 |
| |||||||
 | |  |
 | |  |
 |  |  |
 |
| | LinkBack | أدوات الموضوع | طريقة عرض الموضوع |
|
#1
11-17-2010
| ||||
| ||||
 رواة وين السلآم عليكم .. أخباركم.. رواية للكاتبة وحيدة واهلي كثيرين(هلاليه غير..!) .. اتمنى تعجبكم وطبعا هي رواية منقولة الجزء الأول .. بـ شقة عبدالله .. جلس أبو عبدالله على الكنبة وهو يناظر بنت أخوه اللي جابت له القهوة والحلآ .. شهد تصب لعمها فنجان قهوة وتعطيه من التمر : تفضل عمي .. عمها: زاد فضلك .. آخذ التمرة وتالي عطته من الحلآ .. عمها:هالحلآ آحبه لآكن الطبيب محذرني منه .. ابتسمت شهد لـ عمها ..: آجل قطعه تكفي .. عمها: لآ بأكل هههههههه .. شهد وأنا عمك بغيتك بـ سالفه .. شهد: تفضل عمي .. عمها: كم لك أنتي وعبدالله متزوجين ؟ شهد: تقريبا سنتين .. عمها: ولآحملتي للحين .. ورحتي للمستشفى وقالوا لكم ماعندكم شي .. لآكن الظاهر اللي كان عند آمك جالك .. وأمك خبرك ماجابت الا آنتي.. ولآقدرت تجيب غيرك .. شهد فركت يدينها ببعض وسكتت .. عمها: وأنا أبغى عبدالله يتزوج .. رفعت عينها بعمها .. عمها: لآتزعلين مني .. لآكن شوفي آخوه آصغر منه تزوج بعدكم والحين تو زوجته ولدت آمس وجابت له بنت .. وأنا كلمت عبدالله لاكن راسه يابس ..وقلت له ياأنه يتزوج آو بزعل منه .. سكتت شهد شوي .. : طيب ماكلمت عبدالله قريب.. عمها: الا .. وأنا بخطب له البنت جاهزه لاكن آبغاه يقتنع ماهو يمشي هو وهو لآوي راسه .. هو وافق البارح لاكن ماهو مره مقتنع .. ولاحب يبلغك بنفسه .. دنقت شهد وهي تتمم بنفسها فقدت آمي وأبوي .. ومفروض اتأكد راح آفقد عبدالله بيوم ..! لآنني يتيمة .. ولالي عضيد .. ولو كثروا الاعمام والخوال.. لآكن دام آبوي متوفي ودام الصدر الحنون آنحرمت منها وآنا بعمر صغير ..ودام مالي آخو سند .. مفروض أتاكد مستحيل يدوم لي شخص ..! عمها : شهد شفيك وآنا عمك .. شهد رفعت راسها: ولآشي عمي.. آخذت فنجان القهوة من عمها وصبت له .. عمها: موافقه.. شهد: الله يوفقه عمي .. عمها ابتسم براحه: الله يكملك بعقلك يابنتي .. ابتسمت بالم ..: طيب وآنا ؟ عمها هزته هالكلمه: شفيك ؟ شهد : شوضعي بالنسبة لـ عبدالله .. عمها: عبدالله ماهو رافض الزواج ولآهو مسوي لنا رفض الا عشانة يحبك .. تبغين الطلآق ؟ شهد: عااااتي.. عمها: لآكن عبدالله يحبك .. ولآهو بمطلقك .. شهد: طيب .. عمها: شهد وأنا عمك آصبري .. ولد عمك يبغاك .. تأكدت منه لما وافق على الزواج بـ ثانية ودمعته وهو رجال حاصرت عيونه .. سكتت شهد .. عمها: الله يرضى عليتس ارضي .. شهد: المكتوب على الجبين مصير العين تشوفه .. الحمدلله ياعمي على كل حال .. الله يوفقه .. بس شرطي ياعمي بيتي ماتسكنه معي آنسانه ثانية .. عمها: مافيه شي هالشي .. والشقه المقابلة هي سكنهم .. . . . بعد العشا .. دخل عبدالله وكانت شهد تسوي العشا وتخلي الخادمة تساعدها .. عبدالله: السلآم عليكم.. شهد وهي تساعد الشغاله وصوتها عادي: وعليكم السلآم .. عبدالله : آخبار شهودتي.. شهد الا هالنبرة راح تخليها تبكي : تمام .. آخبارك؟ عبدالله : بخير دامك ياعمري بخير.. شهد: عبدالله روح بدل ملآبسك وغسل عشان العشا.. عبدالله :وحدي ..! شهد متعوده تساعده بكل شي يخصه وهو تعود خلآص..لفت وهي مبتسمه وداخلها جرح ينزف: نسيت .. ماري حضري باقي العشا.. شبك عبدالله يدينه بيدنها مشوا لغرفتهم .. شهد تطلع له البجاما .. ودخلت تحضر له الشاور .. شهد: يله عبدالله آدخل بس لآتبطي العشا قرب .. عبدالله :من عنوني تامريني آنتي .. شهد : بعد قلبي .. . . . ببيت أبو عبدالله .. عياله .. عبدالله ,بدر ,متعب, وجن , العنود,فواز العنود تتضارب مع آخوها على الريموت لان المباراة بدت وهو يبي قناة معلقها غير ..وهي تبي معلق غير .. العنود: شف لو ماجبت الريموت ترى بقس يفقع وجهك .. فواز: منيب جايب وش تبين فيه ياخي نحس لآعلق مايفوز الهلال.. العنود: اقول انثبر ..تعليقه خقق .. فواز: ياليل عنيد خلآص أنا بشوف شوط بتعليق عيسى الحربين وأنتي الشوط الثاني بتعليق فارس عوض.. العنود جلست وطفت أنوار الصاله عشان الجو : أوكي .. بدت المباراة واستدب الهدوء ماغير صوت المعلق العالي بالبيت .. جات أمهم .. أم عبدالله: لااله الا الله ياحبكم للظلمة .. الله ينور علينا بالدنيا والاخرة.. العنود وفواز مفهين .. فواز : لآلآلآ آنتبه .. العنود : انتتتتتتتتتتبه ..أبعدها عن منطقه الجزاء.. فواز: آه اشوى بعدها .. أمهم : أروح للعشا أحسن لي .. وين أبوكم .. العنود: ها .. أمها: أبوكم وينه؟ العنود: مدري .. أمها: الله يخلف ولآدريتوا عني .. فواز: ايه تكفى جبيها .. العنود: لآلآلآلآ الحين ليه يشوت ياخي مرر فيه فراغات بالعمق .. دفاعهم شوراع .. فواز: الله يستر .. الله يستر .. . . . شقه عبدالله وشهد .. شهد: ان شاء الله يفوز الهلال .. عبدالله: ان شاء الله .. راح يسجل الهلال ان شاء الله .. شهد: ان شاء الله .. قامت شهد من العشا .. عبدالله: وين ماتعشيتي ؟ شهد ابتسمت: حرام عليك عبدالله تعشيت .. ابتسم لها .. قام هو الثاني وجلس جنبها .. عبدالله: قرب عرس بندر ونجد .. شهد: ايه بجد ماعاد وقت .. الله يوفقهم .. عبدالله: امين .. امس نزلتي مع العنود ؟ شهد: ايه وشرينا نفس الفستاين .. عبدالله: بعد شوي أبي اشوفه عليك .. انحرجت شهد: لآ عبدالله .. عبدالله ابتسم: طيب شوفي أذا فاز الهلال تلبسينه .. شهد: عبودي الهلال فايز ان شاء الله .. عبدالله: ان شاء الله .. عاد كأس وبطولة وهالشي يبي له احتفال خاص.. شهد: أوك .. تلآقي عنود وفواز أعصابهم تلفت .. عبدالله ضحك : مجانين هالاثنين ..قبل شوي لما كنت عند الوالدة تحت العنود لآبسه طقم الهلال وحايسة وجهها حاطه أرقام وفواز نفس الحاله بس العنود الطقم الاصلي وفواز الاحتياطي منسمين .. شهد: الحمد لله كلهم يشجعون الهلال والا الليله كانت صارت مذبحة .. عبدالله: ههههههه بجد عاد عرابجه .. شهد: هههههههههه .. عبدالله: ياليل انتهى الشوط الاول سلبي .. صراحه جت لنا فرص موب طبيعية .. شهد: راح يعوضون ان شاء الله.. . . . __________________ |
|
#2
11-18-2010
| ||||
| ||||
رد: رواة وين
_________________ . . . /، هناك أشياء كثيرة لآتُشبهني لكنها تنتمي إلي ...,   |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| زُهّوُرْ مِنْ حَدَائِقْ الْجَنّةْ | شايله جمال الكون | المنتدى الاسلامى | 2 | 05-03-2010 11:11 PM |
| برنامج لتخصيص صورة متحركة مع رنات معينة | Sandylove89 | الجوال بجميع انواعه نوكيا سامسونق الخ mobile | 0 | 02-20-2010 05:33 AM |
| اجمل مجموعة رنات بأصوات الطبيعة Nature Ring Tones | eiadlight | بلوتوث في bluetooth افضل مقاطع البلوتوث الجديدة | 1 | 01-12-2010 12:10 AM |
| من أروع رنات الجوال 2009 | حسون70 | الجوال بجميع انواعه نوكيا سامسونق الخ mobile | 3 | 11-21-2009 08:30 PM |
-الدورات
التدريبية بجامعة نجران-
العرض العادي
