوريه بنبرة غريبه:لا طبعا أنتي غير
أصايل: فديتك
يرن جوال حور... وترد
ححور بشوق: هلا هلا وغلا ياأحلى أخ بدنيا والله مشتاقتلك موت
مهند بفرح: وأنا أكثر ياقلبي ..متعود أصبح بوجهك الشين كل يوم
حور:مالت عليك .أحلى منك
مهند::هههههههههه (بجدية) الإبسألك سؤال ...حوريه وش فيها ؟؟؟

.........يتبع........................
تتوقعون حور بتقول حق مهن داللي صار؟؟؟
وإذا عرف هالبيتفهم الوضع ؟؟؟
وسام وحور قصه جديدة ؟؟؟؟
وصال وحسام . وش صاير عليهم ؟؟؟
كل هالأسئلة جوابها في الجزء السادس

نوريه القمر · #15 11-25-2010

تسلمين حبيبتي يعطيج العافيه مشكوره وايد

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طريقة عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر رد
وتاهـــــــت الـــــــروحـــــــ بعدك	أنين الإستغفار	خواطر شعرية الخاطرة الادبية ابداعات بالخواطر idea	5	08-29-2010 06:07 AM
كلمات اغنية انا (عاايش) اعمرو دياب	genex	كلمات اغاني	3	07-11-2010 08:05 PM
لعبة أسئل الي بعدك سؤال غبي والي بعده لازم يكون جواب صحيح	koki2020	المسابقات سباق وتحدي والغاز بين الشباب و البنات	5	07-05-2010 06:53 PM
لاتروووح روحــي بعدك تروحــــــ	لمسة حناان	خواطر شعرية الخاطرة الادبية ابداعات بالخواطر idea	20	04-10-2010 11:22 AM
اسأل سؤاال غبي ولي بعدك يجااوب بجوااب اغبى..!!!	حمـــــــودي	المسابقات سباق وتحدي والغاز بين الشباب و البنات	62	11-23-2009 11:32 PM