سواااالف والشباب في الباص خخخخخ

سواااالف والشباب في الباص خخخخخ


--------------------------------------------------------------------------------

سواااالف والشباب في الباص خخخخخ
السلااام عليكم شبااب


بخليكم وياا سوالفكم وانواعكم في الباص .. لووووول


[عشاق الكورة]

الأول :: يا خووك احلى شي عاد لين العين تصدر الدوري
الثاني :: ايه والله .. جفت قول آيتوو عاد شق المرمى شق فديته هالريال
الثالث:: روحووو مناك .. بييكهم الشبح المدريدي بينثـر هاليهال
الأول :: روح روح .. مدريدك ذيله الحمدلله فازو على الدرجه الثانيه

وتقوم الضرابة والتكفيخ .. وتلقى واحد منهم مسدوح عـ الارض
والثاني معلق على الباب

\
/
\

[المغازلجـيـه]

الاول:: اااخ يا الحبيب جفتهااا .. هذي قاعده صوب الدريول
الثاني :: تقصد هذي ام العباة فيها ستين فراشه ؟!
الأول :: لااا يا حظي العوي .. اللي عباتها الخفاش ..
الثاني :: هيه هذي كشخه يابووك بس يقولون ما تعطي ويـه
الأول :: ما عليك منها .. بتطيح بتطيح ..

عاد الاخو اييب تاريخ اهلها واجدادها على اساس ان انا اعرفها ترى !

\
/
\

[المطنزجية] اللي يموتون في الطنازة لوووول

الأول:: جووف جووف .. هذي ام عباة راس صدقني بتطيح
الثاني :: شدراك انها بتطيح ؟! الا اذا عينك فـرن
الاول:: يا العله بتجووف احين

" البنت بتنزل من الباص "

الأول:: حجيييييييييه عبااتج

طــــــــم طـــرااااخ ( طيحه على الويه )

الأول والثاني :: هههههههههه

وتقعد تسب فيهم وتلعن وهم للحين يضحكون عليها

\
/
\

عشاق الكتب ( ما يشيل راسه من الكتاب ساعه )

الأول( قاعد يراجع اخر درس من الماده )
الثاني :: وين وصلت اي بوينت ؟!
الأول :: رقم 6 بس مب فاهمها .. تشرحها لي ؟!
الثاني:: اوكي ..

ويشرحون حق بعض ويدور الباص ويفتر وينزلون الطلبه كلهم وهم للحين في الباص .. لين اييهم الدريول ويقولهم يلاااا فكوني بروح بيتنا

\
/
\

شباب على غير العاده " هذيلا في حالهم"

الأول :: هلا شلونك ؟!
الثاني :: بخير الله يسلمك شلونك انت ؟!
الأول :: الحمدلله بخير يعافيك

انتهت المحادثه .. واحد يطالع من الدريشه والثاني سرحان والااا راقد

\
/
\

[عشاق البتـه و الأونو]

الاول :: العـــــب خل اكسر راسك .. تقط لي ثنتين الكلفس
الثاني :: عشان اتييك الاكـلـه العدلـه ( يلعبون كوت )
الأول :: يا عمـــي .. بنجوف ترى الجوكـر يايك يايك
الثالث :: العب العب حبيبي يقولك جوكر ما عليك منه زين

والصراخ ينسمع للدريول .. ولا جنه احد يمهم .. ويجوز احيانا ان الكل ينزل الا هم يتمون بالباص طبعا من عقب الصبيان مال الدراسـه والكتب

\
/
\

[عشاق الاغانـي والطقطقه]

الأول:: يا مونيتي يا سناااا خاطــــررري وانا احبك يا سلام
الثاني :: ياهووو .. هلا هلا روووح
الأول :: ليه الجفااا .. ليه تهجرنــي وانااااا وانا وانا احبك ..
الثالث & الرابع :: احببببك .. احبببببك يا سلاااااام حبيبي انتـه روووح

مساكين هذيلا.. تلقاهم يفكرون يغنون في عرس .. ويوم فكروا و راحو شاتوهم بالنعـل !

\
/
\

[شباب الموضـه]

الأول :: شفت وائل كفوري شمسوي والله عجيييب شعره مالي إلااا أروح الريتز يسوونه لي صاير مو شي ( واااي يحليلك اسم الله عليك )
الثاني:: لالا ما عجبني احلى شي قصة عمرو دياب بس ناقصه صبغه اشقر على صوب والله يطلع كووول

ذيلين مساكين بعد .. اخرة هالقصات بيسوون تسريحة المطربة صباح ! خخخخ

\
/
\

[فئة البناتـيـه]

الأول دايس على ريل الثاني من غير قصد
الثاني :: آآآي يعوورني
الأول :: أوه سوري عورتك وايد ؟!
الثاني :: لا لا خلاص طاف حبيبي
الأول :: لا صج عورتك ؟ آسف يا قلبي ما كان قصدي أجرح مشاعرك



كله عاااد ولا الفئه الاخيره خخخخخخخ