محاوله لكتابة شعور جامح في القلب

ومحاوله للتنفيس عن اشياء كثيره

اعتبروها مظاهره سلميه لشعب الهم اللذي يعتبرني وطنه الام رغم هجرة الكثير

من هذا الشعب ووصول الكثير من الوافدين ممن يحملون جنسية الفرح

الا ان الوافدين من دولة الفرح تضايقوا من السكان الاصليين


لكم القصيده









سد قلبي منّه اشواقي اتسرّب
واثر شوقي من غيابك فاض سيله


شفت قلب اللي على بعدك مدرّب
طاح عزمه....سلمك رمحه وخيله


عشت ليلٍ من لقا الصبح يتهرّب
كن ليل الكون كله صار ليله


يابعد من بالشعر عجّم وعرّب
غيبتك عن ناظري صارت طويله


الحلا في وجنتك شرّق وغرّب
خذتي كل الزين وابقيتي قليله


من سمع همسٍ من شفاتك تطرّب
يوم جمر الثغر خالط سلسبيله

كل عرقٍ داخلي بحبك تشرّب
حتى نبضي لك ينادي وما تجي له


جيش حبك من وطن قلبي تقرّب
جيش مستعمر وطن واعلن رحيله


ليه حبك عن وطن قلبي تغرّب
وليه قلبي سلمك رمحه وخيله


سد قلبي منه اشواقي اتسرّب
واثر شوقي من غيابك فاض نيله

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي

::::::::::::::::::::::::
........................