 |
| |||||||
 | |  |
 | |  |
 |  |  |
 |
| | LinkBack | أدوات الموضوع | طريقة عرض الموضوع |
|
#1
11-12-2002
| ||||
| ||||
 اول الزواج وبعده اول الزواج وبعده - - تشير الساعه الى 6:30 صباحا تودع زوجها وهو طالع للعمل و تقوله بالسلامه يا حبيبي الساعه 11:00 صباحا تتصل عليه في العمل و تقول له حبيت اسمع صوتك بس با عمري الساعه 3 العصر تستقبله و هي متشيكه و تبوسه و داخل للبيت و تقول له..الغدا جاهز يا حياتي تحب احطه لك الحين؟؟ الساعه 5 العصر تصحيه من النوم ببوسه و تقول له تحب اعمل لك الشاي ياحبي؟؟ الساعه 6 المغرب تسبل عيونها و تقول بكل خجل..يا ريت يا حبيبي..يعني لو ما عليك كلافه..يعني لو تقدر تودينيشوي لبيت اهلي اذا تقدر يا عمري و قبل ما ينطق بكلمه تقول اذا ما تقدر خلاص مو لازم..و طبعا يضيع هو في نظره من عيونها و يوديها لأهلها ولو انهم ساكنين في آخر الدنيا و هو في اولها.. الساعه 8 بالليل تتصل على الموبايل و تقول (اشتقت لك يا عمري..يا ريت تمرني و نروح البيت)و طبعا هو عارف و ش يعني نروح للبيت فيطمر و يقول للشباب آسف و الله يا شباب راسي مصدع و لازم امشي الساعه 10 بالليل تقول(الله تتذكر يا حبي؟تتذكر ايام الخطوبه لمن كنت تعمل المستحيل عشان تشوفني..و انا يما كذبت عللى ابوي و قلت له اني طالعه مع امي..و انا اصلا متفقه مع امي عشان اطلع معاك)) الساعه 11 بالليل ========================================== بعد مرور عشر سنوات.. الساعه 6:30 صباحا هو في سابع نومه الساعه 11 صباحا هو يعده في سابع نومه الساعه 3 العصر تستقبله و هي نافخه كشتها و تقول(شوف لك حل مع ولدك عبود هذا حتى الحين ما حل الواجب و سويره الله ياخذ ابليسها ان شاء الله شاقه مريولها في المدرسه..اعطيني فلوس لازم اروح اشتري لها واحد غيره..و رشود يبي علبة هندسه توه يقول لي اليوم انه الأختبار صار بكره..و ترى مريوم متكرفسه من الدرج و هي كانت في المشايه..و الظاهر انها تعورت..كله من هالشغاله الله ياخذها.. >>اسمع يانا يا هالشغاله في البيت..ابيك اليوم تسفرها ما ابي اشوفها و ابيك بسرع تقدم على وحده ثانيه!!و ما ابيها تكون حلوه يا ويلك لو كانت حلوه!!و بعدين شغالتي ابيك تشرط عليهاما تشتغل عند احد غيرنا..عشان ما تقول اسرا بيتنا للناس اللي تشتغل عندهم((ما تدري اسرا بيتها كلها عند الجيران من لسانها هاللي شطوله)) الساعه 5 العصر هي تفك هوشه بين سويره و اخوها و يفز هو على صوتها وهي تهاوش و تدعي عليهم بالمراض الخطيره الحديث منها و القديم عساكم الطاعون عساكم الصخونه..بالوادي المتصدع عسااكم الحمى القلاعيه ..........الخ)) الساعه 6 المغرب وهو جالس يشرب الشاي و هي تقول(نبي نروح لأمي ببيتهم بنت خاله ولد جد عم ابوي..و بعدين نبي نروح نشتري للبنت مريول..و بعدين بنت عمي والده و لازم اروح اشتري لها هديه من تويز آر اص)و ابي امر على الخياط..و بعدين حطنا عند اختي من زمان ما شفناهم((و في هاللحظه فكر هو انه يشتغل سواق احسن له)) الساعه 8 بالليل تتصل على الموبايل(وينك الحين؟و بعدين و ين بتروح؟وش بتسوون؟و متى بترجع؟)و للحين ما تكلم(لا ما في ساعه تعال الساعه 10) الساعه 10 بالليل جالسين هي وياه عند التلفزيون..اخيرا هدوء و العيال نايمين..و الجو جميل..و فجأه تطالعه و هي ماده بوزها و تقول(الحين امك وش فيها ما ترد لما سلمت عليها هاه؟و الله ما ادري كان اشفيها؟؟) و اختك وش هالحركات اللي مالها سالفه..ليش عازمه الجيران و كل حريم اخوانك الا انا؟؟؟لكن هين والله لا اسوي عزيمه ما اناديها..اصلا هي ما زارتني في الستشفى يوم اني ولدت و انا فاهمه قصدها لكن هين....) الساعه 11 بالليل هي زعلانه و نايمه مع العيال وهو يلعن اليوم اللي تزوج فيه...
_________________  سلمولي على اللي سم حالي بفراقة ...حسبي الله على اللي حال بيني وبينه |
|
#2
11-12-2002
| |||
| |||
| حرااااااااااااااااااام عليش يا قصايد الصراحه إنش ظلمتي الزوجه بهذا الكلام ........ فيه أزواج يظلون يحبون بعض ألين يموتون يعني المعامله حقهم ما تتغير أبد ... بس ما أدري ... أنتي أكيد تقصدين الفئة اللي يعرسون لهم على بعض غصبن عنهم ... يعني الشاب إذا اختار الوحده وهي موافقه عليه ... يقدرون يكملون حياتهم في سعاده ... من غير النكد اللي قلتيه في نهاية موضوعش ......... على العموم هذا كله علشان أرفع الضغط عندش بس ........ ألف شكر لش أختي قصايد ... وزين إنش خليتيهم بعد عشر سنوات ... ألحين الموضه اللي طالعه ... بعد أسبوع .....يشتغلون نكد في بعض ... يعني مثل ما يقولون أيااااااااام قيس وليلى والحب هذي خلاص انتهت بانتهاء أصحابها ........ والله يخليش لنا ... أختش بنت بن لادن ....... شجـــــــــــــــــــون
_________________  |
|
#3
11-12-2002
| ||||
| ||||
| هلا والله خويتي بنت بن لادن شجون هذا اللي يصير .. حتى اللي ياخذون بعض وهم مختارينهم اختى شجون زمان اول تحول ومثل ما قلتي ولت ايام قيس وليلى على العموم نورتي بوجودج بنت بن لادن قصايد
_________________ سلمولي على اللي سم حالي بفراقة ...حسبي الله على اللي حال بيني وبينه |
|
#4
11-13-2002
| ||||
| ||||
| الفنان ههههههههههههههههههههه هلا اختي / قصايد بصراحه موتني من الضحك قاعد اتخيل نفسي بعد عشر سنوات ههههه صار لي ثلاث سنوات بالعسل واثار كيس البصل بعد ما وصل هههههههه تحياتي لك |
|
#5
11-16-2002
| ||||
| ||||
| يا هلا فيك عسى ايامك كلها عسل في عسل وما تجيك سنة البصل قصايد
_________________ سلمولي على اللي سم حالي بفراقة ...حسبي الله على اللي حال بيني وبينه |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| غرائب وعادات الزواج العالم | لمسة جمال | منتديات عالم الجريمة حوادث كوارث جرائم | 109 | 06-24-2009 03:43 PM |
| ظاهرة الزواج السرى | عبدالله كساب | المنتدى الاسلامى | 7 | 10-06-2008 11:59 PM |
| دعوة للنقاش : العنوسة الوحش الكاسر | زعـــــيــــم | منتديات الفسحة العامة | 20 | 09-18-2008 09:49 PM |
| الزواج وعاداته | ماري باسم | منتديات الفسحة العامة | 1 | 11-26-2007 03:09 PM |
| دعوة للنقاش : العنوسة الوحش الكاسر | زعـــــيــــم | ممنوع مخالف مكرر | 0 | 11-20-2007 11:17 PM |
-الدورات
التدريبية بجامعة نجران-
العرض العادي
