من هو اللي؟

من هو اللي ضامته سود الليالي=ومن هو اللي تـاه في وضح النهار
من هو اللي كان له وكرٍ وعالي=ومن هو اللي بالعـلا وقّع وطار
من هو اللي سمعته هـو المثالي=ومن هو اللي سمعته عِزْ و وقار
الجواب عندي انا يا هما لالي=قدعرفت الحل قبل الاختـبار
هكذى الايام وايضا و لا تزالي= مـع ليـاليها بجلد مسـتعار
ترفعك محشوم بروس الجبالي=وتخضع لقدرك كم روس كبار
وتصبح المحبوب والمحبوب غالي=كلمتك مسموعه بابشر و صار
يرتجون اللي جمعته من ريال=يلقبوك الشـيخ ولو دينك يسـار