|
| |||||||
 |  | |
 |  |  |
 |
| | أدوات الموضوع | طريقة عرض الموضوع |
11-05-2002, 03:04 PM
| |||
| |||
| فيحان الاسكندراني هلاواللله تحياتي لك القراء في كل مكان وفي كل وقت تقرؤون صحيفتي بطلنا اسمه فيحان الاسكندراني .؟؟؟؟!!! طبعا كلكم مستغربين وطاقتكم البوهة .؟ وش لون تجي فيحان وفي الاسكندرية = العادة شوئي ، والامدحت بس هالمرة فيحان.... فيحان هو احد ابناء الاعراب((اخوان بدوة)) النا زحين من الجزيزة العربية وتحديدا من الدوادمي الى الاسكندرية .؟ ولكن لهذ النزوح الاليم ،والتحول الكبير في حياة فيحان قصة اجبرته الى الانتقال الى هناك في عام 120 هـ بدأت التدهورات وبدا الضعف يدب في الدولة الاموية ، المهم جد فيحان الاعظم احد الاعراب الموالين لدولة الاموية وكان جد فيحان الاعظم مشبب بن عبادة الاشهب احد المطلوبين للدولة العبااسية يقول لك مؤسس الدولة العباسية ابو العباس السفاح قال لهم : جبولي ذالك الاشهب لاقطعنه اشلاءا اشلاءا ، ولالعبن بكرشته كيرما لعبا مبرحا ((عاد كيرم القبليين يجيك طوله خمسين متر في خمسين متر )) وكان جد فيحان مشبب من زين الطبايع توه متزوج ودازين له من بيت مال المسلمين عانية مقدارها خمسون ناقة حمراء من اجود انواع النياق المهم وهو سمع مقولة ابو السفااح مير يهج ويزبــن بالاسكندرية ، وترك النياق عند واحد يقاله عواض بن كهل الكراعي ابن عم مشبب أمانة لحين عودته وسافر الى الاسكندرية . عاد قعد هناك وبنا بيوت ومزارع وجاه عيال وبنات وجاءت اجيال وغابت اخرى ومنهم انحدر بطلنا فيحان الاسكندراني . ولد فيحان الاسكندراني عام عرف بعام الكشش يعني الموضة في هالسنةالكشة تلاقي كشة الواحد كنها جماهير الاتحاد في الدقيقة خمسة واربعين ، يعني قمة في الانتفااش يعني كشة منصور مفتااح من اول ما تاكل معاهم عيش ، وكشة ابو غراب ما تجي عندهم شي . المهم ولد صا حبنا فيحان بلاسكندرية وكانت اسم امه صنته عبد الغفور شحاته . نشاء فيحان نشأة علمية وفلاحية بحتة وكان قلبه متعلق بالعلم مثل تعلق الملاعب بالاعب الكبير جدا صالح النعيمة ابو فهد ((ياروحي يا نادي الوحدة= واحد مايدري وين الرياضة معه )) الوكاد ان الولد يحب العلم كبر شوي ونبتت له الكشة وهذا دليل علىانه بلغ مبلغ الرجال ويقدرون يدخلونه الجامعة سووا له اختبار تحديد الكشش المعروف آنذاك ((وش رايكم بآن ذاك = ما هبل بابي العتاهية الا هي )) في عام 546 هــ دخل الجامعة وبدى يداوم الولد كل يوم الساعة ست مسنتر ،طاق التكميلة ام عشرين ريال (( الي تجيك سروال وفنيلة وشرابات طقم واحيانا يسون عرض ويعطونك معه القبوع هدية))الكشة عند البواب ومعه كتاب المعلقات يتصفحه . في هذه الاثناء كانت عمشة بنت العمدة محماس البنت المدللة ،والدلوعة والباهرة الجمال يعني ملكة الجمال نعومي كمال آل طه ما تصف عندها شي عااااااد آآقولك كانت تقز فيحان وهو لايعلم مايدري تناظره واعجبت حقيقة بكشته اكثر شي عجبها به الكشة التي كانها جلمود صخرا حطه السيل من علي مهوب علي وبس الا عبد الرحمن وعزوز والخ كانت تجي عمشة بنت العمدة محماس بالكارتة او العربة على المحاظرة الساعة ثمان عاد كان جدولهم يحبه قلبك المحاظرات ورى بعض مهب مثل جداول جامعتنا بين كل محاظرة ومحاظرة مسيرة يوم وليلة مهوب جدل محاظرات هذا ....هذا جدول دوري السودان يا شيخ المهم بدت تتعلق بفيحان ، وتسمع كلامه وتقرب منه شوي ، وتدنو منه شوي كتلعق المبزرة بالسوني او يزيد قليلا . وفيحان صاااكها بأشكل يحبه قلبك عزيزي القارئ ماجاب خبرها وهي بدت تتلزق تجيب المركة وتجلس بجنبه بين المحاظرات في الفسحة اذا جلسوا في الملحق حق الطلاب ؟؟؟ وفيحان طول وقته ماسك كتاب ذا الاناشيد ويقرى طااابعة ما شااء الله عليه دافووووور وعمشة بنت الملعم محماس كل ماتشووف هالصد منه تزداد شوقا اليه وتولعا فيه وتقول في قلبها : يا ألبي يا فيحان ، يا ويحي . أمته يقي اليوم الي تعرف فيه عن اشوائي وفيحان شغله الشاغل دراسته . في يوم من الايام في محاظرة النصوص كان مكلف فيحان انه يلقي قصيدة من كلماته : وفيحان البارح طول الوقت وهو يتمرن وكنه سامي الجابر اذا قالوا له بنغير بك قم سخن = طبعا من اول الحين طاقها اساسي وهو يضحك ويقول مطلع القصيدة الي القها فيحان والي هي عبارة عن الف وخمس مية بيت نظمها فيحان في عيد استقلال الاسكندرية عن طنطا يقول المطلع : وحياة المرسي ابو العباس .... الاسكندرانية اقدع ناس وكلمة اقدع ماخوذة من اجدع : وهي من جدع العربجي اذا قام بالتجديع وهو التنطيل والتفحيط حيث ياتي العربجي بصهوة الميتين ال خليجي او الكامري كي ام مصفي الطبلون وينطل السيارة بالجهة اليمنى تارة والجهة اليسرى تارة اخرى وهكـذا الى ان يضف له عمود او احد المشجعين مــا علينا وقف فيحان يبي يلقي القصيدة ورجع الكشة بيده ورى عشان يقدر يشوف الورق ويقرى القصيدة وعمشة تناظره اول ما رجع الكشة يوم انهبلت عمشة طاحت عليهم ويزداد حبها له. المهم قرى وقرى وقرى والجميع كبر وصفق على قوة الالقاء وعمشة تناظره وهي خااااااقة معه هبل بها جماله يا جمااعة وجمال كشتة المنكشة خلص الالقاء وراح الملحق ويطلب له سندوتش فول بنكهة التمر وحليب نياق قليل الدسم يوم مادري الا هالمركة الي قربت جنبه والا طلعت مركة عمشة .؟؟ّّّّّ!!! وقالت : مساء الخير .؟؟ّّ!! فيحان كان لاهي بالسندوتش ما سمع وكان الملحق زحمه . عاد هي قالت مرة ثانية وبصوت مرتفع مساء الخير يا فيحان عاد هنا انتبه فيحان وقال : اهلا وسهلا مساء الخار أزيك ((ماكمل اللقمة )) عمشة : انا كويسة انت ازيك ، حئيئي كنت كويس وانت بتؤوول الأصيدة بتاعتك فيحان والفول على براطمه الي كنها لستك سيكل 26 احمر : حئيئي شكرن مرسيه ربنا مير يسلمك ،ده بس من زوئك المهم كمل الفول وقام وقال لها : عن ازنك دل وأتي ، عندي محازرة. وقام فيحان واخذ معه سير الكتب ومش خشته بكم القلابية بتاعته ومضى الى حال سبيله ..... وعمشة تناظره وتقول في قلبها : انا افدى زال الكشة يخواتي وتغني ألي في بالي بالي بالي ولا على باله... باله باله وهي تقول : اخيرا ادرت اكلمه الواد الحليوة ده وعلى هالحال ذب وجيه على فيحان يوميا وتذكرنا بالفنانة احلام كل يوم تذب وجها على ابو عبدة الين غنت اغنيته يا ليل يا مجمع السلنتح والحبيبة .... المهم واله بدى فيحان يحس ان هالبنت طمعانة فيه : مادري وش خلاه يحس هالاحساس مع انه اعرابي لا يملك قوت يومه احلى ما فيه في ذالك الوقت كشته الي هبلت ببنات حتــتـهم بصراحة فيحان حبها وبدى يبادلها الشعور بس بثقل وتروي يذكرني بدايسكي اول ما جا يشبك هيكااارو انواع الثقل الي يا شيخ مع انه يبيها .... بس ثقل وثقل الين شبكت صح واخذ رقم جوالها بدى كل يوم يشوفها في الملحق وتباشر عليه وياكلون سندوتشات فول بالتمر وغيرها واذا أذن الظهر توصله بالعربية بتاعت ابوها لحارتهم وسوالف ومزح يالله من فضللك مرت الاياام بسعادة ياروحي يا سعاد عبد الله يا شيخ وفيحان قالها انه يحبها ويبي يجي يخطبها رسميا من ابوها العمدة محماس الدمنهوري والله ويلبس احلى شي عنده القلابية الي شاريها من محلات كل شي بخمسة ويتسبح ويطلع دستة شروخ ام عصفور ويشبه ويفجرها على كشته وينفش الكشة لزوم الكشخة طبعا ويخاويه ابو فيحان وام فيحان ..... وام فيحان تقول : كللووووش كلوووش الف الصلاة على النبي يا لف مبروك يا لف نهار ابيض والله وحتبأي قدة يا صيتة وابنك حيقوز ويضحك الجميع من الفرحة وفيحان فااااااق الكشرة وكانه الاعب كيندي يوم انطرد في اخر مشاركة له مع قلطة سراي ... ويروح لابيها والاحلام تتراقص امام عينيه على باله ابوها يبي يوافق ما يدري وش يبي يصير .... وصلوا عزبة العمدة محماس الدمنهوري والغفير عويض معه الشوزن ..؟ مين انتو وعااااااااوزين مين .؟؟؟ طبعا فيحان تكلم وبكل هدوء : اني فيحان وعاوزين العمدة يابا الحج .؟؟ عويض : انت فيحان ..؟ طيب حقول للعمدة ,,, ............................ دخلوا عند العمدة وشاهي وقهوة وتمر وخش ابو فيحان مع طريق الخدمة ودخل بالموضوع على طول وتفاجاو برد محماس العمدة وقال : والله لو هيه زبيحة معشتكمش يا ابو فيحان . قيتك غالية عندي أوي أوي وعلى راسي من فوووووء بس اني بنتي عمشة معنديش بت غيرها غالية عليه قوي ومهرها غالي بتي عاوز مهرها خمسين نااااااااءة من النياء الحمر هنا طقتهم البوهة ، وطلعوا مع الخدمة واستلموا الدائري من وين يجيبون لهم خمسون ناقة يا شيخ لو يبيع بيتهم ماجاب ناقة وحدة والولد تعلق فيها ما يقدر يتركها وبدى يفكر فيها ما ش الولد كل يوم يطلع السطح ويتسدح فوق ويناظر الحمام والنجوم على باله رومنسي يعني ويقول : ايه ده ليه ما كناش من عوال الكاش .... جااه ابوه وشاف حالته وقال له : بص يا واد يا فيحان قال فيحان : لبيه يا بابا قال ابوه : انا عاوز آ ؤلك على سر كبير .؟؟ لازم تعرفه .؟ فيحان : خير يا بابا .؟ غرفة ألبي فيه أيه .. ابوه : أنت ليك أبن عم اسمه عواز ((عواض)) ساكن بالقزيرة العربية بالدوادمي؟؟ . ديرة أقدادك يا أبني . عواز ده واد كااش أوي أوي ، معاه درااهم آآآآدي كده ((ويشر على كشة فيحان)) تروح تأوووله بابا بيسلم عليك أوي أوي وتؤؤله انا محتاق لك توأف قنبي يا بن عمي وتفزع معاايه ينوبك سواب ، وتديني خمسين نا ءة بتاعة بابا مشبب وتقي بسرعة ونشبكك على بنت المعلم محماس ، مدام انت عاوزها وخاشة مزااقك أولت ايه .؟؟ فيحان رجع ظهره ورى ورفع الكشة بيده ، وفكر شوي ، وقال لابوه فيحان: بابا ابو فيحان : يا لبى ألبك يا دنايه ((ظنايه)) فيحان : والله يا بابا مش عارف اشكرك ازاي ، انت بابا وماما وكل حاقة بالنسبة ليه انا بكرة حاااركب المهرة بتاعتك وادوس لدوادمي ما بدهاش ابو فيحان : بالسلامة يا فيحان ، خد الكروكي ده وصف بيت واد عمك عواز ، خد بالك من نفسك يابني عااد عند ابوه مهرة لو انك بالرياض تعطيها نمرة ...الاول تجيب لك سبعين الثاني مية الثالث مية وعشرين الرابع انت عند الحدود حقت البحرين طبعا رايح عندك مؤتمر هناك في فندق بيسان الخامس انت في غرفة 405 فور خندرد اووو فايف تلعب كيرم مع فور خندرد او فايف الي يفوز يدفع توخندرد ...... والله ويطلع جواله ويدق على عمشة ويقولها انها تحتريه ولا هب مبطي يعني ثلاثة اهلة ويبي يرجع للاسكندرية ((باين انها نصبة :D)) دعت له عمشة وقالت : ألبي معاك يا فيحان. روح والالب داعي لك يا حبة عيني ((يا حبة دجاج مع الرز = ياخي ذبحنا ذا البخاري لو افتح بطني لوجدت اكياس رز متى بتزوج متى )) همن قالت : لا اله الا الله قال لها : محمد رسول الله ... ويحط فيري على خشة المهرة عشان الغبار ويخاف علىا لبوية المهم درقن درقن درقن درقن الا هو واقف في تفتيش الدوادمي .؟؟؟ قال له العسكري : الاقامة والاستمارة .؟ ((ولو ان مافيه تفاتيش من اول )) والله ويعطيه ويتاكد من اوراقة ومير يسمح له بدخول الدودامي و والله ويطلع كروكي بيت عوااااض وينصاه على طوول ، طبعا مات وتفاهم مع احد ورثته والله ويتفاهم معه وماقصروا ورتث عوااز ولموا له النياااق واكرموه كعادة الاعراب في ذالك والين الوقت الراهن المهم و النياق كثرت وصار عددها كبير جدا له ماصدق عينه فيحان وقاام ينااقز من الفرحة ((كنه ناصر الجوهر يوم المنتخب جاب التعادل والفوز في مبارة قطر الاخيرة )) ويبي يرجع هالحين لم عمشة الي تحتريه على نار ويقول بقلبه : دل وأتي معايه النياء حافأع وش العمدة محماس لو ماقوزنيش عمشة بنته وكان هالكلام في عام 548 هـ يعني من زمان جدا ايام اطق الكرة كعب برجلك يحسبونها هــدف لك المهم يوم جاا للاسكندرية ويدخل وتصير الخيانة الكبيرة يوم دخل الديرة ومير ينصى ابو حصة الوراق ويكتري منه جريدة الاهرام ويقرى في الصفحة الاولى تهنئة : يهنئ الباشا طلق الدرملي اخيه حصين الدرملي وذالك بمناسبة عقد قران ابنه دويس على كريمة ابنة الحسب والنسب وربيبة الدلال والحسن: عمشة بنت العمدة محماس ...ويحي العرس فرقة اباسرااج للاحتفالات .... ألخ هنا صعق فيحان من هول الصدمة ... ذهل وخر على خشته وبكى بكاءا مريرا ،يشابه بكاء الاعب روماريو يوم هونوا ولا ظموه للمنتخب البرازيلي راح لم اهله ودخل عليهم وقد فقد صوابه اول ما دخل على ابيه ساله عن الخبر ..... فوجئ بتصديق ابيه له ..... وقال له : تعال بحظني يا بني كل شيئ بالدنيه ده اسمة ونصيب ربنا يرزؤك ببنت الحلال فيحان بكى وبكى وبعد فترة نسى هذا الجرح وتناسى احلا ايامه معا من احب وبكى كبكاء الام على فراق الابن الغالي ومثل بكاء الاتحاد على فقدان البطولة الغالية ولكن لابد من وقف الدموع وان ينسى الجراح اخذ النياق وسوى بها مشروع وزودها وخلاها وقف أي احد يبي يزوج يسااعده وانتهت اسطورة فيحان البطل الذي لايقهر مع تحيات أبوحمد |
|
11-05-2002, 05:04 PM
| |||
| |||
| خخخهخهخهخهخههههههههههخهههههخهخخخخخخخههههخهههه الله يرج عدوينك عليك مزج ثقافات :D :cool::D لا وكله ولاابو فيحان : يا لبى ألبك يا دنايه ((ظنايه)) يعني حقيقه الله يرجك على هاموضوع تحفه تسلم اخوي ابو حمد ويعطيك العافيه |
|
11-06-2002, 01:42 AM
| |||
| |||
| هلاهلاهلا والله المسلطة تدرين وش احلى شي في هالمنتدى .. خااصية الرد المستعجل هذي لو يحطونها في المحكمة المستعجلة كان تشووفين وش يصير مشكورة على قرااتكم للموضوع ومشكورة على الرد ولايفوووتك القاااادم اخيك ابي حمد |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-
-
العرض العادي
