قصة يابدايات المحبة يانهايات الوله (قصة سعودية رومانسيه من أرض الواقع )

عشق المحبين · #11 (**permalink**) 07-31-2007, 02:33 AM

الا لها تكمله ومن عيوني اكمله

بس استنوا شوي مشغوله الحين

مع القسم وبعد شوي انشالله اكملها

النجم الامع · #12 (**permalink**) 07-31-2007, 03:25 AM

مشكوووووووووووووره ع القصة ترانا تحمسنا كمليها

عشق المحبين · #13 (**permalink**) 07-31-2007, 05:14 AM

بعد صلاه العشاء كان الكل جاهز بس البنات طبعا ماكانوا وصلوا من عند الكوفيرا وصل لبيت ابو سلطان أم ناصر وأم ماجد وستقبلتهم ام سلطان وكانوا الرجال جالسين بمجلس الرجال وكان العريس فرحته ماتوصف واثار الفرح ظاهره على وجهه والشباب حوله يمازحوه شوي وينصحوا شوي وكان فيصل وسلطان وناصر مع بعض وعبد الله وماجد مع بعض أما ابو سلطان وابو ماجد وأبو ناصر اخذتهم ذكريات الماضي وايام الشباب والنقاش حول اختلاف هذا الجيل عن الجيل القديم وكفاح الشباب واسعار الاسواق وغيرها .
عبد الله : غريبه البنات ماتصلوا بعدهم.
ماجد : ولا انا مااتصلت علي وفاء غريبه والله .
فيصل : انتم تدروا ان البنات يبغالهم وقت عند الكوفيرا وانه قالوا لكم لما يخلصوا بيتصلوا عليكم على بالكم البنات مثلنا .
سلطان : انت مشفيكم مستعجلين خلنا ننبسط واكيد انهم مارح يتأخروا .
وشوي يرن جوال سلطان
(شمعه حياتي يتصل بك )
سلطان : ياهلا بنور عيني الجوال يدق وانا قلبي يدق معه شوق للمتصل .
(الشباب يتغامزوا ) عبد الله : تعلم لك كلمتين قبل تشوف اختي .
ماجد : لاتخاف ماتشوفه يطالع بالساعه كل شوي شفيك مسعجل بتشوفها بتشوفها .
ناصر : أقول ماعندك سالف انت وياه ماراح تحسوا بشعوري لين تصيروا مكاني ويارب قريب.
ماجد : هههههههههههه والله ماجاء الوقت اللي اصير فيه مهبول علشان بنت يمكن اخلي البنات مهابيل لكن انا اصير مهبول واصير بحالتك هذه نو وااااااي.
فيصل : ايه هين بيجيك يوم .
عبد الله : فيصل انت هش هش لاتكلمان انت مملك يعني المفروض ماتتكلم لانه اكيد بتكون بحزب ناصر وسلطان يالخاين .
فيصل: هههههههههههههههههههههه أقول نشوف ياولد أبو سلطان انت وماجد بكره نشوف حالكم بتصيروا مثلنا ولا اخس .
ناصر : اخاف ادخل بيوم القاه يبكي من الحب ههههههههههههههه.
عبد الله: لا والله تتطنز انت وياه يلا من ناك انت وهو ماعاد الا بنت تبكيني.
فيصل : اوكي مارح تبكيك لكن بتسهر الايام علشان تشوفها وتعد الساعات علشان تسمع صوتها ولا وصلتك منها رساله فزيت من مكانك .
ماجد : حشى ليه وش كان يعني بحياتي ووش بيتغير غير اني اجيب لي وحده تحاسبني وين رحت ووين جيت.
ناصر: هين وربي بكره نشوف انت وياه وبعدي نانا مارح اسمع كلامك بتخربوني على سوسو .
عبد الله : الله يقرفك ذا اسم تدلعها فيه ههههههههههههه.
ناصر: اقول مالك شغل انت بس تصير لك زوجه روح دلعها .
عبد الله : هي انت ترها اختي قبل تكون زوجتك .
ناصر: هههههههههههههه طيب ياابو الشباب شوي شوي علي ههههههههههه.
عبد الله : الله يخس شيطانك ياناصر هههههههههههههههههههههههههه اقول فكونا من سيره الزواج وربي احس اني بسببك قريبا بتهور انا وماجد .
ماجد : صح وانا نفس الشيء.
سلطان : اوكي ياعيوني بس لازم انا اول مااوصل اشوف قمري كيف صارت خمس دقائق واكون عندكم.
العنود : تسلم يابعد كلي احنا ننتظرك .
سلطان : فامان الكريم .
العنود : في امان الرحمن .
ويقفل سلطان الجوال ويلتفت على الشباب .
سلطان : عبد الله انا بروح اجيب البنات اوكي .
عبد الله : اوكي .
ماجد : وانا صدق بروح اجيب أختي بعد والله بنات ذولا مشكله .
عبد الله : تبيني اجي معك ؟
ماجد : ونترك ناصر لحاله .
عبد الله : فيصل معه .
فيصل: لا انا بروح بعد اجيب اختي .
عبد الله : أوكي اجل انا اجلس مع المغرم صبابه هذا وانتم لاتطولوا.
ناصر: وجيعه عبد الله ههههههههههههههههههه وربي خلك تملك تشوف انواع التريقه عليك .
عبد الله : ههههههههه الله يرجك وانت ليش زعلان مو انت بالفعل مغرم صبابه بساره ولاغيرت رايك .
ناصر : انا اغير راي ليتني يصبني شيء قبل اقول شيء بحق ساره بعد عمري .
عبد الله : هههههههههههه والله وتتغزل فيها بعد .
ناصر : وشفيها ماصارت حلالي الحين .
عبد الله : ههههههههههههههههههه الله يوفقك يارب انت وياها من جد اتمنى لكم التوفيق وعقبال حفل الزواج وتجيبوا لنا مساطيل صغار مثلك ومثلها ههههههههههههه.
ناصر: وووووووووووووجع ههههههههههههه وربي انت المسطول يعني الشباب راحوا تركوك انت فوق راسي.
عبد الله : أحمد ربك جالس اسليك بدل رهبه الخوف ههههههههههه.
ناصر: ياخي مابغى شيء من وجهك فكني بس ههههههههههه.
عبد الله : لنا الله هههههههههههه طبعا خلاص ماعدنا لنا قيمه بعد ساره ياحظ ساره فيك والله .
ناصر : يابعدي والله ههههههههههههههههههه.
بهذه اللحظه كانوا البنات وصلوا البيت وكان الكل جاهز ماعادا ساره لانها طبعا عروسه الحفل طلعت فوق تكمل تجهيزاتها ولحقتها ريم تساعدها .
وكانت شهد وسلوى وهديل ووفاء كل واحده فيهم احلى من الثانيه اما العنود فكان جمالها طاغي لان الله عطاها جمال انثوي حتى مكياجها كان هادي مره واكتفت انها تسشور شهرعا وتلم جزء نه ببكله الماس تناسب فستانها .
سلوى : العنود شكلك تعبانه !
العنود : والله شوي احس الجلسه اثرت علي.
شهد : العنود انتي باي شهر .
العنود : انا الحين دخلت بالثالث .
وفاء: اها سمعت انه هذه فتره الوحام الله يعينك .
العنود : ايه والله بس زين ماتوحمت على سلطان .
هديل : هههههههههه اما لو توحمتي عليه كان حطمتي اذكرك يالعنود دقاتك بالكلام قويه هههههههه.
العنود : يابعدي ياسلطان والله .
سلوى : الله يحفظه لكي ويرزقكم بالذريه الصالحه ان شاء الله .
العنود : تسلمين ياقلبي وعقبالكم كلكم ان شاء الله .
شهد : وين ريومه ماشفتها من يوم جينا حتى ماشفت شكلها تمام ولا فستانها .
سلوى: ههههههههههههه على ايش مستعجله الحين بتنزل بس هي مع ساره تعرفين لأأخر لحظه لازم تساعدها.
شهد ك صحيح والله .
ام سلطان : شفيكم يابنات جالسين يعني ماتبوا تقوموا الحفله .
وفاء: كيف ياخاله اكيد يلا يابنات خلينا نرقص .
وقاموا البنات يرقصوا ويصفقوا وام سلطان وام ماجد وام ناصر الفرحه ماتسعهم ويصفقوا ويسموا عليهم وام سلطان اللي كانت تناظر وفاء بزينتها وجمالها وهدوءها وتصرفها ومساعدتها كانها فعلا اخت ثالثه لريم وساره كان ت فعلا تتمنى انها تكون زوجت عبد الله لكن عبد الله الله يهدي اللي براسه ماطاح بس كان عندها امل انه يوافق بيوم انها تخطب له .
وشوي نزلت ريم
ريم : يالله عاشوا على قلبي احلى بنات يابنات ابو ناصر وبنت ابو صالح عاشت وفاء وتصفق .
وشوي تجي شهد وتشد ريم .
شهد : يلا تعالي بس تصفقين هذه ملكت اختك المفروض انتي اكثر وحده فينا ترقصي هههههه.
ريم : شهد اتركيني ياسامجه مابي وجيعه ههههههههههههه .
وفاء: اقول ارقصي ريومه بلا هبال هههههههههه.
ريم : هههههههههههههههههه طيب الله يرجكم برقص .
ورقصت ريم ووفاء ويعدين سلوى وهديل وبعدين شهد رقصت والبنات يصفقوا وبعدين تجمعوا شهد وهديل وسلوى ووفاء وريم ورقصوا دبكه لبنانيه والعنود تناظرهم وتصفق وتضحك .
ريم : العنود قومي ارقصي معنا .
العنود : ههههههههههههه اما ارقص انا وكرشتي هههههههههههههه لا تسلمين ياقلبي..
ريم : أي كرشه فرحانه بالكرشه الصغينونه اللي طلعت لك هههههههههه.
العنود : ههههههههههههه الله يرجك .
أم سلطان : يلا ياجماعه تفضلوا على العشاء .
ويقموا بالنات يحطوا عشاء لامهاتهم ويتكلموا ويضحكوا وساره لازالت بالغرفه .
سلوى : بنات حرام ساره بالغرفه ولا اكلت شيء .
ريم : ايوه الله يابعدي ياساره بطل لها الاكل شرايكم نطلع لها شوي نونسها قبل تنزل .
شهد : اوكي يلا خلينا نطلع .
ويأخذوا البنات صحن فيه اكل لساره ويطلعوا فوق .

رنا الربيع · #14 (**permalink**) 08-11-2007, 02:08 PM

نتمنى انك تكملين القصة ومشكور عليها كثير

دحيم العاطل · #15 (**permalink**) 08-14-2007, 04:01 AM

بلييييييييييييز كملي لاني متحمس لانهايه

استضافة مواقع	معنى كلمة	رسائل مسجات vshzg ls[hj	دردشة شات ]v]am ahj	افلام مقاطع فلم مقطع
مكتبة فلاش اسلامي	الثقافة الجنسية	صور في صورة	شات صوتي	الأسره المسلمه
ابتسامات خلفيات	العاب جديدة	دليل مواقع	احداثيات gps	القرآن الكريم
بطاقات كروت	جوال موبايل	جافا java	قصص روايات	sitemap
كتب الكترونية	ماسنجر في مسنجر	خطوط	وصلات روابط	العاب بنات للبنات فقط

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طريقة عرض الموضوع
العرض العادي الانتقال إلى العرض المتطور الانتقال إلى العرض الشجري

قصة يابدايات المحبة يانهايات الوله (قصة سعودية رومانسيه من أرض الواقع )

القصص و الروايات و الحكايات قصص قصيرة و تعلم القصة story novelette