( بعض احباب )
ما قلت احبك ولا قد قلت مـا حبـك
احب مالي عيونـي وانـت تسواهـا
لو تدري اش كثر تعني لي تعرف انك
اخر امل فـي حياتـي واول مناهـا
ياكثر احس ان بك مني وبـي منـك
روح قسمها على شخصيـن مولاهـا
لا تقول وش تحب فيني اعشقك كلـك
من ليل شعرك لكلك واخر اقصاهـا
سميتني نصفك الثانـي ويـا شحـك
انـا بسميـك كلـي وانـت معناهـا
تعبت اوديك لـه يـا قلـب ويـردك
لا اخذ حلومي ولا خلانـي انساهـا
كل الحمام استراح وناح فـي ظلـك
والورد الاصفر سقته الروح من ماها
ليتك بعمري ثلاث اشخـاص ماملّـك
واحد معي دوم وواحد روحي يملاها
والثالث بجفن عينـي لا فقـد حسـك
او غمض الجفن جاني فيـك يتباهـى
مو بس احبك انـا والله مـن حبـك
احب حتى ثرى الارض اللي تطاهـا
( مشتاق و مضنيني الفراق )
مشتاق ومضنيني الفراق
يا عيونها خذي من عيوني تعب
واعطيني من جفنك فتور
وابكي علي لو بالكذب
مليت بك طبع الغرور
يا عيونها مشتاق
وللدمع مع جفني عناق
مشتاق ومضنيني الفراق
يا اجمل الخود
كنت الامل وانتي الوعود
وهجرني من هجرتيني دفا بيتي وانا فبرد الشتا موعود
ايا مسكين يا قلبي انا ماشي وهو يلتقت لك عود
ايا مسكينه يا روحي تحب اللي يعذبها و يزيد صدود
وحشتيني
كثر ما خانني هذا الزمن واكثر وحشتيني
احبك حب اكبر حيل من كلمة احبك واسألي عيني
يا اقرب من نظر عيني لعيني
يا ابعد من حنانك عن حنيني
امانه كيف تنسيني
وانا من ليلة التوديع الين الحين
احس ايديك بايديني
( تعال)
ايه لاشفتك اهلي بالنظر
عن عيون الناس بعيوني الوصال
ولالمحتك فالخيال وبالصور
زان لي وصفك واغني لك تعال
في هواك من البحر شيمة غدر
وفي هواك من البحر سر الجمال
وفي هواك من الشعر كذب الشعر
وفي هواي من الشعر حلو الخيال
الهوى ياللي الهوى بك ماقدر
يلقى نفسه او يجاوبك سؤال
الهوى سلطانة بعيني سحر
والهوى ذنبه على قلــــــــبي حلال
ليه انا في دفتري ايامك سطر
ودفتري مابه لااحد غيرك مجال
وليه لاشفتك اهلي بالنظر ؟
في عيون الناس بصرخ لك تعال
( بيني وبينك )
بيني وبينك عـــــرفت الــــــمـــــوت
تحب والحظ مـــــــتـــــجـــنــــي
تـــبــي الـــصدق حــبهــا منــحوت
وأصـــبــحـــت مـــنــهـــا وهــي مني
أفــرشلــهــا الــقلــب بالــيـاقــــوت
وأقـــــول يــــا دلــــي إتـــمــنـي
صــدري قــصــور ومــدن وبيوت
وهــي الـمـليـك الـلـي يـحـكـمـني
يــاويــل ويــلــي عــليــهـا صــوت
تــحــكـي تـقـل كنــهـــــا تـغــنـي
وســكوتــها غــيــر كــل ســكــوت
كــــل شــي فـــيــهــا يــكلــمــنــــي
قــد شـفت شــمــس زرعــوهـا تـوت
بــشــــفــاتهــا الـــتــوت متـــثــنـــي
يــا حــلــوهــا والــقلــم مــبــهــوت
وش يــكــتــب بــوصــفــهــا عــنــي
هـــي دنــيــتي والــهوى والــقـــوت
وإن غــــبــت عــن وجــهــها كنــي
متــغــرب وغــربتــي تــابـــوت
مـيـــت وأنــا حـــي مســتــــنــي
قـــولــو لــهــا لــو يــفــوت الفوت
هــــو يـــنـــفـــع الصـــوت متــعني
و قـــولــو لـــهـــا والــلــه إلا مــوت
لــو خــــاب فــي حبـــهــا ظـــنـــي
( تشبه لك عيون الصغار )
وجهك غضب .. وجهك عروس
يضوي مدى .. يحرق نفـوس
تشبه لك الشمس الشموس
! .. و مـا لـمـحــتــك
سـلام يـا أحلـى الأنـام
دربـي مثل عينك ظـلام
تشبه لك أسراب الحمام
! .. و مـا وصـلـتــك
يا صوتها الرايح وجاي
مابين أشواقي وشقاي
تشبه لك الونّه و ناي
! .. و مـا سـمـعـتــك
حبيبتـي والبـوح نـار
إنتـي أنا بكل إخـتصار
تشبه لك عيون الصغار
! .. و مـا عـشـقـتــك
يا مهرتي البيضا الأصيل
تلعب و انا صـبٍّ نحيل
تشبهك غابات النخيل
! .. و مـا سـكـنـتـك
يا غـاية الحلـم المحال
مثلك أنا حلمي الوصال
يشبهك في الشاعر خيال
! .. و مـا كـتـبـتــك
(محتاج لك )
انتي بكف وباقي الخلق فـي كـف
متعليه في وسط قلبـي ولـك شـان
في غير وصلك مالقلبي ترى شـف
محتاج لك يانـور عينـي وشفقـان
لا جابوا اسمك صرت انا تقل مختف
مالي على نفسي الى اطروك سلطان
من غير حبك غضت عيوني الطرف
جمالـك صـار للزيـن عـنـوان
اريد انا قربك ترى ياغذا الحـرف
وان ماحصل موتي ودنيـاي سيـان
(احبه حيل )
ليت ربي ماكتب لحظة وداع
ولافراق ولادموع ولاضياع
ليت كل الناس خل مع خليل
وكل ماقيل
النهاية بين الاحباب الرحيل
قلت احبه حيل
لو يوقف لحظة الفرح الزمان
والمكان عيونك انت احلى مكان
في يدي يديك والحاسد ذليل
وان غدت كل الاماني في يدي
ابتدي مع كل لحظة تبتدي
اعشق الدنيا مثل طير جميل
اه ياحلو الامل والذكريات
والسعادة ماتجي بالامنيات
صبحها يبطي وانا ليلي طويل
كل ماادفن خيالك ياعنيد
تمطر الدمعة وينبت من جديد
شفت وش سوى بي الحب الاصيل
شفت وش سوى بي حبك يابخيل
لونويت اعاتبك القى الكلام
يعتذر لي منك ويلوم الملام
والقى حتى كلمة احبك قليل
كنت اهدد بك همومي والارق
كنت انت النار وهمومي ورق
لين صرت اليوم همي المستحيل
ياللي طيفك يملي دايم مدمعي
قلي ليه وانت معي منت معي
لو تجاملني تسوي بي جميل
من يقول الحب بسمة ماتفوت
لو يحب يشوف كم مرة يموت
في الجفا وقبل الجفا وبعد الرحيل
(طفلتي)
طفلتي ..قد كتبت اسمك ..بما..وانمحى
..........فوق يمَك.. بهمَك.. كان دمَك يسيل
تلمع الشمس في خدك.. واشوف الضحى
..........وارفع الليل من جفنك.. واشوف النخيل
فيه طفل بعيونك.. لانويتك.. صحى
..........و اوقض بداخلي.. شيمة كريمِِ أصيل
أرسل احلى الكلام.. ولا وصلك استحى
..........مابقى صوت يحملني.. صهيل وهديل
كلَ ماجيت اباصل.. يم نورك.. نحى
.........مثل شمسٍٍ.. على ليلٍ وفي.. تستحيل
آه ياهم َعمري.. وش بقى ما انمحى
.............كل ما اكتب على الما.. لك رساله.. تسيل
(أراضيك)
ماأصدق فيك
او مهما قالوا لي .. نسيك
ومايبيك..
ولو شفت بعيوني خطاك
مأخطيك
أزعل واراضيك!!
أنا ماصدق فيك
لو يحكوا كل الناس
لأنك حبيبي
مو حبيب الناس!
ياقلبي المكسور
تعبت انادي النور
إلى متى هذا الشعور
مبتور صوتي
ولا لقيت بصدق
..من يفهم سكوتي
حبيبي ياقاسي
أنا ماصدق فيك
غير قلبي واحساسي
حبك..من عيوني..يبان
ويبان بانفاسي
ياللي هزمت الحزن
والدمع في ياسي
ياموطني الدافي
أنا ذبحني البرد..مابين المنافي
آآه ياأغلى المرافي
لأني فيك مااسمع كلام
وماصدق فيك
(الأغاني )
بعض هم وبعض بوح
بعضها يبقى وأغلبها يروح
كيف تطرب وإنت تدري
إنها صوت الجروح
يا عيونٍ ما تبوح
جبت لك قلبٍ ينوح
أنا محتاجك دوى
أنا مو ناقص جروح
الليله
أنا ضيف عيونك
جيت أكذب ظنونك
جيت أقول إني أحبك
وكنت ضايع بدونك
يا حياتي
ولا أنت أغلى من حياتي
كيف أخونك وانا نصفي في شفاك
ونصفي الباقي فعيونك
أنا لعيون الهوى
جيت أنا وجرحي سوى
أنا محتاجك دوى
أنا مو ناقص جروح
الله يا حلوك
بعيوني يا حلوك
بعتابي يا حلوك
بعذابي يا حلوك
حتى المرايا تقول
معاي يا حلوك
إنت اللي صالح بسمتي وشفاتي
وإنت اللي أعطى الليل كل أوقاتي
لا تعودني وتروح
ما بقى في الروح روح
أنا محتاجك دوى
أنا مو ناقص جروح
( كل ماوعديتني )
كل ماوعدتيني بليل .. اشرقت شمس
وكل ماتمنيني بضحى.. خانه غروب
الله يعلم من بروحه .. سقى الغرس
ومن وقف الدنيا على رمش محبوب
جرحي .. مثل عيني .. تهامل من اللمس
ودمي .. مثل دمعي .. عزيز .. لك يذوب
ياعل .. ماغيرك احد يجرح النفس
وياعل .. ماغيري له الحب عذروب
ياليت لامن قلت (( ياليت )) عاد امس
وان قلت ((لو))ماني على الحلم مغصوب
باقول .. للمره الاخيره .. وباهمس
(( حبيبتي )) أغلى نداء .. عنه باتوب
( مثل الزمن )
يا حلو.. في شفتك أهلين
غير اللي اسمعه أنا من سنين
قبل اسمعك.. شفتها بالعين
يا اللي وعودك مثل بعدين
مثل الزمن مالك أنت اصحاب
يا سكر المجلس الهادي
همسك قطع قلب حسادي
النار في خدك تنادي
أغار وتقول لي عادي
مثل الزمن مالك أنت اصحاب
ماقلت لك لاتطيع الناس
كذبهم وصدق الاحساس
ماحد يعيرك دمع وانفاس
وانت ولا تعرف الا الياس
مثل الزمن مالك انت اصحاب
( العاشق)
العاشق أخـر طفل او أول إنـســــان
قـلبه مثل نفح النسايـم عـلى الـمـــــا
العاشق أجمل طير له كل الالــــوان
سمّوه طير الروح تـفـداه الاسـمـــــا
وجرح الضنون عيون عنوانها كـان
تسرح بعيد ولجلها الجرح يـدمــــــا
لو عـذبت قـوافـلي كل الاوطـــــــان
وشلون ابا صلها ونا دربي اعـمــــى
كان الأمل بالوصل له ضوح دخـان
انا غـدى قـلـبي رمــادِ وظـلـمـــــــا
وكان الفراش يعـذب النور تحـنـــان
أنا شـربت الــدمـع وبلمحه أظـمــــا
أغـلى الشـعـور معانـق ايدين خـلان
فيه الكـفـوف قـلـوب والروح تسـمـا
واصعب شعور موادع انسان لنسان
منه العيون تـشبه الـــدمــع بالـمـــــا
( تعالي )
تعالي
كثر مارحتي
لو مرة تعالي
مثل همي مع الظلما تعالي
كثر ماكلموني فيك عذالي .....تعالي
طيفك ملا كل الليالي
وافي مثل جرحي
أغفي معه وأصحي
غيّر صور كل البراويز
شال الصور حط العزيز
أقفل علي الباب
وحدي بلا أحباب
يرفع ظلام ستارتي
ويدخل بلا أسباب
طيفك غريب
طيفك قريب
طيفك أبد مايشبهك
وافي وحبيب
ياوطني يا حبي
ياعاصمة قلبي
حبيني لو ليلة
حسّي بي لو ليلة
اسهري لي بانتظار
دوريني في الديار
الحب مو جنة وبس
الحب ماهو بس نار
قدر ............ولا فيه أختيار
يامسافرة لليل ......جيبي لي شمس
يامسافرة للصبح ......جيبي لي أمس
الحب يبغى حاسة
غير الحواس الخمس
( كل السحاب )
كل السحاب اللي تحت وجه الثرى مسجون
وكل التراب اللي رقى متن السما ضامـي
وكل اليدين اللي غدت لجل السلام عيـون
تملي الكفوف من التراب وتحثي احلامـي
وكل الشتا لو يجتمع فـي ليلـه ويكـون
لو البسـه كـل الحريرمايدفـي عظامـي
حبيبتي مالـك محـب الاانـا المجنـون
ذنبك انـا وانتـي معـي تفكيـر اثامـي
من قالك ان البدو بيـت شعـر وضعـون
ماقالـك شيمـة هلـي وافـي وكرامـي
انا اول بدوي خلقه الله قبل الكون
وانا اخر بدوي بقى اتيه بهيامي
مابه ثرى سكن تحـت الثـرى مسجـون
ومابه سحاب لو سكن تحت الثرى ضامي
( عاتب الامال )
عاتِب الآمال وأمسـح دمعتـي
وأبتسم لي وأسقي عطشان الحنين
وأنعش أشواقي وعانـق لهفتـي
وبدِّد الأشجان عن قلبي الحزيـن
في لهيب الصَّـد ذابـت عبرتـي
والدَّموع يهزها عـزف الأنيـن
الظَّنى شف كيف غيـر حالتـي
صِرت دمعة حزن في رمش السَّنين
ناجني وأهمس وجـدِّد فرحتـي
خلِّني في عالـم الفرحـه رهيـن
خل عمري تبتسـم لـه دنيتـي
وفي دجى سُهدي سنا حبَّك يبين
إنت في دنيـا غرامـي سيرتـي
وفي عيون الشَّك مرسول اليقين
خِفت موج الشَّك يغرق حيرتـي
وأستعير الياس للحـب الأميـن
02-05-2011
لم يقتلوا إنسآنآ فقط ..! إنهم قتلوا كل معآني ( الحب والنقآء) 
رد: لم يقتلوا إنسآنآ فقط ..! إنهم قتلوا كل معآني ( الحب والنقآء) 
المواضيع المتشابهه 
العرض العادي
