بعض اللقافة والكلمات اللي ترفع الضغط



وودك تتوطى في بطن اللي قالها


مثــلا :-





أنت بغرفتك منسدح بالسرير ومطفي النور ومتلحف بالبطانيه >>> أحيه يالبرد . . .


يجي أحد أخوانك ويفتح الباب عليك ويقول :- بتنام ! ! !


(( لا أبرقص ,, أكيد أبنام ))


::


انت مجهز عزبت القنص والاسلحه والاجهزه الا سلكيه******** جااك اخوك
انت رايح تقنص
((لارايح حرب,,اكيد بقنص))


::


أنتم معزومين عند ناس ورحتو لبيتهم وأول ما فتحوا الباب لكم , قال ولدهم :- " جيتــوا العزيمـه "


(( لا رحنـــا ,, أكيد جينا وأنت وش تشوف ))


::


والعكس :- أنت لابس ثوبك وكاشخ بالشماغ وماشي بالبيت متجه لباب الشارع ,,


يجي أحد من أهلك وينادي بصوت عالي >>> بتطلع ! ! !


(( أبدخل ,, أيه أبطلع ))


::


أو مثلا راكب السياره وشغلت الموتر ولا فيه واحد محجرلك شوي وتعطيه بوري ينزل من سيارته ويمشي لمك بكل برود ويطق على القزاز , ,


أنت بكل ذوق تفتح القزازه وتقوله :- بسرعه يالحبيب ؟


يقولك :-بتمشي اوخر سيارتي؟ ! ! !


(( لا خلك مارح امشي بطير . . . . أكيد أنا ماشي ))


::


عزيزتي الفتاة مثلا أنتي بالكليه وقمتي من الطاولة عقب ألف سالفه وسلافه يتخللها الحش والضحك


والمزح ورحتي عند الباب تلبسين عبايتك . . .


تجي وحده ملقوفه من البنات وتقولك : - فلانه يا فلانه استني فلانه... بتروحين البيت ! ! !


(( لا أبطلع برا أشم هواء , , أكيد أبروح لـبـيـتـنـا من زين الكليه جالسه في استاربوكس ونا مدري ))


::


مثلا ماسك سماعه التلفون وقاعد تضغط بالأرقام يجي أحد من أهلك ويقولك :-تكلم بتلفوون ! ! !


((لا بصور معه كم صووره تذكاريه , , أكيد أبكلم ))


::


مثلا :- ماسك مذكرة أو كتاب وقاعد تحفظ ومتحمس . . جاء أحد وقالك :- قاعد تذاكر ! ! !


(( لا أفرش اسناني , , , أيه أذاكر ))


::


ولا تعالــو شوفو قنواتنا وأسئلتهم البديهيه البايخه . . , ,


برنامج أهداءات يتصل واحد يطلب أغنيه ؟


ترد عليه المذيعه بكل سخافه :- أنت بتحب هذه الأغنيّة ! ! !


(( لا ما أحبها بس طالبها أستهبل , , إيه أحبها ليش أجل متصل ))


::


والأسخف من هالبديهيات اللي تضيع وقتنا إذا قابلو مع بزارينا , , ,


يقول المذيع للبزر :- أنت تحب ماما وبابا ! ! !
(( أيه يحبهم أجل تبي يقول لا ))