 |
|
|
||||||
 |
 |
 |
 |
 |
 |
 |
 |
 |
البعض يتسائل كيف يمكنني التسجيل و ماهي طريقة الحصول على عضوية بدون مشاكل الحل سهل جدا شرح كامل بالصور ( من هنا )
يوم طلعت مع ابوي البر
 |
|
|
أدوات الموضوع | انواع عرض الموضوع |
05-09-2007, 08:54 PM
|
||||
|
||||
يوم طلعت مع ابوي البر
هذي اول مره اكتب هنا والسالفه مابقى واحد قلتها له الى وانسدح ضحك قلت خلني اضحك شوي اعضاء خفقفق اكسب فيهم اجر بدل الطفش والملل اللي هم فيه يوم الاربعاء اللي راح ابوي قالي وليد البس بلا بنروح قلت له وين قال مالك دخل البس وامشي بس من ذكائي الكثير عرفت ان طالعين للببر لاننا طلعنا بالجيب وفيه العزبه حقت البر <<<<<<<<<<<<<<< بالله لاتفكر مره ثانيه وطلعنا وكان عددنا حوالي 13 نفر المهم اول ماوصلنا للمخيم شاف ابوي خيمه طريحت الارض وتقفل معاه وينزل ويقعد يصارخ على العمال وكل عامل معطي ابوي ابتسامه كبر الشمس من بعيد وابوي يقول وش اللي مخليكم متشققين كذا قاله كبير العمال (( بابا هذا خيمه في قطع رواق وقبه حقه مشقوق وعمود خيمه في كسر من هوا يجي من اول )) تعريف لبعض اللي قلته رواق هذا مثل السور في بيتكم يعني هو جدار الخيمه قبه هذي اللي تجي فوق مره مثل ملحق الخدامه اللي بسطوحكم عمود الخيمه هذا يجي بالنص واقف تقول عسكري بلندن المهم رحت انا واخوي ومعنا شباب بدو مابقى ضب الى وصادوه ومعنا جيب لاندكروزر وانا اسوق هم يمسكو وينطلو بالشنطه شوي مادري الى ذاك الشي اللي جمب رجلي يوم اطالع الى ذاك الضب الصغير مضيع امه ومن الخرعه دعست بنزين احس ان بنزين السياره خلص بسبتها وبعدين قلت وش الفايده من النحشه وهو معي وقفت وفتحت الباب واقوله شوف ماما هناك روح وهو يقول والله لو تروشني ماني نازل قلت هين ياورع امك انت وافتح المكيف واخلي الهواء ارضي وارشه بمويه ماشوف الى ذيك اليد اللي تقول يد افغاني تصقعني من راسي وراسي نشب بالدراكسون ويوم اطالع الى ذاك الطعس الكبير يقول يارخمه هذا مثل الموز اكله قلت موز ولا تفاحه منت نافعني لا عضني برجلي <<<<< سبحان الطعس في خمس ثواني لون عيونه وصارت حمر ووخشته كلها حمراء حسيت انه بينفجر قلت له ياخي عندي حساسيه من الضب صار يناظر لي <<<< نصاب ماعندي شي بس ابي اصرفه عشان لايقوم البقس وانفرش مكاني والحمد لله اخو الطعس ينادي لقد صدت واحدن واقول للطعس هيا بنا نلحق عليهو ووصلنا للمخيم حيث نحنو نقعد وجاء الكابوي ابوي وقال بشرو عسا صدتو شي زين قلت له افا عليك يارجل انا اسوق وماصيد شي زين مادريت الى انا منسدح بوسط الخيمه واوقف واقول ليه ليه الكف وش سويت قال ياملعون الوالدين ياغلطة عمري كله وش دخل السواقه بالصيد قلت اجل مين اللي يسد جحر الضب غيري مين يلحق وراهم لين يطرحون الضب مين يسوق السياره اللي فيها الضبان وشوي اصيح من القهر عاد ابوي هنا ماعاد قدر يمسك نفسه ويمسك الدله والشرار ولع نار بعينه لحقت عمري وقلت حلفت ماتصب قهوه شربت مويه من شوي وبطني مليانه قال لا والله شارب مويه وش رايك تشرب قهوه بالدله ترا طعمه حلو مامداني اقول لا شكرن الى الدله طايره بالافق تبي تهبط بخشتي لكن على مين واسوي حركه مباغته واذ بي خارج الخيمه <<< كفو يا ماتريكس وبعد ماهداء الوالد جاء وقت الغداء ابوي قاعد وجمبه واحد مزعج اهلنا من اسبوعين وهو يقول انه طباخ بالبر ويضبط احلى كبسه وانا وانا فقع راس جدي بقبره ابوي يقوله يالله قوم اذبح الصيد يرد عليه لا اصبر شوي وقعد ابوي ربع ساعه وقام وذبحهم وجاء ابوي وقاله يالله قوم اطبخ يقول لا اصبر شوي مو الحين وشوي الى اخوي نقز وقال والله لو اني طالب من همبرغيني ابرك كل اللي قاعدين واخوي حس انه قال شي غلط ويقوله ابوي همبر نعرفها غيني وش يكون هذا قاله اخوي الحين همبر من كلمة همبرجر وغيني من كلمة لمبوريجيني يعني اطلب همبرجر بسرعه ابوي قاله قوم جيب لي جالون مويه صحه لا اطبخك مع الصيد الحين الله ابوك انت واخوك محسبوين علي عيال ياجحلط يا ملاعين الوالدين وانفك علينا سب <<<< حسيت ان ابوي كره اليوم اللي انولدنا فيه وطبعن قام ابوي وطبخ وهو يطبخ وين الملح ياتبن وين الفلفل ياورع انت يا غلطتي الكبيره وين حطيت القدر واذا طاح مني شي يقول اعمى ماتشوف ياتبن والله يا انا اتعذب معا ابوي كثير المهم بعد ذا المهرجان كله تغدينا وحنا راجعين انا من التعب ادور السرير وين فيه وماشوف غير ابوي يركب ويقول لي تعال سوق قلت له ماعندي رخصه ومالي خلق اتوقف اليوم قال اقول سوق وانت منثبر واركب وانا اقول والله لا ادخل في اول وايت <<<< اريحكم ولا وايت بالطريق جاني وهو حط راسه نوم وكل شوي سوق زين يا تبن ماتعرف تلف ماتعرف تسوق بهدوء لازم تعلمنا انك بغيت تصدم وسويت فيها شومخر وتفاديت الحادث وانا اصلاً ماصار لي شي واذا فتحت المسجل صكه يبي ينام اقوله انا طفشت يقول شوف دربك واسكت الله ابوك وفوق هذا ما تعدا 80 كم بس على مين خليته يدخل بنموته زين واديها الدعسه كلها الى ان وصلت 200 بس العداد فصل وترجع السرعه 180 مو مشكله المهم اني حطيت حرتي بشي -------------------------------------------------------------------------------- مايستفاد من القصه 1- اذا ابوك قالك تعال معي للبر عزيمه تمشيه اللي هي لاتروح 2- لاتخلي ابوك يعرف انك تقدر تمسك خطوط 3- لا تسوي فيها ذيبان بالبر خلك كمخه رخمه دلخ كل شي معرف عشان ماتشتغل اغاني اسلامية اغاني جديدة اشرطة اناشيد جديدة احدث الاغاني افضل الاناشيد اخر و احلى الالبومات كتب اكترونية 
|
|
12-21-2007, 03:21 AM
|
|||
|
|||
|
رد: يوم طلعت مع ابوي البر
الله يصبر أبوك عليك ياوليد ولا يا0000000
اغاني اسلامية اغاني جديدة اشرطة اناشيد جديدة احدث الاغاني افضل الاناشيد اخر و احلى الالبومات كتب اكترونية
|
العرض العادي
