ماشاء الله تبارك الله ماشاء الله لاقوة الا بالله اللهم انا نسالك الهدى والتقى والعفاف والغنى

روابط مهمة و مفيدة : لاستعادة الباسورد الرقم السري || كيف يتم تفعيل الاشتراك || أفضل طريقة لطلب كود تفعيل على البريد

شاعر نبطي · #1 12-08-2010

يقول من شاف المصايب بعينه

شوف القمر في مدمسات الليالي
مصايبٍ ولد الحمايل يدينه

اللي تربّى وسط بيت الرجالي
وبيّحت عن خافي خفاياً كنينه

وسطّرت ما يملي على الطرس بالي
وجاوبت ما يمليه جيمٍ وسينه

عن واقع اللي يدّعون الكمالي
ضعاف النفوس أهل العلوم المهينه

أهل الردى والعيب وأهل الخمالي
اللي يصفون الشعر بالمكينة

واللي يزيدون الكعب بالنعالي
أهل الجنوز الضيقات الثمينة

لبّاسة القبّوع لو كان غالي
اللي يقصون الشعر قص زينه

ويميّلون الكاب جهة الشمالي
عيال الحريم ثقال دمٍ وطينه

ما عندهم غير الحكي بالجمالي
كلٍ نسى سلمه وطبعه ودينه

حَب الحرام وكره درب الحلالي
وكم واحدٍ يلقى معينٍ يعينه

ناسٍ تبي قربه كلابٍ همالي
وكم واحدٍ صادوه بليّا كمينه

وأصبح بخدمتهم ذليلن ذلالي
داسو على رأسه وكلٍ يهينه

وحطو على ظهره خروج الزمالي
إن جيت له بالفرق بينك وبينه

فرق الثرى عن لمس حجم الهلالي
والمشكلة إنه ما تعدى سنينه

عشرين عام أو ما وصلها احتمالي
عشرين عامٍ ما تعدى المدينة

ولا دوّر الفنجال بين الدلالي
لا جاء الصداوي لا ولا ابيار لينه

ولا ورّد الهدّاج بذيك الليالي
وإن ناظرو عدّووك مثل الدفينه

كنك غريب أو فيك خصلة هبالي
يومك لبست الثوب هذي غبينه

وإلا لبست شماغ تحت العقالي
يا جنس ثالث يالكبوش السمينة

يا مسبلين العرض بأول وتالي
مثل الغنم كلٍ يريد البطينة

وكلٍ عليكم داس تحت النعالي
أنتم يسار الكف منتم يمينه

عن ذكركم يكرم جواب وسؤالي
أشنابكم لو ما طلعت حالقينه

وأعراضكم تشرى بربع الريالي
والكل منكم لو يمكيج جبينه

منديل فاين دوم باللمس بالي
وذكوركم ويا النساء خالطينه

اللبس واحد والمراجل شمالي

وسلامتكم: الشاعر حمد العليان

متلثمه بالشماغ · #2 12-09-2010

اللبس واحد والمراجل شمالي .....وش ذا الحسي الزين لاهنت وانا اختك...

شاعر نبطي · #3 12-09-2010

لاهنتي على المرور يا متلثمة بالشماغ ثانكيو

ابراهيمـالحمادي · #4 01-04-2011

مشكور على القصيده

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طريقة عرض الموضوع
العرض العادي الانتقال إلى العرض المتطور الانتقال إلى العرض الشجري