قصة يابدايات المحبة يانهايات الوله (قصة سعودية رومانسيه من أرض الواقع )

يابدايات المحبه يانهايات الوله (الجزء الرابع)
وهذا الجزء مهدا الى دلع الحياة وان نشاله ترضين
يوم الخميس (في بيت أبو سلطان بعد المغرب )


كانت ريم تصلي المغرب وبعد نهايتها من الصلاه بدات تتجهز علشان تستقبل صديقاتهاوبنات عمها وكانت ريم عزمت هديل ووفاء بعد مثل مااتفقوا وكانت محضره لسهره حلوه مره مثل السهرات المعتاده لهم ولبست ريم وكعادتها اكتفيت بوضع مكياج هادي جدا وفتحت الدرج تبي تأخذ العطر لكن تفجأت ان عطرها خلص وان انشغالها بالدراسها نساها انها تشتري عطر جديد ونسيت بعد انها تشتريه يوم نزلت مع عبد الله السوق فقررت انها تروح تستأذن ساره انها تأخذ من عطرها وراحت غرفه ساره وطرقت الباب...
ساره: مين؟؟؟
ريم: انا ياساره لو سمحتي افتحي بسالك عن شيء!
ساره : ثواني ريم .
وشوي فتحت الباب
ساره : هلا ريم ها البنات وصلوا ؟؟؟
ريم : لا بعدهم ماوصلوا بس خلاص على وشك وانا لبست بس جيت ابتعطر علشان انزل اكمل تجهيزات السهره واتفقدها لقيت عطري خلص ممكن اخذ أي عطر من عطورك اتعطر فيه. ؟؟
ساره: لبيه ياعيوني روحي التسريحه بتلقي عطور كثيره اختاري اللي تبغى وتعطري ؟؟
ريم : يسلمووووووووووووووو سرونه اشوفك جاهزه ( وتأخذ عطر انانيا وتتعطر)
ساره: ايوه خلصت الحمد لله يلا ننزل انا وانتي نشوف المجلس والاستريو وكل شيء بس قليلي انتي ذكرتي السواق يروح يجيب الاغراض؟
ريم : ايوه الاغراض بعد وصلت والحين بنزل اجهزها .
ساره : أوكي ريومه يلا مشينا .
وتنزل ساره وريم وتروح ريم تبخر المجلس وساره تجلس تجهز العصير.

(في بيت ابو ماجد )

وفاء ( وهي تدق على باب غرفه ماجد ) : مجودي يلا انا جاهزه !
ماجد: أوكي وفاء دقيقه بس وبطلع لك انتي اسبقني على الصاله .
وفاء : أوكي .
تنزل وفاء ولا شوي يدق جوالها


(هدوله المرجوجه يتصل بك ).....

وفاء: الو ياهلا والله هدوله كيف الحال.؟
هديل : بسم الله يالخبله مالحق ادق دقه الا انتي راده علي ؟؟؟
وفاء: زين يالخبله المره الجايه بخليكي تدقي لين تطقين .
هديل :ههههههههههههه صدقيتي اقول لاتصدقي الله يكفينا شرك بس ههههههههه
وفاء: بس ولا قطو ههههههههههههههه
هديل : تنكتين مع وجهك هههههههههههه أقول وفاء متى بتروحي عند ريومه .
وفاء: انا جاهزه الحين بس انتظر البرنس يخلص .
هديل : اها طيب انا شوي بعد وبلحقكم اوكي .
وفاء: أوكي مو مشكله بس لاتتأخري بعدين ريم وشهد ياكلوكي بلسانهم
هديل : هههههههههههههههه ايه خصوصا شهوده ام سعبين لسان.
وفا: هههههههههههههههههههههه الله يرجك جالسه تحشين فيها يادبه؟
هديل: أقول وفاء انقلعي بس ترى صرفتي علي وكلفتي على بالك فاتورة جوالي قليله اعتقد بتجي 500 هذا الشهر وكله منك ياهبله انتي وريومه قلبي.
وفاء: اقول مالت بس الحين انا صرت هبله وريم قلبك طيب الشره على اللي يرد عليكي.
هديل : يؤؤؤؤؤؤؤؤؤؤ بنت ابو ماجد عصبت امزح معك صدق انك خبله .
وفا: ههههههههههههههههههههههههههه وربي ماغلط يوم سميتك بالجوال هدوله المرجوجه الله يرجك فوق رجتك.
هديل : هههههههههههههه آمين ان شاء الله انا وانتي بقوطي سن توب.
وفاء: هههههههههههههههههه وربي انك مو صاحيه يلا بس أشوفك هناك لاتخلصي السوالف علينا.
هديل: أوكي سي يو
وفاء: سي يو.
وتقفل الجوال وتنزل للصاله وهي لابسه عبايتها وتنتظر ماجد وشوي ينزل ماجد
وفاء: أحلىىىىىىىىىىىىىىىىى وش الكشخه هذه وش وراك شكلك ناوي سهره محترمه مع شله الانس.؟
ماجد : هههههههههههههههههه ياشين اللقافه بس اقول وفاء شرايك فيني ؟
وفاء: وربي كشخه ماشاء الله تبارك الله رقيتك من كل عين ههههههههههههه.
ماجد : ههههههههههههههههههه الله يرجك بس صدق انك مرجوجه وانتي ايش الكشخه هذه والحركات الحلوه ياهوووووووو على البيج بس هههههههههههه.
وفاء: ههههههههههههههههههه علشان تعرف ان أختك ذوق المهم جبت لي هديه ريم ؟
ماجد : أي هديه ؟
وفاء: مجودي عن الهبل عاد العطر اللي وصيتك عليه
ماجد: اها قولي كذا ايه جبته بالسياره وغلفته بعد تغليف حلو .
وفاء: ياجعلني مااخلا يسلمو خيوووووووووووو أوكي يلا بنروح لأني تأخرت وبعدين وش يفكني من كلام ريم هههههههههه.
ماجد: أوكي توكلنا .
ويركب ماجد ووفاء السياره ويوصلها لبيت أبو سلطان وتنزل وفاء تدق الجرس وماجد ينتظر بالسياره لين دخلت وفاء وبعدها يدق جوال على عبد الله.
ماجد: عبوووووووووووووود يابعد قلبي والله هلا السلام عليكم ورحمه الله وبركاته .
عبد الله: هلااااااااااااباأبو المجد حياك وعليكم السلام ورحمه الله وبركاته.
ماجد : ها كيف الحال بشرني عنك عساك بخير يابعدي ؟
عبد الله : تمام بخير بسماع صوتك وأنت كيفك ؟
ماجد : والله انا تمام ماعلي بخير .
عبد الله : ياجعلك دوم أقول أبو المجد أنت وينك فيه ؟
ماجد : أنا تحت عند بيتكم اطلع لي بسرعه بنروح انا وانت الاستراحه انت جاهز؟؟
عبد الله : أيه جاهز الحين بنزل لك يلا قفل .
ماجد : أوكي يلا سلام.
عبد الله: سلاااااااااااااااااااام
وينزل عبد الله مستعجل علشان لا يتأخر على ماجد وهو طالع من البيت يشوف اخته ريم واقفه مع وفاء ترحب فيها
عبد الله : احم احم طريق .
وفاء: وي بسرعه ريومه خلينا ندخل هذا عبد الله اخوكي اكيد الطاس ماجد بره ينتظره ؟
ريم : ههههههههههه ياخي عادي شفيكي تخرعتي كانك شايفه جني ههههههههه.
وفاء: ريووووووومه مع وجهك تضحكي وجيعه انا كذا كاشفه وجهي وبمكياجي وانتي تقولي كذا يلا بسرعه بندخل .
ريم : ههههههههههههههههه الله يرجك يلا بسرعه طيب ادخلي حياكي نور البيت.
وخلال هذه الفتره عبد الله كان يحاول يلفت نظره ومو سامع الحوار اللي داير بين ريم ووفاء ويوم دخلت وفاء خرج لماجد .
ماجد : شفيك تأخرت يادب ؟
عبد الله : هههههههههههههه الله يرجك كنت انتظر اختك تدخل تعرف البنات يوم يرحبوا ببعض سنه يجلسوووووووو هههههههههههههههه
ماجد:هههههههههههه صدقت والله يلا خليهم يستانسوا.
عبد الله : أوكي يلا يادب مشينا لنتأخر على الشباب.
ماجد : أوكي توكلنا.
وينطلقوا الشباب على الاستراحه

في بيت أبوسلطان

ساره: حي الله وفاء القاطعه وينك يادبيه .؟
وفاء: الله يحيكي ياقلبي وربي ياسرونه تعرفي الامتحانات وقرفها وانتي من قبل مجربه هذا الشيء.
ساره : صادقه والله الله يوفقكم هذا انتم استرحتوا وبتجلسوا ثلاث شهور وبترتاحوا.
ريم :أقول وفاء انا وانتي بنروح يوم شوبينج شرايك علشان ملكه سرونه ؟
وفاء: أوكي ماعندي مانع ريومه نتفق على يوم وانا حاضره .
ريم : تمام أوكي خلال الاسبوع هذا لازم ننزل انا وانتي ان شاء الله .
وفاء: على خير ياقلبي ساره وانتي جهزتي شيء ؟
ساره : لا والله بعدي ماجهزت بس ان شاء الله خلال الايام الجايه بنزل اشتري لي فستان الملكه وكمالياته ان شاء الله .
ريم : انتي ماعليكي اختاري بس الفستان وحددي لونه وخلي الكماليات علي انا ووفاء بنشتري لكي اشياء حلوه مره.
ساره: أوكي عيوني مو مشكله انا حاطه لون بمزاجي بس مادري بنزل السوق واشوف الموديلات النازله انا بعد مابدي شيء مره مزخرف يعني شيء كلاسيكي هادي .
وفاء: أحسن شيء الهادي لانه الشيء السيمبل يعطي شكل روعه وانتي ماشاء الله عليكي ملامحكي حلوه وطفوليه.
ساره : تسلمين ياقلبي أوكي اتفقنا أجل.
وشوي يدق جرس الباب وتروح ريم تفتح وتلقى عند الباب هديل وشهد سلوى .
ريم : ياهلا والله بمن جانا حي الله من لفانا وجاء
سلوى + شهد + هديل : الله يحيكي ريومه .
ريم : هدوله يادبيه انتي والخبلتين اللي معك ليه تأخرتوا ولامتفقين تمرون على بعض ؟
هديل : لا والله انا وصلت ولقيتهم عند الباب وصلوا وطبعا ناصر وفيصل راحوا مع بعض للاستراحه فهمتي كيف .
ريم : ايوه عبد الله بعد راح مع ماجد اخو وفاء ولو شفتوا ههههههههههههههه عبد الله طلع بوجه وفاء هههههههه.
شهد : هههههههههههههه من جدك والله اكيد وجهها صار الوان هههههههههههههه.
ريم : تعرفين وفاء قامت تهزاء فيني الخبله قلت لها وان وش دخلني هو اللي طلع يفكرك دخلتي هههههههههه.
سلوى : هههههههههههههه الله يقطع سوالفكم وانتي بعد ياريم تتشمتين .
وتدخلهم ريم المجلس .
ريم : ههههههههههه ايه اتشمت ههههههههههه.
وفاء: هلا والله ببنات ابو ناصر وبنت ابو صالح يالله تحيهم .
شهد +سلوى + هديل : الله يحيكي يارب.
وفاء : ريم انتي قلتي تشمتين على وشو ؟
ريم : هههههههه ولا شيء .
شهد : هههههههههههههههه لا تكذبي وفاء ترى ريم كانت تتشمت فيكي يوم عبد الله طلع بوجهك ههههههههههههههههه.
وفاء ( ووجهها أحمر ) : وجيعه ريم يالفضيحه انتي الله لايسلطك على مسلم فضحتني استروا ماوجهتوا ههههههه.
ساره : ههههههههههههههه بالله من جدك عبد الله طلع بوجهك ههههههههههههههه.
وفاء: سررررررروووووووووونه خلاص بالله ههههههههههههههههه غثيتوني تكفون بس انتم اللي ماطلعتوا بوجه أحد .
ريم : هههههههههههههه أنا لا الحمد لله ههههههههههههههههههه لاني انتبه زين مو مثلك ياخبله ههههههه.
شهد : ريومه لاتتشمتين ترى بعدين يصير فيكي مثلها ههههههههههههههههه.
ريم : لا مارح يصير لاني مفتحه عيوني زين .
سلوى : شقصدك مفتحه عيونك يعني تناظرين ها طيب طيب عند عمي محمد بعلمه عليكي هههههههههه.
ريم : الله يأخذ عمر عدوك وش تقولي انتي الله يرجك ههههههههههههههههههههههه قصدي اني منتبه .
وفاء: ههههههههههههههههه تستاهلين علشان انتي ماصدقتي يالفضيحه تلقين شيء علي .
ريم + ساره + شهد + هديل + سلوى : هههههههههههههههههههههههههههههههههههههه
وشوي تدخل على البنات ام سلطان .
أم سلطان : السلا م عليكم ورحمه الله وبركاته انا جيت اسلم عليكم واشوف اخباركم يالله تحيهم هلا فيكم والله نورتوا البيت.
شهد : البيت منور بكي ياخاله كيفك ياخالتي ؟
أم سلطان : بخير يابعدي كيف أمك ؟
شهد : بخير ياخالتي الله يسلمك يارب .
أم سلطان : وانتي يابعدي ياسلوى كيفك ها لقيتي وظيفه ولا لا ؟
سلوى : لا والله ياخاله على الله ان شاء الله الرزق قريب .
أم سلطان : الله يوفقك يارب ويرزقك بالزوج الصالح .
سلوى : بحياتك ياخالتي .
أم سلطان : هلا والله ببنت أبو ماجد نور البيت فيكي وين الغيبه ؟
وفاء : هلا خالتي البيت منور فيكي وبعمي والله ياخاله تعرفين الامتحانات كيف والحمد لله هذا انا خلصت بتشوفوني كل يوم عندكم .
أم سلطان : الله يحيكي يابنيتي البيت بيتك وانتي أخت ريم وساره مو غريبه يابنيتي.
وفاء: تسلمين ياخاله .
أم سلطان : هلا هلا بالمزيونه بنت الاجاويد بنت أبو فيصل هلا هديل .
هديل : هلا فيكي ياخاله الله يحيكي يارب ويبقيكي .
أم سلطان : كيفك كيف أمك ؟
هديل : والله بخير وتسلم عليكي وتنتظر زيارتك .
أم سلطان : الله يبقيكي يابنيتي ياجلعها دوم بخير ان شاء الله زيارتي لها قريبه باذن الله . ها وأخوكي فيصل متى ملكته أن شاء الله ؟
هديل : خلاص ياخاله هانت كلها أسبوع ان شاء الله قبل ملكه ساره وكلكم معزومين لها .
أم سلطان : الله يوفقه يارب .
هديل : تسلمين ياخالتي .
أم سطان : زين يابنات أنا جيبت بسلم عليكم وبروح وسلمولي على أمهاتكم.
البنات: :يوصل ياخاله الله يسلمك ويبقيكي.
هديل : ياحليلها خالتي ام سلطان طيبه على نياتها والله .
ريم : تسلمين ياقلبي .
وتقوم ساره تقدم العصير لهم وتشغل ريم الاستريوا على أصاله اغنيه روح وروح
وفاء : الله ياحبي لهذه الاغنيه تجنن والله .
هديل : صح صوت أصاله فيها حلو ه مره مضبطه مره .
سلوى : اصلا كل اغاني أصاله روعه وصوتها يجنن.
ساره : صح والله .
شهد : ساره جهزتي للملكه ؟
ساره : لا والله ياشهد ان شاء الله هذا الاسبوع .
شهد : ماتعرفين ناصر ايش قال يوم عرف انكم اجلتوا الملكه اسبوعين .
ساره ( وهي مرتبكه شوي وخجلانه ) : وش قال ؟
شهد : زعل والله قال احنا اتفقنا على انه بدري .
ساره : وايش خالتي قالت له ؟
سلوى : قالت له انها اتفقت مع خالتي فاطمه وانه لازم يتم الملكه بموعدها علشان التجهيزات .
ساره : وهو أي قال وافق ولا لا .
شهد : وافق بس زعل والله .
ساره : ................
سلوى : ساره صدق ليه اجلتيها اسبوعين ؟
ساره : والله سلوى تعرفين لازم اجهز وبعدين الوحده بتملك مره وحده بعمرها وانا ابي اتحضر لهذه الليله زين.
سلوى : يحق لكي صادقه الله يوفقك أنت وناصر يارب بحياتكم القادمه .
ساره : وياكي يارب ان شاء الله.
هديل : الله هذا العصير مره روعه هذه انتوا مسوينه بالبيت ؟
ريم : ايوه انا سويته عجبك ؟
هديل : تسمل يديكي وربي روعه مره من ايش يتكون .؟
ريم : سفن أب + بيره توت + عصير تفاح مع نعناع مقطع للزينه وأكيد الثلج .
هديل: روعه والله لذيذ ايش اسمه طيب ؟
ريم : هذا العصير اسمه شمبانيا سعودي بالعافيه على قلبك بصب لكي جديد.
هديل : تسلمين على الوصفه ياقلبي .
ويقضوا البنات السهره ضحك ووناسه

(في استراحه الشباب )
ماجد : حمد الله على السلامه سلمان عاش من شافك .
سلمان : الله يسلمك ياغالي انت كيفك وكيف احوالك بعدك على رايك عازف عن الزواج ؟
ماجد : ههههههههههههههه شفيكم علي كاني انا اللي معقدكم عندكم عبد الله بعد مو متزوج وفيصل.
فيصل: هي انت كم مره قلت لك ملكتي بعد اسبوع يعني لاتقارني فيك .
ماجد : ههههههههههههههههه طيب يادب .
سلمان : عبد الله وله ظروفه ومادري بعد هو الدب ليه مو راضي يتزوج وأنا ملكت وفرحي باخر سبعه ان شاء الله وفيصل مملك بقى انت ياماجد وعبد الله شدوا حيلكم .
عبد الله : هههههههههههههه سلمان شفيك لهذه الدرحه مستانس بالزواج ؟
سلمان : وربي مارح تعرفون قيمه كلامي الا لاملكت ياطاس انت وياه.
ماجد + عبد الله : هههههههههههههههههههههههههه .
ماجد : الحين انت وش عليك مملكين ولا لا قلي شخبار حفر الباطن ؟
سلمان : والله تمام لكن مارح ارتاح لين اشوفك انت وعبد الله مملكين لازم شله الانس يتشاركوا بكل شيء هههههه حتى بالزواج .
عبد الله : ههههههههههههه أوكي انتم السابقون ونحن اللاحقون .
سلمان : ان شاء الله .
فيصل: سلمان متى بتنقل للرياض نهائي ؟
سلمان : والله مادري للان حسب الشركه ان شاء الله قريب او بحاول انقل للدمام انا .
فيصل : ان شاء الله بس لو احتجت شيء بلغني انا بقول لأبو فهد بيفيدك مره .
سلمان : تسلم يالغالي ماتقصر راعي واجب .
فيصل: يحفظك ربي.
ويكملوا الشباب سهرتهم بالاستراحه وبهذا الجزء تنتهي احدث قصتنا لهذا اليوم وتابعوا معنا الجزء القادم حتى تعرفوا اخر تطورات أبطال قصتنا.

يابدايات المحبه يانهايات الوله
الجزء الخامس
مثل ماعرفنا في الاجزاء الماضيه عن أن الافراح بدات تطرق أبواب بيت أبو سلطان وأبو ناصر بفرحهم واستعدادهم لملكه ناصر وساره واللي كان الكل ينتظرها بشوق ولهفه واكيد مارح يكون شوق الجميع وفرحهم مثل فرح ناصر بساره ولا فرح ساره بناصر مضت الاسبوعين اللي محدده بالنسبه لساره مثل البرق قضيتها مابين التسوق مع ريم ووفاء ومابين تجهيز نفسها جسديا ونفسيا لهذا الحدث اللي كان لها حلم كبير وقرب يتحقق وخلاص مابقى على الموعد الا يوم واحد بس وبدا العد التنازلي مابقى الاساعات وتصير ساره رسميا زوجه لناصر اما بالنسبه لناص فكانت الاسبوعين هذه من أصعب وأطول اسبوعين مر عليه بحياته كل يوم يصبر نفسه بان الموعد اقترب واخيرا بيتحقق حلمه اخيرا بيشوف ساره ومافي احد يقدر يلومه لو أعلن للكل عن حبه وبقوه خلاص انتهت ايام الانتظار بقى يوم واحد بس .

(في بيت أبو ناصر )

الأسره مجتمعه بصاله ويناقشوا ترتيبات حفله الملكه ...
شهد : المهم يايمه انه انتي وخالتي يوم يبدا التصوير توقف انتي وخالتي بوحده من الصور معهم بس عاد مو كل الصور تكونوا معم يعني عطيهم راحتهم شوي هههههههههههه.
سلوى : وانا بعد ابي اتصور مع ناصر أخوي الوحيد ومع ساره عيوني .
شهد : يالله تخيلي ساره اللي كنا نلعب معها واحنا صغار بتصير زوجت أخويا ناصر يالله شكثر فرحانه ومتعجبه .
سلوى : ايوه والله فعلا هذا الشيء مثل الحلم والله الله يوفقهم ويسر لهم يارب ويسعدهم.
أم ناصر: وياكي يابنيتي أن شاء الله أفرح فيكي انتي وشهد بعد يارب .
أبو ناصر : الله يوفقكم ياولادي بس ماقلتوا لي احنا الرجال متى بنكون هناك ؟
أم ناصر: مااتفقت انت وأبو سطلنا على انه يتم العقد بالعصر بمسجد الحاره والحفله بالليل ؟
أبو ناصر : هذا اللي اتفقنا عليه فعلا بس انتم كيف تجهيزاتكم ؟
أم ناصر : هنا مستعدين خلاص اشترينا عربيه الملكه والدخون والبخور وقروش الفضه والورد والحلويات بس مادري ماجابها بعد ناصر مادري متى بيجيبها أخاف انه ينسى !
شهد : ههههههههههههههههههههههههههههههههه ياحليلك يمه ناصر ينسى شيء لساره وربي انك ضحكتني ماتشوفين الارض ماتشيله من الفرح بكره ملكته خلاص حلمه بيتحقق يالله الله يوفقه يارب.
أم ناصر : صادقه يابنيتي .
سلوى : شرايك بالطقم اللي هديه مني ومنك لساره نوديه لمحل تغليف نغلفه زين .
شهد : ليه انت ماعطيتيه لناصر مع الاغراض ؟؟؟؟
سلوى : لا لان اليوم جبته بس قليلي رايك فيه ؟
شهد : واااااااااااااااااو والله روعه الذوق هذا ماشاء الله عليكي سلوى ذوقك يجنن.
سلوى : أوكي انا بتصل على ناصر اقوله يجي ياخذه يودي للتغليف مع طقم أمي وأبويا وطقمه هو وأكره بعد على الشوكولاته .
شهد : أوكي.

في سياره ناصر

شذى الورد (يتصل بك )

ناصر : هلا والله بأختي الغاليه هلا والله سلوى .
سلوى : هلا فيك نصور كيفك ؟
ناصر : تمام بخير ياغلاي .
سلوى : ياجعله دوم أقول نصور بغيتك بطلب .
ناصر : هلا سلوى اطلبيني الحين لانه بعيدن مارح افضى لكم ههههههههههههه.
سلوى : أكيد بتكون سيده القلب موجوده واحنا على الهولد بنرركن ههههههههههه.
ناصر : لا شدعوه ليه تقولي كذا تظل هي زوجتي وانتم اخواتي .
سلوى : اها بعدها ماصارت زوجتك لاتخليني اخليها تغير رايها تعرف ساره صديقتي هههههههههههه.
ناصر : وربي اخطفها منكم غصب عنكم ههههههههههههه.
شهد (تصرخ من بعيد بجنب سلوى ) : ياعيني على الحب احلىىىىىى ياكشخه هههههههه خليى شوي لبكره.
ناصر: ههههههههههههههههههه قولي للملقوفه ام سبعين لسان اللي جنبك تسكت ههههههههه بكره بشوف وش تسوي يوم ملكتها ههههههههه.
سلوى : بخليها تقشر بصل يوم ملكتها ههههههههههههههه.
شهد : أقول بلا فلسفه ولا تطولين على الجوال قولي له اللي اتصلي علشانه ياام البصل والثوم .
سلوى : ههههههههههههههههه هين ياشهوده المهم نصور اسمعني انت بعيد عن البيت ولا قريب.
ناصر : لا قريب بغيتي شيء ؟؟
سلوى : ايه بغيت شوف نبيك تأخذ الاطقم اللي اشترينها من محلات الذهب وتوديها تغلفها تغليف زين وتسوي لها حركات حلوه يعني مايحتاج انت ذوق أوكي.
ناصر : بس كذا من عيوني.
سلوى : تسلم عيونك خيو بس اسمعني بعد امي تقول لك لاتنسى الشوكولاته .
ناصر : أوكي 10 دقائق وانا عندكم .
سلوى : أوكي بحفظ الله .
ناصر: بحفظ الله.
وبالفعل يمر ناصر على البيت ويأخذ الاطقم ويخلفها تغليف حلو ويحطها بصندوق وينثر حولها ورد مجفف وحبات لؤلؤ وبالفعل كان ناصر يتميز بذوق عالي مره .



--------------------------------------------------------------------------------

(في بيت أبو سلطان )
في غرفه ساره
ريم : يالله ياساره خلاص ماني مصدقه بكره بتكون ملكتك وكلها كم شهر وتركينا بأخر الاجازه يؤؤؤؤؤؤؤؤؤؤ وربي بفتقدك حيل ياويل ناصر مني يأخذك منا .
ساره : ههههههههههه يابعد عمري ياريومه لا ياقلبي لاتنسي ان البيت الي بناء ناصر قريب منكم ومن بيت عمي يعني لاتخافين بتلقوني يوم عندكم ويوم عند بيت عمي ويوم اجيبك عندي.
ريم (وبعيونها دموع بسيطه ) : ساره وربي بفتقدك تخيلي بعد السنوات ذي مع بعض بتروحي وتتركيني .
ساره ( تضم ريم ) : ريومه حبيبتي انتي بعد بتروحي وتتزوجي ان شاء الهل وبعدي نياريم لاتنسي ان هذا بسيكون بسعادتي لاتنسين قد ايش هذا كان حلم لي اني اكون زوجت ناصر والاهم من كذا انه بقى لي معكي اكثر من شهرين وهذه الشهرين بقضيها معك بالطول والعرض .
ريم ( وهي تلكز ساره بجنبها ) : اها تقضيها معي اها هين هذا اذا ماصرتي مشغوله بس مع ناصر هههههههه.
ساره : هههههههههههههههه ريومه ماتبطلين عوايدك اوكي يلا يادبيه خلينا نخطط زين اهم شيء ابغى اتصور معك انت وسلطان وعبد الله والعنود ياقلبي على العنود تصدقين اتصلت علي قالت بجي اساعدك وبروح معك بكره الكوفيرا .
ريم : ههههههههههههههه ياحليلها العنود بتجينها هي وكرشتها هههههههههههههه صدق متى بنروح بكره عند الكوفير؟
ساره : اتفقنا انا وعبد الله يوصلنا بعد مانكتب العقد تدرين بوقع العقد ونروح لان بيجونا هم بعد العشاء ويمكن خالتي تجي عند امي بدري شوي قبل البنات والله مادري المهم احنا مارح نكون بالبيت بنكون عند الكوفير .
ريم : تمام والله اوكي يارب يوفقك ياحياتي ياسرونه .
ساره : عقبالك ريومه .
ريم : هههههههههه أعوذ بالله لاتدعين علي .
ساره : يارب ماتكمل الاجازه الا وانتي مملكه هههههههههههه.
ريم : أوف أوف تدعين علي لا خلاص زعلت منك هههههههههههههههه.
ساره : يارب يارب هههههههههههههههههه.
وقضت ساره وريم الليله بذكريات الطفوله وأول يوم لهم بالمدرسه ولعبهم وذكريات لساره مع ناصر بالطفوله ولشهد وسلوى حتى ان ريم نامت مع ساره بنفس الغرفه .

في عصر يوم الأربعاء وهو اليوم المحدد للملكه اجتمع سلطان وعبدالله وناصر وابو سلطان وأبو ناصر وماجد وفيصل أصدقاء ناصر وعبد الله المقربين في المسجد وصلوا صلاه العصر وبعد كذا رجعوا بيت ابو سلطان علشان يتم عقد قران ساره على ناصر وفي مجلس الرجال .
أبو سلطان : ها يناصر الف مبروك ياولدي عسى الله يوفقكم بس مااوصيك على ساره تراها بنتي الغاليه .
ناصر : بعيوني ياعمي ساره وان شاء الله اني اسعدها وتسعدني ان شاء الله .
أبو ناصر: لاتخاف يامحمد ساره بتكون بنتي مثل شهد وسلوى ولاتخاف لو شفت ناصر قصر فيها ان اللي بعاقبه مو انت لان ساره بنتي بعد .
ابو سلطان : والله انا ادري ياغالي الهل يحفظك انت وناصر ويتمم افراحنا
الجميع : آمين.
ماجد : والله يانصور ودخلت حزب المتزوجون عبد الله الحق ترى انا وانت تحت الضغط وفي موقع خطر ههههههه.
عبد الله : ايه والله الله يستر اخاف اوافق تحت ضغطهم وضغط امي وابوي واتهور واتزوج بعد انا .
ماجد : افاااااااا وتتركني انا لحالي يعني بتجبرني اتزوج بعد وانا مابي .
عبد الله : لا لا لازم نقف ضد هجماتهم .
سلطان : الحمد لله والشكر وربي مااخبل من هذا الا ذاك الحين الزواج راحه واستقرار وانتم تقولوا هجمات اقول بس قوم انقلع انت وياه لاتخربوا ناصر على ساره .
عبد الله : هههههههههههههههههههههههههههه شفيك ياابو فيصل عصبت علينا ههههههههههههه.
سلطان : يلا علشان قلت ابو فيصل اللي ان اء الله بالطريق راح اعفو عنك بس اسكت وثمرنا بسكاتك انت والخبل اللي جنبك .
ماجد :هههههههههههههه شفيك سطلنا نمزح حنا.
فيصل : والله مزاحكم ماندري متى يكون مزاح ومتى يكون جد انت وعبود ههههههههههههه.
وبهذا الوقت يوصل الماذون ويتم عقد القران والشهود سلطان وفيصل ويبقى توقيع ساره .
ويأخذ سلطان الدفتر لساره حتى توقع .
بغرفه ساره
ساره : يؤؤؤؤؤؤؤؤؤؤؤؤ لازم اوقع والله خايفه .
سلطان : ههههههههههههه شفيكي سرونه ترى القلم مارح يلدغك وبعدين علينا يعني مو هذا اللي كنتي تتمنيه ؟؟
ساره ( ووجهها أحمر من كلام سلطان ) : صح ياسلطان بس بعد مارح اصير مثل اول حره بصير مسؤوله .
سلطان : يعني انزل اقول لناصر ساره غيرت رايها .
ساره : سلطاااااااااااااااان لاتلعب باعصابي ترى متوتره مره.
سلطان : شفيكي ياعيوني ترى امزح معك يلا وقعي علشان تلحقوا تروحوا عند الكوفيرا انتي وريم يلا .
وتمسك ساره القلم بيد مرتجفه وتوقع وهي توقع حست بشعور مختلط من الفرح والحزن والرهبه والخوف مثل شعور أي بنت في هذه اللحظه بعد التوقيع مسكها سلطان وضمها وباسها على راسها وبارك لها وجاتها ريم وضمتها وباركت لها ويوم جاءت امها وابوها يباركوا لها بكت ساره بقوه .
أم سلطان : بسم الله عليكي يابنيتي شفيكي .
ساره : يمه بتركم خلاص بتركم .
أبو سلطان : يابنتي هذه سنه الحياه وبعدين انا ماعطيتك لناصر الا وانا متأكد انه ان شاء الله راح يسعدك ويهنيكي معه .
ريم : يلا سرونه يعني بتصير عروستنا عيونها حمراء من البكاء يلا تعالي غسلي وجهك وخلينا نروح يلا.
ساره : طيب الله لايحرمني منكم .
وتروح ساره تغسل وجهها وتتحضر هي وريم .
ويطلع عبد الله يبارك لساره
عبد الله : الف مبروك ياسوير والله وتزوجتي قبلنا هههههههههههههه.
ساره : هههههههههههههههه عقبالك يارب .
عبد الله : ههههههههههههههههه والله شكلي بتهور وبسويها بس عاد الله يستر بيغتالني ماجد .
ساره : لا ماعليك هو بعد بتلقى بيتزوج .
عبد الله : الله يقدم اللي فيه الخير المهم انا انتظركم بالسياره اوكي .
ساره : أوكي يلا ريم .
ريم : اوكي دقائق بس .
وتنزل ريم وساره ويركبوا بالسياره مع عبد الله ويوصلهم للكوفير ويرجع البيت يكمل الجلسه مع الشباب.

مشكوووووووووووووورة ويعطيك العافية

والله القصه روعه
ما في تكمله اذا في ياريت تنقليها لنا
تسلمين اختي عشق المحبين