اللي يقول انا ولد او بنت ابوي يدخل ويجدع معيارته (اعيارته) على طول

بدخل على طول بالموضوع,
أنـــــــــــــــا : عصقول الجراده - بلاه ما تشوفون إلا عظامن تمشي.
أختي : أم جريوه - لانه تحب الذهبان والدناديش(ألأكسسوارات) فعيرناه على أم جريوه الي بمسلسل عودة عصويد.
أخوي : جحيمه - لانه لاقام من النوم ما تشوفون عيون ماتشوفون إلا شخيطات .
ولد أختي : الدلسوس - يعني تعدى حدود الطباله(البرود الزايد).
ولد أختي الثاني : سبير العين - صيغة مبالغه والصز عيناته تقل هبود ماتشوف الا السواد (فلبيني صغير).
بنت خالي : المنوسه - مشتقه من نايس يعني (لطيف)بس خبركم بالقصمان كيودين حتى التدليعه يقلبونه معياره(أعياره).
بنت خالي الثانيه : الطرطير - يعني خشته (شفته) مرتزه( بارزه).
ولد عمي الصغير : الحرمس - (حشره صغيره جداً جداً) بلاوه زول أطول مابه السانه.
بنت عمي : مخرثة السن - مهنا سنينات بس كسيرات.
بنت عمي الثانيه : الشبثاء - مشتقه من الشبث(العنكبوت الي عصاقيله طوال)بلاه تحب التشعمط (التلزق)مثله.
بنت عمي : جغلل - الله لا يوريكم لا قامت من النوم ما تشوفون إلا سريره طافح من الي خبري خبركم لا شربتوا ببسي باليل .
خالي : الخيتس - سمين بلا حدود (يا خزياه منه بس ).
(كبت العفش ياويله ويلاه)[/size]
هاه عاد أبي كل وأحد يجدع معيارته (أعيارته) بلا دلع .