مرّ إسمها صدفه .. وقلت أسلم عليها

وبا المره أنشد .. عن سبب أيام غابتهم

وردت علي السلام .. لون الحزن كاسيه

ومن ردها حسيت .. بثقل أحزان شالتهم

سألتها وش فيك ؟؟ قالت من بلا ويه

قلت البخت قصدك .. أو الناس وفسالتهم

قالت وش اللي أقوله وش اللي تبين أخفيه

قلت من شاف المصايب تهون أكيد مصيبتهم

وقتها اللي أفكر فيه .. كيف أقدر أنسيه

لين إشتكت لي من البشر وظلمٍ زاد قسوتهم

نشدتها كانك حزينه .. صمتك الحين إقتليه

قالت كيف أبنزف لك .. عيوني الموت شافتهم

قلت أنا هو الهوى يابنت ؟؟.. جاوبتني إيه

سألتها وشلون .. وبدت تحكي لي قصتهم

وإنه الدنيا حرمتها .. من اللي يبيها وتبيه

واللي هقت فيه السند .. قدر يجرح كرامتهم

وبعد ماكانت تمايل .. بين الحسن والتيه

صار البخت ظالم .. وياما الدنيا ورتهم !!



وكل ما جت تبيع الهم .. كلٍ رفض يشريه

ولامن تناست همها .. طيوف الليل جابتهم

والقهر ظلم الهوى .. يومٍ بغت تشكيه

ما نصفها حضرة القاضي .. بإجازه باع ذمتهم

قلت أبسأل يا الحزينه .. متى ذا الألم ذقتيه

جيتك أبي تنسين .. غلطت وجبت سيرتهم

وما كان قصدي تذكرين .. همٍ رحل ماضيه

كان قصدي أداوي .. جروح وزدت طينتهم

قالت على إيش الأسف .. وأنا العذر ما أبيه

تعتقد كتم الهموم .. يطفي نار جمرتهم

القصه بدت عشق ووله وشخصٍ جزم يبغيه

تصير بنت خاله وهو .. يصير ولدٍ لعمتهم

كان دايم يجي لأمه .. يقول الحلم ما شفتيه

يمه قريب بتخرج .. وخلاص أخطب إبنيتهم

كانت هي أحلامه .. وهو كان بشرف يبنيه

إلين إفـ يوم صارت فيه أجمل ما في سيرتهم

وقبل ميعاد يتخرج .. على جمرها تحتريه

كانت حكمة الله .. هي أكبر من إرادتهم

اللي تحبه وتوفى .. رحمة الله عليه

وبدال مايبدى الفرح .. كانت عزاته نهايتهم

وقفتها وقلت الحزن .. وكفايه لهنا طاريه

خلاص ما أقدر أتحمل أحاسيسك كيف عاشتهم

ماهوبـ حرام المشاعر .. على نار الألم تشويه

بدل ما تدعي إن الله .. يعوض عن خسارتهم

قالت أرجوك إنتظر .. وإسمع الهرج باقيه

قلت في قلبي ياويلي .. فوق هذا وعاشتهم

قلت وش غير الألم .. موتٍ ولا عشتيه

سالت على الخد دمعه .. من يوم قالتهم

وكملت مرّ الزمن ووشاح الحزن كاسيه

قصه قديمه لعمي .. وهلي زادت عداوتهم

ويمٍ تراضوا معه .. جاها وهو يمدّ يديه

يبيها حليله لولده .. وبا الدار تصير وردتهم

قالوا لها هذا قريبك .. وحنا بك نوصيه

وتم الفرح في يوم .. صوت الناي عزفتهم

وسبحان اللي بعد هذا .. طلع ما كنها تعنيه

وبعض البشر وشلون ؟؟ صحيح الرحمه خانتهم

كان يشتمها ويضرب .. لين العظم يدميه

يقول إنه تزوجها .. لسبب يقتل كرامتهم

وعشر شهور مسكينه .. صبح ومسا تبكيه

وتحلم ولو ليله .. هي متى تامن مضرتهم

حاولت تصبر عليه .. وموقع ضربته تخفيه

ولأجل هذا تمادى .. وبدى يقصد إهانتهم

وبعد الشهور العشر .. اللي قدرت تجنيه

إنها صارت ضحيه .. لمجرد سوء نيتهم

وتخاف من شكل المرايه .,. لا تجي فيه

معذوره دام الناس .. بدت تخدع عبايتهم

تضحي بعمرها دونه .. وهو با الغدر يجزيه

وتشب العشر نورٍ له .. وطفى نور شمعتهم

وهذي نهاية عمرها .. واللي بدت ترثيه

وغلست إيدي أنا .. من حياة الحب وحلاوتهم

عرفت إن البخت مرّ .. ويله من يعاديه

وياما ناس با الدنيا .. سوّد فيها حالتهم

وإنه ماكل من تمنى .. حقق اللي يبيه

وكيف بعض الناس .. صار الموت منيتهم

ــــــــــــــــــــــــــــــــــــــــــــــــــ ــــــــــــــــــــــــ

إدعوا لمحبوبها المتوفى با الرحمه

وإدعوا لها بأن تعيش مستقبلاً مشرق

وإدعوا لي أنا أيضاً

فأنا في أمس الحاجةِ للدعاء

تحياتي

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي