 |
| |||||||
 | |  |
 | |  |
 |  |  |
 |
| | LinkBack | أدوات الموضوع | طريقة عرض الموضوع |
|
#1
11-12-2010
| |||
| |||
 روايه بنبقى و الزمن شاهد حبايب قلبنا واحد / بقلمي السلام عليكم حبيت احط اول روايه كتبتها انا و صديقتي ورود الشوق هنا في المنتدى الرائع ..على امل انها تنول اعجابكم هي روايه رومنسيه فيها هبال و وناسه و اكثر من موضوع اجتماعي ما راح اطول عليكم راح احط لكم اول بارت و ان شاء الله تعجبكم %البارت الاول هو عباره عن تعرف بسيط لروايه و شخصياتها $ البارت الأول محبوبي مشى وخلاني !@#$%^&*$الكل مجتمع بغرفه ليان واصوت الضحك واصله لبيت الجيران$ ريم: حراام عليك جنا قوووويه مره , بصراخ:ليوون الحقي على سقف بيتكم لا يطيح ليان :هههههههههه خلاص وربي جنا ما عاد فيني جنا:لا والله من جد اتكلم شبلاكم سنه ثالثه هدى: جنووه لا تتمسخري و تقلدي على حبي الكبير لو سمحتي..... وااي فديتها لما تدخل سلمى وهي تتثاوب :ليوون تكفين عطيني مخده ودي انام #$تدخل عليهم ليلى وهي جايه من مطبخ طبعا ليلى كانت تمشي في بيت ليان كأن بيت ابوها وتكب كاسه المويه على سلمى #$ وصراخ سلمى وصل لسابع جار :وجع انشالله يوجعك يالقطوه شعررررررررري يعلك ما تتهني بنومتك انشالله وبعدها ما سمعوا غير صوت راشد الماجد يهز البيت هز @#$%^&*وش جاه محبوبي مشى وخلاني ما بين نيراني وبين احزاني واللي يسوي سواته ما هو عادي يحبني موت ويصاحب ثاني والكل يطالع بساره وهي تهز كتوفها لفوق وتقول :مو انا (و تبتسم ) &وبعدها البنات فلوها رقص وضحك وسوالف وبعدها كل وحده تيسرت على بيتها& }هاذي كانت مقدمه لبنات مراهقات من سنه ثالثه متوسط و انشالله راح نتعرف عليهم في الروايه { % ليله السبت كل وحده من بنات حايسه بواجباتها الا ريم طبعا حاطه ibd وترقص % "ليان تتصل لـ جنا " ليان :الووو هلا جن جنا: جن بعينك انشالله ليان :هع هع امزح معك يالخبله ....الا بقولك حليتي واجب الرياضيات جنا :لا , اصلا ما اخذته ليان : ياللييل ما اطولك وش سواة اللحين /وتسكر السماعه وهي تتأففف / حسبي الله عليك يا جنا (مسكينه جنا كأن هي السبب) # ورمت الكتب على الأرض وراحت بستيين نوومه $ (طبعا هذا مش من عواايد ليان بس ساعات ريم تخربها ) ************************* " يوم السبت الصبح في بيت ريم " @@سهى اخت ريم عمرها 24 سنه تدرس تمريض و كل ترفض العرسان اللي يجوها رشيقة و شعرها بني و بيضاء يعني بالمختصر جميله و حلوه كثير@@ سهى : ريمووه وجع يوجعك قولي امين قومي تاخرنا والله ان ما قمتي لأكب كاسه المويه على وجهك ريم : لا سهووي تكفين خلاص ليكني قمت اووف ياربي ... %%و خذت لها شاور وحطت جلي في شعرها وخذت طوق لونه فوشي وحطته في شعرها %% وهي نازله من درج : هااااي @@ام سامي امها واسمها سعديه عمرها 53 سنه وطبعها حنونه كثير على عيالها و تهتم فيهم بعد وفاه زوجها اللي هو طبعا ابوهم @@ ام سامي : ودي يوم يا ريم انك تروحي المدرسه وشعرك مرتب ريم : هههه ...الا اقول عطيني سندويشتي خليني اكلها @@احمد هو اخو ريم عمره 19 سنه يدرس سنه اولى في جامعه البترول مؤدب و خلوق ويهتم بدراسته كثير طبعا شكله عذاااب و حلو شعره بعض الأحيان يعمله سبايكي و ابيض عيونه ناعسه و عسليه ولون شعره كستنائي @@ احمد : صباح الخير والفل يالغالية ام سامي :هلا والله بوليدي ونور عيني احمد :يالله يمه انا مستعجل راح اروح للجامعه ام سامي : طيب يمه على الأقل اكل لك لقمه احمد: تسلمين لي والله بس انا مستعجل راح اكل أي شئ في الجامعه يلا مع السلامه ريم و ام سامي : مع السلامه ريم : ياالله يمه انا بعد بروح مع السلامه ام سامي : مع السلامه الله يحفظكم " تركب ريم و سهى السياره " ريم : راجو روح المدرسه راجو : انشالله مدام ريم : مدام بعينك انشالله كم مره اقولك انا انسه راجو : اسف مدام ااا انسه سهى :وبعدين معك كل مره نركب لازم هالأسطوانه " وتوصل ريم المدرسه وهي متأخره " ريم : اووف بس الله يعيني على هالمراقبه المراقبه : تعالي تعالي وين مفكره راح تهربين ريم بقلبها بدينا : هلا ابله المراقبه :ليه متأخره انشالله ؟ ريم اف شقولها اللحين:ابله انا طلعت من البيت بدري بس انتي تعرفين زحمه الشوارع والمدرسه كيف انها بعيده المراقبه :أي والله وانتي صادقه ريم :يعني اروح ابله المراقبه : وين تروحين اول شئ تعالي اخذي ورقه اذن دخول ريم :اوووف ياربي &*وتاخذ ريم ورقه اذن دخول وتدخل الصف كانت عليهم ابله هدى معلمه العلوم و ريم تكره هالأبله كثير &* ^رمت ورقه على مكتب وراحت جلست ^ ابله هدى : اظن من الأدب يا ريم انك تعطيني اياه في ايدي وين كتابك يا ريم "ريم جات بطلع كتابها الا طلعت ان ناسيتنه " ريم :ابله نسيته ابله هدى :كالعاده يا ريم ليان تقول لريم على خفيف :قومي وقفي ابله :اظن ان ليان قالت ان توريني طولك % وريم مطنشه % ابله بصراخ :ريم وقفي ريم تقول في قلبها :احسن ما بقى الا خمس دقايق على الحصه بعد الحصه تقول ليان الى ريم : وبعدين معك ريموووه متى راح تعقلي ريم : ليون انتي تعرفيني انا ما احب هالأنسانه .. قومي خلينا نروح ندردش مع جنا خلينا نضحك مع صواريخها جنا :أي والله امس خطفووني وانا عطيتهم رفسات بالكرتيه وكل واحد طاح على الأرض مغشي عليه $$اما ريم وليان ما قدروا وطلعوا وقامو عنها ميتين من الضحك على صواريخ جنا اللي ما تتصدق %% @@@ اوك خلونا شوي نتكلم عن ريم وليان اللي راح يكونون بكل محور القصه ريم وليان صديقتين مقربتين يفهمون على بعض ويقرون افكار بعض ليان بنت طموحه وتحب الحياه منفتحه ما تحب الحياه التقليديه يعني البنت تتزوج زواج تقليدي وبعدين تحب زوجها و يجيبون اولاد و تدرس ...هي تبي وتتمنى تعيش حياه غير تحترم اهلها كثير وتحبهم وهم ما يخلون عليها قاصر ودايم يدلعونها كونها اخر العنقود حياتها انترنت تمووت بشئ اسمه نت تجلس على النت طول وقتها ورومنسيه حيييل تتمنى ان تلتقي بفارس احلامها بطريقه غريبه صفاتها لون بشرتها حنطي و عيونها واسعه ولون عينها بني فاتح و دبدوبه شوي و لون شعرها اسود وناعم وقاصته للكتف ومدرج بشكل عام بنت مملوحه كثير وعايلتها انشالله راح نتكلم عنها في الروايه %%% ريم بنت ما تحب الدراسه و تبغى تتزوج... فيها عربجيه شوي و هبال و تحب الرقص والضحك والجمعات اما لون شعرها اسود وموصل لكتفها وعينها رماديه و سميره %%% ************************************** " في الفسحه (عند المقصف)" فداء :يا ربي شهاناس كيف راح نشتري ليان :أي والله طق النعل سلمى: انا عندي فكره جنا: شنو ؟ سلمى: انا اعطيك ظهري وانتي نطي على ظهري واشتري ريم : والله جبتيها (مدرسه اولاد مو بنات ههه) ساره: يلا خلونا نجمع الطلبات هدى : من زين الأكل يعني الي هنا % وبعدها جنا نطت على ظهر سلمى واشتروا ما مداهم يفتحون الا ورن الجرس % ليان : يا ربي وش السواة اللحين فداء :يمه ليكها جات المعلمه خلونا نروح على الفصل بسرعه ^ والكل مشى وهو يتأفف ^ المعلمه:انا مو قلت لكم لا تتأخرون لان الموجهه اللحين بتجي ريم في نفسها :لاحول هدى تهمس بشويش لـ ليان :اللحين اصوات بطنا راح تطلع ليان : يعني شتبين نسوي يا هدهد % وتدخل الموجهه والكل طبعا عيونهم فيها يشوي و ياكلونها الموجهه سمعت اصوات عصافير معده طالعت في درج جنا الأكل مفتوح ومش مأكول الموجهه ابتسمت في وجه جنا وجنا نزلت راسها .... بعد ما خلص الدرس % الموجهه :ماشاء الله عليهم ممتازين بس يا ابله (...) البنات شكلهم مو مركزين من الجوع الأبله : لا كيف توهم جاين من الفسحه الموجهه :في بعض البنات يمكن ما فطروا عشان كذا خليهم ياكلون الأبله : انشالله !@وطلعت الموجهه والبنات فلوها اكل ومسخره وضحك وطبعا ما تخلى الجلسه من حش في المدرسات وبعدها الكل راح على بيته !@ " في بيت ليان " ليان تدخل البيت وتقول :السلام عليكم يمه وين الغذاء تراني ميته جوع ام خالد :جاهز يمه ثواني ويصير على السفره ليان :طيب يمه انا راح ابدل ملابسي واصلي وانزل @ام خالد هي ام ليان شريفه عمرها 40 سنه ام حنونه و تحب اولادها وما ترضى عليهم بأي شئ ... وتهتم فيهم كثير@ @بو خالد ابو ليان اسمه منير عمره 52 سنه يشتغل في ارامكوا السعوديه و احوالهم الماديه ممتازة @ ابرار: ما قالت لك متى راح تجي مريم ؟ ام خالد : الا قالت في العصر بتجي أبرار: وحشتني هي وبنتها البطه @ابرار هي اخت ليان عمرها 18 سنه في ثالث ثنوي رشيقه و نعومه وشعر ها طويل لاخر الظهر مدرج من فوق وحلوه كثير @ @اما مريم هي اختهم الكبيره عمرها 21 سنه تدرس علاج طبيعي سنه رابعه ومتزوجه وعندها بنت اربع شهور اسمها حور @ "على طاوله الطعام " ليان :يمه عطيني سلطه ام خالد :خذي يمه ابرار : الا سعود وينه ؟ ام خالد : عنده اختبار اليوم راح يتأخر الله يوفقه يا رب "سعود اخو ليان عمره 22 سنه يدرس هندسه حاسب اخو حنون و طيب و يحب خواته و امه و ا بوه " ليان لاحظت ان في امها شئ :يمه شفيك مانتي على بعضك ام خالد : لا يمه ما فيني شئ بس خالد صار لي اسبوع ما شفته وكل ما اكلمه يقولي مشغول و انا ولهانة عليه ابرار :لاحوول يمه لا ضايقي نفسك كل من هالسوسه مرته حسبي الله عليها @خالد اخوهم الكبير مرته هي اللي تمشيه وكسول كثير عمره 25 سنه متزروج وعنده ولد عمره سنه واسمه عبد الرحمن اما اسم زوجته :جيهان شخصيه شريره راح نتعرف عليها اكثر في الروايه @ "في العصر تقريبا الساعه اربع " "طبعا الكل شابك على المسن " "محادثه بين ليان وسلمى" ليان : هلا والله سلمى :اهلييين شخبارك ؟(كأن من سنه ما شافو بعض خخخ) ليوون :تمام ^تدخل عليهم جنا في محادثه الفوريه ^ جنا : هااااي صبايا ليان وسلمى: اهليين جنا : دريتي اليوم وش صار بالمدرسه مع ساره و بنت من سنه اولى ليان : اييييي شفت اليوم الهوشه كانت نهاية الدوام سلمى:شنو صار قولولي جنا: هذي الله يسلمك بنت من سنه اولى داست على عبايه ساره من وراء وجلست تقول ساره :انتي عميا ما تشوفي البنت: ماكان قصدي سوري ساره :سوري في عينك انشالله انا ما راح اشره عليك يالبزر والبنت غرقت عينها بالدموع :الله يسامحك وماشفنا الا غبرتها سلمى :ههههههه بعدي والله سارونه لكن خساره ما كنت معاها كان دست في بطن البنت ليان :هع هع هع ما تتركي حركاتك يا سلمى جنا :صبايا انا بقوم امي تنادي علي باااي سلمي وليان :باااي #بعدها سلمى ملت وقامت الا ليان طبعا لانها مدمنه نت # "الساعه سبع باليل تتصل ريم لـ ليان " ريم :الووو ليان :اهللين ريم : ليوون ملانه كثير طفشت خلينا نطير ليان :اوك قلبي ما عندي مانع شرايك نروح باسكن ريم :اوك ليان :انا اللحين بلبس وراح امر عليك ريم :اوك بااي ليان :باااي %ولبست ليان عبايتها مع شوز احمر يلمع وشنطه حمره وحطت لها كحل على سريع وقلوس "في بيت ريم " @ريم لبست شوز ازرق نيلي مع شنطه نفس اللون وحطت لها كحل من تحت عينها ازرق @ وهي تنزل من درج ريم :هااي ام سامي :هلا يمه اشوفك لابسه وين رايحه ريم :راح اروح مع ليون باسكن وراح اجيبلك اسكريم توفي اللي يحبه قلبك ام سامي :اخ منك متى يجي ذاك الرجال وياخذك مني وافتك من طوالت لسانك ريم: اصلا انا يمه ماراح اعرس راح اجلس عندك هنا يرن هرن سايق ليان ريم :يلا يمه انا رايحة باااي ام سامي :مع السلامه لجين وهي طالعه من المطبخ صاعده الدرج :يمه وين راح تروح ريوم ام سامي : راح تروح مع ليان باسكن لجين :اما الخاينه اللحين اتصل لها واخليها تجيب لي معها اسكريم @لجين اخت ريم وتوأم احمد هي تشبه احمد بكل شئ عيونها ناعسه و عسليه وشعرها لونه كستنائي وهو قاصتنه لرقبه اما جسمها نعووم وحلوه @ سامي :يمه هاذي بنتك من جدها تتكلم انها ما تبغى تعرس ام سامي :لا يمه تمزح سامي :لا شكلها من جد تتكلم يمه لا تنسي انها محجوزه لولد عمي من لما كانوا صغار لكن انا رغبه لطلبه ابوي الله يرحمه ما فتحناها بالموضوع ام سامي :سامي لا تتهور وتفتح الموضوع مع اختك واذا كانت ما تبغاه ما في احد راح يجبرها سامي :لا يمه مو على كيفها غصبا عليها تاخذه انا اللي يمشي شوري من بعد ابوي في هالبيت ام سامي :والله انا ما زلت عايشه واذا مت سو اللي تبغاه يا سامي سامي :بس انا ولي امرها وريم مالها الا ولد عمها ونقاش بالموضوع ما في #وطلع سامي من البيت # ام سامي :لاحول ولا قوه الا بالله الله يهديك يا سامي (اوك راح نتكلم شوي عن سامي ) @هو اخو ريم الكبير متزوج وعمره 28 وعنده ولد وبنت عصبي واللي براسه يسويه غصبا عن الكل @***************************************** كذا انتهى البارت الأول وانشالله عجبكم وتابعونا في البارت الثاني وش تتوقعون بصير مع ريم و ولد عمها وشو بصير بـ ليان في باسكن روبنز وراح تطلع شخصيات ثانيه في البارت الثاني [/CENTER] |
|
#2
11-12-2010
| ||||
| ||||
| رد: روايه بنبقى و الزمن شاهد حبايب قلبنا واحد / بقلمي يسلموا قلبوا بانتظار التكمله |
|
#3
11-12-2010
| |||
| |||
| رد: روايه بنبقى و الزمن شاهد حبايب قلبنا واحد / بقلمي يسلمو اختي من جد فرحتيني على ردك |
|
#4
11-12-2010
| |||
| |||
| رد: روايه بنبقى و الزمن شاهد حبايب قلبنا واحد / بقلمي الموضوع مرة ناااااااااايس شكراااا |
|
#5
11-12-2010
| |||
| |||
| رد: روايه بنبقى و الزمن شاهد حبايب قلبنا واحد / بقلمي البارت الثـــــــــــاني "ريم طلعت لـ ليان في السياره " @في الطريق ...@ ليان :اهلين ريم :شو اهلين كأن من سنه ما شفتك ..اليوم الصبح شايفتنك ليان : ول عليك انشالله خلاص تبنا ماراح انسلم عليك ريم : يووه وانا اقدر اشوف هالزين لا اسلم وهذي بوسه مني بعد شتبين زياده ليان :احم هه تسلميلي ... الا ماشفتي اليوم ابله هدى شسوت ريم بحماس :شسوت ؟ ليان : ما لاحظتي كيف تمشي كانها تعرج اليوم؟ ريم :أي والله معاك حق ليان: وانا كنت داخله غرفه المعلمات سمعتها تقول انها لما حطت الجلي وهي تتحمم طاحت ريم : هههههههههههههههههههه هههههه ويلي اتخيلها وهي تتألم ليان : لا تتشمتي يا بنت لا تنبلين بأعظم ريم: هه هه يلا وصلنا ^ونزلو ليان و ريم من سياره ^ "في باسكن روبنز " ريم :ياصبي جيب لي واحد اسكريم فانيلا بالسكويت ....فاهم ليان:ريم شرايك اتروحي وتعطيه كف ريم:شنو؟ ليان:انا ادري عنك وشذا الأسلوب مع رجال ... لو سمحت جيب لي اسكريم توفي #دخلو ثلاث شباب للباسكن # فهد: هلا والله بهالزين عبدالله : واااي فديت هالعيون انا بذووووب @الشاب الثالث اسمه صقر وهو بطل جديد راح يدخل في الروايه صقر شخص مغرور وهادئ و ينطبق عليه المثل اللي يرميه بالورد يرميه بالنار @ " صقر يطالع اصحابه بنظرات معناته وش هالغباء اللي تعملوه " ريم :عدال لانت وياه لا يطق الكم سن ليان تهمس لريم :فشلتينا عرق مش سن ريم :ياليييل نفس الشئ فهد وعبادي :ههههههههههههههههههههه فهد:ياناس امووت على هاصنف انا %صقر كان قاعد على طاوله وهو يحك راسه ولا له خلق سوالف اصحابه ولا هامه شئ % الهندي :مدام هذا طلب انتي ريم :مدام في عينك انشالله انا انسه ليان:ريموه وبعدين معاك خلينا نطلع "خذت ريم وليان طلبهم " $صقر وقف بروح لأصحابه وليان وهي تمشي بتطلع صدمت بصقر وطاح شوي من الأيسكريم على قميص صقر $ ليان: سووري سورري ما كان قصدي ! صقر وقف يطالع ليان بنظرات حقد ....ليان ارتبكت بنظراته بس ليان عملت حالها قويه ولا اهتمت ! ليان :انا اسفه مره ثانيه ما كان قصدي صقر :نعم ما كان قصدك ...والله انا ما يهمني كان قصدك ما كان قصدك وبعدين لو الأعتذار يفيد ما كان صار في شرطه واسفك ما هو مقبول ريم:لا والله بطقاق عمره ما نقبل ليان :ريم خلاص مالك شغل منه صقر : اقول انتي يا ام لسانين اسكتي احسلك وخليك برى الموضوع (عبدالله وفهد سكتوا لان يعرفون صقر اذا عصب هو حتى اذا احد رمى عليه مويه يقلب الدنيا ) ليان :والله انا قلت لك اسفه رضيت كان بها ما رضيت ما يهمني مسكت ليان ايد ريم و بيطلعوا من المحل .... وقفهم صقر @هنا ليان عصبت وخذت باقي الأسكريم اللي عندها وكبته على قميص صقر وطلعت برى المحل @ صقر وقف مصدوم من حركتها وبعدها قال بصراخ : وين بتروح مني بنت الذين والله اذا شفتها مره ثانيه ماراح اخليها فهد :خلاص وانا صاحبك عبدالله : صقر لا تزود السالفه @طيب راح اتكلم شوي عن صقر هو ابن الثاني من اكبر تجار السعوديه عائلته ساكنه في الرياض لكن هو يدرس في الشرقيه و اصحابه المقربين فهد وعبدالله وعلاقتهم قويه حيل @ "ريم وليان في السياره " ريم : اخ لو خليتني ارمي جزمتي وعلى وجهه ليان :.................... ريم: لكن والله كفوا عليك اللي سويته ليان:................... ريم :تمام انك تعلمتي شوي مني ليان:.......................... ريم بصراخ :لياااااااااااااانوه وجع انشالله قاعده اكلم نفسي انا &ليان نزلت دمعه منها & ريم :ليووون عمري ماعليك منه لا تعصبي علشانه (ريم عرفت ان ليان معصبه ومضايقه ) }طوال الطريق كانوا ساكتين { "وصلوا بيت ريم " ريم :يلا ليوون باااي ليان :بااي حبيبتي ريم : لاتهتمي وانسي اللي صار ليان :اوك "وراحت ليان بيتهم " * اول مادخلت ريم البيت* ريم :هاااااااااااااااي ام سامي: وعليكم السلام احمد: ها من فين جايه ريم :انت وش شايف بأيدي كبسه يعني سهى تقول لأحمد: وهاذي احد يقدر يكلمها ام لسانين ريم:يالييييييييل ماطولك اليوم كل يقولي ام لسانين اللي اعرفه واللي ما اعرفه لجين:مين اللي ماتعرفيه اعترفي ريم:اقول بعدو عني احسن لكم #@احمد يطالع بسهى وهو يرفع كتفه #@ !@دخلت ريم غرفتها وهي تفكر بليان واللي صار الها اليوم وحطت ibd وجلست تسمع اغنيه هادئه لوائل كفوري لو حبنا غلطه ..اتركنا غلطانين مازال عشأنين ..مع بعض مرتحين مين اللي قلك مين ..مين اللي قلم مين عن حبنا غلطه!@ ************************** "دخلت ليان البيت وعلى طول راحت لغرفتها فوق بدون ماتكلم احد وكانت هناك مرت عمها وبنت عمها العنود " ام خالد :يمه ليان تعالي @ بس ليان كملت طريقها @ مريم:انا راح اروح لها ....العنود حبيبتي امسكي حور شوي ام جمال (مرت عم ليان):يووه مريم هاتي القمره عندي العنود:مريم راح اروح معاك لليان مريم :اوك يلا وركبو العنود مع مريم فوق دقت مريم الباب :ليووون $ سمعوا صوت ماء $ العنود :الظاهر ان ليان تاخذ لها شاور مريم :ممم يلا خلينا ننزل تحت ************ % في منزل عند الضواحي القديمة بيت جدرانه اوشكت على الأنهيار الباب متصدي صراخ يخرج من البيت% بو خليل:وين كنتي ؟ ام خليل وصوتها يرتجف:الله يهديك يابو خليل قلتلك من قبل ما اروح كنت عند اختي بوخليل :شقلتي عيدي ماسمعت الله يهديك (بصراخ) شايفتيني مجنون قدامك والله اوريك !وصار يضربها بالعقال ! بوخليل:خذي خذي الله ياخذك انتي وعيالك وافتك منكم ام خليل :اه اه خلالاص سامحني ..والله ما اعيداااااها "في الغرفه الثانيه " %فداء حاظنه خوانها وهي دموع تنزل من عينها بصمت وخوانها الصغار يبكون % جمال(عمره 5 سنين) وهو يبكي:امي امي انا ما احب ابوي خديجه (2سنه)وهي بس تبكي :ماما ..ماما فداء وصوتها يرجف وتنزل دموع منها :خلاص حبايبي بوخليل بعد ماخلص ضرب:انا طالع يامدام وما راح اجي الليله فاهمه ام خليل :...................... بوخليل وهو يرفسها :فاهمه؟ ام خليل :ففففاهمه بوخليل :الله لا يبارك فيك من مره $ بعد ما طلع بوخليل من البيت قامت جمانه تركض لأمها $ فداء:يمه ...(وحضنتها) ام خليل:شفيك يمه...... انا مافيني شئ ........انا اتعودت والمفروض انكم تعودتوا فداء وهي تبكي :عسى ايده الكسر انشالله ام خليل :لا يمه لا تقولي هالكلام بعين ربك يغضب عليك.. كل شئ ولا الوالدين مهما يعملو ما تقولي لهم شئ فداء :استغفر الله ربي *************************************** في اليوم الثاني (في المدرسه قبل بدايه الطابور) ريم :ههههههههههههههه ياويلي بموووت عبير:هههه مره ضحك النكته (عبير صديقة الشله وبالذات قريبه من سلمى ) ساره :اسمعوا الثانيه يقولك في ثلاثه كذابين الأول:شفتوا البحر الأحمر انا لونته الثاني :شفتوا البحر الميت انا قتلته الثالث:شفتوا المحيط الهندي انا كفيله البنات:ههههههههههههههههههههه جنا:ههههه بموووووووت خلالالاص هدى وهي تراقب الممر اللي يمروا منه المعلمات :ياربي ماجات جنا :من؟ ريم بعربجيه :ياعني من غير الحب الكبير فضحتنا فيها ..ياختي مدري ايش عاجبك فيها هالمعقده النفسيه ليلى :هههههاااااااي جبتيها والله هدى :لاتغلطوا على سميتي لو سمحتو سلمى:اقول تلايطي احسلك ياقسم بالله لفقع وجهك بالجزمه عبير:الا وين زوجه اخوي ؟ ريم:كالعاده ماتجي الا بعد الطابور لازم تتجهز قبل ماتجي (عبير من العام وهي تنادي ليان زوجه اخوها ..يعني بس كذا عن مزح خاطبتها لأخوها هاني بس كلام بالمزح يعني) عبير:مايلام اخوي فيها البنات:ههههه جنا:و فداء وين ؟ سلمى :ما ادري ليه متأخره مو من عوايدها ...يمكن ما راح تجي اليوم ريم وهي تقول بقلبها (اكيد من ابوها حسبي الله عليه ...الله يعينهم ) % ورن الجرس الطابور يعلن بدايه اول حصه % ريم :يالييييييييييييييل الله يعينا هدى : جااااااات الله و نااسه خفت عليها ساره تدز هدى من وراء :اقول امشي قدامي & صفوا الفصول كلهم طابور & ريم: وبعدين معهم متى راح تخلص هالأذاعه حرفتنا شمس # ليان وهي تمشي بعبايتها وشنطتها وهي ملالالالانه ومالها خلق # "وهي رايحه الفصل " ليلى :ليانوووه جات وكالعاده مالها خلق في الصباح هدى:هههه شوفي كيف تمشي & دخلت ليان الفصل وشالت الشيله مع العبايه وجلست على الكرسي& ريم وهي تطالع ليان من برى الفصل:طالع الخاينه راحت وجلست... وفي نفسها تقول (وكأن ماصار لها شئ امس ) سلمى بعربجيتها كالعاده :اما انها والله لدوس بطنها عبير:يوووووه شفيكم عليها طالبه الأذاعه:وفي الختام نستودعكم الله والسلام عليكم ورحمه الله وبركاته جنا :اووووووف اخيرا المعلمه:يلا بنات النشيد الوطني جنا بصرااخ وكانت الوحيده اللي تقول و اول وحده :سارعيييييييين \\ وطلع الصدى حطت ايديها على فمها // بنات المدرسه:ههههههههههههههههههههههههههه وجنا صار وجها احمر :يمه وليلى وهي سكرانه من الضحك:وااي يا جنوو شكلك يضحك " و دخلو البنات الفصل وجلست كل وحده عند مكانها " ريم اول ماجلست :عساك انشالله يــ ليان الزهايمر المبكر قولي امين ليان:اسم الله علي... انشالله عدويني... بعدين انتي شفيك من الصباح ريم :عجل انتي تدخلين عند هواء المكيف و احنا برى في الخياس ليان:احم احم فايده التأخر ريم:اقول اسكتي يا بالجزمه معلمه القواعد :ريم وليان فلتصمتن وافتحوا على حل التدريب لو سمحتن جنا :بدينا والله نشبه من السبت الى الأثنين هي علينا الحصه الأولى اوووف سلمى:ياليييل وبعدين معك اليوم من الصبح وانتي كله معترضه جنا:والله مو بيدي سلمى :خير ؟ ليان بينها وبين نفسها :بدينا صواريخ معلمه :والتالي ماذا بكم اصمتوا سلمى :يابوووي خلاص بعدين % ليان وهي سرحانه بصقر من امس ماراح عن بالها % معلمه :ليان حلي لنا هذه الفقره ليان:هااا شنوو معلمه :اعربي كلمه الرسول محمد # ليان تأشر بعيونها لجنا و سلمى عشان يساعدونها # جنا بالخفيف :بدل مرفوع ليان:ممم بدل مرفوع ووعلامه رفعه الضمه الظاهره على اخره المعلمه :نعم احسنتي ..تفضلي ليان :ووووه فزعتني #ومرة الحصه والحصه اللي بعدها # الحصه الثالثه كانت عليهم ابله هدى (معلمه العلوم) معلمه : السلام عليكم البنات :وعليكم السلام سلمى تقول لجنا :شوفي هدى بتمووت من الفرح جنا:الله يثبت علينا العقل بس ههه معلمه :سكروا الدفاتر ريم في نفسها (حاس قلبي انها راح تسألني عن الدرس السابق ) المعلمه :ريم #ريم في قلبها (بسم الله )وقفت # المعلمه :عرفي لي الحراره النوعيه ريم :احم ممم هي كميه الحراره اللازمه لأرفاع 1 جم من الماده 1درجه مؤيه المعلمه :ممتازه تفضلي % ليان وهي داخل قلبها تضحك على شكل ريم ريم في قلبها (غصبا عليك تقولي لي ممتازه مو من قلبها تقول بعد) طول الحصه ريم ملانه ومالها خلق % المعلمه :كيف يكون تحول الماده قوليلي توقعك بس بنت:ابله مو متأكده لكن المعلمه :عاادي قولي لازم يكون عندك ثقه في نفسك وربي ذاتك بنفسك روحي البيت وخذي ورقه وكتبي سلبياتك وايجابياتك فيها واختبري نفسك بنفسك ريم في قلبها (اووووف بدينا فلفسه مالها داااعي اووووف ) وخلصت الحصه ومرت الحصص والحمدالله بأمان **************** "في بيت ريم بعد صلاة المغرب " #في مجلس رجال كان جالس هناك عم ريم بو فارس مع سامي واحمد# احمد وهو يعطي القهوه لعمه :هلا عمي نورت البيت بو فارس:منور فيك يا ولدي سامي:يا هلا عمي شنو هالزياره الحلوه بوفارس :الله يسلمك يابو ماجد بصراحه وبدون مقدمات بدخل بالموضوع سامي:تفضل عمي بوفارس:انت تدري بتفاقي مع الوالد الله يرحمه % احمد بلع ريقه % سامي وهو مبتسم وفرحان :ايه يا عمي كمل بوفارس :و اظن ان الوقت جاء عشان ازوج اولادي الثلاث لخواتك اما بالنسبه لأحمد مع بنتي رنيم راح نأجل الموضوع لان احمد بعده ما يستعد وبعده صغير على مسؤليه الزواج سامي :اكيد يا عمي كلامك كله صح احمد :اسمحلي يا عمي سهى ولجين جاهزين بس ريم بعدها صغيره على الزواج بوفارس :لا صغيره ولا شئ بعدين في ناس واجد تزوجو في عمرها و اصغر منها بعد سامي:معاك حق يا عمي بو فارس :اجل اتفقنا سهى لفارس ولجين لجاسم وريم لنايف في اقرب وقت راح اخلي مرة عمك تجي وتخطب رسمي ويتفقون على كل شئ وخير البر عاجله واظن ان مافي شئ يأخر سامي:اكيد يا عمي بو فارس : يلا مع السلامه سامي:وين يا عمي اجلس اتعشى معنا بوفارس: لامره ثانيه انشالله سامي :على راحتك عمي ..مع السلامه بو فارس :مع السلامه احمد وهو معصب: انت كيف توافق ان ريم تتزوج اللحين هي بعدها صغيره بعدين من قالك اني ابى ازوج رنيم اصلا انا ما ابياها سامي:احمد احترم نفسك انا اخوك الكبير ورايي هو اللي يمشي وبعدين انت راح تتزوج رنيم غصبا عليك... وتمشي كلام ابوك الله يرحمه $ وبعدها طلع سامي من المجلس وراح لصاله عشان يقول لأمه $ %$ احمد جلس على الكرسي في المجلس وسمع رنت مسج جات له %$ .....: !@#%^&*لو قلت لك أحبك لن تكفيني كل لغات الارض وحروف الهجاء ولو وصفت لكِ شوقي لنفجرت عيون الناس من البكاء وحشتني كثير يا بعد روحي احبك !@#$%^&* @احمد نزلت من عينه دمعه على الجوال وقال في قلبه وانا احبك وامووت بالتراب اللي تمشي عليها بس وش الحل للمشكله كيف راح تتصرفي لو عرفتي بالمشكلة@ وكذا انتهى البارت الثاني توقعاتكم شنو بيكون رده فعل ريم وهل راح يتزوجون فعلا وليان وصقر شنو راح يصير فيهم واحمد وحبيبته شنو مصيره ومن هي حبيبته وانشالله يكون البارت عجبكم |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| خوش وكركر | man.cool | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 14 | 07-11-2011 12:37 PM |
| رسائل جامده جدا | اشكى الرومانسيه | رسائل مسجات اجمل الرسائل والمسجات | 9 | 09-21-2010 02:27 PM |
| مكتبة نكت حلوة والله نكت تماااااوت من الهبل خش وشوف | الوووولف | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 5 | 04-02-2010 03:23 PM |
| نكت لودخلت مش هتندم المرادى بجد | man.cool | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 6 | 01-05-2010 08:37 AM |
| نكته | black man2 | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 1 | 04-03-2009 06:56 PM |
-الدورات
التدريبية بجامعة نجران-
العرض العادي
