 |
| |||||||
 | |  |
 | |  |
 |  |  |
 |
| | LinkBack | أدوات الموضوع | طريقة عرض الموضوع |
|
#1
11-03-2002
| ||||
| ||||
 ؟؟؟انا والمعــجـــبـــة؟؟؟ ؟؟؟انا والمعــجـــبـــة؟؟؟ تعودنا دائما في هالبلد المعطاء ان الشباب هم اللى يتلزقون في البنات وينششبون فيهم ويسوون الألاعيب ويخططون ويتكتكون عشان يطيحون البنات في براثينهم.... وشيء طيبعي انك تشوف بنت راكبه فياغرا والشباب مسوين لها موكب اكبر من موكب العقيد على عبدالله صالح ومسكرين الشارع كله عشان نظره من هالبنت اللى راكبه ورا.... والثقيل منهم هو اللى ياخذ رقم السياره ويشوف منهي له ...وبعد كذا يسهل عليه جيبة رقم التلفون ويبدا يخطط على البنت.....!!!! كل هذا قلنا طبيعي ومتعودين عليه لكن ....!!!! الشي اللى مو طبيعي هو ان يحصل العكس والبنت تبدا في التخطيط وجمع المعلومات عن شاب (يعني في مقتبل العمر مو مولع نار) لن تصدقوا الحكاية ولو ان شخصا حكاها لي لما صدقتها ولكن هذي هي الحقيقة وحصلت لي شخصيا وقبل ما اقول لكم السالفه لازم اعرفكم على نفسي (اقول ابي اقلب على العاميه(يعني اني كنت اتكلم فصحى انا شاب طموحي في هالحياة اني اتعرف على بنت عشان اقدر اخش سوق الفيصليه يوم الاربعا ومايردوني مثل كل مره ويقولون عوائل بس (سلملي على الربع الدعوه هشك بشك في المملكه لا يقولون لك ممنوع عوائل ولا هيئه يروعونك من اول مايناظرك واحد منهم تعترف انك داخل تغازل) لي محاولات كثيره في سبيل تحقيق ذاتي وطموحي في التعرف على بنت لكن كلها محاولات فاشله بيجي واحد يقول الترقيم سهل والبنت تبي من يأشر لها وهي اللى تجيك تركض اقوله ... سلامتك الموضوع توافيق... والله من شين البنات يتمنون منه اشارة وواحد مزيون مثلي بيموت ويتعرف على وحده ولا حصله مرة في ايام الشتا قررت اني اتعرف على بنت وجلست يومين مانمت ادور في هالاسواق العصر رحت لسوق المملكه ماخليت شي ماسويته حاولت مع كذا بنت ابي وحده منهم تاخذ الرقم لكن مافيه فايدة طلعت من السوق المغرب ونفسي في خشمي واسب والعن بنات الرياض اللى شايفين انفسهم واقول ياولد شكل نصيبك مو في الرياض ليش ماتخت للشرقيه ترى بنات الشرقيه منفتحات اكثر وكل بنت عادي يكون عندها بوي فرند... وامسك طريق الدمام ساعتين ونص وانا في الدمام اخذت اربع قسايم سرعة المهم وانصا سوق الراشد ويمين يسار ولا بنت راضيه تاخذ الرقم طلعت من الراشد ورحت للخبر مول ونفس الحكايه ...قفل السوق وطلعت للكورنيش ومافيه فايده واطلع للهافمون ونفس الحكايه وعليها حتى الساعه سبع الصبح وبعد ماطفشت قلت ياولد دروب الهوى صعيبه واللى يبي الدح مايقول اح وانا اللى اقول في نفسي ياولد رح للحسا(الاحساء)سامع ان فيه سوق يسمى سوق الخميس فيه غزل على مستوى عالي طلعت الحسا ووصلت سوق الخميس شي روعه مثل ماسمعت عنه سوق يقام كل يوم خميس والبياعين يجون من القرى اللى حول الحسا اغلب البياعين بنات يعني فرصه الواحد يكلم البنت وياخذ راحته ويعطيها الرقم بدون مايلفت النظر جلست ادور واتشوف بنت تفتح النفس ماحصلت الا واحده هي اللى تقول فيها شوي زين قلت بس يامصرقع ورنا شطارتك واجي عند بسطتها واقول صباح الخير على الحلوين ماردت علي واناظر بسطتها واحصلها اشرطة كاسيت قلت كم الشريط قالت ضلاثين قلت ضلاثين خير انشاءالله تراه شريط مو سي دي قالت وش صيدي هذا؟؟ هذي اشرطه ممنوعه قلت اشرطه ممنوعه ؟؟؟ لمين؟؟ قالت هذي لعيسى الاحسائي وطاهر الاحسائي وبشير شنان ومحمد الجنوبي قلت اها عيسى الاحسائي اللى مغني بنات المدارس ليتني عندكم سواق قالت: لا اللى مغني هالاغنيه بشير شنان .عيسى الاحسائي مغني بنات المدارس ليتني عندكم فراش قلت اردا شوي وحاولت استخف دمي مع هالحساويه وقلت ليش ماقدم على ديوان الخدمه طيب قالت الله يرحمه مات قلت الله يرحم موتى المسلمين المهم جلست عندها ثلاث ساعات وخليتها تنقي لي اشرطه وانواع النصب عليها قلت لها اني صحفي اكتب في الجريده وجاي اسوي تحقيق عن الفن الشعبي في منطقة الاحساء صراحه البنت بدات تلين شوي وتخف جلافتها ماادري هو عشان قلت لها اني صحفي والا عشاني اشتريت منها خمسين شريط ب1500 المهم ماقومني من عندها الا سحابه قوية جت وامطرت فوق روسنا تقول واحد يصب عليك مويه من سطل (ماشاء الله) انحاست بسطت البنت واشرطتها غرقت في المويه وجلس افزع معها واضف بسطتها واشتغلت حمالي اشيل كراتين واوديها تحت مظله وبعد ماخلصنا جلست تتشكر لي قلت ياولد فرصتك عطها الرقم الان قلت لها انا راح امشي الان تامريني شي قالت سلامتك قلت لها اذا مافيه احراج تاخذي رقم تلفوني وتتصلي علي ممكن احتاج بعض المعلومات عن الفن الشعبي في منطقه الاحساء قالت والله ماعندي تلفون يالاخو هي قالت ماعندي تلفون والا ماقالته جتني حاله هستيريه جلست اسبها واللعنها واقول اشرطه ب1500 وتشيليني كراتين واخرتها ماعندك تلفون واشيل كراتينها وارميها في وسط الشارع وانا اسب واللعن فيها وتجمعوا الناس وكلهم فاتنين علي بفزعون لهالبنت واحد يسحبني يمين واحد يسحبني يسار بيطقوني ويقولون وشفيك على البنت وبعد ماحسيت اني ورطت من جد قلت هاللى ماتستحي على وجهها تبيع اشرطه تخدش الحياء العام وين الهيئه عنها وين الشرطه مايصير هالشي لازم نقف قلبا وقالبا مع بعض ونحارب الغزو الثقافي اللى يدمر عقول الشباب والحمدلله البنت انحاشت ولا احد انتبه اني شايل كيس فيه خمسين شريط تفرقوا وانا رحت وركبت سيارتي ماصدقت على الله انها جت سليمه وجلست اسب في هالبنت حتى وصلت حرض وكيس الاشرطه على المرتبه واناظره بحسره وقهر على 1500 ريال اللى دفعتها فيه طلعت شريط وحطيته في المسجل واااااااااااااااااااااااااااااااااو يلعن ام الاغنيه من جد تخدش الحياء العام وش تخدش الا تجرح وش تجرح الا تقطعه وتسويه اوصال والا تفرمه بعد ويصير كفته انا ودي الى ودك تناولني طرف خدك الايمن ياخفيف الدم الباقي ماينقال صراحه اخاف مدينة الملك عبدالعزيز تقفل ايميلي ؟؟؟؟؟؟ المهم رحلة الدمام الخبر الهافمون الحسا طلعت على فشوش ولا قدرت اعطي اي بنت الرقم وصلت الرياض بعد العصر مااشوف مره من التعب ....وجتني حالة احباط وصرت كل ماشفت زول سواد اوقف جنبه وارمي عليه الرقم ولا ادري هم ياخذون الرقم والا يطنشونه لدرجة اني وقفت جنب وحده عشان اعطيها الرقم وجت تركض لسيارتي قلت بس هذي عندها حالة احباط مثلي شكلها ما احد اعطاها الرقم في حياتها واول ماوصلت للسياره وطالعت فيها انصدمت....!!!! طلعت باكستاني لابس شال اسود عن البرد.... وانتم تعرفون الباكستانيين وشلون يلبسون في البرد صراحه مااحد يقدر يلومني كنت تعبان بقوه ولا اشوف زين قال الباكستاني ايس يبغا صديق مليس.... بنا.... كهربائي..... كله موجود ناظرت فيه واطلت النظر وقلت اخخخخخخ لو انك بنت بس قال ايس؟؟ قلت له انا يبغا حشيش صديق قال ايس حشيش قلت ايس حشيش انت فيه معلوم ايس حشيش؟ حشيش يعني مخدرات وانا فيه نفر يقول انت بيع مخدرات ما امداني اكمل كلامي الا ابو الرفق هاج قلت بيني وبين نفسي ياولد رح نام لك الان 40 ساعه صاحي وماسك هالخطوط كانك مخرج برنامج ربوع بلادي وصلت البيت بحفظ الله ورعايته مااشووووووووووووف من التعب دخلت وحصلت امي واختي اللى اصغر مني جالسين في الصاله وسلمت على اختي وحبيت راسها وصافحت امي مصافح امي تناظرني باستغرب وتكلمني ماادري وش تقول ومادريت اني مسوي هالحركه الا من بكره امي خافت تحسبني سكران طلعت لغرفتي وبدون مااغير هدومي نمت على السرير بالعرض مثل العادة ولما دخلت عيني النوم دق التلفون رفعت السماعه وقلت الوووووووو والله ولا هذاك الصوت اللى يقطع القلب يقول الووو قلت اهلين قالت رائد موجود...؟ (انا كنت ذكي وحاط استراتيجيه اني احط الاسم المستعار على حسب المكان او الحارة اللى ارمي الرقم فيها عشان اعرف البنت اللى تتصل من اي حارة بدون ما اسالها .... مثلا المملكه وليد ...وطيبه والعويس خالد.... واليورمارشيه والعزيزيه.... رائد واسواق حجاب ... محماس والسباله اغلب السكان من اهل الجنوب احط سعيد و منفوحه اغلب السكان من مصر احط مصطفى) قلت ايوه انا رائد من معي؟ قالت وحده ضايق صدرها وحابه تدردش معك .. ممكن؟ صوتي دمار خلقه وبعد التعب والارهاق اللى جاني صار كانه واحد يتكلم من محقان قلت لها ممكن بس انا تعبان عموما تكلمي وانا اتوحاك(يعني اتسمعك) قالت والله لا صوت زي الناس ولا اسلوب زي الناس وشوله ترقم وصكت السماعه في وجهي صراحه جرحت احاسيسي عموما انا جبت هالسالفه عشان اثبت ان الغزل توافيق واسلوب قبل كل شي واللى مو موفق ولا عنده اسلوب راح يقعد فيها مثلي نرجع لموضوعنا اكيد نسيتوه اللى هو البنت تخطط وتتكتك عشان تجمع معلومات عن الشاب وتاصل له وهالشي حصل فعلا عندنا سواق ومع ذلك احرص اني اودي اختي للجامعه واجيبها بنفسي وكل يوم اوصلها الجامعه او اجيبها من الجامعه احب بنت من بنات الجامعه بس حب عمره قصير مايطول يعني من نزلت البنت من السيارة حتى دخولها مع البوابه بعدها ادور وحده توها بتنزل من سيارتها المهم استمر هالحال اكثر من سنه ونص وانا يتقطع قلبي على بنات الجامعه بس مااقدر ارمي الرقم اخاف من الفضيحه المهم في يوم من الايام وانا نايم دق التلفون رفعت السماعه وقلت الووو والا هذاك الصوت اللى ماسبق وسمعت انعم منه صوووووووت نااااااعم يقول مساء الخير من نعومة صوتها قمت واقف عشان اكلمها قلت اهلين مساء النور قالت او اسفه صحيتك من النوم قلت لالا عادي ياليت كل اللى يصحوني صوتهم مثل صوتك بعدين انا متاكد اني احلم لاني مابعد سمعت صوت مثل صوتك وانا صاحي ضحكت وقالت من معي قلت من سعيد الحظ اللى تبينه ضحكت ضحكه صغيره وقالت ابغا عبدالله هي قالت عبدالله والا ماقالت...!!!!!!!! سكت انا شوي من الصدمه وقلت من هذي اكيد وحده من قرايبنا انا ماعمري رميت رقم وحطيت اسمي الحقيقي كل الاسامي اللى احطها مستعاره قلت انا عبدالله قالت اكيد انت عبدالله وجابت اسم العائله.....!!!!!!! قلت اكيد انا عبدالله من انتي قالت شوف ماابي الف وادور عليك صراحه انا معجبه فيك ونفسي اتعرف عليك سكت انا زي اللى مو مصدق وجلست افكر وماقطع حبل افكاري الا صوتها وهي تقول الووو قلت معك معك انتي تقولي معجبه يعني سبق وشفتيني؟؟ قالت اكيد شايفتك والا كيف راح اعجب فيك قلت طيب ممكن اعرف وين شفتيني قالت انا راح اكون صريحه معك انا ادرس في الجامعه مع اختك وشفتك وانت تنزلها يوم الاحد الصباح واعجبتني وانت كنت بتاكلني بنظراتك حتى دخلت الجامعه وانا مشيت ورى اختك حتى وقفت مع وحده من صاحباتي وعرفت اسم اختك واسم العائله وخليت صاحبتي تجيب معلومات من اختك عنك وعن طريق اسمك جبت رقم جوالك ايش رايك فيني انفع اشتغل في المباحث...؟ قلت الا تنفعين تشتغلين في الاف بي اي بعد كذا اخذنا نتجاذب اطراف الحديث وكان اسلوبي اسلوب واحد واثق من نفسه ايه من قدي بنت معجبه فيني بعد كذا استاذنت وتواعدنا تكلمني من بكره العصر وبعد ماقفلت البنت جلست احاول اتذكر من البنات اللى ناظرتهم يوم الاحد وماقدرت اتذكر او اعرف من تكون هالبنت لاني ما اوفر ولا بنت كلهم اناظرهم وجلست اخمن طول ليلي مره اقول هي ذيك العصلى اللى كانها مرة بباي والا القصيره اللى بغيت اصدمها ماشفتها والا ذيك الدبا اللى لابسه تنوره ضيقه والا ذيك المطوعه اللى قالتلي غض البصر وفي الاخير تذكرت اني قاطع اشارة يوم السبت باليل وماسكني المرور وساجنيني الى يوم الاحد المغرب واللى مودي اختي للجامعه سواقنا الباكستاني وهالبقره معجبه في الباكستاني ومخططه عليه؟؟؟؟؟؟؟؟؟ اخوكم المرووووس تبون طيران .......طبول........صحون .......ملاعق.......برايات ....كله تلاقيه بالسوق ياتعبان؟؟؟؟
_________________  |
|
#2
11-03-2002
| |||
| |||
| هههههههههههههههههههههههههههههههههههههههههههههههههه ههههههههههههههههههههههههههههههههههههههههههه يعطيك العافيه والله حبيبي مرووس.. ياولد والله عليك طلعات ما ادري من تجيبها..:D تدري ابرفع زيك بقوه وأرووس..:D ونشوف من اللي يغلب الثاني..:D بس هااااا لاتنسى.. أنا دايماً معي مكنستي..:cool::D يعطيك الف عافيه والله على رائعتك وجملتك التي نقلتها لنا.. وأنا اوريك شغلك زين.. وتقبل فائق تحياتي.. أخوك ا ل م ف ق و ش بمكنسه..:cool::D
_________________  شبكة الوزير العالمية و موقع الوزير http://www.alwazer.com منتديات الوزير التعليمية و منتدى الوزير التعليمي http://www.alwazer.com/vb1 منتديات الوزير الأدبية و منتدى الوزير الأدبي http://www.alwazer.com/vb2 منتديات الوزير العامة و منتدى الوزير العام http://www.alwazer.com/vb3 دليل المواقع العربية http://www.alwazer.com/link دردشة صوتية و كتابية http://www.alwazer.com/page.php?do=show&action=chat |
|
#3
11-03-2002
| |||
| |||
| ههههههههههههههههههههههههههههههههههههههههه شو هالتعب لدرجة دي تتعبوا لحد ما بنت تتصل عليكم مغامراات متعبة ومضحكة هاللى ماتستحي على وجهها تبيع اشرطه تخدش الحياء العام وين الهيئه عنها وين الشرطه مايصير هالشي لازم نقف قلبا وقالبا مع بعض ونحارب الغزو الثقافي اللى يدمر عقول الشباب مرررررررررة سار مؤدب هلاء بس بجد مو البنت غلي تتصل على الولد في رايه تعتبر رخيصة وتافه وغلي تقبل اانه ولد يكلمها جد ا حقيرة تحياتي سمااهر
_________________ اللهم أمنحني القوة على تغير ما أستطيع تغيره وأمنحني الصبر لأحتمل مالا أاستطيع تغيره وأمنحني الحكمة لكي أدرك الفرق *^* *^* *^* *^* *^* *^* *^* صغيره مازالت غارقه وسط برموده..تملكها الأسئله تتمنى أن تجد أجابتها متى ؟؟؟أين؟؟؟ مازالت حائره SaMaHeR  |
|
#4
11-04-2002
| ||||
| ||||
| مرررررررررررررررحبا شبيب (يعني اني لبناني):cool::D الاخ المفقوش مشكور على مرورك ...... وماقول الا كلمه وحده بس؟؟؟؟؟؟ الله يستر منك ومن مكنستك.....:D:D الاخت....dal3 مشكوره على مرورك...... بس لو تاخذين الرقم وتكلميني بس......؟؟؟:eek: لا...... لا تصدقين تراني امزح.... مشكوره يالغاليه ...... وتحياتي للجميع.,.,.,.,
_________________ |
|
#5
09-16-2005
| ||||
| ||||
| هههههههههههههههههههههههههههههههههههههههههههه هذي اخرتها يطلع السواق الباكستاني مسكييييييين احسن عشان تحرم تغازل وترقم في بنات الناس ترا هذي عادة سيئه ومقززه تجيب المرض عموما الله يقلل من امثالك ويقلل مغامراتك عشان ماتتحطم اكثر من كذا ومشكوووووووووور
_________________ لاتنصدم ماعدت شي بحــياتــــي. ..كلك على بعضك كرهتـــك وعفـــتك.. .تـدري بصراحه ايش غــلطه حياتـــي.. .إني نــزلت لمســتواك وعرفــتك.. |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-الدورات
التدريبية بجامعة نجران-
العرض العادي
