يا حروفٍ قطعت فيني الـوريد =يا حروفٍ سببت لي الشقـاء
يا حروفٍ في ثلاثٍ ما تـزيد =حرف ميمٍ وحرف واوٍ وحرف تاء
يا حروفٍ الموت يا الحق الأكـيد =لاجتمعتي كل شي بك فنـاء
الحزن والهم في صدري يقـيد =مثل نارٍ في هشيم احتـواء
جدتي ماتت قولو لي وش يفيد =لا صياح ولا نياح ولا بكـاء
لا عزاء ينفع ولا دمعة تفــيد =عقب زولٍ عن عيوني اختـفى
جدتي أمي يا حلو القصــيد =يا ورد ريحان يا عطر وشـذا
كل يومٍ في نظرها يوم عــيد =لا اجتمعنا حولها قالت هــلا
ويوم غابت عن نظر عيني بعـيد =وجسمها الطاهر واراه الثرى
هلت دموعي وصحت مثل الوليد =ماتت امه وهو في صحراء فــنا
ليتني في قبرها مرقد وحــيد =وهي في دنياي أتعيش الهنـاء
ليتها يوم الحشر يوم الوعــيد =آمنه في ظل عرش اعتـلا
عرش رب الكون يفعل ما يريد =يغفر لناسٍ ويعذب من يشـاء
ليتها فوق الصراط تجمح شـديد =أو كما برقٍ في ليلٍ قد سنـا
وتدخل الجنة من أي بابٍ تـريد =وتارد الحوض اللي ما عقبه ضما
هذا درب الموت ما عنه نحـيد =سالكينه غصب ما هوب برضـا
لكن الرجوى وأملنا الوحـيد =نجتمع معها في الجنة ســـوا
برحمة الله الواحد الفرد المجـيد =باعثٍ خلقه من عقب الفناء
والختم صلوا على طه الشهــيد =خير خلق الله وخير الأنبيـاء