محششين على قارعة الطريق

[align=center]"البـــــــدايـــة"


صحيـــت من النووم على صوت الجووال اطالع القى الصـل يتصـل بك .. رديت قـــااال هاه يا كاسبروف ماتبي تطلع اليوم اربعـــاء فلـــــــــــــه قـلت خلاص بقوم البس واطلـع .. قـااال طيب كم يبيـلك وتوصل لي .. قلت عطيني ربع ساعه وقـــفلت ..
( معلومه : الصل هذا راعي لطعـــــاااات لازم أواعده قبل اجــيه ب يـووم اقول له انا عند بيتكم عشان ثاني يوم اطـلع وأوصل القاه طـاالع .. بس برضـه لازم أنلطع )
)..طلعت من البيت الساعه 11 وصـلت عند بيته 11 .. أتصل عليه رد قلت انا برى اطلع .. قـال طيب انا طالع .. 11 ، 12 ، 1 ، 2 ( خلال هالفترة أتصل يعطيني مشغول يعني أنه على الباب ) 3 ، 3 ونص .. طلع من الباب لابس ثـووب وفاك الازراير كلهاوقـااعد يقفل الازارير وهو يمشي للسيارة ركـب قال السلام عليكم ،، قـــــلت ياخي ماتبطـــل حركاتك راح اليوم كلـه وانا برى .. قاااااال ياخي زي مانت شاااايف حتى الازرار قفلتها وانا جااااايـــــك على السيارة عشان ماأأخـرك ..!!! قـلت كـل كبر راسك وخلك ساكت ..مشينا قـالي خلاص والله اخر مرة الطعــــك خلنا ننبسط لا تصير فكـك .. قـــلت له ياصـل لين متى واحنااااا كذااا نبي بنااات يطلعون معنا وفــــله لنا 7 سنـوات نفرفر ماعمرنا رقمـــنااا ..!!
قـــاال أنا من اول اقـول لك ترى لاززم نطيـح في الخراب عشاااااان نتعـرف على بناااات هاه كاسبـروف ودك نسوي بروفـا للخراب اليوم ..!! قـلت من وين نجـيب وويـن ؟ قـاال ارجع البيت..!!

رجـعنا ودخـــلناا قـلت بتتصل على احـد قـــااال .. لااا انا عندي .. قـلت يانذل انت راعي خراب ولا تعـلمني ..!! توهـق وقـال .. لااااا لااا فهمتني غـلط ، انا كـنت عـاررف من امـس انك اليوم تبي تمـرني ونطـلع ونجيب طاري خراب وتقول تبي تجـرب وقـلت اشتريـه من امس قــــلت زيـــن عرفت تتصررف ..!! ( مشـت علي )


لـف الحشيش وعطـاني ولعت وقعدنا نحشش نحشش نحشش .. قــــااالي سمعـت بالبوف ؟ قعدت اضحــــــك اضحــك وهو متسغـرب .. وانا اضحك قاااالي وش فيك .؟ قــــــلت الله يلعنك انسطـلت ماتعرف تقول كاسبروف تقول بوووف ؟ بعدين كيف ماسمع بنفسي اكيـد سمعـت فيني .. والله يمدحـووني ويقـولون إنـي شخص ملتـزم و ( انت الي انسطـلت والله ) و و دخـل بالسالفـــــه وقــــاااال لا البــــوووف هـو هـو ولا اقـولك خلني اسـوي لك اياه .. يخــــليك فووق فـووق..!! قـلت يالله سوي .. قال قـرب .. ويلف الزقارة بفمه تصيـر الجمرة بالداخل .. وقعدت اضحك قلت وش فيك يالأحـول تدخن الزقارة بالعكس وهو يأشر بيده يعني قــرب انا قمــــــت اجـرري ورحت المطبخ جـبت كااااس مووية عطيـته يشــــررب احسبـه غـص فيهااااا ..!! يوووم شاافـني كذا نسـى سالفة البووف ويحسب نفســـه غاص .. ويشرب الموية بسررعه ويبـلع الزقـااارة..!!

" آثـار الفلسعــة"

قعدنا ساكتيـن مسطولين .. أنا اقول بيني وبين نفسي .. هذا شكله مباحث ويبي يكفشـني ..!! وله 10 سنـووات يخـطط ويمـشي معـي ليـن احشش ويمسكـني ..!! وقـلت يا صل بلحـظة كانت هادئه مارد علي .. قــــلت صــــــــــــل انحـــــاش ترررراك مبااااحث..!!
وانحــــاااش اجري وهو وراااي يقـووول الله يلعنه كنت حاس من اوووول إنه يراقبــــني ... وطلعت شغـــــلت السيــــاااارة وركب معـاااي قلت قفل الأبوواب وفــــــك الطيــــق عشان ماننمســـك..!!

ودعســــناااااا والشـووارع فاضيــــــه لين وصـــــلنا خـط سريــع وطايـــريـن ماشيـــن 80 90 100 .. قـاال مال امها داعي اوول يوم نحشش تطاردنا المبااحث .. وانا ساااكت مركــز بالسووواقه..!!
قــــاااالي انتبه في شرطــــــه قدام على اليسار واقفــــه .. كانت مشغله السفتي الأصفــر وانا ماشي حدود 90 قـــالي هدي لا ننمســـك..!!
نا اقـوول شكله مباااحث ويبيني اوقـف عشان ننمســـــك ..! ( للآآآآن موسوس ) ليـن صار بيني وبين الشرطه 20 متـر واحـس إني مسرع .. واضغـــــط فررررامل بقـــوة مع البرريـــــــك واطفــــي السيارة وصوت التفحيـــــط حححححححححححححححححححححححححح حححححححححححححححححححححححححححححححححححححح

لييييييييين وقفت وقوف تام السيارة بلخـط السـريع وصار بينا وبين الشرطه 2 متـر .. قـلت اربط حزااامك .. وربط حزامه وربطــت الحززام .. ومشيت مهدي من كثــــر مانيب مهـدي قطعـت مسافة متـرين بثلث سـاااعه ..!!
ومرينا من جنب الشرطه وهو يطــــــااااالع مستغـــــــرررب ..!!!! قـلت سـلم ورفعنا يدنا نسـلم عليـه ومشينااااا .. والعسكـري مستغـررب ..!! وش السـااالفه..!!
قــــلت اشوى مامسكــــــناااا على الحزززام ،، قــــــااال الصل الحمدلله قـلت يرحمك اللــــــه .. قال والله لو إني ميـــت .. قعدت اضحـــــك وهو يضحـــك واسمعــه يقولي وقـف على جنـب .. قلت ليه تبي ادفنـــك ؟ واضحـــــك وهو يضحـــك .. قاااال وش تبي توقف على جـنب ؟
قــــلت يا محشش انت الي تقول لي وقــــف .. وقـــفت ووطـالعت فيه قــــلت بطـل حركااااتك تحط كل شي فيني انت الي قااايل وقـــف ..!!(اثاريه الشرطه يتكلم بالمكرفون يقول وقف على جنب) فجئـــه اشوف القزاز يدق .. قــالي لا تفـــــك سـوي نفسـك ناااايم ..!!

قــلت طيب خليني افـــــك قفـل الباب وننــــاام عشان يفــــك الباب يلقانا نايميــــن ويمشي .. وفكيـــته .. واحنا نايميـن .. العسكري يدقـني قـووم قـووم .. قـــــلت خـلااص الحين بقوووم بس طفـي اللمبــــه .. شـووي صـرخ وقـــال قــــووووم انت وياااه ....

قــام الصـل وبعيـنه غمـص ( من قـوة التأثر بالدور طلع له غمـص بعيونه ) رفـع جواله وطـالع لقاها السـاااعه 6.30 الفجــر .. قـاال للعسكري خمس دقايق طيـب طابـور الصباح يدق الساعه 9 بالليـــل ..!! قـاااام العسكري مسكـــــني وجـرني وطيـحني باالارض ووقعدت اقرص نفسي وانا ناااايـــم واقرررص وشبيت زقـارة وطفيتها بيدي قـاال العسكري وش فيك يا مجنون ...!! قـــلت بقـوم من الحــــلم ياكابـووس ..!!

وبعد سـاعتين من سواقـــة دور النايميـــن رضخنا للآمـــر الواقع وقمــــناااا ..!! قــلت ليه موقـفني عشان حـزااام صح ؟ ( على بالي ذكي بنفي شبهـة التحشيش ) سكــــت العسكري وقـاال ايه بسجــنك ستة شهـور عشانك رابط الحزاااام ..!! قـاااال الصــــل .. اجل لو مـضلل ؟ تحكم علينا قصـاااص ..؟؟ .. رديت انا وقـــــلت لاااا فيها تعزيـرر .. والعسكــري قـاال هات الرخصـه والاستمـارة وعطيته قـــلت ترى الرخصه منتهيـة .. طالع فيها لقاها مانتهت قـاال وش فيك تلف وتدور تقول حزااام ورخصـه منتهيـة ؟ !!

تحسبـني حمـاار تضحـك علي عشـان مافتش السيـارة .. والصــــل واقف عند الباب الثــــاااني يغسـل وجهه بالمـوية ويقـول لي وين المنشـفه ..!!؟؟ ( للآن هذا متأثر بالدور ) قـــــلت له في الحمــــاام .. قـاال طيب .. وراح لين سيـارة الشرطة وفـك الباب قــــــااااله العسكـــري وقــف عندك لااااا تفك السيارة لا ترركب .. قـــال الصـل اسـف مادري انه في احد جوى .. ودق الباب وقـااال بسرعه يالي بالحمــــاام تراني حشـران .. وانا اضحـــك والعسكـري يضحك ..!!

والصــــــل يضحــــــك ويقـوول الله يلعنكم شكلـي بسويها على نفســـي وقـلت للصل خلااص تعال خليه يخلص اجرائاته عشان نكمـــل نومه لا تنسى ورانا قـومه بكرة من بدرري .. ركب العسكري السيارة وقعد يفتش والصـل معاه وصـلة حشيش بجيبه وتذكـــر انها معه .. وطلعهااااا بيرميها في فتحات التصريف .. بس كنسل

وانا مادري واقف مع العسكري واشوف الصــــل رايح جاااااي شووي رماها قـــدااام صدام سيارة الشرطه .. وقعد يطـالع فيهاااا وناداني قـــال كاسبـروف تعااااال .. رحت عنده قـال كيف واضحه من هنااااا ؟؟ قـــلت الله يلعن ابو شكلك شيــــلهاااااا لا تورطناااااااا .. ورجعت عند العسكري عشان الصـل يتصررف ..!!
العسكري طفـش ونزززل قــــااال خذ الرخصه والاستمــــارة .. ولا تربــط الحززاااام مرة ثانيــه فهمت .!! قـلت ابشـر وركبـنااا .....اول ماركبنااااا مشيناااا وماربطناااا الحزززااام ،، اول ماعديــــناااااه ربطنا الاحزمـــــه قـــال الصـل فك الحزززااام لا ننمسـك مرة ثانيـــه ..!!

قلت يارجال ماعليــــــك .. الا وش صـار على الحشيش ؟ رميته ..!! قـــــااال لا لا معاااااي دورت مكااااااان ارميه مالقيت خليته بجيبــــي لإني خفـــــت ارميه في فتحات التصريف .. وتزعــــــل انت تقـول ليه ترميهااااا ونحتاجها بكـرة ..!! قـــــلت لو انسجـنااا عادي مابزعــــل ...!!؟؟ قـالي كلك نظــر .. وفكــت الي بروسنا ورحــــنا بيوتنا ونمـــــناااا .. !!

صحيت من النوم بعد اسبوعيــــن نووووم متواصــله .. تعرفون جديد على صنعة التحشيش ..!!

اتصلت على الصــــل قـلت هاه كيـف نسوي زي قبـل اسبوعيــن ..؟؟ قـــاال ودي بس مافي حشيش .. قـــــلت والي معنااااا ذاك اليوم ؟ قـال اول مانزلتني البيــــــت تذكـــــرت اني مباحث واراقــــب نفسي ورميتهااااا عشان مامســــك نفسي .. !! ( مافكت معاه ذاااا ) قــلت لاحوول طيب والحل تعرف احـــــــد ؟؟ قــــااالي ايوووة تعــــرف خوينا الي كـــــنا مانعــــرفه بس نشـــوفه دايــــم في الحـــارة الي مــــرة جااااااك وقـــــاااالك عطيني جوالك لإن الكابئنة مقفـــله ؟ الي ضحكنا عليه مايعرف يقوووول يااااء ؟ قــــلت ايه ايه ..قاااااال هذااااااك يعـــرف ناس خلنا نروح له قــــــلت طيب انا بـرى اطلع لي ( عشان مايلطعني ) عطـــااني بيزي رجعـت اتصل عليه يعطيني بيـــزي ( يعني انه عند الباب طالع ) ولبست وخلصت اشغـــــــااال وطلعت بعد 4 ساعات ومريته .. واتصــــــــلت يعطيني بيـزي ارسلت له رســــاله قـــلت انا بمشـــي والله مابنتظـــرك .. ارســــلي رساله مكتوب فيها

BUSY .. بعد ساعتين طــــلع مفصـخ ويلبس سروال والفنيـــله والثـوب لين وصل لي قــــااال شفت لبستها بالطريق عشان مالطعــــك .. قـــلت خلصنااااا ماعاد فيه وقــــت اتصل على الكابئـــنة..!!



اتصلنا عليه قـلنااا هلا الكابئـــنة احنا الي أوول جــيتـــ.......... الكبائنة رد يقاااطعه .. خلاص خلاص مـرني مرني انتظرك تحت ماصدق احد يتصل عليــــه عشان يمـــره .. ورحنا له ركـــب معناااااا قــاال الكابئــــنة وش تبغـوون ؟ قـلنااا نبي حشيش قـــااال بكم ؟ قـــلت جيب ربع كيـلووو .. قـاال الصـل والله لو اننا نبي نشتـري لحـــم .. قـاله الصـل جيب متـرين .. قـال الكابئــنة والله انكم غشــــم شكلكم جدئدئن في عـالم المخدرات خلاص بجئب لكم شئ مضبـووط وراح جـاب وجاء وقـاال بخـااويكم ..!!

قلناااا عندك مكـــــاااان ..؟ شوي يمـــد لي زقـارة حشيش ويمـد للصــــل ويقـول خـش ..!! قـــــلت للصل الخبـرة تلعب دور في هاللحظـات الرجال على السريع ..!! طلعناااا وحششـــناااا واحنا قاعديـن نحشش وخلصـناااا قــلت شباب مانبي آثاار في السيــــاارة ارموووا كـل شي معـاكم من الحيـن .. قـال الكابئنة خلاص خلصنااااا ماعاد فئه شئ ..قااال الصـــل ياكاسبروف .. قـلت لك لو نطيح بالخرااب نعرف بنات ..!! قــــــلت له ايه والله انك صــــادق والدليل الكابئـــــنة .. قااال الكبائنــــة انا من السنة ولا القرآن ؟

قـــلت استغفـر الله وش سنة وقران ...!! حششت وبتقعد تتكلـم في الديـن ..!! فكـــنااا بالله ... قاال الكابئـنة انت الي فكنا من الديـن ، تقـوول إني دليل .. قــاام الصـل ومد يـده بيني وبين الكابئـنه وقــال شباب طالعيـــن ننبسـط مانبي مشاااااكل ..!! قــلت طيب معـاااكم فـلوس قااالوا لأ قـام الصل قاااال اسحب من الصراف طيـب ..!! قـلت ادري اني بسحـب من الصراف ووقت العشاء بسحب عليكم السيفون قـاال الكابئـنة على طارئ السئفـــون .. بالله وقــــف بقـــاله ميــــت عطش .. وسكتنا ووقفـــت في السرى حق الصراف قدامي 10 سيارات ..قـاال الصـل اليوم رواتــــب السفر عشان كذا زحمـــة .. ووقفنا نص ساعه ننتظــر .. قـال الصل وش عنده الصـراف مسوي الصـل .. قـلت ليه ؟؟ قـال ملاحظ يلطعـنااا .. اخاف تدخل البطاااقه يطـلع لك بيزي

قعدت اضحـك وهو يضحك والكابئنـة ساكت .. وفك الباب الكابئـنة ونززل عند الي قدامنا واقف .. قـااله ئاخئ بسرعه تراك عطلتـنااا ونـزل الرجـال قـاااله وش فيك ؟ ماتشوف قدامي نـــاس واقفــين ؟ طـااالع الكابئـنة قـاال لا أشـوف سئارات واقفــه ..!! قـلت للصـل انززل ياخـي جيبه هالمحشش لا ينكبـــــناااا ...!! نـزل الصـل وراح قـــااال للرجـال الله يهديـك انت بعد واقـــف ورى السيارات وتعرف انه بيجون ثلاثه محششـين يوقفـون وراك وبتعطلـــهم .!! قـال الرجال وش هالكلام ..!! والله لا أبـلغ عليكم ..!!قااال الصل وعليكم ابـلغ ورحمة الله وبركاته !! خلاص دخلنا بمعروف نطلع بمعـروف ويطلع محفظته الصـل يطـلع كـرت محـل ذهب قـال اذا بغيـــت اي شيء من التشليح تحت امـرك ..!! وانـزل لهم واجرررهـم اثنينهم واجيبــــهم اركبهـم السيارة وقـــلت وش فيكم ورطتونا ..!! قـــاال الكابئـنة انا تأخررت رغـم إنه ماعندئ شئ .. قلت له بالله اسكت انت .. تراك من طلعت معــــــاااي 4 ساعات وانا مادري وش تقـوول ..!! بس ارد عليـك ردود روتينيه ..!!




قــــااام الصـــــل قـــال لحظه لحظه .. يا الكابئـــــــنة قـــووول روتينيه ؟؟..!! قـــال الكبائنـة .. روتئنئه .. والصــــل يضحك وشوي فك البااااااااب الكابئنة وقعد يطررش .. قــــلت وش فيك تعبان .!! قااال لاا بس الكلمـه صعبه علئ حسئت احـد حـط اصبعه في حلقـــــئ ..!!

ومشـى الدور لين وصـــلنا عند الصررافه .. وادخل يـدي بجيبي واطـلع المحفظـه واطلع بطاقة الصراف وافك الطاقه واطلع البطاقه بدخلها بالصراف الا اشووف هندي في وجـــهي مستغــــرب ؟؟ قــــلت بسم الله وش هذاااااا الصراف البدائي احنا في إي عصـر يا شباب ؟

قــــااال الكابئنــــة .. هذاااا صندوق برئد شكله موب صـراف .. قاااال الصــــل هذاااا يمكـــن تدخل حصـاة ويطلع لك حزمة دنانير ..

وقعدنا نضحـــك .. والهندي مايدري وش السالفه .. شوي قــــال الصل اللــــه يلعنك يا ياكاسبروف يا محـشش هذاااا كشــــك كوفي

يوم شفته عرفت إننا كلنا مضيعيـــن .. واعشق وارجع ريوووس واصدم السيارة الي وراي .. نـزل صاحب السيارة للصــل قـااله : يعني صدمتني عشان تمشـي سلعتك الي بالتشلـيح ؟ قـــاال له الصـــل .. بسم الله كيف جيت ورانا ؟ قـــااال انا من اول وراك ..!! ( اثاريهم نازلين يهاوشون الي واااقــــــف وراهم ) .. وقااال الصــــل انحاش ياخي وعشـــقت وانحشت .. وبعد سواليف محششين داامت ساعتين قـــلت للصل تبي تضحـك ؟



قـاااال لا والله تعبـــت وانا اضحــــــك خلناااا نحزن شـوي قال الكابئـنة .. والله عندي لكم اشعــــــااار كتبتها وانا كنت مسجــــوون في التوقيـف .. قاااال الصـل سمعنا طيب ؟؟



قـااال اسم القصيده تبـطئ عظـــم ..!!

تعال ورنئ وشلون من عقبئ تبئ تختال بخلئك بزحام الركض اشوف شلون مركاضك

واذا هرجك بقئس جبال انا فعلئ ئهد جبال وربئ يا قسا براسك لحطه وسط مرحاضك



قاطعته وقــــلت صلح لســـاانك .. قـــال الصـل على طاااري المرحاض .. اسحب عليه يا كاسبروف مرحاااض

وقعدنا نضحــــك وهو يكمل القصيـــــده..!!

قـلت للصــل خلنا نروح لمرجان .. قاااال من مرجاان قــــلت ماتذكررر مرجان أحول السواليف ..!! الي تسولف معاه بسالفه يرد بسالفه غير

قاااال ايه ايه خلناااااااا نروح ،، قاااال الكابئــــــنة وسلامتكم ..!!

( مايفهم ذااا ساحبين عليه من اول ومكمل ) قـلت للصل تدري نتعشى اوول بعدين نروح .. قـاال والله مشتهي مأكولات بحـــرية

قــلت قداام .. والكابئنــــة قاعد يقول قصيده ثانيــــة واحنا ساحبيـن عليه .. فجئــــــة انتبهناااا لشطــــر قاااله

قــلت ياصل سمعـت إلي انا سامعه .؟ قـــال الصل يا كابئنة عيد اخر شطـــــر .. قال الكابئنـــــــة

مائهمونئ رعاة الراح راح وجئت جئت ماحسبت حساب حاسد دام باب القاف فنئ

وقعدنا نضحــــك نقول وين الحســـــاد ..!! قـال انتم حسـاد .. قـال الصـــل أنت قـبل تصير شـاعر فكـر في هم الالقـاء لإنه الياء عندك معطوب .. !!

"المطعــم"

ووقـلت لهم خلاص فكونا وصلنا المطعم .. ونزلنااااا جاء المصري : اي طلبااات يابشوات .. قـــلت في سمك قـال آه طالعت بالصل قلت له بطـل حركاتك تراه مطعم محترم قـال الصل ليه وش سويت ..!! قـلت حركاتك تدعس رجـله من تحت الطاولة ماتشوفه يقول آه خلاص فكناا .. قـلت جيب لي سمـــك زبـّال البحر الي عند الحصى دايم قــــال الصــل انا جيب لي قنفـــذ البحــر .. قـــاال الكابئنــــة .. جئب لي ابو مـقـص .. طالعت في المصري قـلت كابوريا يبي قـال من عنيـّا قال اي خدمات تانية ..؟ قـلت لا دنا في عرضك ..!! ( يحسبها زي سلامتك ) جاء الأكـــــل قـال الصل انا بنقـز البقاله .. قـلت شوي شوي علينا يالجراده وش تنقـز للبقاله ؟ تبي دخان فيه ؟ قااال لا ابي اشتري موية .. قــال الكابئنـــة جئب لئ معاك موئة

قـــلت ياحميـر اطلبوا من هنـــاا .. قـال الصــــل ياخـي تراه مطعم مأكولات بحريـة الموية اكيـد مالحه .. !! قــــلت ايه صح اجـل جيب 3 مـوية اشـوف واحد ورانا طلع ريال من جيبـه قـال جيب لي معاك موية بعد ..!! ( وش هالمحششين الي بالمطعم ؟ )

راح جـاب المووية وجـاااء .. وجاب المصري الطلبات قـال ليه التعب دا كوله فيه ميـّة .. قـاام الصـل فك محفظته وطلع ميـة ريال قـال خذ قـااال المصري لا دنا بئصد ميه وأشر على علبة الموية طالعت بالمصري قلت تسلم يا بااش سباك خلاص ازا عزتك بنده عليك قاال من عنيا .. وراح قعــدنا ناكل والكابئـــنة ماياكل يلعب في الصحـن قـلت وش بك ماتاكل .. قــــاال ماجبت معـئ كفـــر .!! قلت وش تبي بالكفــــر قاااال نسئت انه مأكولات بحـرية اخاف اغـــررق ..!! قـــال الصـــــل شوف شوف يا الكبائنة .. ولف الكرسي الصـــل وقام ياكل ومعطي الصحــــن ظهره ( على باله يسبح على ظهره ) قــلت شوف حـركه القنبـــــلة .. ووقمت فوق الكرسي ونطيـت على الصحـن وانا ضاام نفسي عشان يطلع صوت القنبـلة جـــاء المصري ولعــــن ابو خامســـــــناااااا وطررردناااااا ..

"خـط النهاية"

طلعناااااااا واتصلنا على مـــرجان .. طبعاً مرجان هذا له سبعه شهور يتصل علي في اليوم 9 مرات مارد عليــــــــه ساحب عليه واتصـــلت عليـــه اول مارد علي طــــرت فيه قلت وش فيك كل يوم اتصل عليك ماترد علي ..!! قــــاااال والله معليش مانتبهت لك يمكن قـــلت له انت وينك بالبيت ؟ قـــال يوم الولادات قــــرب..!!( مجنون يقول اي سـالفه مالها هـدف ولا معنى ) قــلت له كم باقي على يوم الولادات .!! قــــاااال انا في البيت تمـــــرني ..!! قـــلت طيب وصكيـــت عشان مادخل معاه في كلاااام ومتاهات وصــــلنا اول ماركب معــــنااااا سلم علي وقــــاااال ابيك بعدين في كلمـــــة راس .. بخصوص موضوع السفـرة على مصـر ..!! قـلت اي موضوع ..!! قــال بنسافر انا وياك مصــــرر بس لا احد يدري ..!! قلت طيب مامعي فــــلوس قـال افااااااااا كم تبي .. قـــــلت ابي 100 الف دولار قــاال مرجان خلاص بكرة 9 بالليل بتجيــك خمسين مليون دولار .. قـلت الله يسلمك ماتقصـــــر..!! ( الكابئنـة والصـــــل مستغربين وش ذا المجنون ) .. قـلت بس اسمع مرجان ووطيت صوتي قـلت من جد انا محتاج الحين معاك عشرة ريال ؟ قـــــااال لا والله معي 3 ريال تبيها ...!! الكابئنـــــة قــاال ثلاثه رئال ؟؟ والله لو اننا طالعين المدرسه ماخذ معاك مصروف 3 ريال ..!!قـــــال مرجــــان .. انا مثـل الضوء اذا اختفيـــت أظهــر..!! وداااااار حدييييث جنوني طووويل بينا الأربعه .. مافيه اي فاااايده.!!



وطلعـــنااااا على الخط السريع ،، أبي ارجع الكابئـــــنة بيته ،،



واحــــنا ماشين ونشوف تفتيش قــــال الصل لا تربط الحزززام فكــــه ..!! فكينااااه ووقفنا بالتفتيش قـــالي العسكري الرخصه والاستمـارة ..!! عطيته قـال ليه مانت رابط الحزااام .. قــلت له واحد عسـكري مسكني قبل اسبوعين يقول لو تربط بسجنك والصـــل شااهد دخــــــل الكابئنة بالموضوع وقــــااال .. كاسبروف شفت انك انت تدخـل بالدئـن موب انا ؟؟ أول تقول دلئل الحئــن شاااهد .؟ قــــال مرجــان للعسكـري .. خلاص فكـنا الله يفـك اسرك .. قـاله العسكري ليه أطلب منك رخصه واستمـارة وانا خلف زنزانـة ؟ قـال الصـل .. ياشين الدوائر الحكومية لا بدت تستخف دمها .. قـال العسكري وقـف على جنـب علومكم زيـنة ... وفك الباب الكابئنة ونزل من السيارة قاال انا بوقف معاه لئــن تجـون( الغبي مايدري اننا كنا نبي ننحاش ) وقفنا ونزلناااااا قـال العسكري وضعكم مشكوك فيـه .. قـال مرجــــاان ان بعض الشك اثم .. قــلت له ياليت تصك افمك انت ..!! قـال مرجان كاسبروف خلني اتكلم براحتي .. ياحظرة العسكري تخاويني مصـر .. ؟؟ مسكني الصـل على جنـب وقـال بيجيبون فينا العيـد ..!! قـــلت له والله انت الي جبت لنا العيـد أنت وكابئنتك والحـــــشيش والخـــــرراب .. حتــــى وصلة لدرجــــة إني اقاابل مرجان وانا ماعمـري فكـرت اني افكر اقابله وانا صاحي وبعــــدين تقول الخراب يطيحينا في البنات هذانا طحنا في الخراب وطحنا في عـلل وبنمسســــك وننسجـــــــن ولا طحنا بالبنــــــات ..!!

سمعـــنا مرجان من بعيـــد وقال ،، افااا كاسبروف انت محشش .؟ قـال العسكري اوه راعيـن حشيش .. وجـااب 4 عساكر كلبشونا وركبـونااا .. وودونا التوقيــــــف .. وبعــــــد ستة شهـور في التوقــيف .. انحكم عليـــــــنااااا بالسجـــن 3 سنـــوات لإنه مرجـــااان كان معــاه في جيبـــــه 90 كيـلو حشيش وأحنا في السجـــن كابئنـــــة انشغل في كتاابة ثاني ديـوان لـــه شعري .. ومرجـــــــان .. كل يوم ماســــك واحد من المساجيـــن يبيه يخاويـــه مصــر ..!! والصـــــــل .. لا تفقــــد الامل نطلع من السجــــــــن والله نرقــــــم بناااااات ..!! بس احنا مشكلتنااااا ماكنا نرقــــــم أوول عشان ماعندناااا قـــلم ..!! وانا قاعد ارســـــم على الجدار صـورة شجــرة وشمــــس وبيت ونهـــــر رمزاً للحريــــــة .. !!

وهذي هي نهــــــاية الابطال الاربعـــــــــة .. الي أول ماطاحوووا بالمخدرات .. تقفلت عليهم الزنزاانات



القصـــــــة مقتبســــــــه من خيــــــال واقعـــــي يميـــــل إلى الكـــــذب والتحشيـــــــش .. والنصــــب [/align]