ين يديكم قصيده لشاعر الإنسانيه ..سفير المعاقين..الشاعر الكويتي..عبدالكريم العنزي..أول من يطرح قضايا المعاقين
على كرسيه المتحرك..


سمعتها منذ مده ..أعجبتني كثيراً ..مضمونها .. حوار بين { جنين وأمه } قالها الشاعر ..


عندما رفضت إحدى الأمهات أن يخرج إبنها المعاق أمام الناس..
بحثت عنها فطرحتها هنا لكم ماحبيت احرمكم من قرائتها >>يعني تقرونه تقرونها



} .. ومــضمونــــــــــــــه. {


,, ليست الإعاقه ... إعاقه جسد ..بل إعاقه فكر..فــ الشاعر عبد الكريم العنزي لم تمنعه إعاقته من التميز..






ماهو ذنبي يوم ربي حطني بعالم إعاقة ..


.. أدري يمه أحيان واجد من وجودي تستحين ..


ناس واجد ..


ناس تحلم ..


ناس تتمنى وتبي ..


وأدري مثل الناس يمه كنتِ إنتي تحلمين ..


كان حلمك …. طفل ينده ..


يمه شوفي ..شوفي يمه ..


( أوجعك) وانا اتحرك داخل احشائك.. جنين ..


وانتِ حامل فيني يمه.. الألم يغلب عليك ..


ولما يطري الحلم لحظة ..


كنتِ يمه تفرحين ..


كان حلمك يمه طاير في فرح ..


كنه يقول :


باكر وليدي يجي


..يكبر .. وأنسى .. الونين..


كنتِ بلسانك تقولي :


راح يصير …


وراح يصير ….


.. وراح يصير


مره ضابط ..


لا .. مهندس ..


يمه كنتِ تحلمين …..


يمه كنتِ تحلمين ..


وانقطع حلمك ..يايمه.. ( لحظة الآم الولادة )


لما قالوا لك :


((معاااااااااااااق ))


قمتِ يمه تصرخين ……


مات حلمك …


إيه أنا ادري ماتت أحلام السنين …..


مات حلمك ..


مالي ذنب يموت حلمك .


.وأنتِ أصلاً تعرفين ..حتى أبسط حلم عندك إنحرمتِ.. قول :{ يـــمه }


وأدري إن كلمة ( يايمه ) ..وش كثر ..كنتِ { تنطرين }


وأنا انحرمت أبسط حقوقي..


لاربع … لا أصدقاء


عالمي كله إعاقة ..عالمي كله ونين..


..الله اللي قدر إني أبتلي بهذي الإعاقة..


وبالصبر يمه الأجر عند رب العالمين..


إصبري يمه عشاني.. إصبري … والله كريم ..


..والله إن الموت أرحم ..


قبل أشوفك تدمعين ..


قبل أشوفك تدمعين..






وبعد هذه القصيده رجعت الام إلى صوابها


اتمنى تنال اعجابكم
لاتنسوني من التقيم

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي