هذه الابيات اعجبتني وعسها تعجبكم
وماعرف مين الي قالها

البارحـه يـوم كـل النـاس هجاعـي *** جفني همومـي عـن المرقـاد مانعتـه

مانمت ليلـي وحيـد وناظـري واعـي *** والهـم مابيـن فكـر وقلـب وزّعتـه

وردت علي الهجوس اسداس وارباعـي *** والكـل منهـا يمـون وقـال رابعتـه

وقمت اكتب ابيات فيها القاف مطواعـي *** ان طــاع والا تحديـتـه وطوّعـتـه

ياغايـة الـروح ياعيـدي ومرباعـي *** ارفـق علـى خافـقٍ بالحيـل لوّعتـه

ياكيـف تصغـي لعذالـك بالاسماعـي*** لين ازعجـك قـول ملقـوفٍ تسمعتـه

وتقول مستقبلـك مـن سبتـي ضاعـي *** وانت السبب تعرفـه وتقـول ضيّعتـه

هاذي ظروف الزمان اشكـال وانواعـي *** كم غيرنا اللي ظروف الوقـت موجعتـه

والضيقه اللي بصـدرك مالهـا داعـي *** انا حبيبـك وفيـك الحكـي مـا طعتـه

اشفق علـى شوفتـك مانيـب خداعـي *** معـك الغـلا ياحبيبـي مـا تصنّعتـه

لو تدري بحـب قلـبٍ منـك ملتاعـي *** ماكـان تليـت معلـوقـه ومزّعـتـه

يابو عيـونٍ كحيلـه سـود ووساعـي *** لك باب قلـب العنـا يازيـن شرّعتـه

ولا غيرك احدٍ عرف عن جملة اوضاعي *** وحدك علـى عالمـي بالـذات طلّعتـه

بالك تجـي يالطيـف الـروح طماعـي *** ثم تخسر ضعـف مـا تملـك وجمعّتـه

اسمع كلامي عـدل يازيـن الاطباعـي *** قـولٍ علـى ماتبـي صغتـه ونوّعتـه

إن كان تمشـي لمحبوبـك بالاسناعـي *** انا اشتري القرب منـك ولا بعـد بعتـه

وإن كان شفتك لهـرج النـاس سماعـي *** بالشمع الاحمر خفوقـي عنـك شمعّتـه

هـذا قـراري وتوقيعـي بالاصباعـي *** توقيعـي اللـي بـدم القلـب وقعـتـه